夫妻沸片-台式麻辣火鍋 (已結業)

又黎啦！【養顏花膠雞鍋】$178先飲啖湯，再加水打邊爐。有成半隻雞，店員會幫我地剪開一件件，淨系飲湯同食雞都飽左一半，花膠都有成8片，食落爽爽地，雞油出哂黎，湯系油左d不過好濃郁。【麻辣鍋】$108雖然叫左大辣，但系吾覺好辣，帶少少酸，裡面有鴨血同豆腐。【桶蠔】$198勁大隻勁肥美厚肉，煮完冇縮哂水，不過有少少沙【虎蝦】$58menu紙上螢光筆highlight既系呢到招牌/受歡迎菜式，叫左隻試下先，肉質幾爽彈，鮮甜！【手必牛小排】$238上次黎都有食，叫小既都大大份勁多片，好抵食。肉質細膩柔軟，肉味再重d就好，食多會有少少膩，可能頭先飲左雞湯關係。【自家制手作麵】$38一定要叫，落系麻辣湯底，吸哂香料味，花椒少少麻痺感好爽，麵質彈牙有嚼口！【黃金卷】$38吾系自家即叫即炸，似平時街市買到果d。【蘿蔔件】$38扔系花膠雞湯煮，好清甜無渣；麻辣湯反而會有陣酸酸地味。

為咗氹番我 老公決定一訓醒就帶我食好野 佢仲記得上次行過旺角有間新開台式火鍋好想食中午就打邊爐我都係第一次試 主打麻辣火鍋 我地揀咗鴛鴦湯底 招牌湯底夫妻鍋併美人鍋夫妻鍋即係麻辣鍋 美人鍋即係養顏花膠雞鍋睇番餐廳介紹原來佢地33年歷史嘅台灣過江龍 店員仲話可以先飲湯底後打邊爐 咁先係原汁原味 我地就先飲美人鍋 隨時都撈到花膠或者鮮雞件雞嘅鮮味淆晒入湯底 香甜而不膩 再嘆夫妻鍋 陣陣藥材味 重椒香 最特別係連油都飲得我地就落埋個二人套餐 貪佢包羅萬有 唔使諗 美國西冷片拼美國肥牛肉卷 牛肉肥瘦均勻 肉質嫩滑唔韌 唔係平時凍肉鋪嘅普通貨色 手工鮮蝦丸拼手工梅菜豚肉丸 手打成滑相對機製而成更為鬆軟烚熟後蝦丸爽口彈牙帶鮮 豚肉丸粒粒渾圓 梅菜自帶咸香 唔使點醬汁都夠晒味菜肉蝦雲吞拼鮮蝦菜肉餃 皮薄蝦爽 饀料多但唔會爆皮 黃金卷拼炸魚皮 炸魚皮大推 入口滑嘟嘟 油麥菜 生菜 皇帝菜 南瓜 藕片 仲有萵筍同埋打邊爐必點嘅紅薯粉原來二人套餐再送一口牛 牛粒咬落有嚼勁 建議淥分半鐘 口感啱啱好店員又特別推介以蒜苗調味 加兩勺麻辣汁 呢個係台灣最正宗食法 試咗味道又唔錯 最後食埋個是日糖水蕃薯芋圓湯水

今晚黎到呢間專食台式麻辣火鍋嘅夫妻沸片, 餐廳地址雖然話喺雅蘭地庫, 但原來個入口位係喺山東街果邊｡餐廳室內環境以中國風為主, 設計裝飾充滿濃厚嘅傳統古典味, 別具一格｡Menu 整到好似成張報紙咁, 仲會簡單介紹一下餐廳背景｡有 4 款湯底選擇, 每款都列寫左湯底嘅材料｡兄弟鍋兄弟鍋即係酸菜白肉鍋, 材料份量十足, 有酸菜、豚肉、酸蘿蔔、青蔥 & 紅薯粉, 湯底味道酸咪咪, 非常醒胃｡手切牛小排可以揀半份或一份, 呢碟係半份嘅份量, 但一 D 都唔少｡牛小排色澤紅潤, 大理石紋清晰可見, 肉質滑嫩, 牛味濃郁｡滷牛肚滷到非常入味, 口感軟嫩適中, 無論係就咁食定係放落去打邊爐都無得頂 !! 麻辣嫩鴨血台式火鍋必點項目, 咪睇佢成碗紅卜卜, 以為好辣, 其實佢只係屬於微辣, 而且仲帶點酸辣味, 鴨血一 D 都唔腥, 而且較有韌性, 唔會一夾即斷, 食起黎口感較脆｡韭菜餃 (半份)韭菜味香濃, 鐘意食韭菜嘅人絕對唔可以錯過｡魚皮餃 (半份)爽口彈牙而且啖啖肉 !西洋菜 & 娃娃菜蕃薯糖水打完邊爐之後, 仲會送上甜品｡ 蕃薯煲到夠淋身, 甜得黎帶點薑味, 而且仲有 2 粒芋圓添 !!

天氣涼涼地又係打邊爐嘅時候， 朋友話雅蘭中心開咗間新嘅台式火鍋， 餐廳位於地庫 中環特別雅緻，滿滿嘅中式燈籠配合古色古香嘅裝修，別有風味！我哋買咗個美人鍋同兄弟鍋雙併， 加埋花膠加埋原隻雞淆製嘅足料雞湯， 服務員會細心幫你剪開雞件再建議我哋先飲幾碗湯，花膠食落重膠質，口感爽滑彈牙，滋陰又養顏！ 而雞湯吸收咗雞嘅精華，超濃味卻唔會好油膩， 令人忍唔住住飲完一口又一口👍🏻團團丸丸分別有手工鮮蝦丸、 墨魚丸、梅菜豚肉丸同鯪魚丸。丸類全部都唔細粒，而且口感超級有層次且有咬口！我最欣賞梅菜豚肉丸，咬落肉質爽口彈牙，有少少似食肉餅嘅感覺，鹹度又適中😛老油條我鐘意放落兄弟鍋，即係酸菜白肉鍋度食，味道好match！ 而且脆卜卜嘅油條，直接食又得，浸軟食都得！西班牙黑毛豬係估唔到的咁大碟，兩個人如果再有其他配菜相信會相當飽！黑毛豬薄薄的一片，肉質較為軟腍，油脂亦較為多，所以食落鮮嫩、油脂味濃又帶點鮮甜，幾高質！！😋一口牛一粒粒嘅一口牛size啱啱好，而且粉嫩油脂均勻，咬落非常的彈牙、鮮嫩，而且好有牛味👍🏻炸響鈴響鈴卷炸得好脆口，又不會太油膩， 浸到湯裡吃，吸了雞湯嘅精華，係火鍋最佳嘅配搭☺

熱潮之下嘅又一間台灣過江龍麻辣火鍋，呢間仲要話個湯係飲得架添，梗係要去試下！叫左個麻辣鍋拼酸菜白肉鍋，滾起左先呷啖麻辣湯，飲落都好濃，但又唔會搶喉，幾得意；至於個酸菜白肉湯就酸酸地，幾開胃，烚菜應該唔錯。兩個人去食叫唔到太多野，叫左份鮑魚、扇貝、羊肉卷、老油條同埋皇帝菜。海鮮尚可，但未至於鮮度拔群；反而羊肉卷有啲驚喜，肥膏位唔多，羊羶味亦啱啱好，食完都唔會好guilty。仲要一提鍋底入面已經有好多料，鴨血同豆腐都好好食！除左價錢稍貴之外，都係一個唔錯既選擇。

-我嘅人妻朋友上星期同佢老公試食過呢間打邊爐之後激讚😍， 點都話要今日帶我再嚟食過。 貓貓🐱🐈嘅feature wall好靚🤩好在早少少就過嚟食， 七點打後就真係開始好多人喇。自選鴛鴦煲：麻辣鍋 ［中辣🌶️🌶️］（$108）：有麻辣嫩鴨血、 豆腐、 有多種藥材。 花膠雞鍋 （$178） ： 未開始打之前，個湯清清地仲可以飲埋， 有埋花膠夠曬補身。 仲有半隻嫩雞🐔食！！虎蝦🦐（$58）有手掌咁長嘅大蝦。炸魚皮🐟（$58）黃金卷（$58）打邊爐嘅前菜點少得呢兩款手工鮮蝦丸［半份］（$59）蝦肉🦐🦐多到200%紅薯粉（$38）唔想食一般嘅粉絲，都可以試下呢個金針菇（$48）菜肉蝦雲吞 ［半份］（$49）香辣豚肉🐷丸（$39）竹蔗茅根水 🥤［一杯］（$28）翡翠檸檬烏龍茶🥤［一杯］（$28）👍培火鐵觀音珍珠奶茶🥤（$28）👍御翠烏龍珍珠奶茶🥤（$28）呢兩杯珍珠奶茶，真係要激讚嗰茶底。茶味極濃。 仲好飲過街邊嘅珍珠奶茶。 椰子🥥糯米糍（$38）送甜品［地瓜甜湯］原來有糖水送，仲好有心思醬料費（每人$20）真係激讚！！！！第一次食打邊爐的服務態度好到不得了！！！ 超級細心、講解詳盡！！等我！ I w

近來, 台式火鍋在香港開到成行成市, 這次加入戰團的就是有33 年歷史的正宗台式火鍋 - 夫妻沸片。在平日的晚上7 點到達, 已經很多人，過多一會就已經滿座。建議有興趣的朋友要先訂位。侍應的服務態度很好, 有細心介紹餐牌, 亦有推介招牌菜式, 上菜時也有介紹每一種配料的煮法或食法, 確實有複製到台灣的優質服務。 我覺得台式火鍋最重要的就是湯底, 今次選擇了雙拼鍋 – 夫妻鍋和美人鍋。夫妻鍋就是正宗台式麻辣鍋, 裡面的鴨血是由台灣直送, 口感十分嫩滑, 豆腐十分入味。美人鍋就是花膠煲雞, 由於是雙拼鍋, 所以只有半隻雞。湯底煲滾之後, 店員就會前來剪雞, 方便客人食用。之後還會盛湯給我們喝, 十分窩心。花膠湯很夠清甜, 喝下去是很滋潤的感覺。花膠的份量很多, 質地夠腍夠膠, 是女士們打邊爐湯底的不二之選。 手切牛小排($238/半份) 雖說是半份, 但也很大碟。肥瘦均勻, 也沒有太多筋, 口感較軟, 不過肉味就較淡。 豚肉花（$118） 由豬頸肉砌成的一朵花, 十分漂亮, 真是唔打得都睇得。整朵肉花放下去煮, 看著它慢慢散開, 真是十分過癮。 老油條（$48） 建議食法是放進麻辣湯底中十

聽朋友講旺角開咗一間台灣黎嘅麻辣火鍋舖，我同女朋友去完台灣之後就一直好掛住台灣嘅麻辣火鍋，今日做完gym點都要去會一會佢。先點左一個招牌夫妻鍋，即係鴛鴦鍋，一邊係麻辣令一邊係酸菜白肉。經理話佢個麻辣湯底係熬製左12個鐘頭嘅牛骨湯，可以先飲一碗再打邊爐，果然試咗一啖之後，就覺得麻香味濃，湯底本身仲有鴨血，佢嘅鴨血絕對拍得住台灣嘅口味，令人一試難忘。酸菜白肉鍋就微微帶有點酸味，用嚟解辣係一流。打得邊爐又點可以唔叫牛肉呢，叫咗一份細嘅手切牛小排，估唔到都幾大份，兩個人食細食啲都食唔晒。牛小排唔太肥就最啱我同我女朋友食，而且肉味濃郁又有咬口，配合麻辣湯底真係一流。野生竹笙同凍豆腐放落個麻辣湯底度，吸盡麻辣湯底嘅精華，真係冇得輸架。而且竹笙又夠晒爽口，會令人食到唔停口。廣島生蠔一份有六隻，全部都大大隻，只要掌握得好時間淥得啱啱熟，就會食得出生蠔嘅鮮味，而且一啲都唔腥，食得出用料新鮮。個百香果鮮吉綠茶唔太甜，帶有新鮮吉仔嘅微酸，如果唔食得辣嘅朋友用嚟解辣係一個唔錯嘅選擇。最後仲送咗一個芋圓蕃薯糖水，本來食到好飽嘅我哋都係諗住淺嘗就算，但最後都係忍唔到口食晒因為真係好好味。總括來講呢一間回頭率絕對有

最近旺角雅蘭中心新開左間台灣過江龍麻辣火鍋「夫妻沸片」，有33年歷史，為台式麻辣火鍋店元祖之一，火鍋迷必定要來試試！餐廳裝潢得好有台灣風味鴛鴦火鍋湯底(夫妻鍋+美人鍋)大貪的我兩款湯底都想試，所以揀左鴛鴦鍋！夫妻鍋即係麻辣鍋，湯底以20幾款材料用上12小時熬制，並且加入左24小時慢煮台灣鴨血及48小時慢煮豆腐而製成的！鴨血好大片，口感軟滑有彈滑動感，一啲都唔腥，好鮮味；豆腐結實有豆香！我地揀咗小辣，辣度適中，入口帶有麻香！美人鍋即係養顏花膠雞湯，材料除咗有養顏花膠同光雞，仲有紅棗、杞子、當歸等等食材，滋陰補血，養生又養顏，女士們必點！花膠份量絕不吝嗇，光雞有半隻，非常足料！店員建議先喝湯底，飲得出係冇加味精，啖啖鮮雞味，正啊手切牛小排色澤新鮮，牛小排有光澤，脂肪分布平均，厚薄適中，牛肉味特別香濃，入口軟腍，好高質！團團丸丸每粒都好似乒乓波咁大！分別有四款不同的手打丸：鯪魚、墨魚、梅菜豚肉、同鮮蝦丸。食得出係冇加麵粉，真材實料手打而成，所以墨魚同鮮蝦丸特別有嚼勁同鮮味！梅菜豬肉丸都好美味皇帝菜新鮮又翠綠的，份量好多！野生竹笙軟綿綿又爽口的竹笙，好似海綿咁吸收晒湯底嘅精華，打邊爐我最鍾意點

網路上看到有間從台灣來香港開分店的火鍋店，該公司在台灣已經有相當歷史，湯底是台灣養生鍋為主打。店內裝修有點古式古香，亦帶點台灣特色。招牌夫妻鍋：麻辣鍋加酸菜白肉鍋$188，麻辣鍋的味道是台式麻辣鍋的味道，湯內有鴨血和豆腐，湯頭帶點藥材味、麻辣味亦濃，餐牌上介紹可以先喝一碗湯，然後才開始火鍋。而酸菜白肉鍋，內有津白和腩肉，酸味不會太濃，反而帶點香甜。老油條$48，只需放在鍋底十秒，待吸收些湯底就可吃，油條不會過腍，還很脆口。麻辣嫩鴨血$58，鴨血軟滑帶著麻辣香味，是一道非點不可的火鍋配料。虎蝦兩隻$116，長度約有18cm長，蝦肉爽甜彈牙，以這個價錢來說是非常超值的。萵筍片$38，清甜爽口，放在酸菜白肉鍋內，味道更佳。手切牛小排$338，份量很大，肉質偏腍，脂肪分佈均勻，牛肉味道濃郁，吃完這個牛小排，對我這個牛魔王來説，已經是大滿足了。焙火鐵觀音珍珠奶茶(凍)$28，鐵觀音味道清香，加上珍珠夠煙靭，是非常配合這餐台式火鍋。

服務真心吾錯，每樣食物送上黎都會講解下點正宗食用方法。叫左夫妻鍋—麻辣湯，加入台式蒜苗更加鮮甜同暖男鍋—人蔘藥膳，藥材味吾會太強烈，幾易入口。like fb 有優惠價$68購買4隻鮑魚/龍蝦/帆立貝，任選一款。龍蝦大大隻，龍蝦肉爽口鮮甜，好抵食。【手切牛小排】$238勁大盤，份量好多，肉質嫩滑，但肉味吾夠重。【油炸鬼】$48要浸到落底沸煮會冇甘油，一開始以為會好似響鈴甘幾秒就得，好快撈返上黎，的確系冇甘油，但系未入到味，要煮耐啲。【團團圓圓】$1184款8粒，鮮蝦丸、墨魚丸、鯪魚丸同埋梅菜豚肉丸。【麻辣嫩鴨血】$58次次叫麻辣湯底一定會額外叫多份鴨血，好嫩吾腥。送甜品，清清地甜甜地既番薯糖水幾解辣。

去過台灣咁多次，次次都好想試下麻辣火鍋，可惜次次都因行程問題吃不到😣果日路過旺角，見到原來台灣名店係香港開左新分店😍😍即刻拉左男友入去試下。呢間火鍋店裝修比較高級，天花掛滿燈籠，好靚！另外仲貼心地準備圍巾比客人，咁就唔洗怕整污糟件衫啦😆呢度有自助調料區，每位收費$20。特別係有提供蒜苗，聽講台灣人就係用蒜苗加麻辣火鍋湯底就當沾醬，不過我試完覺得唔啱我口味😆鍋底選擇唔算多，我地揀左🎈招牌夫妻鍋$188，就是一邊麻辣火鍋，一邊酸菜白肉鍋。麻辣火鍋味道同四川不同，藥材味較多，不會太麻。內裏已有凍豆腐同鴨血，鴨血好嫩好入味，超正🤤酸菜白肉鍋湯底甜甜地，不會太酸。酸菜比較爽脆，不會太濃味，同酸菜魚的酸菜完全兩件事，推薦大家試下。另外鍋底內都已經有大量白肉，感覺好抵食😃👍🏻🎈手切牛小排（小）$238估唔到小份既份量已經咁多，完全係其他火鍋店既大份！！！牛小排非常新鮮，牛味濃，而且肉質好柔軟，大推！！！🎈桶蠔$198我第一次食咁大既蠔😦每隻都好似碗咁大，而且煮完都唔會縮水🤩超級肥美鮮甜！圍返先$40蚊隻真係好值得👍🏻🎈鮑魚$58只要讚好ig就會可以優惠價換購$68蚊龍蝦或者$58蚊四隻鮑魚。鮑魚品質

重慶火煱吃膩了，可以試一下台式火煱，最近在旺角開了夫妻沸片，是真台灣火煱店。中式裝修，掛上紅和黃色的燈飾，用木屏幕分開大枱，環境雅緻，走中高檔路線。蒜苗醬經典地道，鴨血台灣直送，5秒泡老油條，跟住食，準沒錯！用tablet 點餐，方便清楚。招牌夫妻鍋($188)就是鴛鴦鍋，麻辣鍋+酸菜白肉鍋，是台式經典配搭，可以選辣度。麻辣鍋有鴨血、豆腐、紅棗、蒜苗、草果、白豆蔻、辣椒乾等，湯頭用上熬製了十二小時的牛骨湯，材料豐富，裡面有不少台灣鴨血和豆腐，先喝湯，入口香麻，湯底挑了微辣，不會很辣，鴨血和豆腐再放久一點才吃，會更入味！正宗台式風味，不用加醬油，只放鮮蒜苗再加麻辣湯，真的有夠地道。茶芥及汁醬($20/位)。老油條($48)，竟然有台式老油條食法，十分有特色，跟別的港式、重慶火煱不一樣，放湯後還是酥脆，再吸收湯的味道，一試愛上！兄弟鍋就是酸菜白肉鍋，有酸菜、豚肉、薑葱，酸菜不會很酸，吃這個就可以不點菜類了。培火鐵觀音珍珠奶茶 ($28/凍)茶飲帶台灣風味，口味正宗，不輸茶飲店。手切牛小排($238/半份)，肉片蠻厚的，肥瘦分佈均勻，口感爽口帶筋，又有嚼勁，非常有質量，而且份量不少，cp值超

無訂座，二人行，被安排在包廂內拼桌但有桌上間隔板給予彼此穩私空間。選了雙拼湯底：麻辣鍋及酸菜白肉鍋，激讚！麻辣湯並不是油油的那種，反而有種正氣的藥膳感（並不是藥材味！）。而酸菜鍋更是有種清甜新鮮的味道，完全是在喝老火湯的感覺，我和老公都不斷飲湯底，連酸梅湯都要行埋一邊（利申：我兩夫妻是食火鍋一定要飲酸梅湯的人）。火鍋過後（尤其在我們狂飲湯底嘅情況下）完全無口渴的情況！以下是我們當晚所點的食材:這是雜丸拼，名為團團圓圓，手打丸中以梅菜豬肉丸最為推介！係梅菜豬肉餅的味道但係丸狀！其次是香辣豬肉丸（忘了拍照🤦🏻‍♀️），辣度適中帶香，是夫君最愛。牛小排，份量好充足(相片係我地食食下影的🤦🏻‍♀️)，抵食！結帳時才知道還有番薯芋圓糖水送！細細一碗不浪費，味道我個人覺得幾好，為火鍋大餐畫上完美句號。服務: 除了門口派位的職員不太友善外，其餘遇上的職員都十分友善，這店是我見過加湯最勤力的，完全不用你叫，因為職員不時留意我們的需要，不論加湯或收碟均是自動波，讚！(留意:係加湯而不是加水，而且是加入與你湯底相應的湯，所以湯底並不會愈食愈淡)溫馨提示:店內有Fb和 IG的推廣活動，可用68蚊點一隻龍蝦，我覺