大都烤鴨 (已結業)

適逢平安夜，公司秘書拉隊出去午餐食餐勁嘅（簽老細張卡🤣）！一行七人，因為二人一台嘅禁令，包起咗間廳房。一於每台叫個二人餐，再叫半隻「烤北京填鴨」share~=========================揚州午市套餐（兩位用）$338套餐有六道菜，包括前菜、主菜、湯羹、小籠包，同埋麵食。◊ 大都二小碟裏面分別有「烏鎮餚肉」同埋「醬蘿蔔」。「烏鎮餚肉」上層晶瑩剔透，底層夾雜着肉碎，整體較鹹，配上陳醋醒胃。「醬蘿蔔」頗大件，蘿蔔爽口，帶醬油香，亦偏鹹。◊ 糖醋魚塊有七至八件魚塊，配料有菠蘿、青紅椒、洋蔥、椰果（？！😅）相信廚師選用罐頭雜果，糖醋魚塊有椰果嘅配搭幾新穎，但係熱嘅椰果食落有些少奇怪 😅 魚塊炸醬偏厚，加上唔係即整嘅關係；上枱時，已經腍晒 ☹️◊ 西芹百合炒帶子不過不失，百合西芹爽脆，可惜帶子有雪氣味 ☹️◊ 淮揚灌湯小籠包小籠包皮薄、多湯；見到裏面嘅湯汁盪下盪下。◊ 清水雞湯雲吞雲吞有兩粒，皮薄；仲有一件雞，雞件完整，相信係臨整好後加入碗中；碗底有火腿碎，但雞湯冇火腿味，飲完口渴 🙈◊ 蔥油拌麵先將碗底嘅豉油醬汁與手打麵條混和，面頭有爆香嘅蔥段，亦有新鮮蔥花，但因為爆香嘅蔥段爆至

今日係平安夜，聖誕前番工嘅最後一日。今日睇怕都係冇得早走架喇，不過午餐秘書一聲令下我地就全公司出去食個聖誕飯。黎到k11嘅大都烤鴨，門口切片皮鴨嘅廚房用玻璃設計，可以吸引途人睇到師傅切片皮鴨。 我地一行七人因為疫情關係要分開4枱坐，基本上將廳房包起。午餐餐牌都有唔少選擇，有一人餐，幾款二人套餐。我同飯腳同事一枱，就叫左個淮洲午市套餐，總共有6道菜。======================淮洲午市套餐 $298 蠔油蘑菇 估唔到蘑菇做前菜幾清新，凍凍地，蠔油味突出有啲咸，切薄片俾師傅表演刀功 酸魚類似冇乜甜味嘅糖醋魚塊，不過不失，可能預先整好所以冇左炸皮嘅口感 淮湯灌湯小籠包皮薄餡靚，薄皮顯得小籠包精凝通透，將湯汁鎖係包皮裡面 元貝鴨絲羹配料有鴨絲、冬茹絲同荀絲，好重鴨羶味，有口感 咸肉津白咸肉對我黎講比較咸同肥膩，津白啱啱好中和左果種肥膩感大都炒麵店舖命名嘅炒烏冬，其實係豉油皇鴨肉炒烏冬，比較油膩不過味道幾好 大千烤鴨架其實係三杯鴨，個味道同三杯雞好似，不過不失 總括黎講大都烤鴨比較適合一大班人食先試到多啲唔同類型嘅菜式大都烤鴨📍尖沙咀河內道18號K11購物藝術館2樓221號舖

專程來食大都烤鴨，其實姐係片皮鴨，都係夾住d 配料+塊薄餅皮食。有得揀全隻定一隻，我們想試多d菜色所以只嗌了半隻。烤鴨用的是白河浦鴨，烤鴨皮夠香脆，脂肪不多，吃起來不會覺得好油膩。覺得餅皮太少了，剩下半份鴨已用完餅乾，應該比多d客人。烤鴨皮和鴨肉，卷上蔥青瓜條和烤鴨醬，好吃！不過我覺得價錢有點貴。小籠包雖然多汁，但每隻一夾就穿，覺得皮太薄了，再多汁也只是浪費。甜品造型跟照片有落差，味道還可以。餐廳服務質素一般，人手唔夠落單又常忘記，有待改善。

上次屋企人買烤北京填鴨外賣，凍咗左都仲好食，所以今次預先訂咗左位再食訂位同侍應帶入位時，都無提過用餐時間限制，可以食耐少少。4個人叫咗6個餸，上菜速度幾快，食完一道菜好快上另一道菜。1. 烤北京填鴨 半隻($278) 真係片皮鴨，皮無帶脂肪而且好脆2. 江南松子魚 ($ 298)無諗過份量咁大，$298 呢個份量算幾化算。個醬汁有多菠蘿粒粒 味道酸酸地，唔錯3. 鴨肉未麥包 4位用 ($88)鴨肉碎配8個包，肉碎偏咸，配包食唔錯因為包無味，食剩嘅肉碎好岩送飯。4. 淮揚灌湯小籠包 4件 ($55) 皮好薄而且好多湯5. 四喜烤麩 ($68)6. 清炒西蘭花 ($98)整體黎講，唔錯味道好好價錢合理，有機會可以再黎食

上openrice 睇睇有咩食啦，睇到呢間食鴨就嚟試下。因為冇訂位，要向reception等多一陣，安排坐位時發現坐位正正對住洗手間出入。咁就同服務員講可否換另一張檯，俾咗張入房嘅檯坐低後叫咗茶，足足等咗十分鐘都未嚟到，行出去問個著西裝嘅員工，佢叫我等多一陣。再等10分鐘都見未有，我未食已經走人。唔會嚟。

中國菜系中北京烤鴨都算係我其中一樣最鍾意嘅美食，所以我自己好熱衷周圍試吓唔同餐廳嘅北京烤鴨睇吓邊間最好食。K11嘅大都烤鴨都算係係香港來講我覺得都幾好食嘅北京烤鴨，佢嘅配料比較特別除咗普通嘅京蔥青瓜之外，仲會有蜜瓜，可以令烤鴨嘅味道提升到另一個層次，另外佢嘅餅皮唔會話好厚，加埋砂糖同埋甜面醬包起來嗰陣一啲都唔會話太肥膩，不過因為佢嘅價錢都唔平，所以唔係成日食。今次都特登叫幾個朋友仔一齊去食下，順便食下佢其他嘅餸菜。我哋就叫咗個二人套餐，另外叫多咗一份糖醋魚，雪裏紅火鴨絲年糕，同埋額外一份小籠包。小籠包嘅質素都唔錯，皮唔算太厚，而且湯汁都好多，我覺得合格以上嘅！另外糖醋魚我都覺得幾驚喜，一嚟都幾大碟，而且佢嘅魚肉幾香，炸嘅外皮唔算太厚，食到有啖啖肉嘅感覺，相比之下雪裏紅火鴨絲年糕就比較遜色，雖然都聞到鴨油嘅香味，但係相比之下就比較普通。二人餐我覺得性價比都唔錯嘅，佢包括左半隻烤鴨，黑椒炒蝦仁，干扁四季豆，豆腐湯羹同兩份前菜，價錢大概係四百幾蚊左右，我自己覺得味道都唔錯嘅，如果同屋企人食好啲嘅話我都覺得係一個好選擇！

星期五晚尖沙咀周圍都full，7pm去到K11經過大都烤鴨，唔夠15秒就安排入座。點了＄688嘅2人餐，炸魚塊烤夫／小籠包／乾煸四季豆都ok，但烤鴨d餅皮上枱已經唔熱，黑椒雙蔥爆蝦球～擺盤好似打完風咁，鴨絲羹無味。好耐無嚟食估唔到食物質素差了，套餐性價比低……唔抵食。

兩個人行到K11突然醒起有間烤鴨一直都好想試，於是走去睇吓要唔要等位先，好彩walkin都有位即刻有得坐，不過就個半小時交番枱但都夠哂時間，門口已經見到2人餐有鴨又有小籠包已經唔洗諗即叫，用銀聯卡仲有75折，小食酸魚＋烤夫都唔錯，元貝鴨絲羮食到中段已經開始覺得太咸，片皮鴨嚟講就無乜驚喜亦唔見到非食不可，黑椒爆蝦同乾煸四季豆都係好重味丹(味精)，我覺得最好食嘅係得淮揚灌湯小籠包，總括嚟講試過一次都應該唔會再嚟食。員工服務態度都係好有禮貌及效率👍

真係片到得返層皮嘅片皮鴨上枱時都夠氣勢未入口都聞到好香，入口就是脆得泥冇肥糕，所以好容易就食晒，一d都吾溜。其他食物都ok，環境舒適，好多卡位，服務都吾錯。加上有套餐，可以不用傷腦筋，值得再來。

朋友突然想食片皮鴨，所以找了這間嘗試。我們選擇了一個二人套餐，再加了雞絲粉皮(擔心吃不夠🤭🤭)套餐菜單有兩個前菜👉🏼 酸魚，烤夫酸魚味道就與咕嚕肉一樣，也是酸酸甜甜的，令人有開胃的感覺。烤夫是類似麵筋的食品，口感也很特別。然後到元貝鴨絲羹，味道略為偏淡，但也可接受，肉絲也挺多。最重要就烤鴨，整體也挺不錯，皮的口感脆身而不膩，鴨肉也很嫩滑。還有兩個小菜+一籠小籠包。整體也可以去嘗試😋

疫情以來冇食過。仲要禁晚食。烤鴨感覺食得，但比起之前差左。由前菜生果盤冇左開始，到烤鴨個 sauce 小小酸好杰。整體爭左啲冇可樂得 coke light.. 係咪太耐冇做晚巿。。。special 小籠包 tasty keep tasty雞絲粉皮taste not goodonly the bun is keepjng tasty the atarter fruit is missing, the taste of the toasted duck a little bit different from beforehope it will become well again.. 銀聯七折有某銀卡七五要卜位好啲，幾 full

限聚令下, 一家四口分兩枱坐, 店員安排妥貼, 兩張細枱隔開兩尺多， 另外隔兩張枱後先至有其他顧客， 客人都好安靜， 沒有高談寛論， 沒有口沫橫飛，地方乾淨, 可以放心享受用餐。 點菜時店員告知信用咭有折扣，抵食。叫咗一隻烤鴨, 分兩碟上，方便每枱一碟， 鴨皮片得整齊, 碟上大約分兩層， 上層的薄薄脆脆的鴨皮， 肉另外片開係下層， 荷葉餅皮靚軟易包， 配料亦佩合得宜， 只係鴨欠香味！ 二菘炒鴨未，海皇酸辣湯， 雞絲粉皮同蔥油拌麵都唔錯幾好味。另外消費滿指定金額有免費泊車。

係K11行完街，揀咗一輪餐廳，終於比片皮鴨吸引咗。一開始諗住揀2人套餐，吾使諗，啲配搭又唔錯。但一翻開menu，其他菜式更加吸引我地。1. 烤北京填鴨 - 兩個人嚟講: 份量足夠2.淮揚灌湯小籠包3.金沙蝦球 - 很喜歡這個，很香但不油膩4.自貢擔擔麵 - 湯底極濃郁

朋友話好想食片皮鴨，之前又黎過大都烤鴨食佢既片皮鴨，覺得唔錯，於是今次又去食！但係今次令我地同行五人都感到好失望😞我地要咗半隻份量，師傅仲專登出黎俾我地睇返呢隻就會係陣間上枱既烤鴨啦！坦白講就咁睇全隻烤鴨，色澤均勻，肥嚽，感覺應該會好好食！點知。。。鴨皮係脆口嘅，無多餘油脂，其實係唔錯的，但係啲鴨肉真心超鞋口😫😫😫而且有雪味！感覺係隻鴨唔新鮮😢咁樣令成個餸敗筆!不過佢既小籠包係唔錯，皮薄多汁！但其他餸就一般。唔知係咪假日多人，樓面黑口黑面咁🤦‍♀️服務認真一般

名叫大都烤鴨。來呢度就必定會點嘅招牌菜烤鴨，上枱同所有食物一樣擺得好精美，叫咗幾多個小點，灌湯小籠包皮薄湯汁多，燕麥番薯夠晒創意幾好味，小鴨子酥放喺雀籠入邊夠晒逼真好搞嘢，總括嚟講呢間服務周到，擺設精美略嫌份量比較少