大都烤鴨 (已結業)

片皮鴨好脆好Juice，配料都新穎，除咗蔥花，青瓜，仲有哈密瓜同紫紅色的不知名爽口瓜類。個春卷好好食，整到好夠脆口！小籠包，皮薄餡靚超多汁！中午時間仲有折，2個人三百三蚊，食咁多野，good!

Lunch食片皮鴨！！超正，兩條友突然抽起條根好想食片皮鴨！叫咗半隻食！啲皮熱辣辣片皮鴨好脆！點心有六八折！兩個人埋單都係$337 已經加咗一同埋茶錢。我真心覺得平！因為佢個套餐要五百幾都係食呢啲嘢😂食多個小籠包都唔記得影不是廣告純好物分享

烤鴨因為起左中間肥油好，所以唔會太油膩，好好味😋。但呢個份量唔似半隻。好想再食。鍋貼、生煎包、小籠包都好Juicy，我覺得呢度D點心整得出色過擔擔面、醉豬手和雞絲粉皮。唔知係咪K11租金比較貴，野食分量都比較細碟。鍋貼同生煎包都係後加再夠飽。但Lunch 3個人叫左8樣野，要7百頭，的確有點貴。另，員工工作比較比急，急住收枱，但明明門外無人等位。其間我每加一款野，女侍應都說了2次要等20分鐘。好似唔想我們加單，但個時係2:30Pm。我先生仲問我星期六食Lunch是否有限時，因為女侍應的態度真的不太好。

好耐無食過大都烤鴨喇，對上一次黎都幾年前，記憶之中嘅大都果時都幾靚靚哋嘅餐廳, 而家好似有d 唔同左 (裝潢無以前咁靚，唔通裝修過黎？)同屋企人食飯，叫左一隻片皮鴨加其他餸，因為唔係成日食片皮鴨，而又見佢有折，所以就帶住期待嘅心情黎食。其他食物就不過不失啦，我地叫隻鴨先，鴨好快就到，黎嘅時候已經只係暖，食食下個強勁風口吹住d 餸已經凍曬，唔係唔好食不過唔可以話食得 enjoyable 咁囉。只可以算係還可以嘅一餐~

今日來到k11 art mall又食大都烤鴨，原因係都幾好食，又抵食關係，今梗係有booking訂咗啦，呢度都座得舒服，張張都係卡位，今日食咗小籠包子，紅油抄手，醉雞，黃金芝麻餅，紅油抄手真係例牌，唔需要多講、醉食反而我覺得好少，個碟又大，隻雞唔夠入味。黃金芝麻餅其實無咩特別，裏便有少少甜甜地嘅嘢，咁反而食多兩隻小籠包子好過，呢度最好就係用open rice去訂booking有68折，主餐牌都有，咁係最抵👍🏻🥂

今日lunch來到k11 大都烤鴨，有訂位，原來訂位有雙重優惠.1.主餐牌有68折，2.有25asiamiles👍🏻👍🏻,今日主要散叫，可以食下唔同食物，唔使set死食乜，首先叫左紅油抄手（即煮熱辣辣，汁好嘢味）👍🏻👍🏻，跟著叫左小籠包（肉汁先甜）👍🏻🥂，跟著葱爆鴨甜（好香），雖然好少食，但都幾好，湖南大千烤鴨係幾好味，但我始終覺得咸左啲，建議用嚟送飯，最後有芝麻綠茶餅和生煎飽，味道都幾好🥂🥂👍🏻👍🏻

完全冇察覺到原來我去咗大都烤鴨N次都冇幫佢哋寫過食評 今次要補償一下😅顧名思義 佢哋主打當然係北京填鴨同周邊小食 除此之外 佢哋嘅前菜都好出色 今晚我哋就點咗一客准揚灌湯小籠包同一客蠔油蘑菇佢哋嘅小籠包都做到皮薄餡靚 夾起嚟唔易穿 內裏湯汁滿溢 肉質鮮嫩至於蠔油蘑菇 因為加咗蠔油同麻油 所以食起嚟特別香口 而另外佢亦都細心咁用特別嘅鉸剪剪成一條條絲形狀 所以特別有咬口👍輪到主角 當然係北京填鴨 首先佢哋嘅配料比較特別 包括有蔥絲, 哈密瓜條, 青瓜條, 紫蘿蔔絲, 蠔油同砂糖, 包起片皮鴨肉同鴨皮一齊食 好有層次感 味道豐富 至於鴨身係用荔枝柴火燒烤 所以特別美味; 另外師傅刀工亦一流 然後再做多一重功夫, 就係會將鴨皮同鴨肉之間嘅肥膏切走 然後先上枱 所以食起嚟唔會有肥膩嘅感覺😋 再加上餡皮唔易弄穿有彈性 配合得天衣無縫 贏足北x樓九條街依家佢哋仲做緊晚市優惠 星期一至四光顧全單八折 星期五六日北京填鴨半價 原本已經好食 再加上減價 唔知優惠會做到幾時 所以好快啲去幫襯!

今日四人飯局，叫咗個蠔油蘑菇，味道不錯，幾特別，松子魚一般，大都烤鴨果然名不虛傳，值得一試，小籠包皮薄餡靚，所以勁易穿，要用匙羹裝啲湯，環境都算寧靜，可以傾偈，大約一個人$300左右

喱排疫情放寬，約下啲frd一齊食飯上星期三我經過公司樓下，見倒喱間中餐館有優惠填鴨半價，仲要星期六日及公眾假期都適用，就襯住復活節假大家off同friend食，當日企門口嘅知客姐姐都好有禮同我地介紹優惠，叫我地星期六日紅日都可以黎享用!咁我地星期六就黎啦，點知埋單嘅時候，又話個優惠係一定要預先訂座先有，咁我星期三經過問嗰陣時已經可以訂啦係咪？又話個staff新黎唔清楚唔好意思之類嘅說話，咁你staff唔清晰就去train過啦！我哋一行4人都覺得張海報設計真係好誤導，有個女經理走過黎話上面寫左要訂位，但點解4格入面你有3格係特別有個紅色框寫住要訂座，但另外左下角1格又唔使？正常人都以為嗰個係你地no booking做嘅優惠吸引人入去食半價啦，之後有個男副經理走個黎話經過佢睇完之後，其實佢都覺得我哋有point，話認同poster好唔clear，可以設計得好啲，講左好多安撫嘅嘢，但最尾都係話希望下次改善，女經理點都唔俾做優惠，anyway因為我地趕住睇戲，冇再argue落去，不過用餐經驗真係唔愉快，希望你哋可以反省下。野食ok，不過不失，坐得幾舒服，啲茶夠熱。但隻鴨明明可以238變左468

喜歡吃北京填鴨的我今晚和家人去了大都烤鴨吃晚餐。環境闊敞，裝修也不錯。食物方面，質素高：烤北京填鴨一隻肉不油膩，皮和肉切得很好。包着鴨的皮厚度適中。很有水準。😋淮揚灌湯小籠包皮厚度幾好，內裏裝了很多湯汁。靈芝菇炒桂魚柳唔算油，幾清新，略嫌份量比較小。鮮茄濃湯浸菜苗菜苗爽口。喜歡星星形的紅蘿蔔。年糕紅燒肉很少看到這個配搭，紅燒肉多汁，年糕惹味。肉燒煎麵足料，夠汁，麵脆貝勒燕麥番薯我很喜歡這個甜品，吃了3條。番薯面黏着燕麥和糖，但又不太甜。唯一覺得不太值的是每人15元的小食。

本身諗住去灣仔大都准揚食，點知裝修唔開，急轉呢間烤鴨試一試一行四丁友傾得太開心唔記得相機食先預先訂位烤鴨有半價，咁當然叫片皮鴨啦，廚師好刀工，皮薄，鴨唔肥，好味小籠包皮薄多汁夠juicy鍋貼香脆，好味，內藏湯汁，一唔小心對面位一定被顏射😅黑蒜蝦球味道一流，蝦球爽，不過份量得六隻，小左d服務算可以啦，侍應唔會主動加水，唔知係咪好忙，有次加上放點檯面倒瀉左都唔知，好彩熱水冇流落黎，如果唔係一定燙傷，服務有改善空間！

上年去嗰陣時仲係六人限聚令，聽人講book呢間好難，要等一個月咁啱嗰陣時解放至6個，就啱啱好食到呢間你都唔駛等book咗佢就即刻安排到你入去環境都舒服，咁啱安排咗坐入房所以都好靜口水雞唔辣，果汁有埋芝麻醬好香鹹蛋黃炒蝦球，我覺得鹹蛋黃可以再落多啲會更香落咗啲木魚唔係好夾酒糟鵝肝，好重酒味，唔係個個食到😂本人鍾意飲酒，就梗係冇問題啦正常炒飯，係吵得夠乾身，啲蛋都香，不過就唔特別，普通咗少少咁啦好難食到好食嘅松子魚，好多地方都係用鱸魚鱸魚有泥味，所以唔好食小籠包正正常常，都係要趁熱食啦，個皮好硬就會好難食奶油津白好耐都冇食過，呢間整得幾好，唔會太膩烤鴨終於出場，個樣好睇，不過少咁啲油香下面都有好多鴨肉，啲皮啱啱好遮住曬🤣唔知係咪坐嘅位置咁岩比較大冷氣，所以啲包皮都好快凍哂叉子包住啲鴨鬆，炒得幾野味😋

曾經我同屋企人很喜歡食大都烤鴨，幾乎每個月都會食一次。今日再食就有少少失望了，鴨唔係好夠熱，亦都冇咗當初識嘅感動🥲 又超級好食變咗好食咁另外我哋仲傻更更咁，叫咗個魚翅花膠炒蛋，識落其實真係冇乜特別，睇個名已經估到食係咩味😂😂😂冇失望冇驚喜。另外加咗一個集菇炒鴨殼，都係正正常常啦👌🏻👌🏻👌🏻可能真係期望大，失望就過大。我哋諗要過一段長時間先再俾機會佢啦，到時睇吓會唔會翻桌啦！希望到時有改善，可以成為返我哋嘅最愛！！

想吃烤鴨時就會想起大都烤鴨開業多年都維持不錯的水準環境很舒服食物選擇也不少只有兩個人想吃烤鴨又想吃其它食物點了二人套餐烤鴨很香 肉汁豐富 份量也不少但個人不是太喜歡這一種的餅皮文思豆腐羹顯示刀工滑滑的口感很舒服野菌炒鴨絲 除了不少菌類外也有豆類味道是重的醬油味 鴨肉嫰嫰的 小籠包皮很薄 小心噴汁但開水白菜真是沒改錯名有淡淡菜的腥味難道真是白開水煮加點了鴨肉末麥包麥包鬆軟有淡淡的麥的香味和濃味的鴨肉十分相配埋單 $750很豐富

今日終於到K11 大都烤鴨食個 late lunch ,2:00pm 入座，無訂位，都幾多人，幸好有張sofa位，職員招呼幾好，環境衛生，座位舒適，叫左個二人餐食，個set 都幾好，其他來這裡主要想食下啲鴨係咪真係咁正，款式都幾多選擇，味道不錯，個二人餐，都算幾多嘢食，份量剛剛好，其實都好飽，兩個女仔未必食得晒，我最鍾意就係鴨絲羹，味道幾特別，好似食緊碗仔翅，呢個二人餐298，連埋加一茶錢埋單價350左右，下次會試其他菜式