大都烤鴨 (已結業)

朋友話好想食片皮鴨，之前又黎過大都烤鴨食佢既片皮鴨，覺得唔錯，於是今次又去食！但係今次令我地同行五人都感到好失望😞我地要咗半隻份量，師傅仲專登出黎俾我地睇返呢隻就會係陣間上枱既烤鴨啦！坦白講就咁睇全隻烤鴨，色澤均勻，肥嚽，感覺應該會好好食！點知。。。鴨皮係脆口嘅，無多餘油脂，其實係唔錯的，但係啲鴨肉真心超鞋口😫😫😫而且有雪味！感覺係隻鴨唔新鮮😢咁樣令成個餸敗筆!不過佢既小籠包係唔錯，皮薄多汁！但其他餸就一般。唔知係咪假日多人，樓面黑口黑面咁🤦‍♀️服務認真一般