大都烤鴨 (已結業)

叫了一隻招牌片皮鴨，片皮鴨的皮很熱，每一塊都有點心紙蓋好，超有心！但鴨的其他部份另食就要加錢先有，唔平架所以冇另外加。小籠包皮好薄，朋友都覺得好味！如果現在銀聯信用卡仲有75折，平了很多！

同一班朋友聚會，大家都想食中式菜， 尤其想食片皮鴨。成日聽人講乜乜鴨子物物鴨子既餐廳，乜香港除咗X X鴨子餐廳，就冇其他食片皮鴨嘅餐廳咩？好彩上嚟OpenRice搵到呢間大都烤鴨！餐廳質素唔錯，服務普通，價錢中上唔算平，不過都適合大夥兒食飯嘅！放啲相俾大家睇睇先！個人最喜歡係豆皮卷，腐皮中間包裹着蔬菜，腐皮大一點點脆口，不會太淋身，好驚喜！反而他們的賣點烤鴨就一般般了，感覺任何一間烤鴨店都能食到這個質素其他菜式都OK嘅，中上水準

心血來潮無啦啦想食片皮鴨，朋友介紹下就去左試呢間。先黎一個口水雞，佢唔會雞皮配埋一大舊肥膏果d，非常好，醬汁好惹味👍🏻片皮鴨皮同肉分開，個皮係脆既，絕對唔會食落去肉多過皮，有驚喜👍🏻👍🏻包住鴨的皮都好薄！值得讚，一定要去試下。荷葉飯，好香荷葉味，飯裡都好足料，好多肉。這個係花膠魚翅唔知咩，唔記得個名，呢度菜幾有新鮮感，不過不失啦，可以一試，但唔會再叫第二次🙊試其他野好過。不過不失，沒什麼特別。仲有個小籠包，忘記影相，皮薄又多汁，好味👍🏻👍🏻👍🏻讚讚讚成餐六個人食，請埋生日果個食都係三百有找，性價比高，會再幫襯！

突然間好想好想食小籠包同埋片皮鴨，諗住搵間坐得舒服D嘅中菜，所以就決定咗【大都烤鴨】喇😋【烤北京填鴨】每塊片皮鴨咬落去都脆卜卜，好似食緊紫菜咁🤣而且鴨肉好嫩，一d都唔韌，果然係招牌菜👍🏼【淮揚灌湯小籠包】上枱熱辣辣出晒煙嘅小籠包，望到都流晒口水🤤🤤🤤咬開表皮，入面嘅湯汁多到接近滿瀉😮豬肉餡鮮甜夠juicy，正呀😍【荷葉包鴨飯】每啖飯都充滿荷葉香，而且好足料有好多鴨肉🤩

呢晚去紅館睇演唱所以去左尖沙咀食飯又想食片皮鴨...所以去左k11 大都烤鴨因為一收工就去拎位..加上時間仲早所以唔多人雖然有套餐.但唔係樣樣岩食所以決定散嗌小食叫左雞絲粉皮由於太肚餓關係..好快已經食清光小籠包好多湯汁好味烤北京填鴨重點黎喇..熱辣辣仲入口即溶..好滿足酸菜魚呢個湯就偏鹹咗少少...送飯就剛剛好三絲伊麵好大碟..又唔會太淋..不錯乾煸四季豆呢個就好似周圍食都差唔多咁.係好食既貝勒燕麥番薯呢個甜品最驚喜.熱辣辣外面又脆口...蕃薯食落又唔乾

依加同朋友聚餐真的不太容易，難得一班老友話照舊，所以朋友介紹這間❤️大都烤鴨！有名你叫：大都烤鴨必定要點烤鴨啦，真的不錯，皮脆肉滑，只可惜叫了一隻🦆份量唔太多！松子魚🐟也好好味，只係不夠熱！

朋友叙會揀左這間「大都烤鴨」，餐廳位置有小小難找，在暗角位內。以物其名，當然我地要試試烤鴨，味覺果然不錯皮上一點肥膏也沒有，而且十分噿口，配上熱熱地的包皮 但當包皮凍左就no good, 所以要快食。叉子燒餅 ，是以鴨肉切成細粒炒成 ，再配合燒餅或生菜享用，當時先來生菜加鴨肉，食後感覺新鮮感，由於燒餅等了太久，就向待應追追，她竟然說柯打錯了，因為只能配上燒餅或生菜，最後也有補上燒餅，但她即時收起我們餘下的2片生菜（感覺不夠大方，相信她收起也是掉的😧）

生日成家人食飯，我地想食中菜，睇咗好幾間，決定嚟「大都烤鴨」，見到網上有啲負評，但想同大家講，我地食過又覺得幾好食喎！😳即刻講下招牌菜「北京烤鴨」我哋五個人叫咗半隻，食完都覺得好滿意。雖然每人得兩三塊唔係好夠喉，但係塊塊都好高質，個烤鴨好嫩滑，外脆內軟，好有鴨味，連埋個夠晒薄嘅皮，加上唔同嘅配料，只蘿蔔絲、青瓜絲、蜜瓜、京蔥、仲要加上自家製嘅京醬，口感非常之好，暫時係我係香港食過最好食嘅片皮鴨啊！🥰🥰之後要介紹嘅就係「江南松子魚」食落去甜甜酸酸，好開胃，個魚炸得好好食，再用上新鮮嘅菠蘿，盡顯心思！🤣另外我哋將個片皮鴨嘅肉，整咗做肉碎，配埋芝麻餡餅，將餡料放入餅入邊，連埋一齊食，口感好豐富，一方面食到鹹鹹地嘅鴨肉，另一方面食到香脆嘅芝麻餅🥳我會將呢間中菜推介俾大家，價錢方面唔算好貴，嘢食亦都好高質，暫時食每一樣野都有好嘅水準！😆👍🏻

從來冇想過片皮鴨都可以有咁多種食法：水晶鵝肝片皮鴨拿破崙紅梅片皮鴨烤北京填鴨4個人最後傳統d都系叫咗一隻烤北京填鴨， 小籠包，金沙蝦仁炒飯。先講片皮鴨，上枱既時候總共2大碟，每碟都分開皮和肉，配菜都有四款，至於佢塊烤鴨餅，竟然每塊之間都有用一張紙分隔開，保證唔會兩塊黐實，超細心，醬汁除咗甜醬之外還有砂糖， 幾樣野配合埋一齊一d油膩感都冇，正小籠包質素普通，皮薄但係好容易穿。金沙蝦仁炒飯都知一定有鹹蛋炒，見佢賣相炒得十分乾身，一啖食落下估吾到系超多鹹蛋蓉，令到喉嚨超乾涸，要即刻狂飲水😂

同朋友食飯 揀左呢間想試好耐既餐廳銀聯卡有promote 主餐牌75折 本來想叫傳統半隻片皮鴨 見佢餐牌有隻拿破倫紅梅片皮鴨 就試下點知勁唔抵 $358 得8舊上菜已經凍哂 感覺十分一般 仲衰過美心個隻🙄另外叫左個鴨碎夾餅 反而個鴨碎好好味😝其他上海菜有驚喜黃金炒飯 好重蛋黃味 蝦又多😍醉雞都好出色 花鵰味好重 🙂另外小籠包湯好多☺雞絲粉皮 生煎包 水準都好高😋31/8

其實好多年前間店岩岩開果陣我幫襯過幾次，果時冇乜客人，套餐價錢平過依加一半。最近因為好想食片皮鴨，原本想去果間好臭串吾接受walk in客，所以我決定再去依間。排隊等左半個鐘頭終於有位，上菜速度好快。水晶鴨舌，冇軟骨架喎，外層舊啫喱係鴨湯黎架，幾好食。水晶鴨肝片皮鴨，純粹為新鮮感而叫，以前都冇依款菜式，可能我太耐冇幫襯。塊皮脆到咬落有聲，鴨肝外圍俾鴨湯啫喱包住，味道濃郁。鴨絲湯羹，依個湯由開業到依加仲有提供，基本上係幾好飲，鴨絲多湯底濃。茄子炒鴨件，其實係因為我想食茄子先叫，鴨肉比較實。最後埋單有75折優惠，當堂好抵！

#小秘書 呢晚約咗 #孫太 食 #生日飯🥳 適逢係 #星期五 嘅晚上，街外嘅人特別多，#千辛萬苦 先可以上到車，由 #金鐘站 過去 #尖沙咀，比預期時間遲大到😅好在我一早已經喺 大都烤鴨 訂咗位，唔使 #主角 喺街等😉 最終我遲咗廿分鐘嚟到餐廳，大家大致上已經諗好食乜🍚 我咁就得人，當然係無意見😚 嚟到「大都」當然要試吓佢哋嘅 #烤鴨 啦。不過我哋得三個人，就要半隻試吓先🥢 #師傅 手功精巧，可以薄薄將鴨皮片出，薄到就連毛孔都見到🤩 一層皮、一層肉、再加 #京蔥 #配菜 同 #甜醬，夾喺 #麼麼皮 入面，無油膩嘅感覺，層次感豐富👍🏻 之後我哋仲有叫咗 #小籠包、#素餃🥟 一樣皮薄餡靚👍🏻 至於 #醉雞、#剁椒什菌鮮淮山 就無咩特別，我覺得後者汁醬太濃... 一般啦！最後 #主角 要求加個 #蝦仁炒飯，無諗過 #師傅 會加埋 #咸旦黃 落去炒，雖然真係炒得幾 #乾身 同 #香口 嘅... 不過就 #膽固醇爆煲 囉😅埋單嘅時候，我哋先知道原來用 #銀聯卡 係有75折㗎🤩 諗住可以慳返一筆啦... 點知人哋張 #銀聯卡 過咗期、#ApplePay 又話唔Support😅 #侍應 見我哋咁失望

🙈因為想食片皮鴨，所以入去，叫咗呢個拿破崙片皮鴨，上面一層鴨皮，中間一層紅苺果醬，下面係一塊酥皮餅。嗱本身我係唔食紅苺的，變成果醬我都唔太好，但叫咗就要食埋佢😂🙈其實都幾好食，同埋啲味道好夾，不過都係無令我鍾意左果醬的，我都係prefer 傳統既片皮鴨。同時叫咗其他嘢食，包括小籠包，ok 既，幾好，豆腐羹都ok 同埋好夠熱，最後嗰個鴨肉粥，岀乎意料既好食😂😂😂 其實都算係咁，只係性價比有啲低，但味道同坐位都中上。🤪

平時係中環食lunch，食尼食去都係嗰幾間，今日難得見天氣好，就搭去尖沙咀K11搵食。我同朋友都未食過大都烤鴨，所以就決定食呢間。大約12:45pm到達，唔洗book位，唔洗等位就有位。餐廳環境唔錯，又有卡位座。我地點左二人set（$298）。兩個人食份量都好夠。前菜係糖醋魚同蠔油磨菇。再尼小籠包。皮夠薄，唔錯湯羹係元貝鴨絲羹，都幾大碗同幾足料。咸肉津白。大都炒麵。係用鴨絲炒嘅，麵條質地同味道都唔錯。大千烤鴨架。呢個麻麻地，味道太濃，鴨肉有點死實實。

今晚老公同事生日，我哋一齊出席慶祝一番！顧名思義大都烤鴨，主要梗係食鴨啦！🦆我哋去到仲有餐前小食，呢度嘅餐前小食係水果，有哈密瓜同埋提子！ 哈密瓜好多汁香甜！ 啲女人仔不停係咁食水果！ 因為我哋人數眾多所以可以帶好多唔同嘅菜式！ 我哋叫咗松子魚，酸甜汁好開胃，魚肉都比較多！ 味到OK！ 我哋叫咗兩籠小籠包，我哋預一人一粒，小籠包湯汁都好多，肉味鮮甜！ 重頭戲，烤鴨終於到啦！ 我鍾意睇呢度嘅配料比較多，有哈密瓜有紫蘿蔔，仲有最重要嘅葱！ 加埋一齊口感冇咁油膩！ 互相配合的效果好好味！ 我哋叫咗水晶鴨舌，因為外觀嘅關係我不敢食，但係我老公話OK嘅而且鴨舌冇骨！ 而我就覺得佢個外觀有啲核突🙈🙈Overall,係一餐好滿意嘅中餐😍👍🏻