夏麵館 (始創中心)

營業中

休息中

平時食上海野，來來去去都係嗰幾間，今次決定試新野！行到肚餓之際諗起好想食小籠包，見到呢間就好不猶豫入咗去食了！🤣就咁睇餐牌上嘅價錢都唔算好貴😳每次食上海野都必定會嗌一碗酸辣湯～呢碗份量夠亦好足料，味道偏辣多過酸，喜歡喉嚨辣辣地嘅朋友就啱哂🌶呢碗排骨擔擔麵十分推介，麵同排骨嘅比例啱啱好，排骨炸到外脆內軟，容易咬入口。擔擔麵湯底好杰，有超濃郁嘅花生味，每夾一住面就掛住唔少嘅湯底，係真係做得不錯啊🍜😋朋友嗌左鱔糊擔擔麵，湯底同上面一樣；整碗麵$70但有一大碟鱔糊，而且冇偷工減料，每啖都有冬菇同切成絲嘅鱔糊，非常抵食！最後仲嗌左榴連高力豆沙～平時我同朋友都唔太好榴連，見餐廳推薦就點嚟試下。食落令我對榴連改觀，出面又甜又脆嘅皮，包住入面軟腍腍嘅榴連，其實幾易入口～仲令我覺得高力豆沙皮+榴連係個唔錯嘅配搭添！整體餐廳食物質素都唔差，而且分店都幾多，遲啲想再食就方便得多😆

與媽媽在太子始創中心選購海味時，發現夏麵館在這裏開了分店，媽媽表示很想吃，那就吃吧！ 餐廳佔地蠻大，裝修時尚得來，又不失古典感覺。吃上海菜又怎能少得豆漿，點了兩杯，與媽媽一人一杯。生煎包一碟3個，煎得非常香口，酥脆中帶點軟淋，餡料多，肉嫩且多汁，很好吃。排骨擔擔麵湯底味道帶有濃郁的麻香，味道微辣，又不失鹹鮮甜味，而麵條口感煙韌彈牙，吃後不覺膩滯，而排骨外層炸得香脆，內層肉質嫩滑，肉汁豐富，讚。蟹粉素雞蟹粉味道香濃，甘香鮮味，帶有淡淡的鹹香，內裏還有大量蟹肉絲，配上嫩滑的素雞，滋味度大大提升。上湯浸時菜上湯味道鮮甜，帶有淡淡的蒜頭香味，而菜心吸收了滿滿的上湯後，口感鮮爽。豆沙鍋餅餅皮外層煎至金黃色，入口香脆，內層豆沙味道香甜，甜而不膩，很好吃。

有次係荃灣同屋企人食過，剛剛朋友想食上海菜於是就帶佢來旺角新分店上海擔擔麵@擔擔麵係上海菜中其中一樣經典嘅食品，湯底有着淡淡嘅麻醬味同好多花生碎粒，加上肉碎、葱花同梅菜，香濃得嚟唔會太稠，軟硬適中嘅麵條掛上麻醬湯底增添香氣，食到最後麵條都無因為浸住湯而變糊，簡單得嚟又見風味樟茶鴨蝴蝶餅(半隻)@外皮酥脆，鴨肉呈粉紅色，即使鴨胸的位置也比較細嫩，用蝴蝶餅夾着鴨肉，食落毫無油膩感，細嚼有點點鹹香味，但係煙熏嘅香味不是太突出宋嫂鮮魚羹@湯羮色澤黃亮，口感滑溜，濃稠適中，有笋絲、冬菇絲同蛋白等配料，唔同嘅口感令湯羮質感更豐富~ 醋將魚嘅腥味除去，不過落得重手咗小小，酸醋味略蓋魚羮鮮味豆沙鍋餅@新鮮煎出黎熱辣辣，薄脆嘅外皮包住不太甜嘅豆沙餡，外脆內軟，甜而不膩炸饅頭@最後又忍唔住叫多份炸饅頭，炸到金黃色嘅饅頭內裡好鬆軟，再蘸煉奶食，好完滿

一向是夏麵館FANS, 平時多數去荃灣分店食, 不過知道最近太子始創中心開了新店, 於是也急不及待來朝聖一下~ 太子夏麵館裝修比我想像中光亮、而且地方很大, Sofa位很多, 坐得好舒服! 食物選擇方面一如以往的多, 最近除了有主打蟹粉外, 還有榴槤甜品, 真的好想吃! 我和朋友點了幾款菜式: 三鮮煨麵、老上海炒麵、蟹粉年糕、蒸銀絲卷 三鮮煨麵 - 以蔬菜(娃娃菜, 小白菜)、豬肉、河蝦和火腿煨成, 份量頗大, 二人分着剛好, 上海白麵彈牙, 湯底鮮甜又不會太咸, 再配以爽口的蔬菜、蝦和豬肉, 很快填飽肚又是清清地、不會太滯之選~ 蒸銀絲卷 - 銀絲卷蒸得軟熟香糯, 不會太實, 好有彈性, 再配以練奶, 好食! 蟹粉年糕 - 是小妹推介之選, 在荃灣店都食過幾次了,蟹粉又鮮又香又足料, 而且濃稠得宜, 又不會好咸, 食完好口渴那樣, 是味道非常適中, 絕對可以伴以白飯來食都不失禮, 年糕今次就不太夠彈, 是比較軟身一點, 不過以這價錢只吃蟹粉都性價比高了! 老上海炒麵- 味道好好, 豉油不會太咸,麵條很煙韌很有彈性, 每條都有炒到好入口, 但又唔會好黏, 是幾

喺油尖旺番工嘅好歲係，餐廳真係算多，如果唔係日日收工都唔知食乜好，今日揀左夏麵館，其實我都唔知呢個位幾時有間上海野，不過果日喺呢條街買化妝品見到有。平日晚飯時間，勁好生意，滿座咁濟，淨番D高櫈位，店員叫我地等一等，有枱埋單，所以都唔洗等好耐就入座。成間餐廳都算大喎，座位多，我坐近門口D位，唔會好逼嘅都夠舒適一般嘅上海野呢度都有，我亦都食過幾次，所以都唔洗點睇餐牌，恰埋眼都點到野。點左兩款小菜、一個麵、兩個小食，抵食啊，埋單連加一三百零蚊，飽到上心口。鐘意呢度選擇多，小菜又得，水煮魚又有，平平地食個擔擔麵又得。生煎包 36：一份三隻啱啱好，即時整，上枱熱辣，個底少少脆脆地，包身仲好軟熟，肉餡好香，有少少肉汁，唔會乾，而且成個生煎包唔油。鮮肉小籠包 38：佢都有蟹粉果D小籠包，不過我點左平平地小籠包。皮薄餡靚，咬落必哂湯汁，湯汁唔會熱到辣咀，幾香，無味精感。肉餡結實唔肥，而且小籠包都唔厚皮，交到功課酥炸大排麵 55：一大碗麵，兩個人都夠食，湯頭熱辣辣，好清，調味適中。麵條唔會太淋身，略嫌塊豬排就老左少少，好在唔油膩。蔥爆牛肉 78：今日想食飯，所以點左D好送飯嘅菜，揀左蔥爆牛肉，鐘意佢有少

之前經過呢個商場時, 見到呢個舖位圍左板寫住"夏麵館", 心中暗暗拍掌, 時關之前有間成日食開, 自從無左之後, 幫襯的機會大減左!今晚出開呢頭就即刻諗到一定要黎開餐, 餐牌上提供的食物選擇較之前為多, "選擇困難症"又再次出現有D食物, 食過你覺得好味的就一定會再食, 好似係呢個鱔糊麵 ($70)呢個鱔糊充分展現左何謂濃油赤醬, 味濃但唔會過分, 鱔條口感腍身, 加埋荀絲及冬菇絲, 配搭清湯拉麵, 一濃一啖, 互相配合!前菜方面叫左呢客醉香豬手 ($62)爽脆豬手皮連少少肉, 浸係酒中相當入味, 滿滿濃香酒味, 加幾粒杞子點綴, 好看又好味!另一款為熗炒土豆絲 ($58), 呢款應該係新加菜式, 之前未曾食過土豆絲切得每條不一, 油份充足, 食起黎相當有口感; 見到紅噹噹辣椒咪以為得個樣, 食落相當有辣度, 亦有麻辣香味, 惹味之選!鮮肉小籠包 ($38) 呢D係情意結成分居多用筷子夾起頂部都唔會一夾即穿, 點少少醋就一啖放入口, 肉汁隨之然係口腔四射, 外皮與餡料互相配合!另一主菜為津白肉絲湯年糕 ($50)一碗份量強勁, 二人分享都無問題!  喝一口湯底係熟識味道........

waaa.... 好鐘意食上海野好鐘意食夏麵館終於係旺角有laaaaa新舖門面都靚過人等更位發現做更lee 個優惠正呀😋😋😋入面裝修都好靚必食小籠包即叫即蒸想食好多款小食通常都會叫五小碟一次過滿足晒我好多個願望食材新鮮主菜叫咗排骨擔擔麵個擔擔麵係淮山麵口感好唔同份量有多好抵食🤗🤗淮山麵睇落去同平時啲擔擔麵差唔多不過去食落嘅時候就再有口感啲最後仲叫咗個貓山王榴槤高力無論幾飽都要叫呢個甜品記住要差唔多食完之前就要叫佢哋準備因為即叫即整

不愉快的一餐，不會再幫襯。係未被通知的情況下，食咗未夠40分鐘就趕客，通常其他餐廳會事先講明可以坐1個半鐘。找錢20蚊全部係銀仔。俾以前間上上拉麵小籠包差太遠，點咗個50幾嘅雞絲粉皮，得嗰一小碟。一個貓山王高力豆沙，3個要$68，又冇同我哋要叫上，搞到我哋等咗成20分鐘，後尾吹，個侍應先話：你冇叫上。最後經理好唔客氣話：啲野上齊啦嘛？跟手自動俾埋單紙。野食唔高質。相對於其他分店，服務態度比較差，連新店形象都唔想搞好，何來新客源？

與昔日同位置己結業嘅「上上拉麵小籠包」, 抑或走出商場行多兩個街口爭少少嘅「滬小館」黎比較 ,食物質素+服務管理真係相差非常大截.1. 首先, 樓面聘請遊魂散慢嘅待應, 幾個圍住收銀處談笑風生也無視最繁忙時間嘅食客環境2. 而上茶茶壺面全是茶漬(明顯從來無洗或者根本唔care)3. 所謂嘅部長們更只係交戲穿插, 對客人order瞬間失憶4. 而聲稱麵館嘅擔擔麵條更生硬無比,唔食無損失5. 還有高度脫水脫油嘅matt面上海排骨, 包你好奇佢嘅貯存時間及烹調方法6. 就算你點埋生煎包/小籠包, 比盡都只係屬於超市雪藏包裝貨式, 甜點更加唔好抱希望作為一個喺始創商場算係大場嘅中價收費, 有裝修, 但冷氣近乎唔抽濕, 食具衛生求其以及散慢抽離嘅服務質素, 依種內地經營水平嘅食肆, 相信對大部份遊客及新移民黎講絕對收貨, 但作為港人奉勸慎入, 絕對不能盡信一面倒正評!!!

呢日收早陪女皇大人出太子行街，行到咁上下就去醫肚女皇大人話想食小籠包，見到商場新開左間食上海菜既餐廳，所以呢晚就揀佢啦啦啦入面既裝修整潔通明，坐位闊落菜單上食食物種類多多先選一籠女皇要食既“鮮肉小籠包”HKd$38+10%一籠四顆，每顆都皮薄而充满肉汁跟住點左碟“上海醬鴨”HKd$60+10%鴨肉扎實唔梅，調味合宜適中，相當唔錯除此以外，我地仲要左碟“嚮油鱔糊”HKd$90+10% 鱔肉爽彈味濃，正有咁濃味既茶餚，我就梗係order碗白飯啦而女皇就要左碗“排骨擔擔麵”HKd$65+10%做主食最後我地仲要HKd$1推廣價加左個“ 貓山王 高力”做甜品添

夏麵館又有新分店，上次食過樂富店感覺唔錯，今日又黎回味一番！始創分店用上tiffany blue既裝修，好柔和既顏色，點會諗到係一間中菜館menu太多選擇啦，最後決定係每個colum都揀1款食物 前菜~蒜香四季豆，晚餐唯一既蔬菜， 蒜香味都夠濃，健康得黎不失味道飽點類~鮮肉小籠包，皮薄餡靚，豬肉肥瘦比例可以，湯汁配醋就係小籠包既perfect match!湯麵類~ 豬扒擔擔麵，豬扒炸得好香口，比較淋身，係我鍾意既口感！至於擔擔麵，花生碎加香蔥，每擔都好有口感，雖然menu話有1隻辣椒，但個人認為唔食辣都可以入口小菜類~ 韭黃炒黃鱔，第一次食黃鱔，原來係咁細條，仲以為好似鱔咁，真係大鄉里!呢碟好惹味亦都好岩送飯，份量都好多，4個人食會岩岩好甜品~高力豆沙，一碟有3個，黎上海舖係必食既甜品，豆沙份量都多，但亦唔會過甜，欣賞！叫完高力豆沙先發現做緊貓山王榴槤高力promotion,食夠80蚊就可以1蚊換，發現得太遲，下次有機會再試

如果到日本拉麵店，可以選擇麵條硬度或辣度，已經不是一件新奇的事。但在上海菜館同樣提供這種服務就比較少有。這裡的湯麵可以有淋麵或煙靭選擇，辣度亦有小辣或大辣之選，有了這個全「麵」為您的服務，客人就可以享受到一碗稱心滿意的上海湯麵。茶位（@$4)油燜小竹筍（$42）👍👍👍👍👍這道油燜小竹筍味道鹹中帶甜，非常入味，小竹筍口感爽脆又不膩，加上份量都不少，以這個價錢來説，算是很抵吃。蟹粉小籠包($70)👍👍👍👍👍秋風起，已令我急不及待想起大閘蟹，這裏是鮮蟹粉專門店，當然要試一試他們的蟹粉小籠包。我一口咬開小籠包的頂部，已感受到濃濃蟹粉的味道，𥚃面的豬肉饀料入口鬆軟，𥚃面的湯汁甜味並帶有蟹粉的香氣。韮黃炒鱔絲（$90）👍👍👍👍濃油赤醬，是上海人的味道，韮黃炒鱔絲又或稱炒鱔糊，是我常會點的上海菜式之一。濃香惹味的醬汁，沾滿黃鱔絲，鱔絲入口爽滑，配合獨有香氣的韮黃，令色香味更加俱全。上海擔擔麵（$46)👍👍👍👍由於店家設有全「麵」為你的選擇，所以我選擇了煙靱和中辣。擔擔麵的麵條爽彈並帶點煙靱口感，湯底帶有淡淡的花生和麻醬的味道，撒上芝麻令擔擔麵加添香氣和口感。高力貓山王榴槤（$1）👍👍👍👍原價是$25

同媽咪係始創中心759阿信屋買完野，拎住一袋二袋鬼死咁重，就黎到一樓既夏麵館休息下食下野！呢到地方寬敞舒適燈火明亮，客人都幾多下我地兩個人點左三款菜式，格左一陣全都陸續送到。右下角有個Qr code連結上面可以享用$1貓山王榴槤高力，限每人1個鮮肉小籠包（4隻）$38食上海野必點之一，多汁皮薄自選涼菜五小碟$115有多款選擇，我地揀左涼伴小木耳、美味海蜇、鎮江水晶肉、虎皮素鵝、糖醋小排。可以一次過試到咁多款小食，價格實惠，真的不錯👍🏻水煮桂花魚（半條）$128半條份量都有好多，足夠二人食，桂花魚下面仲有薯粉係底，辣味十足。魚肉鮮甜嫩滑又無骨，岩晒我e d懶人食飽最後上埋甜點，高力貓山王榴槤$1不槐係果王，一切開已經勁香，肉質鮮甜滋味，原價$25一個，現在只需要$1就食到，真係超值抵食

放工同朋友食飯，想試試上海菜～呢間分店都算大，入面乾淨又企理。餐牌選擇都十分多，價錢仲相當平！唔怪得勁多人食佢！我地總共叫咗小籠包、砂鍋雲吞雞、上海炒年糕～食得上海菜，一定要試個小籠包，呢度嘅小籠包都算皮薄多汁，肉餡份量適中～第一次食勁厚切嘅年糕，以為會好韌，點知一啲都唔硬，口感唔錯～個雞好鮮嫩，一啲都吾鞋，個湯幾好飲，又吾會太咸，個鍋仲相當足料，食埋雲吞夠曬飽肚～最後叫埋熱辣辣嘅豆沙鍋餅，食嗰陣都仲脆口，豆沙餡又吾會太甜，食多幾件都吾會膩～

以前去Elements都會去食夏麵館，依家旺角都食到。菜式品種多元化。個場都幾大，好多位。有淮山麵，仲可揀淋麵或煙靱。茶位$4自選涼菜五小碟($115)，蒜香四季豆、四喜烤夫、鎮江水晶肉、虎皮素鵝、涼拌小木耳，份量都幾多。最鍾意食上海菜的涼盤，虎皮素鵝鮮炸，熱的，十分鬆脆，內有菇等餡料，很美味。涼拌小木耳帶少少薑粒，少少辣，多多惹味。四喜烤夫有麵筋、冬菇、毛豆，帶甜味，味道不錯。蒜香四季豆很香蒜味！金牌蟹粉生煎包($76/3隻)蟹粉可以再多些。香煎南瓜餅($28)炸得有點硬。桂花拉糕($32/4件)口感軟熟又煙韌，唔係好甜，幾健康。