夏麵館 (始創中心)

營業中

休息中

平時經開聯合廣場行街，都見到呢間餐廳的裝潢吸引著我的目光，但總係冇機會食到，所以今日就決定一試！酸辣湯呢個湯好快就上枱，湯底較”結”身，口感似平時食開的碗仔翅，酸酸辣辣好開胃，愈飲愈肚餓！上海擔擔麵有得自由選擇辣度以及麵的種類，一上枱，嚇親我地，超大碗，雖然叫左大辣，但但食到唔係一味死辣，而且麵條麵好爽口，易咀嚼～老上海炒飯一食落去就Feel到好夠火候，而且飯粒炒到好分明，加上用鮮蝦炒勻，令整個飯更香更好吃！辣子雞我同女朋友麵係辣控，一見到辣野就一定狗衝，辣子雞算係中式菜式的常客，但要整得好食真係考師傳的功力，見到用了花生、辣椒，估唔到好入味，完全滲入了雞肉當中，正！

星期六晚上行完街睇完戲黎左呢間夏麵館食晚飯，位置都有啲難搵，係個商場度行到好入先見到。我地叫左個二人餐再加左一籠蟹粉小籠包。 二人餐都幾抵食 先係有三鮮豆腐湯，另外再有兩個小食，一個餸黃金蝦球同上海粗炒。全部野味都幾好食。尤其係黃金蝦球，好香口，仲要冇殻，岩晒懶人大大啖咁食。因為呢間餐廳係主打蟹粉既 所有好多菜式都係以蟹粉為主題 令到我地都好期待個蟹粉小籠包 果然冇令我地失望 外皮做得幾薄 內𥚃味道都好好 有蟹味 唔似一般既小籠包淨係多啲肉味 幾夾幾新鮮。加上價錢唔算，相當抵食。

放左工突然好想食上海野 於是就四圍搵下附近有邊度可以有上海野食 終於搵到呢一間啦等左大概15分鐘位 竟然有我最鐘意既卡位坐呀〰️蟹粉素雞〰️$60近排成日食大閘蟹 所以一見到呢個蟹粉野都會心心眼 而且仲要係素雞 啱晒我呢個只係食海鮮唔食肉既朋友呀 雖然因爲素雞冇雞味 但係蟹粉既味好香同埋配上軟綿綿既素雞 感覺都ok 〰️菜飯〰️$22我地特登叫呢個菜飯黎食個蟹粉架 〰️上海擔擔麵〰️$46好大碗呀 呢個係我第一個感覺 佢除左隻碗大之外個份量都多既 呢個都既花生醬味好香 而且辣味適中 〰️水煮魚〰️$108我最愛既水煮魚呀 雖然係好辣但係真係好惹味呀 魚塊好多片啖啖肉 而且好嫩滑 亦都有好多粉皮啦 粉皮吸晒d辣味 正呀 最重要係真係好足料 抵食

今晚同事請食飯，多謝我今天在公司幫他一個大忙，真係多謝曬！他帶我去太子始劊中心的夏麵館，他説好喜歡這間的上海菜，好好味，我亦贊同，早前先同朋友去另一分店食過，真的不錯啊！去到每間分店都座無虛席，證明他們的食品都好受食客歡迎。砂鍋雲吞雞，湯底鮮甜，有半隻雞、雲吞、雲南火腿和蔬菜，半隻雞份量都不少，肉質鮮嫩，雲吞皮滑饀鮮，火腿咸鮮，令湯底鮮味十足，非常美味！酸辣麵，酸辣湯好足料，酸辣味道適中，拉麵幼滑，掛湯食甚惹味。老上海炒麵，有鑊氣，粗麵炒得入味有口感。

旺角食飯又唔係一定要瓊華兆萬既，今次monkeys去左始創中心，始創唔係淨係買電腦野架，原來仲有好味既上海野食！我係一個超中意飲酸辣湯既人，一黎就點左個酸辣湯，例牌唔係好貴，三十幾蚊，個人覺得酸味較多，唔係好辣，配料都好多，比較「杰」唔太稀。之後叫左個炸雞扒擔擔面，擔擔面我地叫左中辣，中辣都唔係太辣，仲可以飲到啖湯！擔擔面𠴱種係麻麻既辣，花生碎同酸菜都搭配得唔錯！炸雞扒份量多，但炸粉比較厚，雞扒偏咸。鮮肉鍋貼有三隻，千萬唔好放凍左先食呀，熱辣辣時一咬，入面既肉汁漏出黎！！鍋貼皮唔厚都可以完全包住豬肉。而我最愛就係蟹粉小籠包，佢比起普通小籠包貴一個double，但都忍唔住要食，小籠包皮薄，但夾起唔會穿，仲可以望到入面個餡，真正皮薄餡靚！我本以為蟹肉會好咸，但唔係喎，將蟹肉同豬肉撈埋一齊，味道仲更加鮮濃。最後點左賽䠙蟹同豆腐鮮魚羹，賽䠙蟹配上大蝦，今次我地唔落醋，想試下佢既鮮味，唔加醋都無乜問題喎，蛋白好滑，配上蟹肉同蝦，味道很好。鮮魚羹我覺得比酸辣湯更出色，魚肉一d都唔霉，顯然係新鮮既魚肉，個羹略帶d咸，豆腐同魚肉既份量都好多。樣樣都好味，但我都係中意蟹粉小籠包，黎夏麵館必食呀！

今晚想清淡啲又想食小籠包 就決定同媽咪去食上海野啦😛第一次食夏麵館 一於試下佢個小籠包😍賽螃蟹先 仲要左有推介logo嘅夏味鱔糊麵 燻蛋係我最喜歡食既😍 當然要叫啦！😋燻蛋一見到賣相就知道好食 好糖心好正喔！😋😋😋 食既時候仲有蛋汁黏住口腔 好回味啊 必食推介！😝小籠包就正正常常 皮唔厚 湯汁都好多！不過佢個醋我就覺得唔夠酸 所以失色左少少😣賽螃蟹🦀️$78 份量都幾多！炒得好滑阿😋 佢就唔係撈蛋食既 反而落左蝦仁 更加清淡啲！😛夏味鱔糊麵 呢個真係好食！😍😍鱔糊超夠味 每一條都幾粗幾飽滿 仲有啲筍絲同薑絲撈埋一齊炒 口感豐富左😛 陽春麵唔會過淋 都幾有咬口😛 一人食一定夠晒飽！加$5仲可以由陽春面轉做淮山麵 下次可以試吓🤔 淮山麵就健康啲添 不過我驚會過林😛因為媽咪鍾意飲酸辣湯 所以我哋叫咗一碗試吓😛 酸辣湯好足料喎 筍 豆腐絲 木耳絲 蛋花都好似有😛 最好嘅地方就係佢唔會太杰 亦唔會太辣！一食飽飽 媽咪已經話下次黎再要試新野！😂😂

是晩約左一位食素的朋友食晚餐，所以響挑選餐廳方面都要揀有素食的，因為朋友是鍋邊素，即係並非田宗教嚴守齋戒果種，純粹盡量不吃肉，所以我們揀咗夏麵館，聽講佢入面都有啲素食嘅幾唔錯！方便起見我哋揀咗始創中心樓上嘅分店，佢呢間嘅裝修好有50年代上海餐廳嘅感覺，離遠都俾佢門口大大個的旗袍女郎畫像所吸引！我哋見到佢餐牌上面素食嘅選擇都唔少，只要有類似綠葉嘅圖案就代表改樣嘅係素食，我們點了雪菜毛豆百葉，麻醬拌麵，不過朋友快咗顧及我都嗌咗一啲有肉食嘅菜式，例如菜肉雲吞麵，朋友話我食晒啲水餃🥟佢淨係食面就OK喎！蟹粉素雞，佢淨係食素雞😂咁益我嘅！😂👍見佢咁益我，見佢鍾意食榴槤就點左個高力貓山王榴槤，俾佢食多粒啦！😝雪菜毛豆百葉($55)即係百葉腐皮，出名索湯，所以佢用雪菜同埋毛豆煮成湯，腐皮索晒啲湯，清淡得來又唔覺得寡😋麻醬拌麵($36)一個字「香」，兩個字「好鬼香」，佢嘅麻章應該係秘製，香到我朋友響對面攪拌，我都聞到流晒口水🤤，間上彈牙上海麵，簡簡單單便已經非常出色。菜肉雲吞麵（$50）我哋見佢加$5可以轉淮山麵就轉嚟試吓，又真係幾有驚喜，淮山麵原來係非常之爽口，而且浸耐左都唔會起糊，呢個麵我鍾意喎，

在一次同事慶生去過鑽石山的【夏麵館】晚餐，點了個鮮肉小籠包整體來說價錢合理之外小籠包質素新鮮多汁，再度萌上吃上海菜的念頭。剛好在一個美麗的星期六跟媽媽到旺角逛街吃飯，而媽媽前幾天也説過想食上海菜，那就到太子的【夏麵館】一度再試他們的晚餐吧。【夏麵館】身為連鎖店分店都唔少，相信都唔會陌生，太子呢間位於始創中心一樓，相對來說呢間開張不算太耐，有種新人事新感覺。餐廳既設計同其他分店不一，因為加襯亮麗鮮豔既顏色及用了鏡子帶出了另一種主題能覺，有種劃時代的風味喔。去到門口見始創中心呢間【夏麵館】佈置以粉藍色為主調，再配合一點點舊上海風的裝潢，頗有特色。原來呢間係第6間分店黎呢。門口仲見到呢幅五六十年代的畫，好有感覺。而入面裝修清雅，淡色得黎有點古色香味，同以往既【夏麵館】好唔同！難度是想打較年輕的線路？更加追上現代健康飲食新潮流？？？整體裝潢不錯，坐位舒服...打開餐牌款式多多，【夏麵館】既款式標榜少油少調味亦係唔用味精的麵館之一！我地好快就揀好了...過了一會...就到啦...食上海菜點可以無小籠包呢！應該是必點吧？鮮肉小籠包(4隻) $38【夏麵館】推岀既係鮮肉小籠包，入面塞滿滿豬肉加上鎖定

今日陪個朋友去太子嗰頭試婚紗，試完之後佢就提議去始創新開既夏麵館食，因為呢個朋友一向喜歡食上海菜😅黎到等左一陣就被安排入座啦！👏 店員全部都好有禮貌， 會問我哋坐啲高身嘅檯櫈有冇問題 👍我哋兩個人叫咗一個蟹粉炒年糕，排骨擔擔麵，乾扁四季豆一齊share，而我自己另外加咗一個鮮魚羹😊鮮魚羹好快到咗， 我叫咗一位份量， 因為呢個朋友唔太喜歡湯類嘅製品🙈 個魚羹好足料👍 真係食到唔少既魚喺裏面，唔腥，仲有啲冬菇同荀，口感豐富😋乾扁四季豆唔算整得好乾身，唔辣，份量幾多，唔會太油，咸度適中😀個排骨擔擔麵個碗超級大😮 我哋揀左少辣同轉咗做淮山麵健康啲😅 辣度接受到，麵身爽口，偏幼，仲有好香既花生湯底👍排骨脆口～而蟹粉炒年糕既蟹粉好香蟹糕味，年糕好煙韌😊呢度裝修幾摩登，服務幾好，晚餐人均百零蚊係可接受嘅價錢，唔錯，希望食物水準同店員服務會keep到 👏

今日要去始創買嘢，就選了食夏麵館。之前去過鑽石山的，太子這間係第一次去的。兩個人，點了鮮肉小籠包,回鍋肉粗炒和砂鍋雲吞雞。小籠包：皮太厚，餡的味道還可以。回鍋肉粗炒：好味，原本怕回鍋肉會好肥，但又唔會喎，還有椰菜,青紅椒，豆腐乾做配料，粗麵唔會淋，味道好好。砂鍋雲吞雞：有半隻雞，5-6粒雲吞，白白的湯都好飲，全部飲哂，之後沒有覺得口渴，應該沒有落太多味精。整體覺得ok, menu還有好多選擇的，會想下次再幫襯。

最愛上海菜的我，當然要來夏麵館。有驚喜～有驚喜~我喜歡它的店舖裝修簡單舒適。一般的上海菜的份量都是很少的，但這家的份量很足。吃上海菜我一定會點小籠包，特別是蟹粉小籠包。它這個蟹粉小籠包很不錯，包子裡的湯汁很有肉跟蟹的鮮甜，而且皮夠薄。這個椒鹽小黃魚不小喔，我們兩個人一人一條剛剛好，味道很好，外脆內軟蒜子肉。還有這個蟹粉伴麵很棒，這個蟹粉醬很鮮很濃郁。拌麵吃很搭配。當然不少得甜品 “榴連高力”, 外面脆裡面軟，蛋白不會很甜，包著裡面的榴連肉，好吃。

今天下班時侯突然收到家裡打來的電話說晚上沒有飯吃，我就馬上約同事去旺角吃晚飯，二話不說就邀請同事吃一間環境時尚裝修舒服的上海菜餐廳。去到餐廳門口已經有很大的餐牌介紹現在秋天最時令的大閘蟹和菜式推薦。我們入坐後點了：蘇式東坡肉$78東坡肉用一個細細的瓦煲盛放，打開蓋一陣陣燶郁撲鼻的香味傳出，吃下去第一層豬肥膏一點不膩，第二層豬肉煮得也很淋，如果真的覺得只吃東坡肉膩，它還配上少許蔬菜可以中和一翻鮮肉小籠包 $38必吃的小籠包，來到時侯熱呼呼咬下去滿滿的湯汁都流出來，肉餡亦有很多肉汁再配上黑醋，簡直是傳統絕配上海擔擔麵 $46擔擔麵煮得剛剛好，其麵條質感細滑不會太淋或不硬！擔擔麵上層還伴著少許豬肉碎和蔥花再配上惹味湯料，每吃一口都叫味蕾跳躍

之前在始創中心吃飯時，路過發現有間夏麵館，知道它的上海菜很出名，今晚便提早來吃飯，想不到六点鐘門外已經有人等位。這裡裝修光猛，座位寛敞，適合家聚。花雕醉雞。酒味濃郁，雞肉嫩滑，很久沒有吃到這麼好味的花雕醉雞了。油燜小竹筍。竹荀味道帶少許甜，肉質鮮嫩，是一道美味的小吃。上海春卷。外皮炸得鬆脆，點些淅醋味道更皆。如果春卷的餡料再多一點就更好。排骨擔擔麵。排骨不算厚身，因為我比較喜歡啖啖肉的排骨。不過擔擔麵很有驚喜，份量多之餘，花生香味濃郁，麵質硬度適中，足夠三人份量。醃篤鮮。大部分喜愛吃上海菜都會吃酸辣湯，不過這個醃篤鮮是上海菜的時令特色菜，用春筍、鹹肉和鮮豬肉，置於文火上慢燉，無需添加鹽，講究原汁原味。湯的味道帶點鹹香，味道一流，可惜豬肉比較肥和硬，如果可以炆煮多一會更好。

呢日一行二人喺始創行完街就嚟到位於1樓嘅夏麵館醫肚。點餐紙上面夠晒多選擇。夏味燻蛋 (隻) ($13) - 先點隻燻蛋食下。燻得夠入味，咬落軟身彈牙，蛋黄流心，蛋味香濃，水準之作！鎮江水晶肉 ($55) - 水晶肉不肥不膩，口感爽口彈牙，鮮味中略帶酥香，配上香醋食就更鮮美。水煮魚 ($108) - 魚塊無骨又大件，份量足，口感爽口滑溜，除咗魚塊仲加有大豆芽及粉皮，香、麻、辣中帶有大豆芽的回酣味，過癮又滋味。唐芹水餃麵 ($50) - 鮮！不論係湯底定水餃都十分鮮味，麵身滑溜彈牙得嚟帶少少煙靱，令人印象深刻！上海擔擔麵 ($46) - 蔴醬味香濃，湯底嘅稀稠程度剛好，掛到麵身又唔會有黏口嘅感覺，又係另一出色之作！總括嚟講呢度食物味美，服務有禮、坐得舒服，絕對係個唔錯嘅選擇！

今日放假同老公去左太子行街順路係尼邊食晚餐尼間位於始創中心既上海菜館超大間而且裝修非常新潮6點鐘開始晚市，今日雖然平日但7點多已經坐滿一半人了坐低職員已一早上定茶了，尼到上菜速度超快，岩岩落完單就有得食啦來到食上海菜當然要食小籠包啦叫左個《鮮肉小籠包》$38新鮮上碟仲有煙出小籠包吾算多湯汁但就勝在佢既肉非常鮮味，肉帶少少筋所以會有咬口《生煎包》$36尼到既生煎包非常健康，一點都不油膩，豬肉亦非常新鮮，個皮吾太燶，當然鐘意食得清既朋友會岩食，但個人比較食得香口一點既話皮再煎得脆少少口感會更好。另外叫左《雞絲粉皮》$52雞絲加上青瓜，花生醬🥜同小麥撈粉皮非常惹味同花生醬非常香，另外粉皮整得非常爽口食落夠晒入味但又吾會膩之後叫左個《蟹粉拌麵》$78蟹粉同麵分開上，方便個人食法而我當然全部撈暈咁食啦蟹粉非常鮮，入面仲有好多蟹肉，以往食既蟹粉都偏鹹，尼間無咁重口味帶到蟹肉既鮮味麵都夠彈同爽另外最鐘意食佢尼個《夏味燻蛋》$24 兩隻蛋燻得超靚，個黃整得恰好入口仲有回香最後必食既《豆沙鍋餅》$36上海野必食既甜品之一尼到個豆沙皮口感又同其他上海店不太相同，不是脆口的，是有種綿綿既感覺再包住豆沙蓉，豆