夏麵館 (始創中心)

營業中

休息中

中菜有好多種類，要選我最愛的，就一定係上海菜，香港都有唔少上海菜餐廳，其中連繫式的夏麵館係其中一間我成日幫襯的，呢排係始創又開左新店採用劃紙的形式ORDER食物，個人認為呢個做法幾好，唔洗口講手寫咁繁複，店員對住張紙慢慢入單準確度高好多夏味燻蛋 ($12/ 隻)一人一隻燻蛋，未放入口已經聞到煙燻味，蛋黃做到黏黏的口感，簡單的一隻蛋都做到好美味鮮肉小籠包 ($38)小籠包皮做得幾薄，每次食小籠包都要好小心夾起，咁就唔會整穿漏晒入面D精華出黎砂鍋雲吞雞 ($138)成日都覺得叫砂鍋雲吞雞係好抵的小件事，因為一鍋入面有湯飲、有肉、有菜、仲有餃子，滿足晒一個晚餐的需要，加碗飯就夠晒兩個人食，湯底因為加左金華火腿更多左一份鹹香，雲吞份量都俾得唔少高力貓山王榴槤 ($25)高力豆沙食得多，今次將豆沙餡轉左做榴槤，仲要係貓山王，咬開望一望入面，有唔少榴槤肉，鐘意食榴槤的朋友一定會好喜歡呢個甜品

屋企人鐘意食中菜，知道始創中心開左間夏麵館，今晚就專登來試下，入門口時，店員在門口帶位，好有店小二傳菜的架勢。餐廳內外裝修都頗精緻，糸一間上海菜館。入門口時已經感受到。卡位大沙發應該好好坐，所以應該提前訂位。點菜紙上菜式繁多，選擇十分豐富。前菜點左醉香豬手，睇上去好淺色，但食落好夠味，有濃濃的酒味，好香醇。主角一定系呢碗麵，大大的麵碗又系佢地的特色，正如經理所講，十個食左至少九個話好味，我地揀左懷山麵，即糸麵身系滲有懷山的自家手工麵。我地揀左走辣，濃濃的湯底，有好多配料組成，麵好Q，不愧系自家手工麵，的確好好味。配的上海排骨，炸得很酥，不太肥，送麵一流。蒜蓉炒時蔬，媽媽大贊炒得很好，很有水平，菜芯不是爽脆，而是綿密，好像特別燜過咁，食過一d渣都冇，滲出淡淡清甜。飯後甜點系貓山王榴槤高力，可以加$1蚊換購? 冇聽經理講，好似完左。唔知了，我地系填點心紙上的正價。冇關係了，因為貓山王榴槤真系好邪惡，咬開表皮，一股濃郁榴槤味的熱氣湧出.....好好味。

今日發現始創中心開左間新餐廳係食上海嘢，即管幫襯下佢試新嘢。餐廳裝修係走簡約清新路線，同一般食上海野既餐廳風格唔同，好配合我呢d偽文青。餐廳除了傳統上海菜式外，仲會攪下fusion，最新嘅就有貓山王榴槤高力。因為朋友好憎食榴槤，所以我都無緣去試。我地都係食返d傳統嘢，糖心蛋，話梅小排骨，蘿蔔酥，紅油炒手，蟹粉炒飯。溏心蛋好入味，雞黃真的好流，好溏心。排骨肉質好爽好彈牙，調味酸甜適中，好好味。蘿蔔酥外脆內軟，裡面的蘿蔔絲好甜，只係略調味淡了一點。炒手好大粒，但雲吞皮略嫌太冧。炒飯上枱好平凡，心諗又中伏了。爬了一啖炒飯，真的好普通，再試下撈一撈蟹粉，整個感覺變得好唔同，有畫龍點晴嘅效果，蟹粉好香好甜，另一碟普通既炒飯提升左N個層次，蟹控一定唔可以錯過。

今日與先生到旺角金魚街買魚糧，來到始創中心行嚇，見到一間食上海菜的夏麵館，招牌菜有擔擔麵、水煮魚、蟹粉小寵包、蒜泥白肉、紅油抄手、回鍋肉粗炒等等，充滿地道風味的上海菜，我和先生都決定試嚇。侍㒣非常熱情，介紹菜式都由上海師傅親自處理，可讓大家吃到真正的上海風味，還有獨特的飯後甜點南瓜餅，也是非常可口。蒜香四季豆$34。四季豆翠翠綠綠帶炸過的痕跡，一見就知煮法正宗，食入口非常爽及清甜入味。水煮桂花魚半條128叫了個外表最吸引我的水煮桂花魚，水煮桂花魚上枱，面上鋪滿的干辣椒，芫荽，芽菜，蔥，還有主角帶紅油的雪白桂花魚，真是令我垂涎，桂花魚肉質非常嫩滑，香辣滿口。砂鍋獅8頭面$70。上枱最搶眼的當然是面上大大個的獅子頭，獅子頭肉汁豐富，拉面煙靭有咬口，湯底清甜。甜品要了侍㒣介紹的香煎南瓜餅三件$28。南瓜餅上枱新鮮熱辣，軟腍香南瓜味，𤔡這餐上海菜更添完滿。

出街唔知食咩好,食上海嘢就一定啱口味啦.呢一間分店位於始創中心, 所以喺附近行完街就可以上嚟食嘢啦,平日又唔會太多人。呢一個黃鱔充分展現出何謂濃油赤醬，味道濃郁但又唔會話好過份，線條嘅口感就腍身加埋 濃香惹味嘅醬汁店滿黃鱔絲，入口爽滑，配合獨有嘅香氣韭黃色香味更加配搭出一種特別嘅感覺。海蜇 佢係比較重色調嘅，咁但係佢味精就比較爽，又唔會話太鹹，將佢加埋喺黃鱔嗰啲汁到食就一流啦好相配合。醬鴨 就係傳統嘅上海菜嚟到呢度就一定要試下㗎啦，上海醬鴨嘅樣有少少重口味，不過鴨肉就夠林，有少少鹹但係都接受到嘅嚟到呢度梗係要食番個高力豆沙啦，高力豆沙暖暖嘅，唔會好油外皮軟綿綿咬一啖就會散發出淡淡嘅紅豆味

踏入初秋，胃口更加旺盛，今晚又出動來嘗新嘗鲜。對於夏麵館，已經久仰大名，而這間在太子的新店，還是第一次來。打開餐牌，目不暇給，建議還是愈多人來愈好，可以儘量多嘗試不同菜色。雖然今次只是二人行，但仍是忍不住叫了五個菜 (其實早已經預了要打包)。牛肉生煎包- 實實在在，牛肉一大塊，也不會太油，不是空氣包。麻婆豆腐-十分麻、十分辣，吃時流鼻水，吃後多飲水。葱爆牛肉-全晚的冠軍， 牛肉嫩滑，色香味俱全，䓤段清爽入味。漁香茄子- 酸味突出，酸筍的味道主導了整個菜，茄子份量亦多，反而漁香的味道隱沒了。老上海炒飯- 味道適中，用來平衡其他重口味的菜剛剛好。其實還超級想試高力豆沙，但無奈只得一個胃，吃不下，打包冷了又不好吃，所以只好等下次。

同啊媽出街食，食上海野就一定岩口味。始創分店位置又方便所以係附近行完街就殺上黎食，閒日又唔太多人，坐得都幾舒服夏味鱔糊麵 （准山麵＋＄5）＄70准山麵有驚喜，因為個准山麵好滑又帶點爽口，唔會出現糊狀所以食落個質感都幾好，就咁單叫准山麵食哂都得啊！鱔糊又炒得好入味酸辣湯 ＄30酸辣湯既味道幾平衡，唔會偏酸或者偏辣，材料都幾豐富宋嫂鮮魚羹 ＄32呢個鮮魚羹又幾好味，入面既魚片唔會腥而且真係做到羹既質感花雕醉雞 ＄66雞既份量都算多而且都算滑，不過酒味唔係好濃。適合唔太喜歡濃味既人食泡椒鳳爪 ＄38鳳爪大約有6隻，不過辣味就唔太勁，如果再辣D會更吸引。鳳爪唔會雪到好硬好難咬鮮肉鍋貼 ＄36 呢個有少少失望，因為煎到好黑而且個皮都幾厚，不過入面都幾有肉汁總括，小妹覺得夏麵館價錢唔太貴而且勝在多選擇，部分更可以選擇份量少D，咁就可以食多D款式

平時食上海野，來來去去都係嗰幾間，今次決定試新野！行到肚餓之際諗起好想食小籠包，見到呢間就好不猶豫入咗去食了！🤣就咁睇餐牌上嘅價錢都唔算好貴😳每次食上海野都必定會嗌一碗酸辣湯～呢碗份量夠亦好足料，味道偏辣多過酸，喜歡喉嚨辣辣地嘅朋友就啱哂🌶呢碗排骨擔擔麵十分推介，麵同排骨嘅比例啱啱好，排骨炸到外脆內軟，容易咬入口。擔擔麵湯底好杰，有超濃郁嘅花生味，每夾一住面就掛住唔少嘅湯底，係真係做得不錯啊🍜😋朋友嗌左鱔糊擔擔麵，湯底同上面一樣；整碗麵$70但有一大碟鱔糊，而且冇偷工減料，每啖都有冬菇同切成絲嘅鱔糊，非常抵食！最後仲嗌左榴連高力豆沙～平時我同朋友都唔太好榴連，見餐廳推薦就點嚟試下。食落令我對榴連改觀，出面又甜又脆嘅皮，包住入面軟腍腍嘅榴連，其實幾易入口～仲令我覺得高力豆沙皮+榴連係個唔錯嘅配搭添！整體餐廳食物質素都唔差，而且分店都幾多，遲啲想再食就方便得多😆

與媽媽在太子始創中心選購海味時，發現夏麵館在這裏開了分店，媽媽表示很想吃，那就吃吧！ 餐廳佔地蠻大，裝修時尚得來，又不失古典感覺。吃上海菜又怎能少得豆漿，點了兩杯，與媽媽一人一杯。生煎包一碟3個，煎得非常香口，酥脆中帶點軟淋，餡料多，肉嫩且多汁，很好吃。排骨擔擔麵湯底味道帶有濃郁的麻香，味道微辣，又不失鹹鮮甜味，而麵條口感煙韌彈牙，吃後不覺膩滯，而排骨外層炸得香脆，內層肉質嫩滑，肉汁豐富，讚。蟹粉素雞蟹粉味道香濃，甘香鮮味，帶有淡淡的鹹香，內裏還有大量蟹肉絲，配上嫩滑的素雞，滋味度大大提升。上湯浸時菜上湯味道鮮甜，帶有淡淡的蒜頭香味，而菜心吸收了滿滿的上湯後，口感鮮爽。豆沙鍋餅餅皮外層煎至金黃色，入口香脆，內層豆沙味道香甜，甜而不膩，很好吃。

有次係荃灣同屋企人食過，剛剛朋友想食上海菜於是就帶佢來旺角新分店上海擔擔麵@擔擔麵係上海菜中其中一樣經典嘅食品，湯底有着淡淡嘅麻醬味同好多花生碎粒，加上肉碎、葱花同梅菜，香濃得嚟唔會太稠，軟硬適中嘅麵條掛上麻醬湯底增添香氣，食到最後麵條都無因為浸住湯而變糊，簡單得嚟又見風味樟茶鴨蝴蝶餅(半隻)@外皮酥脆，鴨肉呈粉紅色，即使鴨胸的位置也比較細嫩，用蝴蝶餅夾着鴨肉，食落毫無油膩感，細嚼有點點鹹香味，但係煙熏嘅香味不是太突出宋嫂鮮魚羹@湯羮色澤黃亮，口感滑溜，濃稠適中，有笋絲、冬菇絲同蛋白等配料，唔同嘅口感令湯羮質感更豐富~ 醋將魚嘅腥味除去，不過落得重手咗小小，酸醋味略蓋魚羮鮮味豆沙鍋餅@新鮮煎出黎熱辣辣，薄脆嘅外皮包住不太甜嘅豆沙餡，外脆內軟，甜而不膩炸饅頭@最後又忍唔住叫多份炸饅頭，炸到金黃色嘅饅頭內裡好鬆軟，再蘸煉奶食，好完滿

一向是夏麵館FANS, 平時多數去荃灣分店食, 不過知道最近太子始創中心開了新店, 於是也急不及待來朝聖一下~ 太子夏麵館裝修比我想像中光亮、而且地方很大, Sofa位很多, 坐得好舒服! 食物選擇方面一如以往的多, 最近除了有主打蟹粉外, 還有榴槤甜品, 真的好想吃! 我和朋友點了幾款菜式: 三鮮煨麵、老上海炒麵、蟹粉年糕、蒸銀絲卷 三鮮煨麵 - 以蔬菜(娃娃菜, 小白菜)、豬肉、河蝦和火腿煨成, 份量頗大, 二人分着剛好, 上海白麵彈牙, 湯底鮮甜又不會太咸, 再配以爽口的蔬菜、蝦和豬肉, 很快填飽肚又是清清地、不會太滯之選~ 蒸銀絲卷 - 銀絲卷蒸得軟熟香糯, 不會太實, 好有彈性, 再配以練奶, 好食! 蟹粉年糕 - 是小妹推介之選, 在荃灣店都食過幾次了,蟹粉又鮮又香又足料, 而且濃稠得宜, 又不會好咸, 食完好口渴那樣, 是味道非常適中, 絕對可以伴以白飯來食都不失禮, 年糕今次就不太夠彈, 是比較軟身一點, 不過以這價錢只吃蟹粉都性價比高了! 老上海炒麵- 味道好好, 豉油不會太咸,麵條很煙韌很有彈性, 每條都有炒到好入口, 但又唔會好黏, 是幾

喺油尖旺番工嘅好歲係，餐廳真係算多，如果唔係日日收工都唔知食乜好，今日揀左夏麵館，其實我都唔知呢個位幾時有間上海野，不過果日喺呢條街買化妝品見到有。平日晚飯時間，勁好生意，滿座咁濟，淨番D高櫈位，店員叫我地等一等，有枱埋單，所以都唔洗等好耐就入座。成間餐廳都算大喎，座位多，我坐近門口D位，唔會好逼嘅都夠舒適一般嘅上海野呢度都有，我亦都食過幾次，所以都唔洗點睇餐牌，恰埋眼都點到野。點左兩款小菜、一個麵、兩個小食，抵食啊，埋單連加一三百零蚊，飽到上心口。鐘意呢度選擇多，小菜又得，水煮魚又有，平平地食個擔擔麵又得。生煎包 36：一份三隻啱啱好，即時整，上枱熱辣，個底少少脆脆地，包身仲好軟熟，肉餡好香，有少少肉汁，唔會乾，而且成個生煎包唔油。鮮肉小籠包 38：佢都有蟹粉果D小籠包，不過我點左平平地小籠包。皮薄餡靚，咬落必哂湯汁，湯汁唔會熱到辣咀，幾香，無味精感。肉餡結實唔肥，而且小籠包都唔厚皮，交到功課酥炸大排麵 55：一大碗麵，兩個人都夠食，湯頭熱辣辣，好清，調味適中。麵條唔會太淋身，略嫌塊豬排就老左少少，好在唔油膩。蔥爆牛肉 78：今日想食飯，所以點左D好送飯嘅菜，揀左蔥爆牛肉，鐘意佢有少

之前經過呢個商場時, 見到呢個舖位圍左板寫住"夏麵館", 心中暗暗拍掌, 時關之前有間成日食開, 自從無左之後, 幫襯的機會大減左!今晚出開呢頭就即刻諗到一定要黎開餐, 餐牌上提供的食物選擇較之前為多, "選擇困難症"又再次出現有D食物, 食過你覺得好味的就一定會再食, 好似係呢個鱔糊麵 ($70)呢個鱔糊充分展現左何謂濃油赤醬, 味濃但唔會過分, 鱔條口感腍身, 加埋荀絲及冬菇絲, 配搭清湯拉麵, 一濃一啖, 互相配合!前菜方面叫左呢客醉香豬手 ($62)爽脆豬手皮連少少肉, 浸係酒中相當入味, 滿滿濃香酒味, 加幾粒杞子點綴, 好看又好味!另一款為熗炒土豆絲 ($58), 呢款應該係新加菜式, 之前未曾食過土豆絲切得每條不一, 油份充足, 食起黎相當有口感; 見到紅噹噹辣椒咪以為得個樣, 食落相當有辣度, 亦有麻辣香味, 惹味之選!鮮肉小籠包 ($38) 呢D係情意結成分居多用筷子夾起頂部都唔會一夾即穿, 點少少醋就一啖放入口, 肉汁隨之然係口腔四射, 外皮與餡料互相配合!另一主菜為津白肉絲湯年糕 ($50)一碗份量強勁, 二人分享都無問題!  喝一口湯底係熟識味道........

waaa.... 好鐘意食上海野好鐘意食夏麵館終於係旺角有laaaaa新舖門面都靚過人等更位發現做更lee 個優惠正呀😋😋😋入面裝修都好靚必食小籠包即叫即蒸想食好多款小食通常都會叫五小碟一次過滿足晒我好多個願望食材新鮮主菜叫咗排骨擔擔麵個擔擔麵係淮山麵口感好唔同份量有多好抵食🤗🤗淮山麵睇落去同平時啲擔擔麵差唔多不過去食落嘅時候就再有口感啲最後仲叫咗個貓山王榴槤高力無論幾飽都要叫呢個甜品記住要差唔多食完之前就要叫佢哋準備因為即叫即整

不愉快的一餐，不會再幫襯。係未被通知的情況下，食咗未夠40分鐘就趕客，通常其他餐廳會事先講明可以坐1個半鐘。找錢20蚊全部係銀仔。俾以前間上上拉麵小籠包差太遠，點咗個50幾嘅雞絲粉皮，得嗰一小碟。一個貓山王高力豆沙，3個要$68，又冇同我哋要叫上，搞到我哋等咗成20分鐘，後尾吹，個侍應先話：你冇叫上。最後經理好唔客氣話：啲野上齊啦嘛？跟手自動俾埋單紙。野食唔高質。相對於其他分店，服務態度比較差，連新店形象都唔想搞好，何來新客源？