回到味來 (已結業)

自己最喜歡打邊爐，難得約朋友出來聚會，當然要尋找隱世邊爐，想不到這次發掘了美味雞煲！黃燜雞煲半隻（$158）一行人都不愛辣，故選了香口的黃燜雞煲，店員先炒了一下，因此雞肉非常入味，雞肉入口即化，而且啖啖肉，推介！丸拼盤（$88）由於有選擇困難症，因此我們選了丸子avengers，一次滿足我地三個願望，看得出丸是新鮮打的，入口彈牙！蔬菜拼盤（$58）沒有想到咁有藝術感，竟然用菜排成一朵花，當然手機食先！但食落是爽口的，而且有齊幾樣蔬菜，十分抵玩抵食！寬薯粉（$28）寬薯粉彈牙，配上清香湯底滲透，真的好正，我們再叫了一碟！稻庭烏冬（$28）烏冬嚼口十足，掛湯力很好，很美味！烏龍茶（$12）烏龍茶清香解渴，又平又正！整體來說，環境舒適，真的和朋友聚會一流！

餐廳招牌菜係麻辣雞煲，當然要試一試啦！如果食得辣既朋友就要留意啦！如果點終極大魔頭，全單有7折，大惡魔有8折，中惡魔有9折，小惡魔沒有折！自問唔太食得辣，所以選擇了小惡魔！另外，晚上9點後入座，會有宵夜優惠，非常吸引！落單後，店員提供了調味盤，都有幾種選擇。不過雞煲已經好夠味，基本上全餐飯都唔需要額外再調味！餐前小食係蓮藕莖，酸酸甜甜，加上蓮藕莖爽脆口感，清新開胃！小惡魔雞煲 （半隻）$158嘩! 估唔到半隻都有咁大煲，好足料！上枱後，煲多一陣，再炒兩炒，就可以食啦！打開蓋子就已經聞到香濃的醬汁味，真係邪惡呀！睇清楚D，發現當中有花椒八角，乾辣椒，花椒，薑，洋葱，蒜頭等等，難怪香味四溢！雞肉非常嫩滑，肥美鮮嫩，又多肉汁，雞肉吸收左醬汁既味道，非常惹味！最欣賞呢個係雞煲惹味得黎唔會過咸，調味恰到好處，絕對係一個好味的雞煲！非常推介！食完雞煲，可以開始打邊爐！我地滿足左大半個胃啦，所以選擇少量其他邊爐配菜，已經足夠！韓國辛辣麵 $18金菇 $32新鮮淮山 $38蜆 (送)原來9點前入坐，餐廳會送碟蜆比顧客架！啤酒 $22麻辣雞煲配冰涼既啤酒，爽呀！烏龍茶 $12

不嗜辣的我一直對雞煲毫無好感，因好吃的雞煲通常都是麻辣的，不辣的雞煲則平平無奇，但想不到吃過這間的雞煲後完全另眼相看，驚覺雞煲原來可以是人間極品。這間餐廳主打雞煲火鍋，門口貼了不少名人光臨的合照和簽名，更有挑戰惡魔雞煲終極大魔頭英雄榜，別具新意。店內環境不俗，裝潢設計時尚富格調，燈光柔和有氣氛，清一色軟座卡位，坐得相當舒適，還可看著漂亮街景用餐。不得不讚店員們的服務態度非常好，有禮又殷勤，亦細心周到，在加湯時會小心翼翼地用手擋著，生怕我們會被熱湯彈到，卻寧願自己的手在熱爐上方烘著，在微小的地方足見他們對顧客的重視，很是欣賞。餐廳有多款創新口味的雞煲和火鍋，好有特色。招牌惡魔雞煲更有幾個level，挑戰不同辣度更可享全單7至9折。食物的選擇亦很多，有多款海產和火鍋配料，更有不少惹味小食和甜品。餐廳更推出儲分換禮物活動，好有心思，禮物都頗吸引和實用。黃燘雞煲簡直超水準，醬汁是非一般的惹味，好夠稠身而且非常香濃，味道好有層次，難以形容的滋味。雞件大件又厚肉，肥美嫩滑，醬汁更令雞肉很入味，美味得讓人欲罷不能。雞煲更另附寬薯粉，口感軟滑煙韌，吸收滿滿的醬汁後每一口都是精華所在，味道一流。丸拼盤賣

難得朋友生日，當然要食餐好的慶祝。和朋友們找到一間隱世好味打邊爐，從食物和服務都很驚喜！黃燜雞煲-半隻（$158）自己十分喜歡雞煲，這裡也主打辣雞煲，但朋友不能吃辣，想不到黃燜雞煲一樣正，雞肉鮮嫩可口，已經非常入味，性價比十足，非常足料。我們很快便光盤了！安格斯頂級肥牛（$198）肥牛的厚薄適中，肉質甜美，而且有一大盤，性價比十足，愛牛人士絕對是必點之選！海產（$0）想不到竟然有附送海產，而且份量不少，海產非常新鮮，配上清香湯底一流，真心非常抵玩抵食！整體上，店員非常友善親切，還幫我們播生日歌，服務態度一流！店鋪座位上又是卡位，坐得非常舒適，而且還有積分制的卡，食多換多，所以絕對可以有下次呢！

雞煲，雞煲，一心只想住食雞煲，係openrice search，見到間(回到味來)，名字吸引到我。一來到見到個大大的招牌 一入去覺得好像去左森林甘，私隠度高，岩曬一大班朋友來聚會！雞煲中有幾個款選擇，而我地揀左個惡魔雞煲中的小辣，兩個人半隻雞己足夠！雞煲入面有好多配料，超香，雞肉嫩滑而且又不會麻辣，岩曬我，假如食得辣的人應該揀個大辣！佢有6款調味料加師傅自製的醋因為來緊我地仲會叫手工餃拼盤，本來想叫個手打牛筋丸加牛肉餅，可惜賣曬，不過個手工餃有驚喜，個皮超薄而且內菡仲好豐富丸拼盤（蝦丸，豬肉丸，墨魚丸）隻隻爽口彈牙最後叫左炸午餐肉食佢地話九點前送兩碟新鮮蜆肉俾我地兩個人埋單三百蚊左右，抵

今日朋友話想食雞煲，但我地食黎食去都係個一兩間，覺得無d新意。行過旺角新城 見到好多間食舖，俾我地見到呢間叫做（回到味來）好似幾好咁，仲有優惠.重點有雞煲食喎！所以就揀呢間上去食喇！😀上到去個環境都幾好，都係以卡座位形式，坐得夠舒服，同有自己既空間，傾計都方便啲。亦有電視睇。餐廳9點後有套餐優惠都幾抵食。下次宵夜可以黎食。👍如果揀魔鬼雞煲🌶🌶🌶，按照辣既程度有折扣，最多可以有7折添！但我朋友又話今日唔食得辣，所以就揀左個唔辣既雞煲：黃燜雞煲🐓🐓香噴噴既雞煲上菜喇！望住個煲等食，嗅到個味道好香濃，好似又幾正咁喎！😋😋叫左一隻雞份量，都幾多幾大隻。個味道都真係唔錯，好濃郁既汁，仲落左d雜菇，芫茜蔥落去一齊燜。燜到d雞好林好入味，雞肉夠嫩唔老！又真係唔錯喎！最欣賞佢落左d雜菇落去，食落更加惹味同多個口味！平時雞煲都唔會有。另外餐廳仲會送薯粉俾我地落係個雞煲食！正！薯粉襯埋呢個咁惹味既汁，索哂d味，又幾好味。食哂d雞，我地就叫啲火鍋料打邊爐，但其實食完個一隻雞都好飽，唔叫得多。😋😋見頭先d薯粉咁好味，我地再叫左烏冬食。食過返尋味！😆餐廳仲有個兜可以兜住黎淥，夠哂方便呀！七點優惠，餐廳又送左海蜆

是夜身痕想食🐔煲，便走進信和附近的這間雞煲私房菜一試。一見原來9點後入座有優惠，仲心諗要不要等一會。不過男友說餓到頂唔順了😆還是入去食吧😄還好今晚星期三晚未滿座，一坐下便先送上飯前小食藕條，呢種小食我返大陸食過，是迷你蓮藕、而且是長條型，十分爽口😋而用了醋去醃，好醒胃😯男人話好伏，因為越食越開胃🤣由於我怕爆瘡，呢排又夜瞓，所以唔太敢食辣。所以我地決定點唔辣的黃炆雞煲，另外再加了竹笙、皇帝菜及蝦滑🦐🤗其實仲有好多都想試，但今晚得我們兩丁友，我地怕食唔哂。點菜後店員先拿了各種配料給我們自製醬料很快雞煲便來了，煲同雞的份量都好巨🙊雞煲到來時，店員會先幫你炒一炒起佢，而且雞煲還會附上一客薯粉👏🏼👏🏼👏🏼雞煲一炒起好滋味好香，有陣陣的薑的香味，而且雞剛好熟起，肉質還是十分香嫩🤤😋而且份量真的頗大，我覺得呢半隻雞好強🐔😆啲竹笙好大條，而且好爽口新鮮🤤我地先煮了竹笙才請店員加湯煮蝦滑，咁樣啲竹笙會入味啲🤗蝦滑都好新鮮，略厭未係好滑、但似人手打出來有誠意👏🏼👏🏼而皇帝菜就係我今晚最滿意的配菜，因為條條都又新鮮又靚👍🏼😋😋好似仲喺個盆到生緊咁🤣索埋啲湯去煮、食落一流🌱😋😋店員仲話9點前入座有蜆送😍😍😍😍

今天跟朋友兩個人去了，打算早一點在7點左右食，打算食完再去行街。叫左個惡魔雞煲(中辣，有全單9折啊!)，再加左個牛肉拼盤同埋烏梅汁(解辣一流啊)，有牛丸，牛肉塊。落完單之後，店員先俾左D 醋同豉油，辣椒等配料，仲溫馨提示我地要落幾多豉油同醋。然後雞煲到左，吹下水，店員就幫我地搞一下，然後就同我地講食得。一開蓋，即刻聞到個煲好惹味，有好多香料，流晒口水，以食落本身唔覺辣，食食下就越食越辣，越覺得好味。食晒雞煲之後，就同店員講加水，開始試D 牛，D 牛丸好有嚼勁，好有牛味，再配埋D 醬料食，真係絕配，就算食過其他雞煲都可以去試下，真係唔錯。價錢雖然略貴，但味道十分唔錯PS 食食下店員仲送左碟蜆係免費既。

熱熱地又想食打邊爐，普通邊爐又食到嫌，朋友介紹旺角有間私房邊爐就即管去試下，睇Menu就知食既邊爐湯底同其他鋪有啲唔同，我就揀左南瓜海鮮同米酒雞湯底試下。回到味來手打牛拼盤，有牛肉丸、牛根丸同牛肉餅，適合唔食丸人士。併盤內有蝦、蟹，蜆，魷魚和貴妃蚌，貴妃蚌同蝦最鮮甜彈牙！食完最後如果Like埋店鋪Facebook仲送埋薑茶水中花甜品，薑味濃，適合寒底人士不況一試。Spicy.......

餐廳座位坐落好舒服 感覺乾淨整齊👍要另外每人加$10 醬料費 有蒜蓉 蔥花 炸蒜 芫茜 辣椒 唐芹黃燜雞煲 $158 我地4個人叫左半隻黎試下，一上台已經香氣撲鼻😍 焗一陣，會有店員過黎幫手炒一炒😆 個醬汁好濃郁加埋紹興酒味 而且個雞醃得好入味🤤雞好嫩滑 啖啖肉！入面仲有秀珍菇 完全吸哂d 雞味😭👍跟雞煲 仲送埋粗薯粉 記得要煮耐d 等d薯粉吸多d 醬汁 口感好彈牙煙靭🤤手打牛丸🤤入面好結實 好難篤開 因為好真材實料自家製 食落牛肉味好重！咬落有口感彈牙 雖然貴左d 又得8粒 但係值得一試👍雪花肥牛 叫左最平個種黎試下 薄切 一片有齊肥瘦 幾均勻 食落牛味好香😆羊肉 都係切到薄薄一片 好香羊味 唔so👍👍芝心墨丸呢個好特別 第一次食呢款丸 墨丸本身好彈牙 而且入面係流心芝士 好好食😆👍👍送嘅海鮮 唔錯🤤食雞煲邊爐實在太喝 雖然茶水任添 但係忍唔住要叫竹蔗茅根 清下熱氣 好清甜而且好足料嘅感覺👍

昨晚同老友睇完球賽，我哋嘅至愛嗰隊勝出，心情非常興奮，即時胃口大開，跟住去搵嘢食，行經見到呢間餐廳，名字非常棧鬼，畀佢吸引住，我哋就揀咗佢入去食飯，周邊環境好寬敞，座位都好舒適，我哋即時就揀選菜式。見到呢款惡魔雞煲半隻(小辣)，我哋都不約而同想挑戰下佢有幾惡魔，當應端上枱時，嘩!香噴噴到不得了，真係惡魔呢，每件雞件都好像跳舞似的，在煲內彈彈下，跟住梗係要挑戰自己嘅味蕾，肉質柔韌兼備，雞汁充滿著 口腔，非常惹味，肉味幼嫩蜜甜，小小辣味非常匹配，多樣配料都冇執輸，同樣滋味。我至愛嘅雪花肥牛，冇令我失望，點點雪花肥牛鋪得滿滿一盤，密麻麻圖案像繁星一樣，肥瘦得均勻漂亮，紙張一樣嘅薄片，在沸騰濃湯裏輕輕一燙，便立刻品嚐到牛香軟淋美食，盡歸你所有。龐大時令海鮮拼盤（蟹、蝦、墨魚、蜆肉、蚌）每款都經過精心挑選，蝦同蟹都眼仔碌碌，像是望著你，亮晶晶的，新鮮程度可想而知，鮮味零舍特出無瑕疵。墨魚爽口彈牙，魚味濃郁。蜆肉和蚌，同樣鮮味無窮。自家用心手作打造丸拼盤，零舍煙韌，食材用料豐足，特別到位，無欺場。

雞 全部都係雞🐓今日大胃女王又出動啦😏😏是次相約左朋友一齊挑戰 雞煲🐓🐓🐓🐓今日決定去美食集中地 旺角開餐🍴原來雞煲有好多辣度選擇 如果食到好辣既朋友 好抵食 因為會有折頭💪🏻餐廳座位闊落 唔會坐到好擠迫好多沙發位 好有空間感👍🏻約朋友聚會 或者情侶談心 都好適合😘食雞煲 醬料都好緊要 呢到有好多唔同配搭餐廳亦有提供醬料配搭比例做參考😀有芫茜 辣椒 唐芹 蒜蓉 蔥花 炸蒜呢個係 醋 同 豉油雞煲選擇實在太多 睇到有d花多眼亂🌸味道有辣 有唔辣就算唔食辣 都唔洗擔心☺️我地心大心細 商量左好耐先揀到😂只揀「小惡魔」😂😂一上枱已經香噴噴🤤🤤雞肉肉質細嫩 份量十足 香口野味👍🏻加上湯 變埋打邊爐🍲蜆十分新鮮 好鮮甜竹蔗茅根足料到爆😱清熱解毒 十分消暑 好清甜既口味甜品真係好靚😘薑茶 味濃 但不致辣豆腐花 擺設花過心思 十分欣賞侍應 服務態度一流值得一讚👏🏻

上星期我有一個多年冇見嘅舊同學回港，我梗係要同佢聚一聚，暢談一番，仲要帶佢去食一餐令佢難忘又有回味感覺嘅事。呢一間回到未來餐廳，早前同事介紹過話值得一試，會有我想的效果，呢個同事平時食嘢都好刁嘴，對佢介紹絕對有信心。同事仲講呢個惡魔雞煲半隻(小辣) 一定要試，未上枱已經聞到陣陣濃香，整煲賣相又吸引，醬汁把雞件牢牢裹著，咬開的時候，內裏汁液才慢慢地溜進你的口腔，外邊醬汁惹味濃郁，雞肉柔韌幼嫩，汁液鮮甜，三種層次三種享受，佢嘅菜名真係名不虛傳。另一個雪花肥牛，雪花紛紛，薄如蟬翼，刀工一流，只要輕輕一燙沸騰濃湯，即時便可品嚐，肥瘦分佈適中，肉質綿綿軟滑，令你愛不釋口。時令海鮮拼盤，有多款時令新鮮食材，把最當造又新鮮同上盛海鮮，滿滿的一大盤，餐廳絕不吝嗇，一流買手經驗豐富，挑選蝦蟹，零舍鮮甜，冧冧肉又多汁，其它蜆、蚌等等都冇失手。蔬菜拼盤，同樣幼嫩清脆，細心挑選食材，對客人非常貼心。自家製作竹蔗茅根，清甜潤肺，食完辛辣濃味嘅菜式後，飲番杯 清心潤喉。同學對我呢一次聚會，介紹呢餐 晚飯，有讚冇彈，還說會再三回味，聽得我不亦樂乎。

友人推薦過來試試食呢度既雞煲 適逢世界盃 一路辣住咁睇波 見到尼馬入波 我我我我辣到嗌唔出聲 但係好興奮 雞煲 辣到飛起 好爽 朋友全程眼濕濕 仲以為係因為思考同男朋友的未來 但原來係辣到喊 眼淚鼻水係咁feeleefehleh出曬黎 日日食食一世真係唔得 但係間唔中食下 真係覺得好爽 正好相似既 係朋友既愛情 所以可能眼淚係真的眼淚 見到好多辣椒 越煲兜嘢越辣 最後只好拎走曬啲辣椒 唔知道 如果朋友拎走曬佢地之間既辣椒 會唔會變得食得曬 可以食好耐 不過呢啲辣椒花椒真係好夠味 就算拎走曬都好辣 啲哥哥好好人 係咁走過黎問會唔會太辣 要唔要加湯 好貼心 又好溫柔 ☺️ 加左湯之後 雞煲瞬間變身重慶麻辣火鍋 好正 朋友話想食羊肉 我不嬲都唔怕羊肉陣味 啲肉切好薄 好唔錯 好快有得食 唔會煮完好un 有羊味 菜量十足 我地仲以為菜會好少所以嗌左兩份 結果食菜食到飽 鮮腐皮好正呀 滑滑的 入味程度剛剛好 送既蜆我無食好多 朋友話都十分唔錯㗎 食呢餐飯好開心 又有波睇 唔肯走係咁傾計都無人催 舒服～

食雞煲, 最重要是其醬汁, 今天朋友推介了在旺角樓上店有一間美味的雞煲, 於是便前來朝聖。這裏的惡魔雞煲, 中辣以上便有全單折扣, 一個小小的中辣也難以抵擋, 不愧有惡魔的稱號;端上來, 紅紅的辣椒楜椒滿盤都是, 辣味的刺激能增加你的食欲; 邊搞拌, 辣椒味伴隨著濃煙, 直撲味蕾。吃一件雞, 十分惹味, 雞皮爽滑, 每一口雞肉, 都極富鹹辣味, 十分”過癮”, 我們點了牛柏葉, 雪花肥牛作配料; 潔白的牛柏葉看起來十分爽滑新鮮, 配以雞煲汁, 使淡淡的牛柏葉, 增添了一點兒色彩及味感; 而雪花肥牛, 雪花及肉比例均勻, 一大盤牛肉十分吸引, 放以雞煲輕輕一燙, 剛剛好熟了, 可能因為雞煲汁太濃, 完全掩蓋了牛肉的味道, 果然還是選一些較淡味的配料才合適。吃完, 覺得這裏的雞煲惹味無比, 如果喜歡辣辣的刺激感覺, 這裏可以滿足到你。