回到味來 (已結業)

朋友知道我喜歡吃辣，放假時當然帶我吃好西。甫坐下，先送上小食—藕帶；香香辣辣，爽脆可口，好吃！先點了個🐥麻辣雞煲🌶（$158/半隻）未打開并已經聞到陣陣香料味道，🌶麻辣雞煲🌶味道好正宗👍🏻又麻又辣好刺激😜，肉質相當嫩滑，入口美味，半隻份量也製多呢！吃完雞煲，當然多點幾碟配料打邊爐！🦐手工鮮蝦雲吞（$48/6粒）店內推介的鮮蝦雲吞果然正，粒粒漲卜卜，飽滿多餡料，鮮蝦和豬肉比例恰到好處，鮮甜多汁，皮薄好吃！澱粉質女孩難以抗拒的粉麵類！🍜稻庭烏冬（$28）烏冬爽滑可口，配在麻辣湯上一流！🥔寬薯粉（$28）薯粉是我的最愛，配在麻辣雞煲上盡吸固中精華，美味至極！☘️油麥菜（$28）打邊爐豈能沒有蔬菜呢！？

返了四日工，又未到星期六，點都要自制少少歡樂時光给自己，所以約友人到旺角回到未來暢敘，散散悶氣 💨💨平日客人不多，兩位亦能安排四人卡坐，卡位都很寬敞，令人感覺十分舒服。醬料 每位$10醬料拼盤，全晚陪著 👍👍可惜我們點的黃燜雞煲味道濃郁，基本上用不上醬料，豉油在食黃燜雞煲期間全程在冷宮中渡過。 黃燜雞煲 （半隻雞）$158點了黃燜雞煲，一雞兩食。頭輪先吃黃燜雞， 蓋一開，香氣直撲 🎉。有秀珍菇作配菜，吸滿大廚秘制醬汁的黃燜雞真是雞味濃郁，香濃满口🐥。配菜秀珍菇吸收了濃湯汁🍄，够嘢味！！ 😍隨煲附上寬薯粉，寛薯粉由蕃薯🍠造成，有較多粗纖維及維他命，亦比較受火﹔適合濃味慢煮，讓其有足夠時間吸透醬汁煮軟，口感煙韌，吸收了濃雞湯汁的寬薯粉，真是非常入味，惹味非常。👍👍放湯前先將雞肉盛起，避免湯水沖淡秘制醬料，食用時可放湯內回熱 😎二食作湯底，放入上湯及蔬菜☘🍀，三朵小菊🌻🌻🌻在水中央……😚🎤🎶🎵……。雞油這東西，喜歡的，可讓蔬菜吸點，那會更柔滑﹔不喜歡就自行處決它 😂😂。很明顯，我揀前者 😂😂😂蔬菜籃$58。蔬菜，粟米及冬菇吸收了湯底的清甜，非常清甜好味。新竹米粉 $22台灣新竹米粉💖，由於新

今日屋企提早慶祝母親節;媽媽話想打邊爐，咁啱細佬附近收工，所以黎到哩間餐廳。因為我地全家都唔太食到辣，所以叫左當歸鴨湯底，味道有Ｄ似肉骨茶既味道，好濃郁既藥材味🤩 對於我地女仔黎講，我覺得唔錯另外個鴨係同個湯分開上，可以錄埋鴨肉～雪花肥牛就打邊爐唔少得～必叫另外我地點左豬粉腸同丸拚盆，都幾新鮮～後來點左手工餃拚盤，入面有幾款唔同既餃子，食完好飽。呢度每一道既材料都好新鮮，份量都啱啱好唔錯～

香港人都喜歡食雞煲吧！今天約了我的老師食飯，所以特登上openrice睇下近期有邊個鷄煲比較突出同坐得舒服先！「回到未來」lee個名首先會令到我會㩒入去睇下，之後發現零負評(lee排我專挑戰零負評）平時去食一d好出名嘅雞煲，食完第一時間就諗只有一次，下不為例，甘又一於去試下吧！我們叫了個少辣的雞煲，雞肉都算滑的，很入味，不過會越食越辣的，所以吾食得辣就可能要再減辣喇魚皮脆脆，又大塊，吾會俾碎嘅俾你冬瓜同准山吸收曬個湯！辣辣，不過我喜歡個安格斯牛認真不錯！好少食雞煲的地方，連牛肉都一樣出色👍🏻lee個豆腐薑茶一定要點！雖然個豆腐刀工爭少少😅但認真夠薑👍🏻

好細心既火鍋雖然天氣開始熱，但係都好想打邊爐，見去開旺角又有朋友介紹回到味來呢間火鍋店，就去左啦。今次點左個南瓜海鮮湯底，叫得南瓜海鮮湯當然有海鮮啦。啲海鮮真心好出色，好新鮮，份量好足。蟹、蝦、蚌、蜆、墨魚一應俱全，最勁係蟹同蜆上黎既時候仲識郁架！食既時候，真係好鮮好鮮，正呀！而南瓜湯底，真係好足料，勁多南瓜蓉係到，南瓜迷一定要食！而小店都好貼心，知打邊爐有啲食物好易甩就比左個兜可以放係爐方便夾返起，又細心又美觀！而其他配料都好正，值得一提係個羊肉片，好有羊味唔會過羶，食得過！仲有炸魚皮，比街既出色！魚皮超脆，一啲油益味都冇！好出色！仲有，店員都好值得一讚！一入到去店員就照顧得無微不至，裝水，加醬料，加湯，收野等全部都好細心，仲好有笑容。今時今日咁既質素咁既服務真係少見，一定要再幫襯！好正好正！

聽好多朋友推薦,今晚同朋友2人去食呢間回到味來,頭盤開胃小食係蓮帶(蓮藕既莖部),酸酸辣辣刺激腸胃, 餐單款式選擇多,火鍋器具精美齊全。我地叫左個四川麻辣雞煲,黃沙豬潤,豬豚肉,即炸響玲,炸午餐肉等多款食物,餡料味道鮮美,基本上成晚我地都唔洗點醬油去食。雞煲雞胸肉多少骨, 雞件份量不少,大件且入味夠辣,食得好過癮,令人越食越想食。豬潤爽滑彈牙,豚肉多汁,炸響鈴即叫即炸,響鈴的卷數較多, 吸湯能力高,而炸午餐肉沾上雞煲既汁就可以即食,鍾意食濃味真係可以一試。我仲點左枝紅肉蘋果酒,顏色鮮艷,味道酸甜,配合辣野食口感一流,上菜速度快,服務人員細心主動加水及幫你去抄底避免燶底。整體黎講,呢餐食得十分滿足！

友人推薦這裡的雞煲，話一定要試試，今晚便和家人來到。這裡地方都很大，又多卡位，坐得很舒服。我們要了麻辣雞煲，一只的份量$298，少辣。上枱後，侍應為雞煲再炒幾分鐘，然後就可以吃了，這個雞煲採用了很多羗、洋蔥、辣椒、蒜頭、花椒，所以香味四溢，另外雞件大小適中，雞肉嫩滑又入味，而芡汁不多，稱得上一個好味的雞煲👍由於家人不是吃得太辣，便點了少辣，不過侍應話可以另上一碟秘製辣醬料，對我來說實在太感動，因為家人不吃太辣，所以每次吃辣，只有點少辣，這個秘製辣醬料，辣度有8級，我吃得超爽。吃完雞煲，看到餐牌上有個南瓜海鮮湯連海鮮拼盤$198，覺得超值，便點了一個。海鮮拼盤內有貴妃蚌、蜆、魷魚、蝦和蟹。以貴妃蚌和蝦最為鮮甜。南瓜湯底，用南瓜蓉加上高湯，我第一次吃南瓜湯底，想不到味道這麼鮮甜，淥完海鮮和牛肉，湯底更加甜，好像吃南瓜濃湯，我非常喜歡這個特別的湯底，吃完所有食物後，忍不住喝了兩碗湯。雪花肥牛$168，脂肪分佈均勻，牛肉味濃郁。這裡的侍應雖然年青，不過禮貌和服務都很好，令人覺得很舒服，值得一讚👍。

是今突然想去打邊爐, 發現這間回到未來是新開的, 甘就去試下!南瓜海鮮鍋 - 好抵食! Chateau Du Bergen 2015 - 100% Merlot 草莓、櫻桃、香料味幾好飲，所以飲左兩支!炸魚皮 - 是即炸的魚皮咬落份外香脆!Angus肥牛 - 肉質鮮嫩牛濃薑茶水中花 手工鮮蝦雲呑油麥菜 雲耳BB藍妹啤酒

有段時間無食過雞煲，加上離上堂時間仲有兩個鐘，所以今晚決定食雞煲。🐔黃燜雞煲 半隻 $158本身想食麻辣，但未食過黃燜雞煲，一於轉口味試下。雞煲一上枱，鮮香撲鼻好誘人，內有好多我愛吃既菇類，入口爽滑，掛上湯汁食落鮮美。雞肉肉質嫩滑多汁，油而不膩，令我胃口大開。而且仲送左藕筍、薯粉。食完雞就可以加水火鍋了。🐂回到味牛拼盤 $158拼盤賣相好型，牛肉丸真材實料，牛肉味濃郁，口感較實帶彈牙，而且牛根丸仲落仲會爆湯汁。牛肉餅睇落似扎肉，肉味濃，口感軟身。🥢蓮藕片 $28爽脆清新，唔怕膩。🥢皇帝菜 $38食雞煲又點少得皇帝菜，好新鮮。今餐雞煲味道比相像中好食，而且侍應都好好禮貌，兩個人食到飽飽離場。

見到藥膳牛肉鍋好吸引就去左呢間試。藥膳牛肉鍋好重藥材味，入面仲有六塊大大舊既牛肋肉。藥材味入晒落d牛肋肉到，而且d肉有少少脂肪位，所以好"林"。另外叫左什菜拼盤、芝士魚豆腐、響鈴、手作餃併盤同滑雞片。芝士魚豆腐真系好好食，一咬開就滿滿既芝士出晒黎，個口感似魚腐，好味到可以一個人食五舊，鐘意食芝士既一定要點最驚喜系個滑雞片，佢好新鮮，完全食到雞味，重點系非常滑，滑到唔洗咬咁。值得一讚系佢個香醋，落少少入豉油，變到又香又有少少酸，變到冇咁膩。

有啲人打邊爐鍾意食任食，但係既然要食間間唔中都應該食得好啲，今次呢就試咗呢一間係旺角新城嘅雞煲火鍋專門店。係旺角既話，我覺得樓上店會比較好坐，靜中帶旺，唔使行到好遠，又坐得舒服啲，食都開心啲。同朋友得兩個人，叫咗半隻雞嘅麻辣雞煲，非常足料，未開始打邊爐已經食到有少少飽啦，而且啲雞好滑，加埋小辣岩岩好已經非常好味。呢間餐廳係旺角同油麻地中間，地理位置好好。嗰日嚟食嘅時候，轉彎嗰邊，有兩張大枱，加埋坐到成20個人，可以同親友一邊打邊爐一邊暢所欲言，所以原來一大班人嚟食都幾合適喎。

呢日喺旺角信和行完街朋友建議食鷄煲就去左呢間喺附近嘅“回到味來”。餐廳座位全部係梳化卡位，坐得舒服。一坐低侍應會送上餐廳送嘅小食“藕帶”，侍應介紹話係荷花嘅莖部，食落酸酸地辣辣地非常爽脆，好開胃！我哋叫左個麻辣鷄煲(半隻$158)、鹽水鴨($52)、黃沙豬膶($58)、足料韮菜餃($38)同稻庭烏冬($28)。鹽水鴨鴨肉嫩滑，夠晒味，配上個用自家製香料調味的醋嚟食，好好味！麻辣鷄煲有分大、中、小辣，另外原來仲有比小辣輕微的BB辣，今次我哋就要個BB辣先。麻辣鷄煲一上菜就非常香，入面有好多種香料，食落鷄肉好嫩滑，麻辣得嚟味道調得非常好，真係無得輸！食完煲入面嘅鷄，侍應會在煲入面加湯就可以變成麻辣湯底火煱！足料韮菜餃餡料足，入面嘅肉碎好鮮嫩，韮菜亦好新鮮，食落鮮嫩味美！黃沙豬潤份量足，夠晒新鮮，因為係怕豬膶我哋熝得比較耐，但食落依然爽口，的確唔錯！呢度嘅嘢食真係好正，我哋會再嚟幫襯！

今晚同老婆去旺角行完街有點肚餓，去左旺角新城睇下有咩好食，見到三樓有間舖頭個名好特别叫“回到味來”，於是上去望望。上到去見到全場都是梳化卡位，可以坐得好舒服慢慢嘆。又見到門口個招牌寫住''用心為您 創做味來''，感覺可能會好好食，就入去試試幫襯下。一坐低侍應會送上餐廳送的小食“藕帶”，食落酸酸地辣辣地，好醒胃。我哋叫左個麻辣鷄煲(半隻$158)、鹽水鴨($52)、黃沙豬膶($58)、韮菜餃($38)、稻庭烏冬($28)。鹽水鴨肉汁鮮嫩，配上自家製帶有果香味的醋，味道好夾。鴨肉味咸咸地，再配上酸酸地又甜甜地的果香醋味道一流。個麻辣鷄煲有好多種材料，味道濃郁。鷄肉好嫩滑，連鷄皮都好好味，麻辣味香，調味夠濃，但不會太咸。食完煲裏面的鷄，加上熱湯就可以變成麻辣湯底火煱。韮菜餃餡料十足，皮薄餡靚，韮菜新鮮幼嫩，肉碎鮮味十足。黃沙豬潤份量十足，因為夠新鮮，只是點上少少豉油已經好好味。最後再食埋碗烏冬就非常滿足，彈牙的烏冬配上麻辣湯味道無得頂。😋😋總結，今晚食得非常滿意，下次會再幚襯。

近排突然轉涼，心血來潮就約左友人去食雞煲，然後就搵到呢間，個店名都幾有意思一坐底，自然要試下佢個雞煲啦，有辣有唔辣，咁我唔係太食得辣於是就叫左小辣。雞煲上到黎，店員會幫手炒，然後會同你講個雞煲幾時食得，服務態度非常好一打開個雞煲已經係非常香既味，入面有大量既香料，d雞配埋d汁非常入味，雞肉亦好嫩滑食完個雞煲就加湯轉打邊爐，一般既材料都應有盡有每樣食物既質素都好高，feel 到店主既心思。例如其中一份丸拼盤，新月形狀既碟上，重點係三隻肉丸都好新鮮，質量好高，最後食左咁多野緊係要叫個甜品，呢個薑茶水中花極之考刀功，睇落去賣相已經十分討好熱熱地咁好驅寒，感冒時飲一流

此味不同彼未，但我的確俾佢個名吸引左上黎地方幾大，主要都係梳化卡位，坐得舒服menu上既湯底同食物種類都好多，可能朋友有點咳，最後點左半份黃燜雞煲。另一份menu好吸引，有一款菊花鍋，真係第一次聽! 另一台食緊話個湯好清新，好難將火鍋湯同清新聯想埋一齊。茶介10蚊，正常收費但特別在於醬油，餐廳既推薦食法係七分豉油三分醋去點野食，第一次見火鍋醬汁有醋!自斟自飲，打邊爐配冰涼既啤酒一定最夾!黃燜雞同我食開既唔同，加左陳皮，食落多左果皮香，食落雞滑味香。而菇類唔係金針菇，用左莠珍菇另一樣特別既係寬薯粉，平時食開既都係幼且薄，容易入味，但呢種完全相反，粗且厚，口感更有咬口，要煮耐啲先入味手工餃拼盤，賣相好有心思!韭菜餃同豬肉餃都好香，最緊要係佢皮夠薄!食落唔會好似食麵粉咁手打牛筋丸! 依家火鍋店都係賣手打丸多，唔似以前只得急凍丸，手打彈牙又有牛味蔬菜拼盤夠大份，而且種類好多，幾抵食價錢中中間間，性價比唔錯