回到味來 (已結業)

朋友介紹的必食雞煲🐔，八點幾收左工，行經旺角，記得之前朋友推薦過，就去試試吧！Lv1 小惡魔，對我來說已經好足夠😝終極大魔頭雖然有七折，但係無膽挑戰😌大部分都係卡位，環境舒服！調味盤有六款，隨意加添，不過雞煲已經好入味，🤔個人覺得不用額外再調味！先來一碗前菜是免費的，（藕帶）是自家製的，酸酸辣辣，好醒胃！另外（青瓜）清爽脆嫩，好開胃！小惡魔雞煲（半隻）😋比想像中多好多，好多雞肉，好足料！薑（好大粒），洋蔥（甜甜地），蒜頭，辣椒，花椒，醬汁香濃，味道剛剛好！兩個人食完已經半飽！好好味，值得推薦👍🏻👍🏻👍🏻👍🏻九點前入坐，免費送蜆👏👏必點魚皮，好薄身，好脆，真的要試，有別於其他店食過的口感，好食😋

今日相約三位好姐妹，大家都想食雞煲，所以相約一起到「回到未來」試下佢地既惡魔雞煲店舖唔算大，但是有很多卡位，都算舒適。侍應很有禮貌招待，給人感覺良好。食物種類都好多，有唔同嘅鍋底揀，我哋就選擇咗比較多人選擇嘅惡魔雞煲（小辣）食落去一啲都唔辣（我係幾食得辣，所以再嗌辣啲會更啱我口味）啲汁好香濃好惹味，入面係一隻雞份量，啲雞好嫩滑同埋好入味，食唔停👍👍👍啲薯粉煮完之後吸入濃湯好入味，值得一試手工鮮蝦雲吞，一客有六隻，蝦肉爽脆。推薦佢哋嘅炸魚皮，因為佢哋嘅魚皮同其他食雞煲嘅店舖唔同，好似食緊薯片，灼幾秒鐘就食得雙拼滑，分別係蝦滑同埋墨魚滑，爽脆鮮甜

今日撞正打風日子，完全無影響我地食雞煲心情，一行三人就到旺角一間回到味來去食雞煲，地方又集中又方便樓下巳經有個好大招牌上到去牆上面已經好多雜誌介紹這間鋪頭。座位寛敞坐得好舒服😌主角一定係雞煲，湯底都有好多款。一坐低服務員遞上一盤可以自製醬料。點了一隻招牌惡魔雞煲，微辣好啱我，雞肉食落好入味，好濃好香自家製的手工菜肉餃，咬落去皮薄餡料多汁。極力推介炸魚皮，即叫即炸，魚皮炸得好薄，脆卜卜，好香可👍👍👍皇帝菜吸入濃湯好好味😋😋😋每台都會送一碟海蜆，新鮮肥美鮮甜👍

朝早久違地走去做完運動，就決定夜晚食餐邪惡嘅雞煲獎勵下自己！(雖然好似一餐雞煲就前功盡廢左...) 同朋友來到呢間旺角嘅樓上鋪，估唔到打邊爐之地竟會有清靜嘅卡位坐，店內抽風又做得好，一點都無油煙味，淨係見到咁企理嘅環境就已經加分。我地叫了個惡魔雞煲(半隻)小辣，店員細心地幫我地計好時同攪拌好啲材料，我地完全唔駛動手就食得。雞煲落了大量辣椒仔、胡椒粒、紫洋葱、薑蒜等嘅香料，辣得來又十分惹味，食到停不了口，而且半隻雞嘅份量已經好多，我地兩個人先勉強食得晒。娃娃菜裝係呢個趣緻嘅鴨仔籃鮮冬菇粒粒都厚身鮮甜響鈴亦都炸得脆口，無油益味食食下餐廳仲每枱送上一碟蜆仔，鮮甜無沙粒

上個星期日，大家都放假，約埋一家人到旺角吃晚飯，喺朋友口中呢一間口碑唔錯餐廳，個名都好得意叫-回到未來-我哋挑選咗一款火鍋。招牌藥膳紅燒牛肉$168，端上枱已經聞到陣陣香濃藥膳味道，當湯底滾起時香氣更加濃烈，配搭燒牛肉嘅濃香更加吸引，佢嘅燒牛肉，零舍好食，柔軟綿滑，肉質鮮甜，牛香四溢。雪花肥牛＄168點點雪花，色澤鮮明，刀功夠細緻，薄如蟬衣，只要輕燙數下，便可品嚐到頂級雪花肥牛，滋味無窮。手工餃拼盤$46，呢款餃子係自家製品，材料非常豐富，原隻裹得結結實實，肉質跟蔬菜嘅配搭恰到好處，口感非常豐足。日本蟹肉棒$32，優質食材正宗日本蟹柳，鮮香味甜，柔軟嫩滑，份量都不少。食到後段把爽滑新竹米粉$22同爽脆芋絲$28放下，配上呢個上湯一起進食真係冇得輸。9點前入座仲送鮮蜆，好正！最後我們連個湯都一飲而盡，一啲都冇浪費，這晚大家都吃得很開心滿足。

見到咁多好評，於是黎試下😂都多湯底揀，見佢在餐牌度有張介紹的報導，話養生鍋係招牌湯底，所以揀咗呢個「招牌藥膳紅燒牛肉」，上到黎見到紅噹噹都驚辣，不過一開始其實唔辣（但食得越後就越濃味就真）入面既牛肉好好食，我地數過有7舊😂都大舊本來想叫手打牛拼盤但無貨，所以改為手打豬肉餅（左邊）同丸拼盤（右邊），反而食既種類豐富咗😆豬肉餅好得意，煮完係上面呢個樣，同埋好好食，個味類似午餐肉但係更勝一籌調味料選擇，但其實都唔使點咁滯，因為個湯底都好夠味飲酒～個菜盤真係等得太耐啦，問咗幾次都話廚師砌緊😂咁的確一上菜係覺得幾靚既（但我係想蔬菜打底先架嘛～）不過星期六晚我都明係好忙既😌之後補番jar竹蔗茅根結論：湯底個紅燒牛肉、丸、豬肉餅都好好食，如果個蔬菜拼盤可以早啲上，俾我一啖肉一啖菜咁食就prefect啦

星期6係 旺角最多人嘅日子，口淡淡想搵啲嘢食， 我同男朋友做上咗去旺角新城度搵食啦。餐廳喺3樓， 名字都幾特別叫回到味來餐廳設計幾好全部都係卡位為主，減少造成好似大排檔咁嘅局面，客人坐得舒服員工有多啲位可以行走空间餐廳叫菜嘅形式係散叫嘅，咁就有一張紙畀你揀鍾意食辣嘅我哋梗係叫個惡魔雞煲啦我哋叫咗個小辣，上菜嘅時候我哋好期待， 但原來佢哋嘅小辣，係唔辣嘅(對於我哋嚟講)然後我哋就想店員幫我哋加少少辣，咁店員都好好笑容咁樣幫我哋加啦，真係好好嘅服務態度當加完之後仲會好細心叫我哋小心唔好畀啲辣嘅煙整薰，然後我哋終於食到正常嘅辣啦手打丸拼盤，粒粒真係用手整出嚟好彈牙不過千祈要記住要煮三至四分鐘先好食呀如果唔係就淨係得外面熟，入面唔熟炸魚皮就普通嘢啦份量都幾夠，外脆內軟炸到金黃色呢一個手作雲吞又係必食嘅雲吞入面嘅餡係夠料夾脹卜卜羊肉盤 佈置有心思而且又唔騷味蟹柳就一般般啦，不過好彩佢冇乜雪藏味對於一間私房菜來講，呢一個算係有心思同埋價錢對得起食物嘅質素值得一試

琴日就同幾個好朋友試左依間雞煲，我地叫左半隻雞同小辣，份量都有好多，但味道對我黎講就唔辣（因為朋友唔食得辣叫左小辣），如果下次黎我會叫大辣haha，d雞都好入味，味道好唔錯。佢地送左一碟硯比我地，好鮮甜。之後叫左個安格斯雪花肥牛，質素好好，好有牛味、雪花都好靚。仲叫左墨魚滑、響令、生菜，金菇同一瓶竹蔗茅根都夠哂我地幾個人食，仲好好味tim!埋單既時候，佢仲佢話今日人手唔夠可能怠慢左我地（我地唔覺）同我地道歉，仲送左我地每人一樽辣椒油，咁既服務態度依家真係好少見！下次絕對會再encore。

一出𨋢就見到,  一定唔會錯, 又易搵到, 地方闊落, 唔洗影啦~都未諗到咩湯底, 就已經有個餐前開胃小食, 酸辣蓮藕莖, 好得意, 細細條, 一啖放晒入口就知係勁野, 成個人醒晒我人比較貪心, 連D醬嘅配料都落到咁, 不得不提佢有教我地落醋, 成碟汁唔同晒~ 正!!我最愛嘅魚皮餃~ OK啦, 大大隻, 味道唔錯呢個好好笑, 叫回到味來手打豬肉餅, 初初諗係唔係札肉海鮮盤真係無得唔點, 個湯越滾越甜甜品叫左個薑茶水中花, 女仕必食, 男仕必影

放工同同事突然想食雞煲見到呢間近近地又好多好評於是就黎試下好無食平時打邊爐通常都係就咁俾豉油同其他醬料但呢到最唔同就係俾豉油同埋醋店員教落七分豉油三分醋估唔到又真係好味啲😋。。。。。。。。。。。。惡魔雞煲 (半隻)▸店員一打開蓋攪拌嘅時候已經聞到好香，唔食得辣嘅我地揀左小辣，基本上唔太食得辣嘅都食到，又有麻香又唔會麻到無晒味覺，好岩我地口味，雞肉都幾嫩滑，沾滿醬汁，好惹味🤤。。。。。。。。。。。。安格斯頂級肥牛▸肥牛厚薄適中，脂肪分佈亦都好均勻，肉質都幾嫩，牛味都算濃，很不錯👍🏻。。。。。。。。。。。。另外仲嗌左芝心手打墨魚丸，炸響鈴同白蘿蔔，整體都很不錯，加上店員服務態度非常之好，可以再encore😋

今日我哋幾個同學贏咗比賽，一齊去食飯慶祝，柴娃娃走去食火鍋夠熱鬧，呢間餐廳都幾出名㗎，尤其係佢嘅招牌菜。招牌藥膳紅燒牛肉$168 湯底超級香濃，牛筋腩柔韌軟腍，肉質咬口蜜甜， 牛香撲鼻。雪花肥牛＄168 滿滿一碟，點點嘅雪花紋理肥牛，肉質鮮明亮麗，只需在濃湯裏輕輕一灼，立刻可以品嘗到嫩滑多汁嘅肥牛。芝心手打墨魚丸八粒$88 師傅經驗老到嘅手作，墨魚丸打得結實彈牙，咬起嚟煙韌無比，內心慢慢地滲出流心芝士，嗰一種軟綿嘅口感，非常滋味。寬薯粉$28 最後段加上寬薯粉進食， 粉質非常彈牙，煙煙靭靭 配搭住個濃湯，係另一個享受。竹蔗茅根$32 自家餚製嘅竹蔗茅根，跟別家的不一樣，竹蔗散發出陣陣幽香，零舍清甜潤喉。這晚一夥人吃得開懷盡興，同時大家還約定原班人馬再來光顧。

今天早收工，Happy Friday! 相約三五知己到雞煲海鮮店 Dinner 聚聚~醬油，自由配搭蔥花辣椒等，再按店員建議，倒入7分醬油，3分醋汁，為食材提鮮!蓮藕莖，酸酸辣辣，非常開胃的前菜 ~點了南瓜海鮮湯底，味道鮮甜~ 晚上9:00前入座，兩位以上奉送海蜆一客，非常抵食!海鮮拼盤，貴妃蚌肥大肉厚，入口滑溜; 🦐肉彈牙帶點膏香; 🦀膏豐腴甘香; 蜆肉軟嫰可口，各款海鮮食材盡收南瓜湯底的精華，更為鮮甜!大蜆，份量十足，肥美肉厚，清甜味美，鮮味滿瀉!👍回到味來手打豬肉餅，由新鮮🐷肉手打而成，肉香突出，油潤甘香; 日本蟹肉棒，清甜爽口~生根，炸得金黃，口感香脆，再吸收南瓜湯汁，份外滋味; 魚皮餃，外皮煙韌富🐟鮮味，內餡🐖肉肥美，鹹香惹味~蕃茄，切成花型突顯心思，🍅厚肉多汁，酸甜醒胃~薑茶水中花，豆腐菊花造型精緻，香口滑溜，浸泡在濃厚幽香的薑茶中，甜美可口😚~魔鬼辣椒油，結脹時免費贈送，嗜辣🌶朋友非常興奮😆~款款食材鮮味十足，加上南瓜海鮮湯底的鮮香味，倍覺鮮味，回味無窮!😋

難得吾洗返工，又見落雨而涼涼地，所以同老媽子去旺角打邊爐。上OpenRice 見到幾多好評，所以過黎朝聖。我見OpenRice 好多都推介雪花肥牛，於是就叫左一碟。果然無令我失望，連肥牛專家嘅老媽子都Like。肥牛168/一碟，但份量多而且高質，厚身而嫩口，仲好有鮮甜味我聽侍應話，用7分醬油加3分醋點牛肉，真心好正樽豉油好特別，係暖暖地㗎！我問返侍應，先知道原來佢哋特登整暖豉油，令到味道更加好！另外佢哋調味料都幾多，有炸蒜、蔥、芫荽、生蒜等等。我哋叫咗南瓜海鮮鍋底，海鮮拼盤種類算多，尤其隻蝦非常新鮮，仲係識跳㗎 ！所以非常鮮甜，連我老媽子都話隻蝦好好味！另外， 魷魚同埋貴妃蜆都好好食！啲蝦真係郁緊㗎，特登幫佢哋影相！另外我哋係九點半前入座，所以餐廳送左蜆俾我哋，都幾大隻，免費嘅我哋仲叫咗蔬菜拼盤，我覺得餐廳都幾有心思，將啲蔬菜擺得幾靚，呢度有五款菜，款式都算多。

同朋友一時興起黎到呢間樓上鋪食雞煲😆 餐廳格局以卡位為主，環境都算闊落，坐得舒服呢點已經值得加分！😉👍🏻 .異口同聲地揀左「黃燜雞煲」，熱騰騰嘅雞煲發出「滋滋」聲不斷；醬料同燘雞嘅味道隨住煙氣四散；金黃色嘅雞件有青蔥點掇，簡直令人食指大動！.味道方面當然無令我地失望！雞肉燘得惹味而且入味，更加保持幾分嫩滑🤤 仲有大量秀珍菇吸哂雞煲精華！令人食唔停口！呢個雞煲仲另外仲配有闊薯粉，正😋.食完雞煲開始打邊爐😆 調味料樣樣俱全👍🏻 .我地要左牛肉同羊肉，估唔到原來份量幾多，抵食！同埋呢兩款肉類都好新鮮，值得一讚😆👍🏻.另外仲要左牛丸同埋芝心墨魚丸，前者係餐廳招牌推介，果然冇介紹錯！手打牛丸夠晒彈牙而且保存肉汁😋 芝心墨魚丸都同樣出色，彈牙嘅墨魚丸一邊有香濃嘅芝士，好味😆.餐廳仲送咗一碗海產，好驚喜😝 份量都幾多😚👍🏻.竹蔗茅根清甜消滯，一睇就知好足料，推介！！😋

食盡各大雞煲、火鍋嘅小編， 知道油麻地開左間集雞煲、海鮮、火鍋於一身嘅私房菜— 「回到味來」， 梗係要黎試下啦！😏 餐廳裝潢較傳統火鍋店時尚， 大部分都係卡座位，坐得舒適。 未叫火鍋之前， 先上個自家製涼菜—酸辣藕帶， 藕帶中間嘅細孔，滿滿浸潤汁液， 一口咬下去，酸辣香甜，清爽脆嫩，好開胃！😌 打邊爐先混個醬， 基本嘅生蒜、炸蒜、香蔥、芫荽、唐芹、辣椒🌶️都有。 雖然見好多食客都黎食招牌麻辣雞煲， 不過其實仲有多款火鍋可選擇， 黎得呢到，梗係要試下藥膳湯底結合出黎嘅火鍋啦！😏 招牌藥膳紅燒牛肉（$168） 用上當歸、杜仲、川芎、枸杞等的藥材， 香濃而不油，沒有半點苦澀味， 配上特選牛肋條，炆煮至腍身，吸晒湯汁嘅精華， 無諗過味道竟然可以咁夾，真係好好食喎！😋 而且份量超多， 兩個人食嘅話，叫多兩三個配料就夠啦！😏 火鍋配料多樣化， 肉類、海產、蔬菜、丸類、餃子、粉麵等樣樣齊。 手工餃拼盤（$46） 賣相非常精緻餃子， 用酒樽造型嘅器皿盛載着， 未食已經覺得好吸引～😍 菜肉餃， 韭菜餃，鮮蝦雲吞， 一睇就知皮薄餡靚， 從薄薄的外皮已經見到嫩綠色的韭菜係飽滿的餃子裡面，正！👍🏾