影片
更多
2018-07-08
31 瀏覽
今日朋友話想食雞煲，但我地食黎食去都係個一兩間，覺得無d新意。行過旺角新城 見到好多間食舖，俾我地見到呢間叫做（回到味來）好似幾好咁，仲有優惠.重點有雞煲食喎！所以就揀呢間上去食喇！😀上到去個環境都幾好，都係以卡座位形式，坐得夠舒服，同有自己既空間，傾計都方便啲。亦有電視睇。餐廳9點後有套餐優惠都幾抵食。下次宵夜可以黎食。👍如果揀魔鬼雞煲🌶🌶🌶，按照辣既程度有折扣，最多可以有7折添！但我朋友又話今日唔食得辣，所以就揀左個唔辣既雞煲：黃燜雞煲🐓🐓香噴噴既雞煲上菜喇！望住個煲等食，嗅到個味道好香濃，好似又幾正咁喎！😋😋叫左一隻雞份量，都幾多幾大隻。個味道都真係唔錯，好濃郁既汁，仲落左d雜菇，芫茜蔥落去一齊燜。燜到d雞好林好入味，雞肉夠嫩唔老！又真係唔錯喎！最欣賞佢落左d雜菇落去，食落更加惹味同多個口味！平時雞煲都唔會有。另外餐廳仲會送薯粉俾我地落係個雞煲食！正！薯粉襯埋呢個咁惹味既汁，索哂d味，又幾好味。食哂d雞，我地就叫啲火鍋料打邊爐，但其實食完個一隻雞都好飽，唔叫得多。😋😋見頭先d薯粉咁好味，我地再叫左烏冬食。食過返尋味！😆餐廳仲有個兜可以兜住黎淥，夠哂方便呀！七點優惠，餐廳又送左海蜆
行過旺角新城 見到好多間食舖，俾我地見到呢間叫做（回到味來）好似幾好咁，仲有優惠.重點有雞煲食喎！所以就揀呢間上去食喇！😀
上到去個環境都幾好，都係以卡座位形式，坐得夠舒服，同有自己既空間，傾計都方便啲。亦有電視睇。
餐廳9點後有套餐優惠都幾抵食。下次宵夜可以黎食。👍
如果揀魔鬼雞煲🌶🌶🌶，按照辣既程度有折扣，最多可以有7折添！但我朋友又話今日唔食得辣，所以就揀左個唔辣既雞煲：黃燜雞煲🐓🐓
香噴噴既雞煲上菜喇！望住個煲等食，嗅到個味道好香濃，好似又幾正咁喎！😋😋
叫左一隻雞份量，都幾多幾大隻。
個味道都真係唔錯，好濃郁既汁，仲落左d雜菇，芫茜蔥落去一齊燜。燜到d雞好林好入味，雞肉夠嫩唔老！又真係唔錯喎！
最欣賞佢落左d雜菇落去，食落更加惹味同多個口味！平時雞煲都唔會有。
另外餐廳仲會送薯粉俾我地落係個雞煲食！
正！薯粉襯埋呢個咁惹味既汁，索哂d味，又幾好味。
食哂d雞，我地就叫啲火鍋料打邊爐，但其實食完個一隻雞都好飽，唔叫得多。😋😋
見頭先d薯粉咁好味，我地再叫左烏冬食。食過返尋味！😆
餐廳仲有個兜可以兜住黎淥，夠哂方便呀！
七點優惠，餐廳又送左海蜆俾我地！重點係，d海蜆好新鮮仲識郁架！食落很鮮味。👍
黃沙豬膶，食落都夠哂爽口。豬膶味十足，不會腥。唔錯。
娃娃菜個鴨盆很可愛！😆😆
食得很滿意。最後餐廳仲送左樽自家製既辣椒醬俾我地試下添！職員相當nice,有禮貌，服務幾好！
餐廳消費滿$100有1積分，話可以儲分換禮物.又幾吸引喎！😄
張貼
