喜記避風塘炒辣蟹 (謝斐道)

營業中

休息中

女友一向喜歡食蟹，經朋友推介及Openrice搜集資料，發現這間喜記的避風塘蟹不論價錢及品質上都性價比較高，就訂了檯試下了。一進門最大感受係見到蔡瀾點題的兩隻大字 '"蟹皇"，可以見到蔡瀾對食物品質的讚譽。店員亦待客如賓，一坐下就推廣了最新的扺食套餐，此套餐包括了避風塘炒辣蟹，蟹油炒麵及蒜蓉炒時菜，三道菜都非常好食，而且份量足夠。其中避風塘炒辣蟹的蟹頗大隻，而且肉質又彈又鮮甜，是新鮮的蟹肉，非常好食。店員更介紹將避風塘蒜粒放在炒麵上食會特別惹味。果然一試便發覺上癮，這種食法真的很值得推薦。至於蒜蓉炒時菜夠脆口夠香，配麵配避風塘蒜粒都好好食。這個套餐雖然只有3道菜式，但2人享用是非常足夠的，我看見隔離檯有2個女孩剩下三分一，飽到不能再食。這間餐廳性價比甚高值得推薦。

今天有同事生日，因為她比較喜歡食蟹，所以一行四人就去了灣仔的《喜記避風塘炒辣蟹》食生日飯，我們19:30到了，坐低了後我們就選了四人套餐，因為原價差不多一千四的，現在才一千蚊不到，望落都幾抵，壽星女選多一個椒鹽豆腐加多兩枝啤酒就起菜了，最先來到的是豉椒炒蜆，辣辣地又無沙幾開胃幾好味，跟著主角避風塘炒蟹就來了，炒蟹味道香濃美味，果然是主打名物，隨後蒜蓉炒生菜、椒鹽豆腐和生炒骨也來了，我覺得最好味是椒鹽豆腐炒得香脆可口，另一個美味的就是蒜蓉粉絲蒸扇貝，食埋最後來的干炒牛河，四個人也夠飽，四人餐果然是抵！下次可以再來試。

期待已久的避風塘炒蟹，今日終於經過灣仔品嚐。朋友介紹呢間做得幾有心，一睇原來做梗promotion, 我覺得好抵。招牌二人套餐$469： 招牌避風塘炒辣蟹可揀大中小或不辣，呢隻套餐蟹已經係算好靚仔。主要係因為街市買蟹唔識揀，有時買左死蟹好sad, 第二，買返去要處理功夫多：整死隻蟹，清洗同打碎個殼，第三：係屋企真係好難煮避風塘，要用好多油同蒜蓉。 所以出面食真係省下好多功夫時間。呢度既蟹好好肉地，避風塘既蒜勁惹味。 蟹油炒麵呢個蟹油炒麵炒到好乾身，獲氣好勁，十分易入口好滋味蒜蓉炒時菜今日係油麥菜，亦食出獲氣。總結：二人餐勁飽，cp值極高，會帶其他fd 再食。

超抵食～一向都喜歡吃蟹，用上避風塘炒法就更是我的大愛菜色！銅鑼灣果然是吃避風塘炒辣蟹的勝地，幾家有名的都聚在一起。避風塘炒蟹$580現在在外面吃一隻蟹非常昂貴，稍大的蟹動輒上千，還有$580一隻大蟹，而且還用避風塘炒法，用上大量辣炒蒜頭，超惹味！蟹肉非常黏殻，證明還是很新鮮，大量的炸蒜頭加進飯吃超正點！避風塘炒牛河$88性價比滿高的，用上炒辣蟹的避風塘炸蒜，極級惹味，配普通牛河吃略為油膩，但非常微微辛辣，超開胃！蒜蓉炒菜$68普通我蒜炒油麥菜，用料新鮮口感爽脆，吃起來不會過油，中和了些油膩感。吃完已經很滿足，沒想到這年頭還能吃到這麼出色的避風塘炒蟹！

食辣蟹第一時間會諗起喜記，係香港老字號食店，原來已經54周年，朋友好多年無返香港，要求要帶佢食老字號食店最近就算旺區食肆人流都較少，但喜記在平日晚上仍然吸引唔少食客👍🏻👍🏻店面裝修古色古香店員服務十分之好避風塘炒辣蟹係必點，可以選大中小辣茶壺上有隻蟹，充滿餐廳特色經濟辣蟹二人套餐，$469蒜蓉炒時蔬避風塘炒辣蟹一隻避風塘炒牛河（或可選蟹油炒麵）我地得兩個女仔，食唔到太多，門口banner的二人餐多兩個餸，有男仔食會較合適，店員好貼心推介我地呢個經濟二人餐我地選左小辣，只係微微辣，就算係怕辣號朋友都唔怕一定要有菜中和一下，始終辣蟹較熱氣炒牛河夠鑊氣，唔會好油辣蟹啖啖肉，撈埋炒蒜蓉一齊食好惹味，我仲將蒜蓉撈埋落牛河度，越食越想食😋呢個餐兩個女仔食都好飽另外辣蟹有手信包裝可買

係香港咁大個仔都未食過避風塘炒辣蟹，但女友對蟹好有與趣，所以一於黎老字號喜記試一試佢，地方唔難搵，原來附都有幾間辣蟹，但一食就要食老字號----喜記-----餐廳地方幾大，有幾強大圓枱。餐牌第一版已經係最出名既避風塘炒辣蟹，其他海鮮都好吸引，既然黎食蟹就一定要點一隻避風塘炒辣蟹，再加一個蒜蓉炒油麥菜同避風塘炒面。一係就先黎隻炒辣蟹，一上枱我同女友就嘩嘩聲太壯觀。先試配料，炒到好乾身又夠晒味，聽講係用十多種配料炒出黎，對我黎講唔算太辣恰到好處，如果黎碗白飯一定可以食晒佢。好正!!!!再試大蟹鋏，已經預先整開左用手已經可以整開佢，果然係肉蟹，真係好大舊肉!!!!啖啖肉，蟹肉好實有口感，第一啖食蟹肉既鮮味，第二啖配少少避風塘配料，層次感非常豐富。蒜蓉炒油麥菜好夠鑊氣，濃濃既蒜蓉香襯油麥菜真係一絕，油麥菜新鮮爽甜，一D老既感覺都無，師父炒工一流!!最後驚唔夠飽所以叫多個避風塘炒面，炒面炒到好乾身口感好好，我鍾意再額外加炒蟹既配料一齊食，味道好夾，而且份量岩岩好，兩個人清晒枱上所有野岩岩好飽晒，十份之滿足!!!下次可以帶屋企人黎再食過，真係一試番唔到轉頭無得彈!!!!

同朋友行街shipping去到灣仔，行到肚餓當然要去搵野食啦，沿途見到好多食辣蟹嘅店舖，見到呢間「喜記」門口很多名星合照，相信應該幾好食，朋友們就決定入去試吓啦，入到去好多位任君選擇，怕嘈既朋友很喜歡，睇咗一陣餐牌點了個椒鹽豆腐，豉汁炒蜆，蒜蓉粉絲蒸扇貝， 糖醋炆豬扒，乾炒牛河和蒜蓉炒唐生菜，來到呢度當然要試下避風塘炒辣蟹啦 ，飲品方面，食辣蟹梗係要飲啤酒啤啤佢。飲咗一陣美食很快送上，炒蜆夠曬鑊氣很美味，椒鹽豆腐外面炸過裏面很軟，糖醋豬扒很野味送飯很正，扇貝超級新鮮，粉絲保留扇貝肉汁超好食，主角避風塘炒辣蟹來啦，雖然說是辣蟹，但不會覺得辣，聞到很香，食落好似是蒜茸，正宗避風塘炒辣蟹，這些粒粒小小咸脆脆地不會覺得硬，要來送飯認真一流。

秋天是吃蟹好時節，朋友介紹黎到喜記食避風塘炒辣蟹，原來而家做緊週年特價，4人套餐好抵食只係$998咋。已經包括招牌炒辣蟹。老字號嘅喜記裝橫比較傳統，除咗蟹仲有其他海鮮，小炒等。套餐有以下食物：豉椒炒蜆用左新鮮海蜆，好大隻，肉夠鮮夠爽，豉椒炒法最傳統亦最好味！ 蜆肉索哂汁好滋味！生炒骨：小炒亦甚有水準，用酸甜醬炒既金沙骨令肉質更軟腍入味，啖啖肉，大大碟好夠飽！黎到今晚重頭戲，先講蟹，店長話係每天新鮮到貨，品質優良。而獨家避風塘炒法，是將乾蒜，豉椒，辣椒乾炒炒香，唔怪得咁香咁惹味。不吃到辣嘅我哋，叫左小辣，避風塘辣汁滲入蟹肉中，既不辣又惹香，舌尖上的味道讓人難忘！蟹肉好厚身多肉，夠鮮美，真係停唔到口。蒜蓉粉絲蒸扇貝：新鮮扇貝肉好厚，兼且爽口彈牙。用蒜蒸後，貝肉粉絲都滲哂汁，好鮮甜，連汁都飲埋！蒜蓉炒油麥菜：清清地清下腸胃，油麥菜夠翠綠，用蒜蓉炒香菜亦夠爽脆。避風塘炒牛河粉：好夠鑊氣，加上獨特避風塘炒，牛河更添惹味，牛肉香滑，河粉不會好油膩。套餐夠哂豐富，單以辣蟹都已回本，食到老字號用正宗避風塘炒法的風味，值回票價，會介紹朋友來食。

呢晚同屋企人食飯, 帶左佢地去食蟹，之前見到喜記做緊週年優惠，4人套餐現只須$998，非常吸引抵食。套餐包括招牌避風塘炒蟹及2款海鮮，3款小炒。 喜記老店原來已有54年歷史，為避風塘美食先驅。 餐廳傳統裝修，有蔡瀾提字 「蟹皇」牌扁，店員介紹大蟹海鮮都係每日新鮮到貨。餐牌仲有不同海鮮，小菜供選擇。餐廳好細心預備左濕紙巾供食客使用，為食蟹做足準備。食物方面：首先打頭陣就係豉椒炒蜆，熱捧到來，豉椒味好香，蜆好大隻，肉質爽彈，是新鮮貨色。豉椒炒香既入味又有大排檔風味！再來是生炒骨，份量相當足，炒得好夠鑊氣，肉排肉質鬆軟軟腍，酸甜醬配肉增添香味減輕膩感！到主角出場啊！炒辣蟹，店員先前有問我們要求的辣度，我們要微辣。螃蟹份量好大，蟹蓋比手掌要大，舖面的是炒香的精髓，做法採用先濕炒再配上蒜蓉丶鼓椒丶辣椒乾炒方法， 蟹肉品質上乘，肉質結實, 啖啖肉，蟹肉索滿避風塘辣汁, 惹味而不辣，令人不禁一口接一口，簡直停唔到口!蟹鉗肉豐滿，超甜鮮味，食指大動 非常滿足呢！蒜蓉粉絲蒸扇貝4隻，扇貝肉極爽彈鮮味， 用蒜蓉蒸保持鮮香帶惹味，最鐘意食粉絲索哂蒜茸汁，齒甲留香。蒜蓉炒時菜，十分脆綠的油麥菜，菜好清甜，

好友升職加人工，話想好好慶祝一下食好Ｄ～佢就揀左灣仔呢間食避風塘炒蟹既專門店～～一去到，已經見到門口貼左好多同名人合照，睇落應該好唔錯！黎呢度，必食招牌避風塘炒辣蟹～～個蟹係段両秤，所以大家可以決定食幾多。招牌避風塘炒辣蟹用左大量炒蒜同辣椒炒黎做伴菜，食落非常惹味！隻蟹睇落唔算好大隻，但原來入面係啖啖肉，肉質厚實，我地叫左小辣，已經好正～如果中意食辣既朋友，可以叫大辣～～另外叫左個楊洲炒飯，相對個炒蟹，佢係比較清又唔膩～不過如果嫌清得滯，可以撈埋炒蟹既炒蒜同辣椒，都好好食咖～最後，叫埋個蒜蓉炒油麥菜，食落香甜又清，唔錯！

· 食蟹的季節 🧡 好多年前已知銅鑼灣鵝頸橋附近橋底辣蟹好出名真正親身去食真係第一次，好難忘嘅一次! 好正!在等待途中有鹽花生小吃開開胃·· 🔹️避 風 塘 炒 辣 蟹有小，中，大辣選擇小辣帶點麻辣香，上枱已聞到是非常香又爆多炸蒜😍撈飯，撈餸，撈麵咁食超級正!👍食唔曬可以打包番屋企煮餸又得，非常惹味👍蟹好新鮮，蟹肉多而且肉質好鮮甜真心會食極唔停，到依加我仲諗住🙈❤ ··🔹️避 風 塘 干 炒 牛 河干炒牛河就食得多，呢度嘅招牌避風塘炒牛河必食!牛肉嘅質地食落似滑牛，牛香味重，河粉不膩且惹味! ··🔹️蒜 炒 油 墨 菜 菜炒得夠獲氣，撈埋避風塘炸蒜調味，口感更佳❤

細細個就成日比避風塘呢三個字吸引左，硬係覺得呢個地方充滿神秘感，當大個之後，先發現原來避風塘可以話係一個煮法，主要係想將果樣食材整得特別香口惹味。而最常見既避風塘招牌菜當然走唔甩「避風塘炒辣蟹」、「避風塘瀨尿蝦」呢ｄ最佳拍檔啦！而今日就黎到被稱為「明星食堂」既老字號「喜記避風塘炒辣蟹」，有成40幾年開店經驗，歷史悠久。👇📌避風塘炒辣蟹 - $580👉聽老闆娘講佢地全部清一色用野生捕捉返黎既越南蟹，所以食起上黎比普通市面既蟹肉質更加有彈性，同埋份外鮮甜。而佢地個重點就係果個避風塘醬料，特別之處係將新鮮既生蒜攪碎，然後再以10多種秘製配方製成，特別有風味。而老闆娘話個醬料食完仲可以打包返去拎黎蒸排骨、蒸魚頭、蒸蝦，甚至可以拎黎撈白飯、白粥，炒豆角等等，相當過癮！📌避風塘炒牛河 - $88👉估唔到避風塘除左拎黎配搭海鮮仲可以拎黎炒牛河，火候掌握得幾有水準，牛肉爆得好香口。河粉色澤做得唔錯，味道唔會太鹹，牛河最忌太油膩，呢個可以接受。📌蒜蓉炒時菜 - $68👉呢道菜可能會覺得平平無奇，但往往炒菜都係必定會食既，所以味道都不能忽視，今日既時菜我就揀左生菜，危澤翠綠而且好有光澤，食起上黎好夠鑊氣味

It’s the crab season!My favourite style of fried crab in wanchai We picked middle spicy which is very yummy , not too spicy and good for people who can’t eat spicy as wellThe leg is deeply soak in sauceExtremely fresh and juicy with layer of texturesI prefer this kind of style more than the normal steam crabVery hongkongFried beef thick rice noodle Beef is tender but not too saltyAlways good to balance with a home style vegeGarlic is well mixed so even children who don’t eat vegetables will be w

朋友鐘意食海鮮🐠所以今次就試試新意思食炒蟹先☺.呢間係食避風塘炒蟹既專門店🦀一黎到門口見到門外貼哂好多同名人合照📸裡面既牆仲掛有一幅名人簽名既畫軸睇黎店舖來頭似乎唔惹少🙈.🦀招牌避風塘炒辣蟹辣蟹係段両秤 豐儉由人⚖小編order隻蟹既size屬於中型 睇落唔大隻 但食落原來都幾多肉😋廚師用左大量炒蒜同辣椒伴蟹💫所以食落相當惹味🤤小辣辣味唔重 連食唔到辣既朋友都食得到🌶不過如果食得辣既朋友建議叫中辣以上相信會更加過癮同惹味🔥.🥬蒜蓉炒時菜炒菜香甜 清清地幾好味👍🏻.🐮避風塘炒牛河炒河穫氣足 加上面頭既炒蒜同炒辣椒加添左幾分避風塘風味 更加惹味😋而且份量都幾大碟 適合2-3人開心share👭

朋友從加拿大回來 ，想食避風塘炒蟹就 選擇咗呢間香港老字號 “喜記”! 一進店舖就見到，很大幅的蔡瀾先生提字 “蟹皇”！ 店內掛滿燈籠，奉行傳統中國風！全晚兩個人吃了三道菜！招牌 避風塘炒辣蟹越南蟹，肉質鮮甜肥美。用蒜蓉和辣椒一起炒，可以選擇辣度，我們揀了小辣！蟹殼充滿濃濃的蒜香味和辣椒味，滲透蟹肉，色香味美，令人垂涎欲滴！蟹油炒麵用蟹油取代傳統食油烹調，麵條沾上蟹油咸香，加入炸蒜、銀芽、韭黄、香蔥等，充滿避風塘風味！蒜蓉炒油麥菜油麥菜新鮮翠綠，爽甜清新！