喜記避風塘炒辣蟹 (謝斐道)

營業中

休息中

今晚食海「鮮」，除了食材，師傅的功力、鑊氣都好重要，這間的質素算是很好。先來碟豉椒炒蜆，香辣好味，幾乎連茨汁都食埋。生炒骨酸甜度適中，咬落唔勒無根位，啱晒食肉獸既我。避風塘炒蟹可選不同的辣度，肉質結實，原隻斬件，除了方便進食，也令蟹肉更加容易吸收更多香蒜、洋䓤及辣椒的香味。扇貝「鮮」甜又大粒，被䓤花、粉絲和蒜蓉蓋着，仲吸收了不少扇貝的肉汁精華。楊洲炒飯飯粒軟硬度適中，不會油淋淋，而且是熱騰騰的，是新「鮮」炒起的模樣。蒜蓉不單跟白菜仔好夾，配油麥菜也一樣係 perfect match --看得清嫩，食得爽口。

老公生日，一家人去食飯。坐底先嘆杯茶，relax一下。叫左個四人餐，經濟實惠又唔駛煩。期待的主角避風塘炒蟹出場，一上枱便見到這雙巨大的蟹鉗，啖啖肉的。最緊要是好滋味!蒜蓉粉絲蒸扇貝，另一味蒜香十足的菜式，扇貝肉粒又夠厚身有肉。豉椒炒蜆辣，肉質鮮味，事前處理得好，食唔到有沙，所以食得很暢快。京都骨酸酸甜甜，能增進食慾。食左咁多味濃的菜式，食番碟蒜蓉炒菜，清清地平衡一下。楊洲炒飯夠乾身，粒粒分明，鑊氣也足。

今天到銅鑼灣辦年貨，途經以前工作的地方，看到這間辣蟹專門店，便入來懷緬一下以前。經濟辣蟹二人套餐$469，另外收加一及茶位。包括：避風塘炒辣蟹一隻、避風塘炒牛河或蟹油炒麵(二選一)、蒜蓉炒時蔬。避風塘炒辣蟹一隻，香氣撲鼻的蒜香，辣度是少辣，滲透了蟹內，令到蟹肉鮮甜無比，只是蟹的重量不算大，如果想吃大蟹，這個經濟餐就不能滿足需求，不過作為蟹控，就以味道為先。蟹油炒麵，蟹油的香氣，混入每條麵條內，加點自家製的辣椒油，味道更佳。蒜蓉炒時蔬，用上時令的油麥菜，爽口鮮甜。

咁多間避風塘炒蟹，點揀？如果４人行，我就推薦喜記！因為個４人餐宜家做緊優惠好抵，$998 有6道菜包埋炒辣蟹一隻。自己都炒過幾次，屋企整始終功夫太多，呢個價錢真係比錢出面食更化算！食中菜火喉最緊要，呢一間喜記鑊氣十足，又香辣又惹味，大量炸蒜炸成金黃色同辣椒融和既味道，食哂Ｄ蟹仲好回味！至於其他小菜都相當唔錯，豉椒炒蜆完全冇沙，食辣野真係會食上癮，鮮甜蜆肉粒粒肉質飽加滿惹味醬汁，正！馳名沙拉骨唔知係米真係特別Ｄ呢，平時食係白色沙律醬，但呢碟似京都骨多Ｄ，但都相當開胃好味。蒜蓉粉絲蒸扇貝，屋企都成日整，有住家菜感覺，彈牙扇貝配埋粉絲，汁多蒸完都唔會乾哂，係好味道。避風塘炒牛河，係牛河加上辣蟹個Ｄ炸蒜，食落口感脆卜卜，仲可以撈埋個炒辣蟹一齊食。牛肉炒得好香口，肉質唔會老，河粉又冇油膩感覺味道岩岩好。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

最近天氣涼咗就特別想食辣嘢 除咗麻辣火鍋 另一樣令我諗起嘅就係辣蟹😂⠀⠀呢晚點咗個二人套餐 (HKD496) 有避風塘炒辣蟹 避風塘炒河 蒜蓉炒時菜 有我想食嘅辣蟹 又唔洗諗叫其他餸 幾好啊⠀⠀▫️招牌避風塘炒辣蟹辣度有大中小選擇 (我哋揀咗小辣因為其中一位唔係好食得辣) 蟹肉肥美啖啖都充滿避風塘辣汁 望落去好似好細碟但係隻蟹都足夠我哋兩個人食 下次食我會叫中辣 味道應該會更加正⠀⠀▫️避風塘炒牛河辣到適中夠惹味 牛肉片夠多 好足料呀⠀⠀店內服務非常周到 落單時侍應提我哋避風塘炒辣蟹有唔同辣度選擇 話怕大辣唔係個個都接受得到⠀⠀我想再食辣嘢嘅時候應該會再嚟呢度😝

今日一行4人去左銅鑼灣鵝頸橋附近食海鮮，我地叫左個$998 4 人套餐，都唔貴啊！喜記避風塘炒辣蟹，招牌菜，避風塘炸粒粒蒜乾身，少少辣好惹味，個蟹鉗大大隻啖啖肉，好味。可揀豉椒炒蜆或青口，我揀左炒蜆，都好濃味，如果少啲汁就仲好，蜆肉都好大粒。馳名沙拉骨或者生炒骨二選一，初頭以為係白色醬的沙拉骨，但原來係橙色醬的，甜甜酸酸，熱辣辣，都不錯。蒜蓉粉絲蒸扇貝，每人一隻蒸扇貝，好大隻，仲有好多蒜蓉同粉絲！蒜蓉炒時菜，個炒菜係白菜，都好食，不過都幾燙口，要小心食啊。最後就係避風塘炒牛河，都係招牌菜，牛河上面加左避風塘炒辣蟹個啲碎碎，更添風味。

很久沒與姪女吃飯，她放工行過來一起晚膳，數星期前她與同事去吃大閘蟹放題，現在來品嚐另一種蟹的味道。中式佈置的菜館，是由六十年代開始在避風塘哪邊經營呢！特價二人套餐，侍應姐姐說蟹有一斤多，是從越南來的，我們感頗抵吃，所以點了。蒜蓉炒油麥菜今晚是油麥菜配這個餐，頗香的油麥菜味，少少的蒜香，微鹹嫩菜，其實甚麼嫩菜也會好吃的。避風塘炒蟹點了小辣，因不想只吃到辣味而埋沒了蟹的鮮味，薄切炸脆的蟹身，容易吃之餘，炸得透的部份還可以連殼吃，肉紮實美味，蟹鉗肉飽滿彈牙，伴埋蒜粒，非常惹味。避風塘牛肉炒河炒牛肉吃得多，多了香口的蒜粒，味道更香濃，軟軟的牛肉有咬口，河粉看似份量少，其實已吃飽了。

我愛食避風塘炒蟹，之前在灣仔食過，今日行經謝斐道，見到這間喜記老牌字號，於是今晚一於炒辣蟹。餐廳裝修充滿了中國傳統的古色古香的味道。餐廳先送上一碟花生小食。餐廳上菜非常快速，三個菜很快就上齊。避風塘炒牛河$88先上的是避風塘炒牛河，牛河炒得比較乾身不會肥膩，內放了少少蔥及芽菜，面上有一粒粒帶微辣的避風塘炸蒜，令牛河與配菜一齊食時多了一種口感，香口又夠鑊氣。避風塘炒辣蟹$580到來食喜記，當然為避風塘炒辣蟹而來，食辣蟹自然是必不可少的。蟹的份量都算大隻，面上有很多誘人秘製的避風塘醬料，醬料香辣惹味又可口，主要配料由炸蒜粒製成，及經炸過的香氣撲鼻的蔥，蟹肉鮮甜又香口，而且比較入味，且帶有避風塘的香辣味道，令我食到停不了口，非常美味。蒜蓉炒油麥菜$68我覺得蔬菜是晚飯不可少的，一般都會要多一個蔬菜，今晚要了蒜蓉炒油麥菜，油麥菜帶蒜蓉味炒得很夠鑊氣又爽口清甜。

小妹最鍾意食蟹， 而十一月正值蟹季，係時候啦！😎 眾所周知鵝頸橋底有多家食避風塘炒蟹嘅專門店， 見「喜記避風塘炒辣蟹」係老店，價錢又合理，就試下啦！😏 經濟辣蟹二人套餐 原價$736，而家只需優惠價$469， 包避風塘炒辣蟹一隻、蟹油炒麵或避風塘炒牛河二揀一、蒜蓉炒時蔬，都幾抵！ 🌟推薦❗️避風塘炒辣蟹 堆積如山嘅炸蒜覆蓋了整隻蟹， 炒蟹好夠鑊氣，吸晒香濃蒜香， 而且斤両十足，雖然只係一隻蟹，但份量足夠兩個人食。 避風塘炒牛河 河粉炒得條條分明，唔會痴埋一pat pat， 牛肉片質地軟腍， 加埋炸蒜一齊食好惹味！ 食唔夠喉，我地仲拎埋炒蟹嘅炸蒜一齊加落去食。😂😂 蒜蓉炒時蔬 食完咁多重口味野，係時候要食返個菜解解膩啦！

最近有個朋友嚟咗香港，仲同我講話想食銅鑼灣喜記辣蟹， 不過講真咁多年我都真係冇坐低食過銅鑼灣嘅辣蟹， 難得今次有機會有人陪我嚟食，就過黎試下咁岩黎到見到有個2人 Dinner Set唔使諗就有得食先黎就炒碟菜，唔算太油，都幾開胃，雖然賣相唔係特别好，不過Taste落都幾好味道再黎就係蟹油炒面，個面好味，食既時候質感唔錯，同街上5蚊炒面比起真係多左一份蟹味跟住終於到主菜喜記辣蟹平色我係街都唔中意食蟹，不過佢個樣又幾吸引，就不顧儀態咁食，蟹肉好多，基本上啖啖用不過好熱氣，今晚返去要飲返杯涼茶

秋風起，食蟹季，一家四口嚐蟹去。冬天真係黎喇 呢幾日天氣相當清涼，爸媽話好想食餐海鮮餐，搵搵搵 終於搵左銅記呢間喜記，呢間餐廳 真係細細個就聽過佢個名 ～ 去喜記 就梗係必食避風塘炒辣蟹啦！！環境唔錯 我地勁早黎到仲未有人 嘩 到七點幾就已爆滿！望望餐牌 一行四人就叫左個四人套餐，包左五樣野食: 醉鮑魚四隻 凍食飽魚好大一隻，有超濃郁既酒香 鮑肉質超彈鮮甜～～～豉椒炒蜆：用左海鮮醬、豆豉加蒜蓉黎炒，好香好有鑊氣，蜆隻隻都好大粒 而且無沙 份量都好多～黃金蝦 用咸蛋炒香大蝦 一黎到已經聞到超香咸蛋味 一入口咸蛋黃起晒沙 啲味滲晒入蝦肉 好好味！避風塘炒辣蟹一隻 因為食唔到好辣 所以就揀咗小辣 食完啲前菜 主菜千呼萬喚終於出黎！離遠已經聞到勁香！一大盤炸蒜鋪滿喺肉蟹到 要慢慢揭開 就見到隻巨型肉蟹！！ 你睇隻蟹鉗已經勁幾大隻 個身好肥美 肉質彈牙爽口 再加埋啲蒜粒 好香好開胃 用黎送飯一流！避風塘炒河粉 河粉上面加埋啲炸蒜粒黎炒 河粉唔會好油 又唔會黐埋一舊，不錯～～蒜蓉炒油墨菜 份量足，加埋勁多蒜炒 好香口 超滿足既一餐呀～～～

男朋友一直說很想食蟹，不過就遲遲都未有兌現。碰巧今天行開銅鑼灣，知道附近有不少食蟹好店，我就馬上上網查查，被我發現了一間備受歡迎的避風港炒蟹專門店，就連不少名人都會專門來食的喜記避風塘炒辣蟹。入去餐廳前，我倆在門外八掛了一陣，因為喜記門口實在有很多推介。原來喜記早於60年代已經成立，其創辦人更是在飲食界中擔當不少角色。同時，餐廳外牆亦張貼了大量名人到店的照片，我都猜對了不少人名。入到餐廳，一看就看到一幅大字畫，寫着「蟹皇」，是由蔡瀾題字的，令我們對喜記充滿了熱切期待。我們一早已經定下目標，就是食蟹！既然喜記貴為蟹皇之名，那就不用多想，一於就點這裡的二人餐，主攻食蟹。經濟辣蟹二人套餐⍉ 1. 避風塘炒辣蟹店長一來就問我們能不能食辣，原本想試一下中辣，不過店長稱中辣的辣度其實相當厲害，我們就保守一點，點一份小辣的。避風塘炒蟹，其特色就在於惹味炒蒜，堆積如山的炒蒜，將炒蟹堆在底層，蟹肉在蒜山中吸納了濃濃的蒜香味。夠鑊氣的避風港炒蟹實在是非常惹味，雖然一隻蟹的份量亦夠兩人食用，但實際上卻會因為太好味而產生爭食的情況。⍉ 2. 避風塘炒牛河繼避風塘炒蟹後，我們在二選一中簡了避風塘炒牛河。同樣，避

灣仔鵝頸橋附近有很多食炒蟹的鋪頭，原來因為後面是避風的港口所以聚集很多食海鮮炒蟹的餐廳。約朋友食飯前研究左幾間食炒蟹的餐廳，看到這間喜記有個四人套餐很優惠，有蟹、蜆、蒸扇貝等我最喜愛的海鮮吃，決定一試。四人套餐$998避風塘炒辣蟹一人門口就見到旁邊的水箱放滿了海鮮，特別是主角肉蟹隻隻都很肥美！老闆娘拎起隻肉蟹俾我哋睇，斤両十足！炒蟹上枱充滿蒜香，啖啖肉好過癮！最喜歡就是這些炒蒜，吸收晒蟹鮮味，加少許配蟹肉、炒河食是一絕！豉椒炒蜆鼓椒炒蜆充滿鑊氣，有少許的辣，蜆肉大大粒，味道不錯！沙拉骨這個沙拉骨感覺反而有點像甜酸排骨，醬汁味道酸酸甜甜，很開胃蒜蓉炒時菜所有菜式都充滿鑊氣，就連普通炒時菜也鑊氣十足！少許蒜蓉香的菜，炒得清翠嫩綠！值得一讚是上枱速度很快，每道餸都新鮮美味又充滿鑊氣。蒜蓉粉絲蒸扇貝扇貝大大隻，而且上面放了很多我最愛的粉絲，粉絲充滿了扇貝的鮮甜，在讚少許油，味道一流！避風塘炒牛河牛河是用了蟹油來炒的，充滿蟹油香！每條河炒炒得分明，簡單而不平凡！性價比高的套餐, 最重要是海鮮新鮮又夠晒鑊氣!! 大家都表示很滿足~

有台灣朋友黎香港, 點名想試喜記,一直以來都覺得喜記都幾貴, 以為係FOR旅客食ONLY, 所以一直都冇試過, 但朋友點名要食, 好客的我梗係陪到底啦!係銅鑼灣,  方便我收工去!入到去見到有好大塊簽名版, 睇黎好多人介紹喎裝修都幾古式古香, 有老香港的味道有4人餐!!! 有多款海鮮, 原來都幾抵食喎招牌避風塘炒辣蟹首先梗係去揀蟹先, 然後冇幾耐就上到枱了, 上枱就聞到個味好香, 個炸蒜超惹味, 而且個避風塘味完完全全滲入蟹肉度, 唔怪得招牌到台灣fd點名一定要黎食啦!豉椒炒蜆炒蜆幾大隻, 少少辣, 好好味, 而且完全冇沙, 食得放心沙拉骨D個沙拉骨少左層沙拉油在面, 感覺健康左, 但味道都仲係好好, 微酸少甜, 好開胃蒜蓉炒油墨菜D個超好鑊氣, 估唔到菜都可以炒得咁好, 顯出廚師功架避風塘牛河係常見的牛河上面, 用上蟹油, 炸蒜, 令平常變得不平常, 令原本已經好好味的牛河上, 更添風味, 我地食到讚不絕口蒜蓉粉絲扇貝大大隻扇貝, 夠晒鮮甜, 好想食多隻呀!總結道道菜都好好味, 唔怪得台灣朋友都點名黎食啦, 佢仲話下次黎香港都一定要再黎食過

女友一向喜歡食蟹，經朋友推介及Openrice搜集資料，發現這間喜記的避風塘蟹不論價錢及品質上都性價比較高，就訂了檯試下了。一進門最大感受係見到蔡瀾點題的兩隻大字 '"蟹皇"，可以見到蔡瀾對食物品質的讚譽。店員亦待客如賓，一坐下就推廣了最新的扺食套餐，此套餐包括了避風塘炒辣蟹，蟹油炒麵及蒜蓉炒時菜，三道菜都非常好食，而且份量足夠。其中避風塘炒辣蟹的蟹頗大隻，而且肉質又彈又鮮甜，是新鮮的蟹肉，非常好食。店員更介紹將避風塘蒜粒放在炒麵上食會特別惹味。果然一試便發覺上癮，這種食法真的很值得推薦。至於蒜蓉炒時菜夠脆口夠香，配麵配避風塘蒜粒都好好食。這個套餐雖然只有3道菜式，但2人享用是非常足夠的，我看見隔離檯有2個女孩剩下三分一，飽到不能再食。這間餐廳性價比甚高值得推薦。