吞POT 雞煲火鍋.住家菜 (已結業)

滿心歡喜去食火鍋叫左個辣雞煲少辣食物嚟到望落去好似OK咁啦但係煮完食兩回事勁難食OpenRice明明寫營業時間去到00:00但係坐到11點，職員話要埋數叫我哋俾錢先呢個都唔係大問題.到11:15，職員好差態度同我地講11:30清場同關門好無奈坐到11:30走人食完後半個鐘不夠已經肚痛😡價錢同食放題差唔多一d都唔抵食仲要難食不會再光顧

同friend食住煲煲打住邊爐吹水老幾chill今日唔想食辣雞煲叫左個胡椒豬肚湯底雞煲😍好似幾養生 冇咁肥食住雞煲揀埋邊爐料🤩😎當然唔少得招牌芝士響玲 聽講係必食嘅叫左個手打蝦丸，娃娃菜，牛柳粒😋個胡椒豬肚湯 好香胡椒味 啲雞充滿胡椒又夠滑 食耐左胡椒湯愈黎愈濃 Nice!侍應好貼心同我哋講過響玲係即炸嘅 可以快啲食小心熱 最好笑係我哋做咗好多大頭蝦嘅嘢 我個friend倒瀉豉油我跌筷子 但係店員都好好禮貌話唔緊要😆🙈 我最鍾意去啲服務好嘢食又好嘅餐廳唔錯唔錯👍🏻手打蝦滑同牛柳粒望落靚 食落都正 如果牛柳粒燒會更好食😋 最衰食得幾飽 唔係都想叫多啲丸或者墨魚滑食下次要試吓叫其他湯底嘅雞煲好想食齊佢咁多款👻最後飲多半碗胡椒湯做個完美嘅終結

今天相約朋友在旺角買蒸焗爐，行咗幾間終於買到，已經六點幾肚子有D餓，朋友話食飯先好嗎？他說附近有間吞pot一食火鍋，吞pot之前我在油麻地食過，諗起佢哋即炸芝士響玲，即時行快兩步，上到去打開升降機門，就見到好大個魚缸，養了好多條貴價魚，養得好有心機好靚，通過體溫檢測之後，店長安排入座，坐低望向窗外，看著黃昏晚霞好靚，點了好幾都樣，跟住開始混醬一番(火鍋醬汁），湯底到係豆腐清湯，先放牛三郎各一件好新鮮再飲兩啖啤酒(爽），脆肉鯇魚生爽口彈牙，棉花魚肚索咗湯汁好滑好食，炸芋頭吾一定放落湯食，就敢食用呢送啤酒都吾錯，終於等到我想食的，自創爆芝士響玲，即時放落湯一秒鐘，放進咀一大啖，口入面卜卜脆又有芝士奶香味，非常好好食，值得推介

好耐無食火鍋啦，今日即時興起就決定同朋友嚟個兩人邊爐。吞 Pot 位置好方便，旺角地鐵站B3 出口行幾分鐘就到啦。餐廳唔算大，窗邊嘅枱可以望到旺角街景，可惜都俾人book哂，唯有睇電視。由於我地得兩個人，食唔到咁大個雞煲，最後嗌左招牌螺片濃雞湯鍋。佢地一開始就會俾成個調味架我地自己溝個醬，可以加哂你鐘意嘅調味料。佢地嘅火鍋湯底好香，唔會好鹹，雞湯非常濃郁，同埋真係有好多螺片係入面，絕對無偷工減料。▶️芝士響鈴好特別，睇落同普通響鈴無咩分別，但入面係一層層包住芝士，啖啖芝士香，好邪惡。而且鬆化唔油膩，鐘意芝士嘅朋友可以試下。🧀▶️象拔蚌超級新鮮，鮮甜爽口，而且彈牙。侍應有提我地碌幾秒就要拎起，碌太耐就好易變韌唔好食，好貼心。😋▶️自製韭菜餃相比起黎就比較普通，但都可以一試。塊皮好薄，唔會成口粉，唔錯唔錯！👍▶️油墨菜都係好新鮮，索哂啲湯汁，好香（雖然好肥）。🍻食火鍋就緊係要飲啤酒啦，我地仲叫左枝大樽青島啤一啤佢，大約24蚊一大枝，的確幾抵。整體黎講，雖然吞 Pot 主打雞煲，但佢嘅火鍋都係好有水準嘅。如果成大班朋友出街食嘢食野，呢到係一個唔錯嘅選擇。下次再黎打算試吓佢地嘅雞煲。

呢間邊爐舖專食雞煲，有一d比較平既湯底，但想食真d都建議食雞煲，講完你就明點解！一坐低打開張食材紙，心諗：有d貴wor. 食完先知道真係值呢個價！食到飽一飽都係同放題邊爐差唔多價，仲要好食唔少！會令我一定再黎帶朋友家人試既係個滋補螺片花膠雞煲。全場性價比爆曬既一定係呢個煲！！佢非常足料，鮮滑雞件，一食就知係高級螺片，同埋滑一滑既花膠魚肚都未係最重點，最重點係佢淆左好耐非常好味既雞湯！！佢一上個煲。。。sorry, 我已經就咁筆起左兩大碗黎飲。。。超好味！！我已經宜家想番去再飲有好味既湯底，自然咩食材放落去都好好食~~特別建議大家要叫一d會吸味，例如響鈴，油墨菜既食材，絕對會吸收曬個湯既精華，提升另一層次！除左爆燈既湯底之外，呢到既食材都係行高級or特別路線，所以價錢都唔平。有手打同埋特色既丸(十全大寶丸有黑松露，芝士牛丸等等高級組合), 肉同海鮮都強調係高級頂級。特別推薦黑豚肉同桂花蚌，非常好食！

最近很想和友人一起吃火鍋，經友人的推介，我們決定去位於旺角的吞pot享用我們的晚餐。進入了該餐廳後該餐廳的景色相當美麗，彷彿能夠俯視整個油尖旺區般，而該餐廳的魚缸更是吸引了我的目光，看着每條價值連城的魚在游動令我也心曠神怡地享用我的火鍋。在食物方面，我也相當滿意，其中我認為相當特別的就是該餐廳的芝士炸響鈴，該響鈴相當好吃絕對是我嘗過最好吃的響鈴，還有他的炸芋頭也是相當吸引的。芋頭的香味能在口中不停醞釀，而火鍋的肉絕對不會令大家失望，該店的肉相當好吃，我當時也吃到停不了口，還有他的趣玩魚片也是很吸引的。他的鯇魚片相當爽口而且有新鮮的味道，絕對不會嘗試到有腥的味道，推介大家來試試。👍👍👍👍👍

約佐朋友食雞煲，一行4人揀佐呢間餐廳。環境一流，入到去見到一個大魚缸，d魚都幾可愛🤣，而且落地玻璃設計，令景觀十分開揚，如果天氣好，有機會見到日落🤣🤣由於疫情關係，位置距離多佐，隨身物品同食物可以擺在其他枱。就算平時，都有提供locker放袋，十分貼心！加分！👍🏻👍🏻我地叫佐花膠螺片雞煲，肥牛，豬腩片，芝士響鈴，幾款丸等等。雞煲係最喜出望外！湯好濃味，亦都入曬味！😋😋另外，反而雞煲配料仲吸引！😂花膠螺片都入曬味。份量分面都足夠4人食。豬腩片同芝士響鈴都好好食同有特色，其中芝士響鈴仲係自家製，好有芝士味亦都同響鈴十分配合！另外，餐廳都唔會限時間，可以任坐同朋友傾耐d都得！總括而言，係一間可一可再既雞煲打邊爐！高度推介😋😋

好耐無食過雞煲，近近地就搵咗間幾多Like嘅雞煲加打邊爐🤣佢location好方便，excatly係T.O.P對面，撘mtr都方便!!餐廳係23樓，所以個景一流，日落時分應該都會睇到，可惜今日天氣不似預期😂上到去，啲staff幫我地逐個量體溫，而且啲位間住間住坐，感覺都安全！食得安心👍🏼staff們好friendly，叫我地啲袋隨便放喺後面，張枱係比我地放野食，都係我地！而且fill湯 fill水都好快👍🏼👍🏼我地叫咗好養顏螺片花膠雞煲，好正個湯🤣不停地飲湯😂係牛奶色，好濃yuk!!!絕對係令我地無失望！仲叫咗個頂級牛肉，十全大補丸，墨魚滑，豬腩片同油麥菜生菜！個豬腩片，我地個個都讚好😂無咩雪氣味，好新鮮同肥瘦均衡，好吃得黎又吾肥🤣🤣👍🏼十全大補丸，粒粒都手打，而且獨家，平時都無得食，抵試嘅！！！整體來講，雞煲無得輸🤣👍🏼好正好多料！打邊爐，就啲料都好新鮮，價錢係貴小小相對，但係質素係返度！！！

之前吃過一次吞pot，好耐無吃過有啲回味佢個麻辣雞煲😂適逢今次有人唔食得辣，所以我哋喺藥膳雞煲同滋潤螺片花膠雞煲2揀1🙈上網見好多人推薦花膠雞，於是今次就滋補下啦！！個雞煲一上菜，我地個個都wa wa聲😂🤣佢真係好大煲而且個湯底好好飲！啲料多到呢🤣花膠同螺片都好多，最正係雞吸唒啲味😎我地基本上飲咗3/4嘅湯，淨番好小🤣用黎淥菜，吸湯味👉🏼👈🏼個湯我比足90分！！！10分係吾夠多😂😂😂個頂級牛都好大碟，而且又吾算肥，都幾好吃嘅！自家制嘅響玲，佢地加咗芝士入去，今次好似吾夠多cheese，未算好濃味，不過溫馨提示，如果淥太耐，會吾好吃🤣😂我嘅係黃金3秒自家嘅手打十全補丸，好多花款而且都好創新，我地覺得都還好嘅，好特別🤣桂花蚌！我個人吾算好好，但我啲朋友話好新鮮好爽，啲湯好夾😎碟豬腩肉，堅係好吃！吾會有豬騷，有啲肥又好爽口😂減肥的事明天再算了！雖然吾係好平，最後都要每人300，但性價比好高，質素係好高嘅比一般雞煲店！我地由7點坐到1030都無趕我地，而且啲staff好勤力好快手！highly recommend!!!!!

同朋友聚會最好就係食火鍋，大家一齊烚吓烚吓再傾吓計，又係一個放鬆嘅週末，其實我都幾鍾意單點火鍋，因為佢唔限時，而且感覺冇咁匆忙！旺角嘅依度食火鍋真係幾好，除咗食物質素幾好之餘呢度嘅景觀都唔錯，呢度有個超大嘅落地玻璃，日落嘅時候依度嘅風景真係好靚好靚，呢度係23樓，所以夜晚嘅時候會睇到一個好靚嘅晚霞，我係傍晚至入夜嘅時候食火鍋嘅，咁岩就睇到日落，日落真係好靚，橙黃色嘅鹹蛋黃，一邊食火鍋一邊睇住日落，我真係第一次！睇完日落仲有一個超級大嘅魚缸，入邊啲魚全部都係價值連城，唔係普通嘅金魚嚟㗎！望住佢哋都幾寫意幾放鬆啊！入咗之後就會有店員比醬料盤我哋，有指天椒生蒜炸蒜沙嗲醬等等，當然仲有火鍋必備嘅芝麻醬啦！因為有位朋友最近話自己上火，所以我哋就嗌左個豆腐清湯啦，估唔到都幾足料喎，除咗豆腐之外仲有菇同埋蕃茄！我哋嗌左好多配料，有幾樣野真心覺得好食！呢度嘅響鈴係即叫即炸，呢度嘅所有炸物都係即叫即炸嘅，所以可以試吓啊！$60就有六條即叫即炸嘅響鈴，其實每一條響鈴都好大份，都幾抵食㗎！佢有脆鯇魚片，依個真係好新鮮，色澤好靚，而且肉質好鮮，價錢唔貴可以試！佢嘅炸物都幾好食，炸芋頭唔錯，無論係就咁樣食或者放

再次光顧吞pot火鍋住家菜，同樣令我食得津津有味！今次係光顧彌敦道726號23樓 因為位於23樓，所以景觀開揚，落地大玻璃將出邊嘅街景一覽無遺。而我哋又係傍晚時份去晚餐。天空仲有少少霞光，帶動心情都靚啲呢！各款調味料，食客可以按自己口味調味豆腐清湯喎$75清淡得宜牛三郎$278牛肋片，雪花牛，牛柳粒。牛嘅唔同部位雪花牛就淋滑無比。牛肋片吃起來滿口油香。喜歡吃牛肉的朋友必食之選自創爆芝響鈴六件$75餐廳廚房即炸響鈴卷。鬆脆爆汁，芝士控嘅朋友絕對不容錯過。好好味呢款脆肉鯇魚片$70博切個魚片口感爽脆紅薯粉$35鮮味嘅湯底配上紅薯粉既飽肚又健康炸芋頭$55炸好的芋頭又粉又香。放喺湯底又是另一種吃法。湯汁加上芋香。別有一番滋味！

由於好耐冇出街打邊爐食雞煲，今日特意黎到旺角呢間吞pot食返夠本！入到去就聞到陣好香雞煲味，就知道無黎錯地方一坐低，侍應就好有禮貌咁放低調味料比我地。調味料嘅選擇都幾足夠，值得一提d蔥都好新鮮，因為出面有d雞煲店提供嘅重好乾唔新鮮。餐廳仲好細心，提供左濕紙巾俾我哋抹手，值得一讚我地就坐正係電視前面，食雞煲閒閒地都食2個鐘，有電視睇的確唔錯haha跟住，我地首先order左個重慶麻辣雞煲，叫左一隻雞，因為驚太辣，所以就叫咗BB辣。呢個辣度啱啱，唔會令我食到最後，個邊爐湯底太辣食唔到。個雞煲黎到嘅時候，係已經啱啱好煮熟架！我地唔洗等就即刻可以食到啲雞肉好嫩滑，比起出邊好多雞煲店更加好味，食得出佢啲雞真係新鮮！而且個重慶麻辣調味都好好，有少少沙嗲味，令到整個感覺好特別。而且啲雞肉都煮到好入味添！嘢飲方面我哋就叫咗一杯大檸檬茶，佢比平時出面嘅檸茶大杯好多，兩個人飲啱啱好。我地兩個人食完成隻雞已經好飽，所以就淨係叫左幾樣餸打邊爐。韭菜餃非常出色，味道好好，皮嘅厚度啱啱好！我地仲叫左佢招牌菜芝士響鈴，係鬆脆嘅響鈴中間，有一層芝士醬，食落嘅感覺好特別，好滿足為左唔好咁濟，我地仲叫左娃娃菜。臨走前，我

雖然今日落左全日雨，但都無阻我同朋友聚舊，今次揀咗呢一間想試好耐既雞煲吞pot，先叫左至尊麻辣雞煲。呢款雞煲因爲我朋友不太食辣所以叫咗BB辣，香辣味適中而且帶有微甜，增加了不少層次，而且雞肉又夠滑都好入味。之後加湯打邊爐個到，佢地提供多款醬汁，當然有我最愛既炸蒜同生蒜啦。我地叫左一份手打牛丸，口感爽口，牛既鮮味很出，不同出面既普通牛丸。另外叫左一份小食Wasabi牛口粒，估唔到味道可以咁夾，牛煎既時間好適中，煎得香之餘，裡面都保持到牛肉既水份又夠淋。最後不得不提既係呢到環境很不錯，樓底夠高冷氣充足，食完餐飯之後身上都無咩雞煲味，而且23樓高樓層，有一大幅玻璃幕牆，享受食物之餘又可享受香港夜景。

放工後約左朋友係旺角行下街，順便可以試下一直期待已久既餐廳- 吞Pot 雞煲火鍋，見到都開左幾間分店，質素都應該有返咁上下，所以點都要過足雞煲癮！話到明係雞煲專門店，除左傳統既重慶麻辣雞煲外，仲有獨有不同類型既雞煲，例如螺片花膠雞煲同辣酒花螺雞煲，想滋潤下既朋友可以嘗試。今次我地就試下最傳統既重慶麻辣雞煲，因為朋友係一位麻辣控，鐘意嗰種「麻」既感覺！一打開個蓋，嗰陣香味就立刻衝出黎，而咬落去時，啲雞保持嫩滑同時又保留到嗰種味道，果然質素屬於高水準！然後再嗌左自家響鈴卷同炸魚片頭。響鈴卷因為係即叫即炸既關係，即使浸左湯底一至兩秒後，仲仍然挺身，咬落去能保持到炸嘢嗰種口感，呢樣令我十分深刻。炸魚片頭方面，即炸之餘再灑上少許椒鹽，對我黎講，簡直係一個完美既結尾。

心血來潮想打邊爐 朋友推介呢間吞pot雞煲火鍋 就佢返工就揀左旺角分店 地方都算大 因為早食同埋我地兩個人唔洗等位就入得 食到中途就開始多人full 店員黎到就俾調味架我地自己整醬 見到有胡椒豬肚雞煲 就即刻揀左 因為平時都比較少食 我地嗌左半隻雞 但份量都好多 入面都有好多配料 豬肚枝竹粟米白蘿蔔等等 個湯底都好清甜 同埋越煲啲胡椒味越出 好正 連湯都可以飲埋 啲雞件就好滑 索到胡椒味 我地再嗌左啲配料加湯打邊爐 都好多選擇 牛羊豬都有 菜類都好多 不過食完雞煲都開始飽 所以冇叫好多配料今次揀左牛柳粒 平時好少用黎打邊爐 就試下 原來都唔會太韌食落好有牛味 蟹籽墨魚滑 都幾多蟹籽同埋算彈牙 娃娃菜就正正常常 但索左胡椒湯味好好食 好入味爆芝響鈴 好推介 真係好多芝士係入面 一人一舊都好夠食 估唔到芝士同響鈴咁夾