吞POT 雞煲火鍋.住家菜 (已結業)

今晚約咗朋友去旺角食飯，朋友話想打邊爐，又唔想限時，又要食好野，一於食呢間「吞POT雞煲火鍋.住家飯」啦。火鍋嘅湯底都有好多種類，有雞煲底，有一般火鍋湯底。我地揀咗「香濃沙嗲鍋」。湯底都幾多料，有芽菜，木耳。正式開始打邊爐之前，可以按照自己的喜好去調較醬汁。「自創爆芝響鈴」係打邊爐必備。響鈴係即叫即炸，上枱時仲係熱辣辣，好新鮮，好香脆。 放入湯底淥三至五秒就食得，仲有口芝士爆出黎，口感好豐富。「自制蟹粉蟹肉雲吞」一碟有六粒，雲吞皮又唔會太厚，蟹肉絕對足料，非常抵食。「羊肉片」羊肉味濃，肥瘦平均，厚薄適中 ，咬落有口感齒頰留香，係一個唔錯嘅選擇。「紅薯粉」係幼身的紅薯粉，爽口彈牙，配上濃味嘅湯底，索晒香濃沙嗲的精華，真係好好味。餐飲價錢都幾親民。大大枝「青島啤酒」，只係 $24，打邊爐必備！朋友唔飲酒，點咗一支「柑桔檸檬」。最正係門口有一個大魚缸，朝氣蓬勃，充滿正能量，人都醒目D!

最近食肆氣氛比較緊張，食客也注重個人衛生，朋友介紹這店是因爲店員會在你面前將食具用滾水消毒，也會提供酒精消毒濕紙巾，讓我和朋友可以吃得安心。胡椒豬肚雞煲這個煲底十分惹味！胡椒豬肚是我的最愛，難得在火鍋店也能夠吃到！原來配上雞煲也頗為搭配：）西班牙頂級黑豚豬腩片果然是黑毛豬，相比起普通的豬嵐片，確實吃起來肉汁鮮嫩，喜歡喜歡。自創爆芝響鈴響鈴本身是我的最愛，這裏可將芝士和響鈴湊合一起，脆卜卜的響鈴配上濃郁芝士，甚是滋味！店家非常有創意，欣賞欣賞！自製韭菜餃韭菜餃是新鮮製的，韭菜味香濃，配上新鮮豬肉，效果一讚！甚有住家風味呢。這家火鍋店就在花園街附近，交通方便得很，下次必定再來！

呢間吞 pot係我喺 mk食過十分唔錯既雞煲。 雞煲夠麻香 辣度適中 中辣都好夠惹味 雞肉又入味 佢就算係胸背位嗰 d其實都彈牙 所以熟成程度 幾好 而且有洋葱 葱花 辣椒調味 味道更好 .....! 食完雞肉 就可以落湯打邊爐 邊爐佢就落豬骨湯 我幾鍾意佢既粟米 好甜 而且好爽口 就算辣汁入味都冇蓋到佢既甜味 另。 一方面 佢既豬頸肉都出色 切得幾幼細 . .......長身。 所以放落去時容易熟 而且入味得好平均。 .. 咬落肥瘦適中， 豬肉夠爽彈 十分出色。 正！

今晚和老公來到旺角，雞煲王表示想吃雞煲，我當然奉陪！上網見到這裏有胡椒豬肚雞煲，就心思思想來試了。晚上7:30前結賬或9:30 後入座，還有半價呢，非常抵非常抵！胡椒豬肚雞煲豬肚和雞的材料很足，而且配料也10分新鮮！老公表示為新鮮雞，的確，店家也是新鮮製起的，所以也值得等待吧。自創爆芝響鈴$45有三條，價錢非常可以！自創芝士響鈴，吃起來更是魔鬼，惹味惹味！脆肉鯇腩本身喜歡吃魚，最愛吃脆肉鯇，冇花冇假，的確非常脆身！這個是必點，而且性價比也很高，質素有保證。蟹籽墨魚滑墨魚滑非常彈牙，而且配上蟹籽，也是必點的，下次要試試蝦滑和墨魚滑等拼盤：）

天氣乍暖還寒， 但係仍然無阻香港人熱愛打邊爐嘅程度， 今日就去咗旺角 吞Pot食雞煲。重頭戲雞煲就叫咗一個滋補螺片花膠雞煲 $298，一上嚟 ，用殼一筆，就已經有滿滿嘅雞件。我急不及待要試下個湯先 ，飲得出質感好濃好厚， 有淡淡嘅豆味， 我估可能加咗椰奶或者牛奶 ，所以我湯好滑， 啲雞件我哋食到最尾都係食唔曬， 個湯仲有好多花膠同螺片 ，花膠煮到好冧，螺片仲依然好有咬口 ，個人嚟講十分推介呢個湯， 即使我哋加咗兩轉湯底個湯都冇太走味。另一個要推介嘅就係自製爆芝響鈴 $75有六件， 大大件放入湯淥三至五秒就食得。 頭一啖食落冇咩芝士， 以為中咗伏， 但係咬到落中間，啲芝士吧吧真係爆出嚟。雪花牛腩片$198 有十片，厚薄適中 ，擺落湯底拖幾拖就食得 ，牛肉味濃，齒頰留香。另外值得推介嘅就係 菜菜籃 ，啲菜好新鮮翠綠 ，$70蚊一籃有曬金菇，雜菇， 生菜同白菜仔 ，性價比十足。順便一提嘅就係餐廳做緊優惠，7七點半前埋單或者九點半後入座所有火鍋配料小食可享有半價。

<好正既雞煲>🐥肺炎影響 好多雞煲都少左生意 但我忍唔到口就食下雞煲😂呢間吞 pot幾好 一定要量體揾 跟住入面盡量分枱同枱之間距離遠 d 👍🏻 食物有唔同種類既雞煲 打邊爐材料新鮮好味 值得一試 !🍴麻辣雞煲🔥🐥168 蚊中辣既麻辣雞煲一上枱 用電滋爐 煲住 香噴噴 👍🏻 一上枱就食得 有大洋葱 葱花 🌿辣椒等等 佢帶有少少麻香 個醬汁入味夠甜 但中辣其實都幾辣下 但好夠惹味 雞肉好入味 夠彈牙 🔥食到甘上下再倒湯打邊爐都好正🍴粟米🌽比較爽脆香甜 而且38 蚊大碟夠抵食🍴稻庭烏冬係日本嗰款 十分粗身彈牙有口感 撈埋烏冬味好入味👍🏻🍴豬頸肉🐽切成幼身 味道爽脆 肥膏唔算多 都幾夠豬肉味🍴炸大腸🔥🐷炸大腸 出面炸得幾爽脆 入面既肥膏偏淋 點埋甜醬更正 要配啤酒#炸大腸 #豬大腸 #豬頸肉 #粟米 #麻辣雞煲 #雞煲 #打邊爐Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻

Sitting around a boiling hotpot and putting delicious ingredients in the pot is always wonderful. Under the threat of Coronavirus, hotpot seems to be unwelcomed by many. Personally, 2-people cautious hotpot is not a problem, especially here when the restaurant adopts cautionary measures.When we arrived, the waitress washed the cutlery and bowls under boiling water in front of us. Much appreciated and relieved. Eaters are seated with space between too.A good hotpot starts with its soup base. High

呢日約咗好友食雞煲，我地六點就到咗餐廳，尚算少人，空間位置寬敞。之前已經聽過呢度有多款味道揀，好多都係滋補嘅雞煲選擇，例如螺片花膠雞煲、花雕藥膳等，而我地就揀咗前者。店員先用滾水將餐具洗乾淨，非常貼心，亦有好多醬料俾我地自由配搭。除咗雞煲嘅味道可另揀湯底，如果唔揀就會用清湯。雞煲好快就準備好！一擺上枱已經見到奶白色嘅湯好 creamy，飲落嘅味道好濃，即使之後加咗清湯都仲係好 creamy～湯入面仲有勁多花膠同雞，雖然雞肉有少少碎骨，但真係多到食極唔完，花膠更是非常嫩滑，果然夠滋補。兩個人唔係叫咗好多嘢食但都食到好飽！其中嘅手打丸同爆芝響鈴都幾特別，兩樣都係餐廳自製，響鈴層次感豐富，食到中間芝士味都好濃。餐廳呢座大廈嘅特別之處就係佢嘅景色，喺呢個高樓美景下食飯不知不覺就食咗差不多三個鐘，係同朋友傾訴聚舊嘅好選擇～

天未黑晒就餓到要覓食，搵個新地方嚐鮮😋估唔到旺角個景都幾靚架啵！睇住靚景開餐，人生一大樂事🤩內裡環境都幾乾淨舒服😌本來想試花膠雞煲，但總係先入為主，覺得雞煲唔辣都係會唔夠過癮⋯⋯所以叫左重慶雞煲😋未有雞煲之前，話晒都會打邊爐，唔少得醬料，呢度服務幾好，而且都有選擇！基本上要有既醬料都齊😆終於都入正題，雞件滑，夠入味，都等左一陣先有得食，所以好快清晒啲正雞！十全大補丸😂每款試一粒，都唔錯，可以一試！用嚟打卡都係一個幾好嘅選擇！打邊爐唔小得淮山冰菜，冰菜份量略嫌較少，唔太抵食，但係淮山就好新鮮！正！呢樣簡直就係鎮店之寶，全晚食得最精采嘅一味爆芝響鈴🤤🤤🤤芝士搭配脆卜卜響鈴炸起即食！完全係一試難忘，食過翻尋味！呢份牛小排，排得靚到呢！師傅好抵讚！每一件牛肉個厚度同長度切得相當合適，味道仲相當豐富添！

為食的我終於按奈不住出外找美食，今次去了旺角吞pot雞，這家火鍋店已經食過很多次了，次次都要最少一星期前預約，相信因為呢排出街食飯的人實在少了很多，所以即場walk in都還有枱。為了保障客人和員工，這家火鍋店非常重視衛生，首先入去前的每位客人都要量度體溫，不超標才準許進入餐廳，而且免費提供清潔洗手液和清潔手機；甫坐下，侍應會在你面前再一次用滾水清潔食具才供客人使用。他們真的做得好好，值得讚許。話說回來，它們的響螺花膠雞煲從不令我失望，今次也不例外點了這個鍋底。濃郁的湯底，足料的花膠響螺，幾乎每啖湯都吃到這些湯料；而雞件又仍然能夠保留持嫩滑，每次我都飲2-3碗湯，再吃過所有湯料，都差不多5成飽了，好味好味。除此之外，還會再點其他配料：炸魚皮：這個又是必食佳品。即叫即炸：薄，脆，味夠，無得輸。不論泡湯或是當小吃食，都好好味。魚肚：叫得上面個湯底，就一定要叫埋魚肚，魚肚吸收了湯的精華，魚肚浸得滿滿，食落口好有滿足感。其實食到呢度，已經10成飽了。不過還是不要浪費食物，儘最後努力將菜藍的菜清除掉。可惜最後………還是剩下少少菜……不好意思。還有大大杯的鹹檸七也是必飲，它們的鹹檸檬不會死鹹，溝了

今日拍拖拖去食餐好既！女朋友話726Nathan大廈好多好野食。見到招牌咁得意叫做吞pot雞煲 就試試。 上到去環境好好 好整齊 好乾淨 而且唔會好嘈 可以好舒服咁慢慢食。花螺雞煲一到 好香酒香而分量好足，半隻雞其實都夠3-4人食。花螺都粒粒好大 同我數數埋埋都起碼有20粒，唔呃秤。一食好濃味 好正 如果唔太食得辣既人士 建議選擇BB辣。因為我平時食得辣既 選小辣 食到最後感覺湯底愈來愈濃辣。不過唔緊要 我地叫左青瓜特飲 出奇地好味 清清地又解辣 完全唔會係藥水味飲品。重點係好好好大杯 我同女朋友share都仲得！必點既仲有芝士嚮令！佢即點即炸好香香脆脆，食一啖香香脆脆剩返半條嘅再點湯；唔會好膩，響鈴內既芝士稍為加熱半熔半固體狀 真係食唔停口！餐廳亦有無芝士既嚮令都係即點即炸 係餐廳一大賣點！我地另外叫左脆肉魚腩，佢切得大細好適中 所以煮完唔會縮到好細搞到冇晒口感，現在大細適中 魚又新鮮 好脆口 好爽！我仲點左牛骨髓滑嘟嘟，食落好似滑豆腐再吸埋辣湯底好入味。冬天限定既冰菜 好搞笑 外表好似一朝早 有露水咁，食落就好滑 係好特別既菜 好少餐廳會提供！整體而言 餐廳價錢

點了響螺花膠雞湯底，呢個湯底真係百吃不厭，材料十足，響螺咬落煙韌，花膠滾耐點更入味，食一嚿感覺皮膚吸收重重的骨膠原，咬落煙韌彈牙又軟熟，真係補身恩物，雞肉又香又滑，質地嫩滑，一食就知非冰鮮貨，一看湯的深黃色已經知道濃郁好味，呷一口濃濃的雞湯，鮮甜美味，想再錦上添花，加入吸收力強的魚肚就最好不過，魚肚吸收濃郁的雞湯由白色變了黃色，食落香濃美味，魚肚滑溜軟熟，非常好吃，黎尼度食嘢，有些食物必吃，除魚肚外炸魚皮就是必吃之品，魚皮炸得酥脆，不厚不薄，十分適中，不浸湯食就脆香可口，浸湯就另有一番滋味，不過浸湯只需淥一淥就可以，淥太耐就未免失去爽脆感非常值得一讚餐廳防疫措施做得非常好，上來時見入口用尼龍帶閘住，起初以為還未營業，原來要等店員確定體溫測試後才可入坐，門口供應消毒酒精搓手，坐低後，聽到經理吩咐店員洗手然後戴上手套再將所有餐具放在一大碗熱水內清洗後才擺上台給客人用，進食期間叫了一只匙羹，店員都是放在熱水內再給客人用，防疫功夫做到足，真係食得安心又放心

吞pot 個名幾特別，今日決定吞pot 走去食吞pot雞煲火鍋。上到去揀咗個靚位，享受高居臨下的感覺，另一邊是充滿霓虹燈的街景，飽覽視覺享受。食物方面我們點了辣酒花螺雞煲（小辣），但偏辣故建議bb 辣，還點了自創芝士響鈴，牛骨髓，冰菜，唐生菜和脆肉鯇腩。雞非常嫩滑有口感而且醬汁亦香香辣辣非常上癮。而且不得不提的是自創芝士響鈴，我第一次生吃響鈴是覺得沒問題的，新鮮炸出來的感覺真是非常好，而且夾了一些芝士在當中，真是好吃到不捨得吃。當然亦可以加在堂上吃也可以，加在湯上吃的分別是，一開頭會易入口但aftertaste 沒生吃那麼重。脆肉鯇腩魚油味非常香重，牛骨髓也非常滑，好入口。菜吸了湯後非常香辣過癮。最後吃完捧住個肚離開餐廳，非常滿足。

呢排天氣凍，行完山之後想同朋友食雞煲暖下身，咁啱記起之前去726食飯環境唔錯，就嚟到23樓既呑pot食雞煲+火鍋。.一入去就見到大大個魚缸😂一坐低，店員就俾咗一盤醬料我哋自己調制，蘸雞同埋打邊爐一流！（每位$12）朋友唔太食得辣，衡量過之後就揀咗胡椒豬肚雞煲 (半隻) ，亦再另外加左娃娃菜同一杯西柚特飲。先嚟咗杯西柚特飲 ($36)，比我想像中大杯，酸酸甜甜好開胃，又可以消消滯，中和下打邊爐嘅熱氣。廚房預先熱咗胡椒豬肚雞煲 (半隻) ($178)，所以一上菜就食得。份量比我想像中多，兩個人食啱啱好。成個雞煲唔會話太鹹或者太重胡椒味，湯底非常足料，加埋豬肚、粟米、白蘿蔔、菇、芹菜，令到湯味更濃郁，忍唔住都飲咗幾啖。由於湯底過度出色，雞相對上感覺上冇咁入味，不過加埋醬料都好好食！食到咁上下再落埋娃娃菜 ($38) ，吸收晒雞煲嘅精華，食返少少菜好似令自己冇咁大罪惡感haha由於我同朋友7:30pm前就埋單，所以火鍋配料 (娃娃菜) 半價，好抵！下次有機會再嚟嘅話一定會叫多啲火鍋配料同埋小食，特別要試吓手打系列！另類嘅享受 - 望住旺角夜景食雞煲喺窗台邊好可愛嘅雞仔😍

生活實在太繁忙，總需要搵個時間搵個地方休息下，吞下pot. 呢間吞pot火鍋雞煲店係唔錯既選擇。地方坐得舒服，咁岩我坐個位又有落地玻璃，望出去城市既景色一覧無遺。餐單選擇幾多，所有打邊爐應有既配料都應有盡有。我同朋友叫左雙併番茄薯仔濃湯鍋同招牌螺片濃雞湯鍋。等既時候自己撈d醬料，除左普通豉油，仲有我最愛既胡麻醬，同沙茶醬。蕃茄薯仔濃湯好酸酸甜甜咁幾濃蕃茄味，螺片濃雞湯好鮮甜，仲有滑滑既螺片，兩個湯都配有鮮菇，感覺更豐富更健康，因為兩個湯底都好好味，我一路食都忍唔住飲左唔少湯西班牙頂級豬梅肉半肥瘦，食落軟軟滑滑幾好味特級美國肥牛超靚，最鐘意佢夠瘦，岩晒怕肥既我，食落好香牛肉味，配埋兩種濃湯底真係一流。自創爆芝響鈴真係名不虛傳，響鈴吸收晒濃湯鮮味，同響鈴入面既芝士，味道超夾。之前睇肥媽既煮食節目認識呢個冰菜，脆卜卜，好清爽既味道，食時配埋胡麻醬係一絕餃餃陣有四種唔同既餃子，包括韮菜餃，鮮蝦雲吞，蟹粉蟹肉雲吞，同魚皮餃，款款各有特色，一次過試勻晒唔同口味，值得點啦！烏冬夠晒彈牙，吸晒湯底味道一流!最後都要重複一次，個湯底真係好好味，食完都係忍唔住再飲多幾口!!