吞POT 雞煲火鍋.住家菜 (已結業)

餐廳位於大廈高層，望向落地玻璃，可以睇到半個彌敦道既繁華景況。整體裝修都幾乾淨企理，一入去既感覺幾唔錯。坐低無耐，店員就遞上左調配既醬料俾我地，大路既醬料都應有盡有花膠螺片雞煲：黎到試左個招牌既湯底，湯汁濃稠掛口，頗有雞香味，螺片入口彈牙鮮甜，雞件都唔錯，成個湯底係好味既美國安格斯牛小排：牛肉雪花幾均勻，每片都切得靚靚仔仔，食落個牛味都幾重，肥瘦算係岩岩好，配落個湯底感覺個湯我地揀濃味d會再夾d生力清啤：食到中段，黎得打邊爐就緊係想啤啤佢，解解渴再食過手打四寶丸（牛丸、墨魚丸、黑墨丸、蝦丸）：普遍都幾食到果種食材既味，黑墨丸都幾特別，不過蝦丸就略為失色，唔係太重蝦味，整體都算爽口，都食得過既兩個人食雞煲真係好飽

天氣好熱反而好想開冷氣打邊爐 🤣 呢間雞煲火鍋有好多好評，同埋而家做緊火鍋配料同小食半價 （7:30 pm前埋單），好抵，所以同朋友黎食 我地閒日夜晚6點黎，仲未有好多人，可以坐落地大玻璃隔離，環境都舒服 ，同埋上菜都好快。由於得2個女仔，無試佢最出名嘅雞煲，我哋叫左麻辣湯底, bb辣對我黎講都好辣 🤣 本身湯底好足料，有芽菜、雲耳及蓮藕等 👍配料叫咗佢特色響令，入面有芝士，好大件，正！仲有蔬菜籃，有生菜、小白菜、金菇、雞髀菇等，以$77，比我想像足料同多種類 🤤半隻雞同脆鯇腩都好大份，好滑好脆，我哋2個女仔食唔晒，要打包走 😂總括而言，抵食！👍 由於得2個女仔，無試佢最出名嘅雞煲，唯有下次約多啲朋友黎試。

平時我都食開比較重口味、辣既雞煲，今次黎吞pot食既花膠雞煲原來都唔錯，😚都幾鐘意啲火鍋配料～🌃好多大枱，又有落地大玻璃既靚夜景， 環境唔錯，放工黎雞煲岩曬滋補螺片花膠雞煲 半隻 $208💛湯底黃又奶白色，食曬啲雞後我有再另外飲啲湯，滋潤清甜無味精味。啲雞肉質都唔會老既。而且一撈起就見好足料。十全大寶丸 $158🤩全是手打的，每種丸都幾有特色蟹子蝦滑 $88最鐘意依個，口感夠爽口彈牙☺️☺️☺️爆芝響鈴 $45呢個響鈴咁大舊，係因為包左芝士係入面啊！正！😝皇帝菜 $46 西班牙頂級黑豚豬梅肉 $118🌞皇帝菜好索湯汁，豬肉肉質算幾嫩醬料 每位$12開爐前有提供九宮格醬料，原來要收費😌臨走前先發現原來有優惠，大家下次黎可以留意下啊～

今天跟朋友在旺角吃雞煲及火鍋，首次來到這間餐廳，覺得食物水準挺不錯。餐廳環境寬敞。在吃雞煲前職員遞給我們調味盒子。調味料選擇很多，有蒜片、辣椒粒、沙茶醬、芝麻醬等等。我們叫了半隻螺片花膠雞煲。花膠及螺片份量多，雞很嫩滑，確實很滋補。然後我們叫了十全大寶丸及蟹子蝦滑。黑色那個是海膽丸。裡面有粒粒海膽，真材實料。而且每粒形狀都有所不同，不像機器打出來的丸子，感覺餐廳別出心裁。蟹子蝦滑很新鮮，而且口感彈牙。我們叫了個芝士響鈴。這是我第一次嘗試有芝士餡的響鈴，很少見火鍋店有賣這個。加了芝士很好吃，把它滾一滾，內裏的芝士都溶化流出來。最後我們叫了個西班牙頂級黑梅豬豚肉。肉質爽口，而且很有鮮味。總括來說，食材高水準而且有驚喜，很享受是次晚餐。

今日約左朋友係旺角，見好耐無食雞煲同打binlo，就黎左吞pot。因為我聽講佢d雞煲好養生，有藥膳既、花膠等等。餐廳23樓，所以望落去係旺角街景，唔錯。一開頭職員比左個調味盤我地。佢醬料有好多款，當中包括有我最愛既沙茶醬！我地叫左個滋補螺片花膠雞煲（半隻）。份量超多，我地3個人食到最後都仲系食緊d雞。😂佢個湯好濃雞味，又唔會好鹹，充滿花膠同螺片精華，我都飲左好多碗！跟住我地叫左個十全大寶丸，佢係手打肉丸黎，所以零舍彈牙！跟住我地叫左個蟹子蝦滑。蝦味好重，同埋有蟹子帶埋d蝦既鮮味出黎好正。食咁多肉同丸，緊係要食返d菜。本身想叫冰菜，但因為唔當做，所以我地叫左皇帝菜。皇帝菜平時係屋企都好少食到，所以食落去有驚喜，好好味。佢無菜心個種甜味，但食落去好爽口好開胃！我地再叫左個西班牙頂級黑豚豬梅肉。佢每片都切得好薄，同埋肉味好重，係好新鮮既肉！食到好飽，食材份量多又新鮮，抵食！

嗰日超級早就想打邊爐 所以餐廳都好少人 入咗餐廳侍應就俾咗唔同嘅配料我哋揀 鍾意食蒜頭嘅我梗係係咁加啦 我同朋友都嗌咗一支啤酒一齊分嚟飲 打邊爐就梗係要飲支啤酒啦!個雞煲入面有支竹 粟米 芫荽等等 個湯都好濃郁 但鍾意食粟米嘅我就梗係嗌咗一盤啦粟米一盤有成六舊咁多真係好抵食與我同朋友都嗌咗廚師腸蟹柳同午餐肉 即使係廚師腸同 午餐肉 佢哋都分量好多 而且午餐肉都好厚身 真係食到好飽個人認為呢間餐廳之服務環境都屬於中上 希望下次嚟都可以保持返呢個質素

天氣仲未回暖，所以都係要繼續打邊爐！一入到餐廳就見到好大嘅魚缸。嗰日大概六七點，好彩都唔係好多人，所以唔使排隊就入到去！侍應就好好咁樣，俾咗唔同嘅火鍋配料俾我哋揀，款式都幾多！一嚟到個頭湯底，入邊就已經勁多滑脫脫嘅雞肉！呢啲湯都幾好飲，入邊又有粟米，冇乜味精嘅感覺！我哋嗌左呢個牛柳粒，分量超多，咬落去都好有肉汁！而且一啲都唔鞋，好好食！雖然我哋已經食到好飽，但係我哋最後都係嗌多咗個出前一丁，撈埋啲湯底，勁好味同入味！

前排天氣凍凍地 就同阿妹去左呢間好近旺角地鐵站樓上打邊爐嗰日7:00到 見到個好大嘅魚缸 位置寬躺 人唔算多佢哋出名嘅招牌雞煲有七款 我哋揀咗胡椒豬肚雞煲 真係冇揀錯啊首先 佢哋啲料好足 除咗主食雞以外 有蘿蔔 好多片嘅粟米 菇 同埋芫荽等等 加埋本身嘅豬肚 同好重嘅胡椒味 味道真係好濃郁 層次豐富 係天氣凍嘅時候飲落去 真係好暖胃 加上佢啲雞好新鮮， 我哋雖然淨係嗌左半隻，兩個人來講真係份量好多，好抵食！另外我哋嗌左啲豬頸肉，份量適中，肥瘦比例均勻，口感好爽，令人垂涎三尺！加上胡椒湯嘅味入哂去，配搭好特別，必試！Conclusion: 位置方便，價錢適中。特別推薦佢嘅雞煲，湯底入味之餘，仲有好多款可以揀，尤其係鍾意食辣嘅朋友，可以試吓佢個重慶麻辣雞煲！

之前成日聽朋友講話旺角有間食雞煲幾好食😋叫吞pot, 但一直都冇去試，今日終於啲起心肝去試吓，一入到去就比左果大魚🐠缸吸引左，啲魚勁靚有龍吐珠、花羅漢等靚魚，真係勁吸👀👀👀我就叫左果招牌雞煲+手打墨魚丸，先講下個雞煲先，我就叫左小辣，食落啲雞勁入味，又有少少🤏麻辣的麻痹口感勁正，佢辣得來唔會搶晒啲雞味，再加上望住太陽下山夕陽🌇的環境真係人生一大樂事，手打墨魚丸勁彈牙同好有墨魚鮮味，真係啱晒我呢啲墨魚🦑丸控

香港疫情嚴重但係，大家千祈唔可以鬆懈，外出成飯， 都一定要注意衛生 。今次嚟嘅呢間吞pot 就做到十足啦。 一入門口， 服務員會禮貌地為你量度體溫以及提供酒精搓手液。我哋坐低咗，店員就為我哋送上醬油九宮格，任你調教心目中想要嘅醬汁打邊爐 。經過一番商量，我哋決定要個滋補螺片花膠雞煲$298。 果然冇令我哋失望 ，奶白色嘅濃湯令人垂涎欲滴 ，一大煲嘅雞件食極都仲有，個湯飲得出係冇味精，呢樣嘢非常之難得。配料方便我哋就叫咗自家製鮮蝦雲吞$75， 一客有八粒 ，細細粒嘅雲吞蝦肉爽脆 ，韭黃又好香口 。另外我哋嗌咗豬頸肉片$85， 豬頸肉嘅肉質都好爽脆。最最最喜歡嘅就係爆芝響鈴 ，放入湯幾秒後就食得。每一啖咬落去都有好濃既芝士溢出 ，我忍唔住同朋友講我可唔可以食多件，哈哈，美食當前實在難以抵擋。另外個開心樂園餐都好抵叫$72，有齊蟹柳午餐肉芝士腸雞肉腸都係72蚊啫。此之外餐廳位於23樓，我哋坐喺窗口位，能夠從高處一覽旺角嘅美景，為整個晚餐加添了分數。

入場前，先要探熱，即場用酒精搓手液消毒雙手先可以進場。店員會戴上手套，然後現場即時幫我地清洗用具，有夠衛生。食得安心又放心。醬料9宮格，你想點點，點配都得。招牌雞煲我地揀左滋補螺片花膠雞煲$298 (全隻)原因係我唔食辣，所以揀左大家都岩既又滋補又好味!個湯底實在係太得又濃郁又夠鮮味！我地差唔多都飲哂，每人2碗。而且用料十足，螺片．花膠．雞件夾極都仲有，哈哈！因為太好味，我地差唔多食左９成，先開始放火爐配料開始打邊爐。自家制鮮蝦雲吞$75大大粒，皮薄餡多，蝦肉爽口彈牙。即炸芝士響鈴新鮮即炸，浸一浸係花膠湯底，好食到傻左。咬開中間會有芝士爆出黎。菜菜籃$70當然唔可以小得蔬菜啦。一個籃有齊菜，菇，仲有南瓜等等。食完大家都仲回味既個滋補湯底。

自從疫情發生之後，我都冇去過打邊爐，咁岩呢日人小小，又好耐無見大家14日又無離開香港，所以就3人行去打邊爐。入門口先量體溫，之後店員就幫我地用熱水消毒我地既餐具。同時每人都有一對公筷，減少交叉感染一鑊熟。9格火鍋醬料，$12/位我地點左呢個湯底， 滋潤螺片花加雞煲一隻$298，好大煲，一送上黎就嗅到香噴噴雞湯味。撈落去有不小片既花膠👍湯底入面仲有唔同菇類，超清甜!唔肥油! 我想講真係勁好飲，我飲左3大碗，另外2個朋友都飲左2 3碗，而且D雞好滑嫩，個湯底大讚!同埋坐window seat好有feel，D朋友見到我ig story仲以為去左邊到既高級火鍋店😂 咁大煲湯我地3條女都飲到七七八八先肯加湯煮野，因為真係好好飲。打邊爐必食嚮鈴，呢個叫自創爆脂響鈴$75，相當吸引。咬落去爆小小芝士出黎，但又唔會好"流"，芝士量岩岩好，真係好好味!一碟6件我自己就食左3件❤自製鮮蝦雲吞$75，隻蝦好大粒而已好鮮，同埋皮簿多料，粒粒都脹卜卜。菜菜盆$70，佢呢個菇菌類比較多款，同埋實物好大盆，我地無食哂🙈因為我減緊肥，胃口細左，而另外2個女仔本身細食又唔食牛既，所以火鍋料淨係掂咗呢三樣，但都相當飽!因

今日再次黎翻炒吞POT，每次想打邊爐，第一間諗起嘅都係吞POT。自製醬料今次揀左個香濃沙嗲鍋，湯底夠晒濃味，而且有好多菇同芽菜，食物未到都可以有嘢食住先。自製蟹粉蟹肉雲吞，一共有六粒，粒粒都脹卜卜，口感彈牙，蟹肉十分鮮味同好足料。自創爆芝響鈴，每次都會encore，新鮮整味道係唔同d，夠晒脆身，芝士味濃郁，正。羊肉片，平時屋企好少食，所以出街有得揀就會想食下羊，水準保持到，一d都唔膻，大細剛好，一啖一塊。今次終於有d新意唔食烏冬，試下紅薯粉。薯粉比較幼身，食落口感一流，夠晒彈牙，而且索晒湯底ge沙嗲味，真係食到lamlam 脷。青島啤酒&柑桔檸檬 餐廳食物環境CP值都好高，相信好快會再有下一次。

由於想食雞煲又怕太多人所以就早啲上左去食第一次係廿幾層望住個日落食dinner店員都好好服務所有既餐具都用左熱水幫我哋洗一洗再俾我地用又有消毒紙巾俾我哋食之前用好細心 衛生意識好好佢有六種雞煲口味可以揀本身我想食滋補螺片花膠雞煲既朋友就話想食重慶麻辣食煲咁我就聽佢講叫左個重慶麻辣雞煲食（bb辣）佢既辣唔淨止係辣 仲有麻好香口而隻雞係好夠味亦都好滑口而且仲叫左唔同既料佢有勁多選擇但係自家製既係特別啲特別係佢既自創爆芝響鈴佢新鮮炸起勁脆仲要好香芝士味放去個煲浸5秒左右唔會大soft仲脆口好食😋食辣野點少得飲酒叫左兩支Asahi都唔係好貴Overall無論係環境 食物定服務都係無得彈既同朋友一齊傾下食下Enjoy the view高級既享受

位於旺角23樓，有得睇靚景既雞煲邊爐😚呢間有好多唔同口味既雞煲，除左平時食開既重慶雞煲，仲有花膠雞煲，藥膳雞煲，雞煲翅等等，啱哂唔食得辣或者想養顏既朋友仔😛如果唔想食雞煲既話，淨打邊爐都得😋等緊野食既時候，店員會俾呢個醬油盤俾你，等你調配完就會收走，仲會喺你面前用熱水沖碗同筷子🥢位置都算幾空曠，一枱枱咁坐因為我想食辣雞煲，所以都係叫左classic既重慶雞煲，只係叫左bb辣，已經啱啱好，辣到個嘴紅哂🤣 唔多食得辣都係唔好嗌bb辣以上，半隻雞既分量都夠3個人食食完雞煲梗係打埋邊爐，最特別既係佢個芝士響鈴，係廚師自己新鮮炸架，建議碌幾秒就可以食，因為新鮮炸同有芝士餡，如果太lum就唔好食😛健康啲，叫左個皇帝菜😝自家製魚皮，都係碌到半脆半lum就好好味😋仲有蟹子蝦滑，好彈牙👍🏼