南大門

營業中

休息中

食海鮮，當然係去鯉魚門。香港昔日的小小漁村， 關於鯉魚門的命名，流傳常有鯉魚出入，所以以此命名。鯉魚門南大門連續獲十年認證為優質旅游服務計劃之食肆獎 法國藍帶美食獎 卓越海鮮廚藝大獎 TOP10雜誌評為香港十間最佳食肆之一。 所以我和老公就決定去試試。南大門需要自行挑選食材, 很開心, 每樣都是新鮮生猛。大頭蝦剌身:身體做剌身, 超鮮甜。然後頭蝦煲粥, 十份美味。蒸鮑魚加菜底:簡簡單單清蒸，火喉剛好，口感彈牙入味。豉椒炒蟶子:蟶子很鮮甜，調味恰到好處，又香又野味。椒鹽瀨尿蝦:是我的至愛, 瀨尿蝦滿載蝦膏, 十分惹味。一隻有10寸那麼長，而這里調味及做法過程不同，入味而能鎖住肉汁。這一餐飯超正, 值得推介。

一直都覺得鯉魚門好遠。所以一直都冇入過黎。但原來都好方便，搭地鐵到油塘站※住步行十五分鍾就到。南大門 餐廳裡面對正海景，光是對著這風景己經好滿足。原來南大門並不提供海鮮材料，需要在附近海鮮店買過來代加工，包烹調三個菜式。我們就在最近南大門的海鮮店買海鮮，買了大頭蝦、蟶子 、鮑魚 同賴尿蝦。首先海鮮老板話大頭蝦係好季節, 可以做剌身, 然後個頭拿黎煲粥。 一聽完己經流晒口水, 所以一口答應了。蝦剌身真係超好味，超爽口。 蝦頭拿左去煲粥, 鮮味十足。跟住就到鮑魚加菜底, 鮑魚好軟身好入味。豉椒炒蟶子，蟶子很鮮甜，調味恰到好處，又香又野味。最後一道菜係椒鹽賴尿蝦, 賴尿蝦好大隻, 肉質好爽口, 好彈牙。 這豐富的一餐，盛惠約一千，很滿足的一餐呀！

呢間鋪之前都有同朋友來食過，以為都係普通海鮮餐廳，點知原來有驚喜，食物很有水準，店鋪經理幫我們選的菜色配搭得很好，好尃業，又好客，第一次坐露天座位，仲有無敵大海景，環境一流，成班女人傾影相，玩到唔舍得走，今次阿仔生日，指定話要食海鮮，當然首選係南大門啦！好難得店鋪經理仲認得我，知我喜歡坐室外，好細心咁幫我安排露天座位，美景美食，一家人食得好開心，成晚氣氛好好，阿仔好少會食中菜食到贊不絕口，真係無揀錯！一定會再來！

記得小時候的假期，爸爸都會開車帶我到處玩樂，鯉魚門是其中一個常來的地方，反正以前看到一間間海鮮店外的魚缸也夠樂透半天。這次難得有半天假期，就帶媽媽來逛一下，放放風。通常來鯉魚門都會選牌坊附近的餐廳，交通比較方便，這次逛著逛著走到了差不多最裡面的位置，抬頭看到海鮮烹調專門店的招牌，加上也懶得走回頭路，就決定去試試這家南大門。餐廳在鯉魚門的盡頭位置，外面裝飾別緻，非常易認。餐廳裡面對正海景，光是對著這風景已經值回票價。餐廳沒有提供海鮮食材，一律需要到外面的海鮮檔購買，然後餐廳代煮。餐廳經理介紹了附近的美和魚港，魚檔的老闆娘非常友善，推薦了幾款時令海鮮，也建議了我們適合的份量，避免我們點得太多。【豉椒炒蟶子】蟶子有筷子一樣長，爽口而不靭。豆豉的香味加上燈籠椒的甜味，令蟶子本身的鮮甜更加突出，而且非常惹味。【油鹽焗奄仔蟹】雖然奄仔蟹體型較小，但肉質鮮甜嫩滑。不用過多的調味，簡單的油鹽焗建議能夠帶出濃濃的蟹香及鮮味。奄仔蟹切開後有滿滿金黃色的蟹膏，蟹膏甘香軟滑，入口柔軟細膩，滿口膏香。【椒鹽瀨尿蝦】瀨尿蝦有比手掌長，肉厚而飽滿。上面鋪滿金蒜和辣椒，非常惹味。瀨尿蝦肉質結實彈牙，鮮甜香口，配上惹味

朋友最近搬了去油塘住，邀請我放假到她家玩，而且提議去她家之前帶我到鯉魚門食海鮮，我才知道原來油塘走路去鯉魚門都好快。最後就帶了我食這間南大門，一入到餐廳就被海景所吸引了，落地玻璃窗令到整個海景一覽無遺，直接以中午的陽光照明，感覺更加溫暖柔和，燃起了我們的holiday mood而且餐廳的海鮮處理收費清晰分明，價格都算合理喔。•豉椒炒蟶子四隻蟶子份量都不少，調味剛剛好，而且最出色的是餐廳炒得有鑊氣之餘，蟶子的口感仍然爽口彈牙，可見廚師火侯控制得很好！•龍蝦上湯伊麵龍蝦大得驚人，而且肉質紮實彈牙。由於是新鮮的龍蝦，所以我們選擇以上湯煮，味道更加鮮甜。伊麵更是把龍蝦的味道吸收了，非常出色！•椒鹽瀨尿蝦瀨尿蝦非常肥美多肉，炸得夠香脆，能輕易離殻，口感柔嫩多汁，味道夠清甜，配帶辣的炸蒜食味道豐富有層次。•鹽焗奄仔蟹最大驚喜的一道菜，上菜前餐廳已把蟹切開一半，可以看到非常厚實香濃的蟹膏，口感軟滑細緻，齒頰留香。而且蟹肉都非常鮮甜，令我非常回味！除了食物有質素外，餐廳的服務態度都值得加許，還送了海鮮湯和生果給我們。海鮮湯沒有落味精，味道簡單清甜。而生果更是罕見地送了木瓜及芒果，比較少餐廳會送這兩種生

今晚難得收早，就約了朋友入鯉魚門食海鮮。朋友想找一間坐得舒服，又有風景看的一間餐廳吃海鮮。鯉魚門基本上只有一條路包含所有食海鮮食肆。我們就沿著這條路入去。最後，我們就行到差不多盡頭，找了這一間南大門。南大門裝修算是裝潢，地方又大。總共有兩層，上面有露天位罝，可以盡覽鯉魚門海境。餐廳還提供電子餐單，很潮! 而且收費細緻地列出，如油料加工費及其他額外收費項目。我們到附近海鮮店叫了海鮮，跟著買到南大門加工。首先上是豆腐海鮮湯，十分鮮美。《清蒸鮑魚》:很大顆，而且味道鮮美。《豉椒炒蟶子》:蟶子炒得很入味，而且又新鮮。很香的豉椒味道，炒得剛剛好，吃上來有口感!《椒鹽瀨尿蝦》:十分之大隻，很抵食。一隻可以分成4件，啖啖肉，很好味。《酥炸桶蠔》: 一桶約有9至10隻蠔，炸得非常恰好，外面脆脆的，裡面很多汁，絕不會炸得很乾。《黃油蟹》: 很大隻的黃油蟹，將它分成一半切開，中間有很多膏，而且很多膏油及很多肉，個人覺得很抵吃。最後我們叫了壽包及送上果盤。

今晚約了客人吃飯，想找一間環境比較優美，食物又好味，又要坐得舒舒服服的酒家傾計吃飯。客人說想去鯉魚門吃海鮮，我就二話不說推介「南大門」。南大門是鯉魚門差不多最入的一間酒家，地方又大，環境又舒適，可以一邊吃，一邊望著海境吃飯，真是一流。南大門共有兩層，上面一層設有露台，雖然是露天，但實在環境優美。至於收費方面，南大門油料加工費列明清晰，按人數多少及海鮮類別計算，價錢合理。至於菜單，南大門很先進，提供電子餐單給我們方便下單。亦有傳統餐牌提供。我們首先出去買海鮮的鋪頭買海鮮回南大門，然後經理很細心為我們一一講解可以怎麼煮法。經理首先送上海鮮豆腐湯，很清甜，豆腐亦很滑。豉椒炒蟶子: 蟶子一定用豉椒炒就最惹味，每隻蟶子都很新鮮，沒有沙，熱哄哄，肉質很爽甜。椒鹽瀨尿蝦: 瀨尿蝦一定選擇用椒鹽煮法，瀨尿蝦很大隻，又新鮮，大到可以一開四分來吃。酥炸桶蠔: 桶蠔一共10隻，炸得非常好，炸粉適中。而且蠔煮的時間恰恰好，內裡很juicy.清蒸鮑魚: 鮑魚很鮮甜，又大隻，蒸的時間又好，沒有太硬。黃油蟹: 叫了一隻黃油蟹，很大，很多膏，膏呈現黃色，有一部分是透明色，每人吃了半隻都覺得很滿意了。最後叫了壽包，壽包

難得放假，今日同男朋友黎鯉魚門行下石灘同食海鮮。南大門應該係鯉魚門裏面擁有最靚既海景既海鮮餐廳，所以識食一定黎食我地首先喺附近既海鮮鋪頭買咗海鮮，然後帶黎俾餐廳煮，費用都係每人一百幾蚊到，抵炸鮑魚肉質好特別，外脆內軟，而且好重香料味，配上又脆又香既炸蒜頭，係我食過煮得最好味既鮑魚一隻大龍蝦，就以上湯蒸既方法煮，我第一次食咁樣煮既龍蝦。上湯既味道帶出咗龍蝦肉既鮮甜味。大龍蝦開咗兩邊，所以我地可以好容易咁食到所有龍蝦肉我地仲買咗三隻蝦，以蒜蓉蒸開邊蝦既方法煮。餐廳都係煮得好香，好足蒜蓉，就算驚食蒜蓉會食到到口臭都唔理啦，因為真係太好味最後一定要讚埋呢隻鹽焗大蟹，係南大門好出名既煮法。當你咬d蟹肉出黎，會㖭到殻上既鹽味，令味道多咗份層次咁，而且餐廳焗蟹既時間啱啱好，令蟹膏保持流質狀

今日我放假，而且好耐都冇食過海鮮，所以就決定黎鯉魚門魚門食下啦。沿途都好有好多間餐廳揀 ，揀唔落手， 行曬咁多間餐廳，呢間一定係最靚 ，可以直接望到個大海 ，座位舒服，環境舒適，所以決定入去試下 。我哋去咗附近嘅海鮮舖揀海鮮， 價錢方面唔算貴，兩個人嚟講都唔使一千蚊， 喺鯉魚門嚟講價錢都算實惠。 首先我哋叫咗個鮑魚 ，佢用咗黑椒同蒜頭黎焗，而且鮑魚嘅肉質都好彈牙爽口， 再配埋 蒜頭嚟食都好香口，而且都唔會蓋過鮑魚嘅鮮味，真係一流 ！另外我哋叫咗個 粉絲蒸扇貝 ，扇貝蒸得啱啱熟透，所以有種嫩滑嘅感覺，又有咬口， 配埋爽口嘅粉絲嚟食都幾有鮮味 。上湯焗開邊龍蝦，我哋兩個人食一隻就夠，因為隻龍蝦真係好大隻，食落去啖啖肉，上湯可以帶出龍蝦嘅鮮味 ，而且我個人最鍾意食龍蝦膏，佢上面有滿滿嘅龍蝦膏喺度，食完真係大滿足呀。我哋仲叫咗蒜蓉開邊蒸蝦 ，我哋叫咗三隻， 但係開咗邊之後就好似有6隻畀我哋食，而佢啲肉質都幾多，所以三隻已經足夠我哋食啦。 最特別嘅就係佢嘅招牌鹽焗蟹， 佢哋蟹殼上面充滿著鹽份，而且都覺得好鮮味，多數都係食薑蔥蒸蟹，今次焗蟹真係好特別， 有好多蟹膏喺度，而且蟹肉都好有鮮味，食落去啖

今日家有喜事, 一於食番餐勁嘅賀下佢, 大家扶老攜幼浩浩蕩蕩去鯉魚門食海鮮, 屋企人揀左南大門 雖然貴D, 但坐得舒服, 有海景睇, 招呼都唔錯安頓好老人家, 一行人隨即出去揀海鮮, 酒樓介紹我地去威記買, 同佢講南大門會有折扣喎….是旦啦花多眼亂, 新鮮足稱兼老實阿媽鍾意食龍蝦, 好爸爸第一時間叫老闆揀隻生猛嘅要黎整芝士焗龍蝦加伊麵底, 眼見差唔多枱枱都點龍蝦伊麵, 一試果然冇伏味, 龍蝦好彈牙, 芝士夠重手夠香濃, 食完齒頰留香再黎椒鹽瀨尿蝦、白灼蝦、蒜蓉粉絲蒸貴妃蚌, 平時食扇貝多, 今日貴妃蚌大隻有光澤唔貴一於買黎試下, 大廚掌握火喉到家, 鮮味突出又夠爽, 唔錯 係扇貝外嘅另一選擇最後不得不讚下個辣酒煮花螺, 辣得黎夠惹味, 留番個汁送飯一流

假期出去行下，今次去咗鯉魚門食海鮮，鯉魚門係一條好有特色嘅海鮮街，沿途行嘅時候兩旁好多海鮮店同特產店，買咗啲手信返屋企，跟住去咗南大門！呢間餐廳風景一流，全落地大玻璃窗，對正過大海。海鮮要出界外嘅小店自己選購，買入嚟再看心意叫餐廳加工煮。加工費每位$110，都唔算貴，最緊要係煮得幾好食，鹽焗奄仔蟹唔會太鹹蓋過海鮮嘅鮮味。另外個上湯浸豆苗雖然貴左少少，但係分量十足，浸湯嘅蒜子都好好味！蒜蓉粉絲蒸扇貝，同蒸海斑，火候整得剛剛好，唔會太熟，肉質嫩滑！

新年放了一個星期長假，反正在香港除了拜年亦無所謂事事，於是約了友人一起去鯉魚門大擦一餐。對於我來說去鯉魚門相當方便，在西灣河坐船十五分鐘便到了。一落船剛好見到隔岸見到南大門的招牌，位置就在鯉魚門村的正中心點，從碼頭望過去特別顯眼。我們沿著鯉魚門村的方向向南大門酒家去過了，沿途見到不少海鮮檔，五花八門的海鮮任均選擇，見到都開心。時值新年，餐廳不多人，剛好被我們佔了這海景靚位。餐廳有兩層，270度落地玻璃還可以遙望到西灣河呢！果然佔盡地利。餐廳廚房設計從外面可看，讓客人可以吃得放心。我們到鄰近的海鮮店挑了幾款海鮮。五花八門林林總總的確會讓人不知從何選起，好在餐廳有特色菜推介，一於跟著選實無錯。波士頓龍蝦係海鮮檔推薦時令選擇，果然肉質彈牙爽厚，鮮味十足！選左上湯伊麵，清清地更襯海鮮既鮮甜。個麵底完全吸收了龍蝦汁，友人和我都對這道菜盛讚。時值春節是瀨尿蝦當做既時份，當然要吃！瀨尿蝦相當大隻，比筷子更長，海鮮檔老闆話一隻兩人吃就夠。選了椒鹽，很香口，是令人上隱的味道。瀨尿蝦很彈牙，肉亦厚，吃下鮮甜可口。不過唯一美中不足就係沒有膏，有點失望。當然少不了兩隻蒜蓉帶子啦。帶子好大隻，煮得剛好火喉，而且

應承咗家人帶佢哋去一日遊，今次選址係理魚門，首先去大清早行完山，再去食海鮮！今次揀咗朋友推介嘅美景餐廳南大門，餐廳位於鯉魚門海鮮邨嘅最入最入嘅一間，就係因為咁，佢呢個大單邊，對正全海景只吸引。落地玻璃全景睇住個海及鯉魚門燈塔。無敵靚景配合下嘅海鮮份外美味。　今日人少少三個人，叫咗一條海斑、蒜蓉粉絲蒸扇貝、油鹽水焗奄仔蟹、豉油皇煎焗大蝦，再加一個上湯浸豆苗。特別要讚條魚蒸得啱啱好，火候控制一流！食物全部煮得好鮮味，唔會過鹹蓋過海鮮嘅味道！海鮮係喺隔離幾個鋪位嘅美和海鮮度買嘅，叔叔非常好人，見我哋三個人，仲叫我地唔好叫咁多，驚我哋食唔晒浪費咗啲海鮮！

又是一年一度的中國新年。趁著初五不用拜年，特別和媽媽到鯉魚門吃海鮮，做個孝順兒子。南大門位於油塘鯉魚門。從地鐵站出發不用十分鐘便到牌坊，而餐廳的位置正正位於漁村的中間，再走大約兩三分鐘便到，十分方便就腳。可能時間還是早，餐廳沒有太多人。於是我們便特別要求經理安排我們坐在窗邊，一邊欣賞270度環迴海景，一邊品嚐我們的海鮮餐。餐廳沒有自己指定的海鮮檔，客人都是從旁邊的檔口買回來再加工。我們一行二人選了扇貝，瀨尿，蝦奄仔蟹和龍蝦等等海鮮回來品嚐。蒜蓉粉絲蒸扇貝(⭐⭐⭐⭐💢)首先上枱的是粉絲蒸扇貝。扇貝十分大隻，而且不會縮水。雖然已經蒸熟，但扇貝肉仍然黐住得很緊，這是新鮮海鮮才有的效果。扇貝吃起來肉質十分結實，而且鮮味。值得一讚的是蒜蓉香蔥味道不太重，不會掩蓋海鮮的味道，也不會覺得十分油膩。椒鹽瀨尿蝦(⭐⭐⭐⭐⭐)這個椒鹽瀨尿蝦十分大隻，一隻可以分開四件，兩人分享剛剛好。跟其他海鮮不同，這個椒鹽瀨尿蝦感覺不是十分熟透，肉質份外的鮮甜，而且蝦膏晶瑩通透，份量十分多。而且特別一讚的是侍應十分細心，吃完瀨尿蝦後拿了一碗熱茶給我們洗手。鹽焗奄仔蟹 (⭐⭐⭐⭐⭐)之後是openrice推介的鹽焗奄仔蟹。

這天因為是家庭聚餐，所以想找個舒適優雅的地方吃晚飯。一家大細吃海鮮餐是最好不過了，我也好久沒有吃😆最後決定來到鯉魚門吃海鮮！這間餐館在比較盡頭的位置，但有露天位置，房間更是面對著海，用餐環境感覺怡人，所以家人最後挑選到這裡用餐👍🏻在這一帶吃海鮮的話，都是首先到海鮮檔挑戰好，然後交予餐館加工和烹煮的，這樣便能吃到百分百新鮮的海鮮喇！《蒜蓉粉絲蒸扇貝》扇貝大大粒，非常鮮甜😋值得一讚的是粉絲爽滑得來完全沒有那種滿口的油膩感，而且吸收了蒜蓉的香味，整體味道很好👍🏻《豉椒炒蟶子》蟶子炒得很入味，但並不會感到咸👍🏻醬汁雖多，但仍能吃到蟶子原來的鮮味，口感爽口，一點也不韌，很好吃！《豉油王大蝦》蝦肉十分厚身、爽彈。吃過許多都是外面的蝦殼有味，但蝦肉就完全沒有任何味道，但這個蝦不但保留到蝦的鮮甜味道，更帶有咸香👍🏻👍🏻《椒鹽鮑魚》以往多數吃清蒸的，鮑魚味道更突出。而這種煮法更可口，薄薄炸粉加上香脆炸蒜，吃起來更香更惹味，口感十分豐富！而鮑魚爽口帶有嚼勁，十分好味！《膏蟹》蟹膏十分多！而且火喉剛好，蟹肉不會蒸得變老，很清甜👍🏻👍🏻😍《清蒸🐟🐟》清蒸還是最好吃的，很新鮮！魚肉超嫩滑又飽滿👍🏻👍🏻十分推薦！