南大門

營業中

休息中

爸爸生日第一激，由午餐開始，以表心意所以帶左爸爸去食餐好！呃佢話去鯉魚門影下相，點知未到燈塔就轉右入「南大門」，兩位吖唔該當然係我預先book左窗口位，幫住海景食先梳乎梳乎嘛！坐底之後，我地就叫左時令嘅魷魚刺身，因為一邊行入黎見好多海鮮檔都有，已經好想食！隨之我地出左去「美和」海鮮檔揀海鮮，見到啲瀨尿蝦好大隻 ，一問之下原來係印度尼西亞貨，同平時街市用膠樽養住嘅唔同，果啲會黎自越南、菲律賓等國家，肉質無印度尼西亞嘅咁爽實，所以一人一隻試下虛實。再苦惱緊要腳仔郁郁嘅龍蝦好定係擰黎擰去嘅鮑魚好嘅時候，突然𥄫到發泡膠箱有蟶子皇，即刻問老闆娘係咪有愛爾蘭蟶子？老闆娘講笑話無，蘇格蘭就有，仲話愛爾蘭品種有沙架，要食無沙緊係蘇格蘭啦，唔講真係唔識，就試下你有無沙！最後再加多隻焗黃油蟹，兩個人食四款海鮮夠啦！好~番去等食！🦑魷魚刺身好爽甜，感覺清新四隻豉椒炒蟶子皇，全部起晒肉好入味，好爽彈👍🏼真係一粒沙都無椒鹽賴尿蝦，我真係哇左出聲，好大隻！長過枝叉！肉質好爽實，味道鮮甜，但呢個真係忌凍食焗黃油蟹非常多膏，全邊都呈鮮黃色，甘香！最後，仲有木瓜芒果送，甜到一個點

住在港島區咁耐都未試過坐渡去三家村碼頭，難得放假想出外走走，就坐一轉15分鐘就到，仲好近鯉魚門行到鯉魚門一半見到間間海鮮檔都好新鮮，忍唔住問下價格，最後拎住幾袋海鮮走到盡頭的南大門南大門是開房式廚房，看到廚師在煮食😂好放心入到餐廳被海景吸引住，落地玻璃窗，不需要開燈，用自然光便能照進餐廳內油料加工收費清晰，按人數按碟數計算，另外還有海鮮烹煮收費海鮮選了蘇格蘭蟶子，可以蒸/灼或者炒，當然選了豉椒炒蟶子，每隻蟶子都好爽甜，肥美，最重要是蘇格蘭蟶子是沒有沙在內，點了新鮮海鮮立即煮，味道果然不同現在墨魚是當造季節，店員介紹墨魚刺身，冰鎮上菜的墨魚刺身，輕輕沾上醬油和wasabi一起享用，味道鮮之餘仲好有口感，很容易咀嚼其後是椒鹽瀨尿蝦，絕對是必點，必選是椒鹽著法，我們點選的兩隻游水生猛瀨尿蝦，比筷子還要長，每隻一開四份單看已經看到蝦膏快要迫出來，連蝦尾都有蝦膏，好幸福店員早已準備好每人一份用具把蝦剪開，經過一輪又剪又折的過程後，瀨尿蝦膏令我很心動半生熟的蝦膏很鮮甜，很飽滿，兩邊外露的蝦膏經過椒鹽後口感好爽，而入面的蝦膏晶瑩剔透沒有全熟，鮮甜甘香最後我們點了一隻黃油蟹，從中間切開，同樣滿滿的蟹膏

好朋友升職加薪又適逢他放例假， 今日就入鯉魚門食海鮮慶祝一下。 油塘地鐵站出大約行十分鐘左右就到鯉魚門都相當方便， 平日中午時段入鯉魚門都幾舒服，遊人不會太多。 步入鯉魚門途中都有好多海鮮酒家， 但被這間"南大門"外表吸引住，酒家隔離就是遊艇碼頭， 看見有遊艇拍埋岸，他們上岸就入"南大門"，酒家位置非常吸引有無敵大海景所以我們都決定選擇"南大門"。 酒家介紹我們到附近的美和漁港海鮮檔選擇海鮮，看見牆上張貼好多明星相，這間海鮮檔都有好多明星來幫襯過，我們揀了至愛椒鹽瀨尿蝦，新鮮大隻又惹味，豉椒炒蟶子，果皮蒸鮑魚，干燒大蝦， 清蒸海魚， 其實味道相當唔錯，可能上菜太快， 食唔切有啲放涼咗，但這餐都非常豐富 還有最後酒家奉送新鮮芒果木瓜生果， 又甜又juicy ，望住個無敵海景嘆海鮮非常享受又滿足。

早前我和家人到過鯉魚門內一間名叫南大門的酒家，環境和食物煮功都很好，於是今天約了朋友再到這裡午膳。這間酒家位置臨海，面對無敵大海景，旁邊還有遊艇泊岸位置，難怪坐下來已看見旁邊的食客都是坐遊艇到來午膳，可見食物質素有一定水準。因酒家不提供海鮮買賣，客人可到附近海鮮店自行挑選最新鮮的食材交回酒家，酒家只收取海鮮烹調費用。食海鮮最開心便是自行挑選食材，因每樣都是新鮮生猛。我們在附近海鮮店看到許多海鮮，不期然一口氣要了很多，連老闆娘也說十分足夠了。清蒸花英魚：生猛即蒸，魚身嫰滑，我們還要了白飯分享呢。香煎大蝦非常入味，廚師還有心思放了心型圖案，令色香味俱全。豉椒炒蟶子：豉椒味濃，配合蟶子一起炒，香氣撲鼻，非常鮮味。果皮蒸鮑魚：簡簡單單地用上果皮清蒸，火喉剛好，口感彈牙。椒鹽瀨尿蝦是我的至愛，差不多有尺長的瀨尿蝦滿載蝦膏，以椒鹽方式烹調最惹味，不可錯過。最後還有餐後送贈的芒果和木瓜非常香甜，為這個豐富的午餐畫上句號。整體而言，良好的烹調功夫，店員親切友善的服務態度，還有可以一邊享受美食、一邊欣賞海港的景色，南大門真是一個不錯的選擇，下次還想試試它的晚餐呢。

一班舊同事，再約去當年一起工作時，第一次一起食海鲜的南大門， 當時很深印象，覺得環境味道服務都超級棒， 只可惜當第二次想再訂位時，卻遇到態度服務很差的經理，所以往後數次去鯉魚門都去了第二間食。 後來收到短信知道那位經理已經離職，決定今次再次試試。今次去人很多感覺很吵，但海鮮的質素味道真也沒令我們失望， 每一味餸都非常惹味又入味， 我們七位叫了椒鹽瀨尿蝦，炒蝦，豉椒炒聖子 椒鹽鮮魷 豉椒炒蜆， 蒜蓉豆苗，蒸魚和蒸扇貝。賣相好看，味道十分鮮美， 服務也很周到， 回復了當初第一次去的好印象，我們好好地聚舊， 度過了很愉快的一個晚上。下次一定會再來。

一家人週末想吃海鮮來到了鯉魚門，網上搜索看到這家餐廳便來試試～環境：餐廳環境不錯，有訂位並預留了靠窗海景位置。食物質量：不過不失，期望更好。自己買海鮮，餐廳加工，主要是海鮮新鮮，其實哪裡都煮得差不多。特別一讚**瑤柱蛋白炒飯有鍋氣好吃！等待時間：煮得還可以不過等好耐，最後個菜（菜苗）取消埋。禮拜六來說人不是特別多不過大部分遊客，感覺對遊客較重視而香港客得過且過。心得：假如是為了餐廳環境就來吧！建議去西貢食海鮮沒有那麼旅遊味重，而且南大門消費比其他餐廳較高，下次不會再來⋯

一行人黎到，自己係旁邊店家買海鮮帶黎煮，廚藝不過不失，環境唔錯，買左條斑比佢煮兩味，吃到成口魚鱗，經理過認晒錯道歉，但無補於事。唔阻你地做遊客生意，下次唔會再光臨。

鯉魚門食海鮮，聽就聽得多，食就真係冇幾多次，對上一次已經係十年前跟長輩嚟食。今日同一班朋友來慶祝，興起就嚟食海鮮，唔識點揀，就亂揀咗呢一間"南大門"，不過亂揀又比我揀對了。因為揀任何一間食店，都係睇佢加工嘅功夫 是否了得，我覺得呢間又加工得好好食!坐好咗，開好茶，食咗兩粒花生，就同朋友們一齊去大街揀海鮮。完全唔知道揀邊間好就亂咁行，最後在幾間唔同嘅海鮮檔，分別買咗龍蝦、蝴蝶蚌、奄仔蟹、蟶子皇及貴妃蚌，六人份量，買了共$1800。其實海鮮檔有好多好多間，如果自己真係沒有相熟嘅店鋪，就睇心情啦，每檔海鮮價錢大致接近!再拎去"南大門"加工，有唔同嘅加工套餐，我們五款海鮮，每人加工費$110，而特別嘅煮法，就另外再加錢，好似我哋嘅芝士龍蝦伊麵，整碟就好似另外再加咗數十元。蒜蓉粉絲蒸桂花蚌清蒸蝴蝶蚌豉椒炒聖子皇鹽焗奄仔蟹芝士焗龍蝦，伊麵底壽桃包我見好多枱都有生果盤送，靚靚木瓜半個及芒果，但我們沒有生果盤送。。。因為酒樓話我哋唔係喺同一間海鮮店舖買海鮮，係分別唔同海鮮檔買返嚟，所以冇生果盤送，唔知點解呢，乜又會咁㗎咩。。。 唔知呢。。。買海鮮、加工、酒樓飲啤酒汽水西瓜汁，每人都係大概$600

上湯龍蝦，蒜蓉粉絲扇貝，果皮蒸鮑魚，豉油皇大蝦，豉椒炒蜆，蒜蓉炒菜芯，附送湯及甜品，食物好，服務好，環境好，價錢都合理，吃完後，發覺沒有送湯給我們，趕時間就算了。但經openrice訂位後，餐廳沒有免加一，事後回家才發現。

走到鯉魚門海鮮街的盡頭，便會找到南大門，它的概念是比較新，裝修也比較時尚而且獲獎無數，榮獲旅遊發展局認可的優質餐館、中國飯店金馬獎等等一進店，鯉魚門的海景盡收眼底，你會看到海、石頭、遠望還有高樓大廈還可以預訂一間海景房這裏的酒很多，有紅酒、白酒、中國酒我們走到附近的海鮮店買海鮮，店買態度親切，還給予我們不少意見，賴尿蝦非常生猛，而且非常大隻，就像我的手臂這樣長貴妃蚌也是很肥美，配以蒜蓉粉絲蒸，真的是絕配蝦肉很爽滑彈牙，豉油味咸度剛好，所以我連蝦殼也不放過這個澳洲龍蝦很重，大概有兩斤重，用了上湯焗便可以吃出鮮味，蝦肉真的非常彈牙，如果吃一整隻龍蝦我想真的會很飽奄仔蟹中間有很多很多膏，真的是不敢相信，全都是黃色的，而且也是很滿滿的，真的非常鮮甜蟶子的size也是很長，豉椒炒後令蟶子更入味最後還有水果贈送，夏威夷木瓜跟芒果

好耐冇食過海鮮，又好似未試過晏晝食海鮮做lunch，今日就試吓。呢度要行到最入，不過環境幾好又夠寬敞。店員話佢哋最頂層有露天座位，不過今日未ready，其實望住個海景食真係好正！聽店員介紹，去咗隔離一間海鮮檔買材料豉椒炒蟶子勁入味，唔太鹹，口感好爽一啲都唔靭椒鹽瀨尿蝦有成隻筷子咁長，輕輕用刀叉已經切得開，入面有超膏，非常好味！白灼花螺就算乜野醬都唔點已經好有鮮味豉油皇大蝦非常厚肉，蝦味濃郁，蝦頭有好多膏粉絲蒸貴妃蚌開心到想喊，因為有激多粉絲及蒜蓉，貴妃蚌肉厚彈牙陳皮蒸南非鮑魚海鮮檔話如果係果皮蒸的話，用南非鮑係最好嘅！果皮味好香，口感軟綿唔韌海鮮豆腐湯食海鮮點可以冇海鮮豆腐湯㗎呢？！飯後有芒果及木瓜，感覺好健康！服務態度一流有禮，望住個靚景食心情更加開朗

家庭日來到鯉魚門食海鮮，很久沒來過鯉魚門的我選了這間擁有維港景色的飯店品嚐在隔壁海鮮店所挑選的生猛海鮮另外飯店設有獨立海景房間，每間房間的最低消費價錢都不一樣的巨型瀨尿蝦和貴妃蚌澳洲龍蝦上湯龍蝦伊面份好大，足夠我們一家人吃開始入冬當然要吃羔蟹 這奄仔蟹的膏量特多蒜蓉粉絲蒸貴妃蚌和椒鹽瀨尿蝦，這麼大和鮮味的海鮮真的要來鯉魚門才有機會吃到，而到鯉魚門吃海鮮我首推這間坐擁維港景致的 南大門海鮮烹調專門店光顧的知名人仕有香港知名歌手容祖兒餐廳獎項有：2018一帶一路香港旅遊業十優推介 --- 餐飲2016年度海鮮天王至尊大奬 --- 中國飯店金馬獎2018 香港旅遊發展局認可優質餐館

男朋友想食海鮮？你諗起邊度？今日同男朋友去左鯉魚門食海鮮，入到去充滿魚村風味，我地去左餐廳「南大門」。餐廳好時尚，唔似一般酒樓，環境豪華，仲有VIP房！環境寬敞，有落地大玻璃見到哂維港海景，景觀非常吸引，完全係賣點！服務非常好呀！我地兩個人叫左幾款海鮮試下！蒸魚，我好鐘意食魚，時間蒸得岩岩好，入口超滑溜，加上我最愛既薑蔥豉油，味道咸香鮮甜！魚肉唔腥好新鮮！豉椒炒蟶子，蟶子好大隻，入口好爽嫩，加上豉汁炒香，夠哂鑊氣！粉絲蒸大蜆，蜆肉好肥美，爽甜不失海鮮咸香，粉絲吸哂鮮甜海鮮味，好惹味呀！薑蔥蠔煲，男朋最愛！蠔肉肥嘟嘟，大大隻，爆香後非常滋味，濃香蠔肉一啖入口非常滿足！椒鹽瀨尿蝦，椒鹽香口咸香，瀨尿蝦有膏好大隻，蝦頭鮮甜，椒鹽煮法比較香口！我地仲叫左個炒菜！最後餐廳送左生果和甜品，有木瓜和芒果，金黃新鮮，完全高水準！仲有南瓜西米露，啖啖南瓜蓉，香甜奶香重！晚餐超級滿意呀！

食海鮮第一時間諗起鯉魚門，漁村風味，地理位置又近海，食材當然最新鮮！女朋友想食海鮮，我地就揸車入左鯉魚門開餐啦！南大門，餐廳係女朋友上網搵，環境好特別！非一般酒樓，環境好乾淨好整齊，高級裝修感覺非常高氣派，大大個落地大玻璃，可以望到維港大海景，氣氛十分滿意！店員有服務，食材當然高水準！女朋友叫左幾個菜式！豉椒炒蟶子，大大一隻蟶子，入口好爽嫩，無沙而且味道濃香，好夠鑊氣非常出色，調味咸香，女朋友大讚！蒸魚最重要時間，滑溜魚肉好清甜，簡單豉油已經好好味魚肉蒸得剛好唔會老！椒鹽瀨尿蝦，有好豐富蝦膏，咸香滋味，椒鹽好香口又唔會好油膩！粉絲蒸大蜆，蜆肉好肥美，粉絲吸哂豉汁和海水咸香，味道好惹味，爽甜大蜆好有水準！薑蔥蠔煲，薑蔥好濃郁，蠔肉超級飽滿肥美，爆香後煮熟，入口啖啖肉，唔會有蠔腥味！最後餐廳送左生果和甜品，女朋友最愛南瓜西米露，奶香重又夠滑溜，好滋補，南瓜蓉多好足料！我地會再黎架！

今天星期日,  天朗氣清, 最好駕車遊車河去吃午餐.   風水大師話我利水, 更加想去食啲識游水嘅嘢. 最近公司出左 Bonus, 就決定去鯉魚門食海鮮.  首選 南大門,  因為餐廳比較近海邊,  景更靚.入到餐廳, 見到無敵海景, 一望無際, 心情靚,   坐定後, 實在太肚餓,  立即往隔離嘅海鮮店買海鮮.   南大門介紹的海鮮店, 海鮮生猛又齊款.我點左扇貝, 係我最鍾意食嘅海鮮之一.   炒香左嘅蒜蓉再加埋粉絲食落去實在太幸福啦！   扇貝咬落 好彈牙, 真係好新鮮。然後就食返啲重口味小小嘅蟶子王, 豉椒炒蟶子王, 果然夠晒鑊氣, 同頭先嘅蒸粉絲真係好唔同. 超正, 唔會鹹, 蟶子王咬落好彈牙,  肉質好好.炒芥蘭  蒜蓉炒. 好惹味, 芥蘭新鮮嫩綠, 不錯.之後上湯龍蝦上檯了.   上湯味濃,  甜甜地真係頂呱呱, 同芝士焗真係冇得比, 我呢排又減緊肥, 對芝士好敏感, 所以上湯不愧為一個好好嘅選擇.   最近食多咗大閘蟹都食到漏,  食返隻上湯龍蝦真醒神.  海上鮮係鮮味 D.椒鹽瀨尿蝦  雖然吃飽龍蝦, 也不忘要吃椒鹽瀨尿蝦,  怕熱氣只叫了一隻.椒鹽加油炸,  香脆又