南大門

營業中

休息中

第二次光顧，本來覺得環境幾好 打電話去訂臺 一早講了想要窗口位，入面同事就話要先到先得，咁都正常。 我地6點幾入到去 咁啱有臺窗口位走左，我心諗一定有啦，埋到去同我講比人訂左。如果你一早同我講 窗口位比人訂晒ok的，但係你同我講有人訂左窗口位，又同我講先到先得，仲同我講訂位係跟住「公司規定」， 你公司規定你地要欺騙消費者入鯉魚門「先到先得」？之前都介紹過朋友去 但係自此我會強烈叫朋友唔好去 畢竟出菜都唔夠細心 一次過出晒d菜 食到後面凍晒 隔離海天仲正過佢。

周末約左朋友到鯉魚門南大門食晚餐.店員招呼很好, 又推介坐17號枱, 睇到維多利亞港無敵大海景, 好有氣氛!之後出去買海鮮, 買左蜆, 龍蝦,石斑, 帶子, 加左幾樣小菜. 好豐富!樣樣都烹煮得好好味, 回味無窮.

疫情稍為減輕，幾位朋友約聚已等了好耐，大家都想去郊區希望沒那麽多人。早前朋友介紹去鯉魚門南大門，已訂好座位，5:30到達酒家，天氣很好，好好彩如朋友推介果然見到咸蛋黃跌落水醉人美景。在酒家旁買好海鮮後著酒家煮法。打開酒簿叫了一瓶紅酒，好喜歡這店的小食漏油皮蛋夾紫羗，一口皮疍一口紅酒，皮蛋与紅酒在口中渾和是絕配。飲下飲下一道白灼墨魚先上枱，墨魚肉身味道不濃，白灼是食其鮮味，配銀芽蔥絲魚鮮与菜菁好合味，生熟道剛好。第二道上臺是上湯中蝦煎米粉底，好喜歡煎米粉，先夾索了上湯的米粉仍香脆不油膩，上湯附在蝦身味道調得不錯。再來了個砵酒蠔沙煲上，經理特別推介，味道做得非常香口，我對帶甜味菜一向麻麻，但也食了兩隻，其餘還有蒜茸蒸鮮貝和蒸石班也有水準。這店的油料加工費尚算清晰，一張收費表列哂，我們不是坐窗邊每位收110元，四人包煮四個海鮮，多出一味加$100共$540, 其他費用也列得清楚，服務不過不失，味道超出預期好，大家都滿意這頓晚餐，朋沒介紹錯。

今晚與家人往鲤鱼門的南大門酒家吃晚飯,被安排坐在5号枱.之前往街市買咗南澳州龍蝦,黄皮老虎班,蟶子,南非鲜鲍,濑尿蝦及花蝦,叧外買了泥鯭,九蝦仔,花蟹做粥料来酒家加工.酒家装修雅緻,面向無敵大海景,先飽覽日落餘暉美景,已令人陶醉不已!食物有序地ㄧ道ㄧ道上来,熱氣騰騰,厨師的厨藝ㄧ流,将交来的海鲜煮到色香味俱全,令我地大飽口腹,感覺到好幸福及食得好開心!叧外,酒家的经理及服務员,招呼週到,不停地换碟,加熱水,又常詢問我地的意见,非常细心,很難得㗎!最後還送南瓜露(甜品)给我地食添,南瓜露不太甜但足料,好味!酒家的加工收费好合理,比起其他地方的加工费我覺得更便宜D添!今晚我同朋友都食得好滿意!下次必会再来,並会介绍D朋友来試吓!

因疫情未能出外旅行,所以復活節都要留港搵節目,2號一行4人,去咗鯉魚門的打咭熱點石礦埸打咭映相,由一行入鯉魚門的海鮮街,以經見到各式各樣的生猛海鮮,簡直是眼花撩亂,映相映到二點多鐘開始有啲肚餓,所以回程搵嘢食,途中經過一間南大門的酒家,見都有十檯八檯,而其他酒家相對比較冷清,所以決定一試,在付近的海鮮檔買了龍蝦,大海班,蟶子皇及奄仔蟹,龍蝦上湯焗煎米粉底,豉椒炒蟶子皇,油焗奄仔蟹,大海班完本想清蒸的但經理話條魚有二斤幾,建意我們可以試吓做二食,西蘭花炒球,紅炆班頭腩,西蘭花炒球只需須加$50.就可以連菜都唔駛叫,菜式煮得很有水準,全完全可以發揮到海鮮本身應有的鮮味,食到大家都好滿足,真是冇心插柳的情況下,可以食到滿意的一餐.

今天一家人去了南大門光顧，先被開陽的海景吸引。因為時間尚早，客人很少，基本是包場吃午飯，空間感相當大。接著去附近海鮮店挑海鮮，點了紅燒鮑魚、豉椒炒蟶子，蒸扇貝及一魚兩味，另加海鮮鋪送了椒鹽鮮魷。這酒家的調味恰到好處，夠味之餘亦保留海鮮的鮮味和口感，廚師功架十足！家人當中有素食者，餐館亦有多款素菜提供。飯後餐館送上精美生果盤，滿足的半天。

閒日午餐包起全場享受靚景美食。門口美和海鮮檔老闆娘好介紹，斤幾西澳龍蝦，兩隻貴妃蚌，爆膏奄仔蟹，仲送鮮魷 ，海鮮湯同芒果，全部足料鮮甜好好味！下次希望好天再影d靚相

在YouTube 上看到某食評家介紹這家店影片質素引致我蠢蠢欲動嘗試一下不知所謂的南大門！原本我在屯門三聖長期光顧的 試過真的天淵之別！現在會列出當日情況2021年4月4日 當天下雨海鮮街一片混亂 地上滿佈濕泥沙 相信是附近地盤影響我一行三人加一位嬰兒 在遠方來到是立下決心誠意十足地一試味道可惜世事天意弄人！挑選海鮮的時過程大致正常 揀左一隻190元斤既龍蝦 六隻120元一斤聖子 一條班仔 一斤240元九蝦 ＄11xx價錢尚算正常 當然比街市貴但希望煮食功夫搭救！坐低後就有位啊姐埋黎order 煮發 啊姐問：班球兩味要咩菜 ！我反問一定要加菜？ 姐：係一定包埋的要西蘭花定西芹?西蘭花唔該！ 第一味係聖子味道一般 no:2白灼九蝦 灼過火失去彈性 沒有海鮮飯店功架 吃起來像死蝦 上了碟只是咸味的豉油 然後我叫上了辣椒豉油 埋單先知加了普通辣椒只有鹹味的劣質豉油要徵收$15元No:3上湯龍蝦加米粉餅 味道正常 No:4 精彩的班球兩味 食落一般 就像想用蒜頭掩蓋不新鮮的海鮮味道一樣當埋單看到＄2100元 當堂嚇一跳 究竟用咗甚麼非常手段/手法接近要用1000元的處理海鮮費 心想以經味道不值

遊大澳後再去鯉魚門食海鮮，有朋友話南大門D野食不錯又有海景，不太貴，所以一行9人去識下，南大門要行到尾才到，去到南大門巳坐滿人，好彩我們巳訂位，我們坐21号枱望到海景，9人要分3張枱，經理安排得很好， 幫我們分好啲餸，大家食到攬住個肚好飽，叫了5支啤酒4罐汽水， 最後還有糖水水果送，每人都是$450好抵食，平過西貢

我和朋友第一次去鯉魚門南大門食海鮮餐有魚,大蝦,,鮑魚,椒鹽墨魚,,蒜蓉粉絲蒸扇貝,仲有龍蝦,另外叫了兩款齋菜.今晚的海鮮非常新鮮我們的朋友食到津津有味及南瓜糖水非常好吃.所以在這裏我推介給朋友如果去鯉魚門就幫襯這間餐廳

第一次去南大門，有靚景，有海鮮，我最欣賞夕陽西下品嚐美味菜式，脆卜卜咕嚕肉真係回味無窮聖子也好味，各位服務員態度有禮享受一頓豐富晚餐，必定會帶同家人再去光顧😊

行完鯉魚門燈塔，心願樹，天后廟，穿越民居，沿海邊走，去到石礦場，芒草不多，但空曠的海邊，山景，取景也不少. 海鮮在附近買，選了龍蝦，蟶子，九孔鮑魚，餐廳送大蜆豆腐湯，要了一大瓶鮮榨橙汁，加了一碟上湯豆苖，三個人吃完，再送冰凍西瓜，南瓜意米糖水，份量足爾.

難得放假同兩老去行下鯉魚門，原本打算先去另外一間酒家食午餐最後俾南大門個環境吸引到。入到去先睇到個無敵海景，然後有熱情既supervisor招待原來南大門除左食海鮮食小炒都有驚喜，叫左雜菌炒牛仔肉好夠鑊氣，咕嚕肉都好香脆好惹味，最後加個海鮮炒飯就飽哂Supervisor Alex Mui 服務態度好好，間中會過黎跟進食物質素，全個過程個氣氛同環境都好舒服下次會再黎試埋海鮮！

預先訂左位打算同男朋友慶祝生日，下午去到攞位，佢話未有窗口位住，員工叫我地自己出去㨂完海鮮先番黎，出到去我地行行下，有個海鮮檔嘅呀姨就話佢話佢係南大門嘅，所以就係度㨂海鮮，首先㨂左瀨尿蝦，二百幾蚊斤就有一隻，佢話兩個人一隻都夠食，再來㨂左龍蝦同象拔蚌，都係話二百幾蚊斤，之後呀姨話送個湯同埋蜆俾我地，㨂好晒最後海鮮費就大概$1,200。我地番番入去，佢就俾咗窗口位我地，窗口位加工費貴少少。我地叫左象拔蚌刺身，芝士龍蝦伊面，椒鹽瀨尿蝦，油鹽水蜆，一共四樣野。除左個油鹽水蜆，其他都正常。我地同員工反映左啲蜆有啲臭，但佢嘅回覆係實會有一兩隻係臭😅另外本身話送湯俾我地，但都冇送到，不過由於我地已經食到好飽，啲芝士龍蝦伊面都食吾晒，所以都冇再刻意去追佢地。個人覺得試過一次就夠，當日人不算多，感覺上員工嘅服務我地嘅態度好一般，明明大家都係食海鮮，但佢地對隔離枱勁客氣，又搵專人帶佢地㨂海鮮，又俾卡片，好好招呼，但對我地有啲看不起我們嘅感覺，令人感覺真係麻麻地，最後連埋加工費埋單$1,800。

今日帶新加坡朋友行完魔鬼山，盡下地主之誼帶佢去吃個海鮮午餐，當然首選係這間南大門海鮮酒家，景色優美，寬敞，望見無敵海景。首先個Supervisor Alex Mui好熱情的介紹左個海鮮檔老闆俾我們自選海鮮，超好人，還要送埋碟水果盆。👍👍👍至於個侍應生姐姐，服務態度非常良好，友善，熱情，服務很周到，我同朋友講因為你係VVIP,令到佢好開心，有如貴賓式招待。前提下我當然係想佢帶的外地朋友、或佢公司啲客人來消費，帶動香港經濟係必然嘅。大家加油💪💪💪