影片
更多
2019-05-06
402 瀏覽
難得放假，今日同男朋友黎鯉魚門行下石灘同食海鮮。南大門應該係鯉魚門裏面擁有最靚既海景既海鮮餐廳，所以識食一定黎食我地首先喺附近既海鮮鋪頭買咗海鮮，然後帶黎俾餐廳煮，費用都係每人一百幾蚊到，抵炸鮑魚肉質好特別，外脆內軟，而且好重香料味，配上又脆又香既炸蒜頭，係我食過煮得最好味既鮑魚一隻大龍蝦，就以上湯蒸既方法煮，我第一次食咁樣煮既龍蝦。上湯既味道帶出咗龍蝦肉既鮮甜味。大龍蝦開咗兩邊，所以我地可以好容易咁食到所有龍蝦肉我地仲買咗三隻蝦，以蒜蓉蒸開邊蝦既方法煮。餐廳都係煮得好香，好足蒜蓉，就算驚食蒜蓉會食到到口臭都唔理啦，因為真係太好味最後一定要讚埋呢隻鹽焗大蟹，係南大門好出名既煮法。當你咬d蟹肉出黎，會㖭到殻上既鹽味，令味道多咗份層次咁，而且餐廳焗蟹既時間啱啱好，令蟹膏保持流質狀
難得放假，今日同男朋友黎鯉魚門行下石灘同食海鮮。南大門應該係鯉魚門裏面擁有最靚既海景既海鮮餐廳，所以識食一定黎食
我地首先喺附近既海鮮鋪頭買咗海鮮，然後帶黎俾餐廳煮，費用都係每人一百幾蚊到，抵
炸鮑魚肉質好特別，外脆內軟，而且好重香料味，配上又脆又香既炸蒜頭，係我食過煮得最好味既鮑魚
一隻大龍蝦，就以上湯蒸既方法煮，我第一次食咁樣煮既龍蝦。上湯既味道帶出咗龍蝦肉既鮮甜味。大龍蝦開咗兩邊，所以我地可以好容易咁食到所有龍蝦肉
我地仲買咗三隻蝦，以蒜蓉蒸開邊蝦既方法煮。餐廳都係煮得好香，好足蒜蓉，就算驚食蒜蓉會食到到口臭都唔理啦，因為真係太好味
最後一定要讚埋呢隻鹽焗大蟹，係南大門好出名既煮法。當你咬d蟹肉出黎，會㖭到殻上既鹽味，令味道多咗份層次咁，而且餐廳焗蟹既時間啱啱好，令蟹膏保持流質狀
張貼
