六両三 (已結業)

之前上網見到有人介紹呢間餐廳今日放工就專登搭車過黎試下!一去到門口已經見到有條隊，排排下有個職員會過黎派飛，拎左飛仔我就係附近行左個圈，行完都大約等左半個鐘先有位。餐廳面積比較細，裝修係復古風，幾特別!我地叫左兩碗牛肉麵:清燉牛肉麵湯如其名，真係清湯黎，完全無加味精，雖然係健康之選，但我個人認為真係淡味左少少!牛肉好味，麵亦都好彈牙，如果個湯濃味少少成個配合會更好!川味紅燒牛肉麵本身睇個名以為係辣既，但其實係一D都唔辣，令我有少少失望，因為我本人比較中意食帶有少少辣既牛肉麵。另外我地叫左個滷肉飯，D滷肉好入味，而且又大碗，好抵食呀!!!小食就叫左切豆干，無咩特別，不過不失。總括黎講我覺得呢間餐廳只是不過不失，食過幾間主打台灣牛肉麵既餐廳，相比之下，呢間唔係特別出色。

It was Monday at 13:30 and to my surprise it was one of the few times I had seen the restaurant without a line. As it usually has a line even at odd hours. I sat down and the waitress and staff were very friendly, I asked what they recommend and the braised beef noodles were what the waitress recommended so I ordered that. I also ordered the Chinese Cucumber Salad.My salad arrive a few minutes later, it was loaded with garlic and had a very faint vinegar taste. The cucumber was fresh, not pickle

去左最近被x假期介紹過既新開台式小店食牛肉麵，滿心期待因爲介紹話佢既湯底係用好耐時間準備，可能真係太耐，耐到水煲乾晒再加水再煲，煲到完全冇牛味，同老公分別叫左清燉同川味，嘩，應有既香濃帶辣既一概都冇，得好少好少咸味，其實可以講係冇味....我o個碗唯一可取就係舊牛都算淋，但我老公o個碗....未熟囉.....對生病中食白粥嫌寡既朋友，呢個可以一試環境服務其實冇問題，如果湯底唔改善既話，我諗好快就bye bye

第一次經過見到排晒長龍，之後遇著有機會喺店舖剛開店時幫襯，未夠12點已經有兩個人排住隊等營業，滿心期待。小店打著旗號食台灣菜，但裝修帶日式風格，座位唔多但未至於迫隘。二人簡單點咗一個清燉牛肉麵、大滷肉飯、溏心蛋、黑松茶花綠茶及冬瓜茶。先來飲品，原來係樽裝飲料。滷肉飯味道過淡，滷肉粒太少飯過多，唔知細滷肉飯係咪都一樣，溏心蛋雖然流心但無溏心嘅甜味，牛肉麵嘅牛肉雖算厚切但過韌。總括而言，食完成餐飯都感覺唔到台灣風味，真係失望。以尖沙咀區收費確係十分相宜，但食物質素未知是否因為剛開店所以失準，係一次令人失望嘅經驗😓

粥粉麵飯，我最喜歡的一定是麵，尤其以牛肉麵為至愛，不論是大陸的蘭州牛肉麵，還是台灣的紅燒牛肉麵或是我地香港既牛腩麵，我都好鍾意。今日試左一間位於尖沙咀新開既台灣鋪頭，經過雜誌介紹，呢日黎到我都要等幾個位。古樸素木裝修，燈光明亮，店面唔大但內裏人頭湧湧。我自己揀左坐吧臺，因為可以親眼睇到一碗麵係點樣誕生。小小廚房有一大煲不斷翻騰既牛肉湯，仲有一大盆滷好既牛肉。呢度擺左個磅重器，每次煮麵廚師都經過精準計算，一定係每份重量都係一樣，令到湯加埋肉加埋麵就係六兩三完美比例。鋪頭營業初期可以打九折，我呢碗半筋半肉麵打折後$62蚊，如果食物好味，絕對係合理價錢。紅燒湯底呈純正的醬油赤色，面頭浮有一層薄油，湯底味道沒有如其他台灣牛肉麵咁好重藥材味，呢度既湯底濃郁得黎有牛肉既鮮甜，而唔係用糖調較出黎既死甜，好好飲；想更加有層次D，就記得落店內特製既牛骨髓辣油，微辣令到成個麵既味道更有層次。想再濃郁D都可以加上店內既酸菜。呢度既牛肉連筋帶肉，每塊都有約1CM厚，肉質好腍同鬆化；而牛筋呈啫喱狀，入口充滿膠質。麵條柔韌有致，彈牙爽口，就算浸係湯底一段時間都唔會腍。呢間真係好味，湯底溫和牛肉份量足，加埋酸菜牛骨

見個門面都ok就走入去試下，叫左滷肉飯同清燉牛肉麵，首先講滷肉飯，其實飯嘅質素都非常緊要，但好明顯佢係hea煮，用嘅係台灣米，但爛到一個點....有d似粥...再講d滷肉，味係夠，但肉係乾嘅，好食嘅滷肉飯係可以食到一粒粒嘅飯之餘，仲可以食到滷肉嘅油香，肉嫩，味濃嘅感覺，可惜，呢度係食唔到至於牛肉麵，麵底係可以，牛肉都ok，但湯底似係加左水嘅牛肉湯，唔係話佢唔夠咸，而係d牛肉味淡到就快食唔出，如果有去過台灣食清燉牛肉麵嘅朋友應該明白，湯頭係應該充滿牛肉味

近排都成日食牛肉麵，有朋友叫我地試下呢間，話最近都幾hit幾多人排隊喎見閒日夜晚應該唔會排好耐，就過黎睇睇，要等五六張枱左右，半個鐘左右就入到去店舖地方唔大 有廿零個位左右 坐得比較迫夾 隔離講咩都完全聽到點好餐大概等左十五分鐘牛肉麵先到湯底呈深歇色 牛肉係牛展肉 有五片 賣相唔錯飲咗啖湯 味道淡 調味唔夠 得少少咸味甘睇過報導話湯底係用牛骨熬製但完全飲唔出肉湯味道 亦完全冇紅燒既感覺 不香不麻也不辣之後問店員拎左d酸菜加入去，先多返少少酸味鹹味 麵既口感都ok 有d咬口唔會太淋牛展肥瘦適中 幾好食 可惜湯底扣唒分男友叫左清燉牛肉麵，佢話都係好淡 個湯冇乜味 仲淡過紅燒個湯碗麵食完碟菜先到菜都算新鮮 味道正常因為今次坐門口右邊張大枱食既時間同隔離枱個人係甘撞到手踭🤦🏻‍♀️位置太迫唔好坐 服務態度亦麻麻講返味道牛展雖做得唔錯，可惜湯真係太淡，價錢正常 但個人認為名過於實，唔值得排隊城中比呢家好食既牛肉麵都唔少，所以唔會再回顧了

今次是第1次來，有人專登帶我來試的。中午來到，LUCKY地，已近乎滿座的店剛有一台兩位的，便立即入座點菜。第一樣點的，當然是主打的三寶牛肉麵湯 --- 底不涸喉，清清地，甚好; 麵質不差，沾不到油份少的湯，建議至少幾口要用木匙連湯帶麵的吃; 肉方面，也符合了預期的期望，要一提的是筋，因它的咬口實在不錯。另一樣點的是大滷肉飯 --- 滷肉味道的確似台灣夜市吃的那種地道口味，不過卻是切了絲的，價錢也比台灣要高 (尖沙咀租金高啊...)小食方面，我們點了豆干 --- 份量偏少，味道合乎預期。整體來說，小店而言，其實是很不錯，但牛肉麵等得比較耐，要預多點時間啊。

這間餐廳裝修很美 見到門口以為是日本的小店 很喜歡 牛肉麵的味道不錯 加油喔 不過相比尖沙咀鐵牛 這裏的份量較少 如果店主可以同我地多點溝通會更理想 反映份量較少食不飽 如果有特別的台灣小食便更好

行經尖咀搵到間新開牛肉麵店就試試個實力同老婆叫左牛三寶同半筋半肉紅燒湯底因為鍾意重口味d, 湯底夠味加埋個牛骨髓辣油更加不得了，牛肉入味好淋份量都算多，麵Q彈，Final成碗湯清哂，成晚都唔覺口乾，仲有台灣罐裝芭樂汁服務都還可以，係上麵無跟牛骨髓油同酸菜尖咀兩個人埋單兩舊唔使兩麵一小食仲有野飲食過某間明星牛肉麵牛肉成浸雪藏味，飲左幾啖湯味係夠濃跟住就口乾到爆價錢又唔平，食完真係得啖笑，相比呢度可以再番兜睇番d人留言都幾過癮，叫得清燉湯又嫌單調，老闆同人傾計又話唔夠尊重仲要一肚氣，真係服難服侍

經過店鋪，連紅紙都未撕，新到呢，有條龍等位，幸好一位即入有吧枱位！台灣學日本，這店裝潢直接學京都一些老麵店，好靚，雜物可以收納得更好！有d亂，尤其廚房位！不餓，但不常來尖嘴，點了紅燒牛肉麵，加個碗細肉燥飯。由帶位、點餐、斟茶、上菜，看得出幾個年輕人努力擺脫港人腔調，學足台灣人態度，但不造作不假！麵、飯來了，用一個木盤端上，好精美，讚！紅燒牛肉麵：先喝湯，用料很近台灣了，但稀了點，可以再濃一點甜一點，麵質不錯，也很近，可能本來在香港也有好麵條。牛肉偏薄，可以厚一點，也可以再甜一點！但比起一般在港吃到的，這家不錯又不貴！肉燥飯：選米可以再靠近日本壽司米，肥一點漲一點，口感更好，肉還好，醬汁可以濃點油膩點，太廣東清寡口味了，台灣最好吃的，都油到母親都認不出！但，味道也算中上！再過一陣又幫襯，畢竟呢間嘢好有heart去煮碗麵俾客人食！加油！

個名好特別，六両三，完全聯想唔到食咩😅⋯⋯原來係正宗台味，老闆出口成文💁‍♂「沒有三両三，哪敢上梁山」，真的長知識了☺講返啲食物，是日三人叫咗：紅燒半筋半肉牛肉麵，三寶牛肉麵，滷肉飯，炸醬麵，皮旦豆腐，鹵豬手牛肉麵：湯底堅正(沒任何味精），飲落好天然、順口，唔太油，微酸，好開胃。牛肉夠淋，麵質彈牙，整體好夾👍滷肉飯：個汁好香，啲肉有口感，唔肥又唔鞋（唔似平時啲肉燥飯有渣😑）小食：選擇唔多，冷盤為主（太飽所以無叫），只叫了本人最愛的豬手同皮旦豆腐，鹵豬手，大件夾抵食又無毛飲品：正宗台灣入口飲料，正👍服務：店員唔會主動提供食麵嘅酸菜、辣牛骨髓油，呢樣爭啲整體: 有水準，價錢合理（平日有9折）平均每人消費100左右，係尖沙咀黎講直頭平到爆，仲要係地鋪，絕對可以encore 😬

放lunch試試尖沙咀嘅新野先 😝有好多黃白燈籠 台灣feel喔滷肉飯 (細) $15平時少食飯 所以叫咗個細嘅試試先🤨份量呢就三四啖就食完㗎啦🙈滷肉嘅脂肪同肉好分明嘅 👍🏻絕對唔會有一粒剩係得肥膏😂好香又唔會好肥膩 撈飯一流🤤我有信心下次可以食個大嘅 ($28)😎川味紅燒牛肉麵 $68湯底無平時食嘅甘深色 味道無甘重大概係因為無落味精嘅原因 不過都好香呀🤤牛肉超淋的 麵質好q彈👍🏻糖心蛋 $16糖心蛋係我最喜歡嘅煮蛋方法💓不過呢個係流心蛋先啱啵🙈用左滷水汁醃製 有淡淡滷水味加埋碗滷肉飯 一齊食 掂滷水豬手 $38有三大舊豬手呀 淋 膠感重👍🏻好味道喔呢到舖位細細 唔算多位想食真係要早少少 唔係就要排隊啦🙈

見有新開的台灣小店當然係即刻去試食,點知又係名過其實☹️叫左清炖牛肉麵，點知黎到真係得兩塊厚薄不一致既牛展(我個位咁啱見到店員切，刀工真係要多練習)同麵。麵質唔太焾，粗身，但略嫌太痴牙同有粯水味，個人唔太喜歡。而主打既湯底就真係好令人失望😞似牛肉水多過似湯，味道比較單調冇乜depth，可能要用蔬菜帶番個甜味，可以再complex啲。而小食(我叫左豆干)都係好普通，就咁烚左加啲醬，唔算有誠意。環境分面就唔算太迫，不過一入到去就feel到陣牛羶味，接唔接受到就睇番個人喇。

先後食過兩次，因為鍾情於佢地嘅麵質，排隊都值。兩次都係點紅燒牛肉麵。麵條係我最愛嘅「Q彈」款式，唔係急凍烏冬果種「膠彈」，係真正有勁度，煙煙un un 果隻👍👍👍，而且粗幼適中，份量足，配埋碗湯（店家強調無味精），一流！（第一次食湯底偏淡，但第二次明顯改良咗，飲完又真係唔口渴喎！😯）牛肉用料靚，肉質軟嫩，牛味ok，帶點膠質，但得4、5塊，確實唔夠喉😛，不過總算貴精不貴多。下次要試埋同樣受歡迎嘅牛筋先。