六両三 (已結業)

在尖沙咀經過這間台灣牛肉麵店「六兩三」，外表有點像台灣舊宅的店子，加上早前看雜誌介紹有點印象，便入內一試。點了紅燒半筋半肉麵，湯頭略為淡口，但話得說回喝完也不感到口喝，湯色又清，應該沒用味精。記得看雜誌時說此店有像台北名店林東芳那樣的牛骨髓辣油供應，叫店員拿來加入湯中，味道即有變化，不再那麼單調。至於牛肉牛筋份量不多，但相當軟熟，加上麵條不粗不幼但有彈性，整體而言個麵都屬OK有餘，但若你屬重口味一俗，這裏的紅燒牛肉麵應不會是你的那杯茶。整體來說還是那碗滷肉飯出色。這裏的滷肉飯夠油香，用的肉肥瘦均勻，滷肉汁應加不少紅葱炒過，有台灣那邊吃的感覺，挺接近我喜歡的類型。平心而論，店子出品不俗，但又不到非吃不可的程度，75分吧！

餐廳的裝潢很美樓底頗高，感覺十分舒服而且晚市也不會要客人坐迫點食完也不會焗客人拿拿臨埋單服務十分好點了紅燒牛肉麵牛肉份量很足共有五片而且吃下去是特腍的相信是店方刻意想造出最原本的台灣牛肉麵的口感可惜牛肉醃料味太重完全蓋過了牛肉的味道湯底有著淡淡的牛肉清香我相信店方是真的如他們所言是沒有下味精的喝了數口感覺也十分不錯麵條方面師傅每次煮時都會先秤一下份量大概這就是店名六両三的由來麵條粗身，煙韌，但麵味不太濃而且"掛湯"能力較弱加上較為清淡的湯底湯與麵之間未能調和令整碗麵的感覺十分淡身盡管加了店方特製的辣油也返魂乏術只喝湯的話感覺十分清新但既名為紅燒牛肉麵而非清燉牛肉麵相信現有的味道會與客人的期望有所落差希望店方將來能將配方加以改良(e.g. 可能麵條可以幼身點加強掛湯能力，推出多一款較濃味的版本，etc)好不把用心的努力白費p.s.1: 可以加多啲小食的款式，客人多啲選擇又可以提高營業額p.s.2: 啲台式飲品可以用個杯裝代替原樽上，本來想嗌野飲，見到係樽裝即刻無晒意欲。亦見到有枱客嗌完後見到係樽裝O咗嘴

之前聽聞要大排長龍的正宗台式食店，想著帶台灣老公去吃吃治療一下思鄉病。剛開門便去了，但被告知沒有魯肉飯，那我們就點了清燉牛肉麵和炸醬麵，一碟泡菜。紅燒牛肉麵在台灣有多家都做得很有特色，但要試功力就要看清燉了。結果...不敢相信湯頭比淡水河還淡，像是開水加鹽巴，牛腱肉沒有半點味。老公的炸醬麵一點香味都沒有，泡菜也不是用台灣的香醋。如果要選什麼最有台味，可能只剩下沙士汽水和台籍服務員吧。我們只吃了一半便走了，也不敢跟店員反映，怕他們難做，想他們只是按SOP辦吧。抱歉，帶台灣人吃這家真的會感到尷尬

吃悶了連鎖的牛肉麵店，看過網上介紹找到這店。店舖裝修很舒服，很簡單，木系餐桌和食具給予一種簡約的風格。開放式廚房，又掛上燈籠作裝置，有點像日本的居酒屋。深信，若店子只出品數樣食物，想必是廚子最拿手的菜式，或是店子對這些菜式很有信心。餐牌很簡單，主打牛肉麵，有紅燒牛肉、半筋半肉、清燉牛肉，也有滷肉飯，小食如豆干、青瓜、滷水蛋、皮蛋豆腐等。姐點了餐紙第一位的，川味紅燒牛肉麵。友人點了半筋半肉牛肉麵。我們也點了豆干、滷水蛋和青瓜作小食。小食很快的到了。豆干淋上蠔油，頗濃味，有蔥是加分的。牛肉麵的湯底看似清清的，喝下卻很有內涵，多喝也不感口乾，故相信不是味精。兩碗牛肉麵的湯也是一樣的，所以不同的該是牛肉了。牛肉份量足夠吃掉整碗麵，肉質鮮嫩，筋肉分明。麵條有口感，略淡，跟湯底成強烈對比，適合配上湯再一口吞下。

看看介紹說這裡的滷肉飯很便宜，今天午餐便決定來這裡吃。門口幾靚，有少少日本風格。價錢相當經濟。有點像日本拉麵店，有吧枱，是對著廚房。餐廳環境裝修不錯。份量適中，夠飽肚。滷肉不會韌，口感不錯。其實我一向比較少吃台灣菜，因為我覺得台灣菜的味道太濃，太咸，但這滷肉飯倒不會，味道不會太咸，不錯。不過如果滷肉和汁可以給多點就好了。埋單才28元，真的很抵食，雖然滷肉飯不算特別好食，但是這價錢我也不會要求太多了。

從亞士里道或漢口道轉入宜昌街，遠遠會見到一間和風裝潢的餐廳，名叫六両三。沒看門口的餐牌，以為它是一間壽司或拉麵店。非也，原來六両三是一間正正宗宗的台灣餐廳，老闆是半個台灣人，餐廳每天用大量的牛大骨熬製湯底，聲稱一滴味精都沒有放，讓客人食到一碗原汁原味的台灣午肉麵。餐牌－川味紅燒牛肉麵、清燉牛肉麵、半筋半肉麵、牛筋麵、三寶牛肉麵、牛肉清湯、炸醬麵、滷肉飯、牛肉湯等。半筋半肉麵－湯底清，沒有味精，能渴到牛骨和蔬菜的味道，而牛筋軟腍，牛肉入味，配上口感QQ的麵條，足好六両三，份量足以飽𩜲。三寶牛肉麵－三寶分別是牛腱、牛筋、牛肋條，牛筋不再詳述，牛腱肉質富含肌肉纖維，入口新鮮細膩，而牛筋條腍軟，炆得入味，三個不同部位帶來三種不同的口感。炸醬麵－跟平時的炸醬麵不同，麵放上面，炸醬放下面，要從底部把炸醬翻出來撈均，炸醬的的調味適中，不太鹹，配上口感QQ的條麵，效果不錯。

見到尖沙咀橫街有間門口裝修雅緻，激似日本拉麵店既台灣食店，又長期午餐時有條人龍，應該係好野。就搵左日早d黎餐廳試下佢既牛肉麵。餐廳入面都以木製檯櫈組成，由於舖頭面積唔大，檯與檯之間比較窄。睇番個餐牌除左麵食，都有肉燥飯類。當日就試左麵先。三寶牛肉麵$76 三寶有牛腱，牛筋同牛肋條。個湯底由牛骨煲成，無味精，飲落重牛味，飲完唔口乾，3款牛都煮得好淋，好重肉味。麵條亦煙韌。店員都以普通話對答，加埋環境，食物，真係令人有係台灣既感覺。最窩心係有橡根提供，唔使女士d頭髮食麵時沾到湯，抵讚。

平時午飯時間排滿人既小店，食飯時間真係想入都有排等，趁住假期下午，入面無咩人唔駛等位，終於一試台灣風味。入面既設計清一色係木系，全部都用上原木做感覺好樸素，好似入左一啲古式小店一樣，另外用左圓筒型既燈飾又幾夾。店舖用左開放式廚房，煮麵既過程一眼睇哂，另外掛上一盞盞燈籠，排起上黎可以營造台灣小店感覺，上面仲印上左唔同既菜名。餐廳有個好貼心位，由於食麵關係女仔成個撥頭髮好麻煩，枱面有橡根俾女仔用，可以札起頭髮感覺真係好貼心。最想黎食既係呢個《川味紅燒牛肉麵》$68，湯底用上左純牛大骨煲成牛骨湯，所以無化學物添加劑，飲落味道偏清淡，牛肉厚身食落好淋。叫埋碗《滷肉飯》($15)，台灣野點可以唔叫滷肉飯，叫左小碗都唔算好少滷肉，飯粒納糯但肉汁唔夠，用上五花肉但感覺肥肉太多。由於太想食個小食，就叫左《滷蛋》($12)，都幾入味不過入面太過乾身，另外叫左野飲《冬瓜茶》($18)，用上左原支既台灣出品冬瓜茶。店名：六両三地址：尖沙咀宜昌街3號地下餐牌:

聽過六両三呢個名幾個月，今晚終於過黎一試。九點到，唔駛等位。最近天氣開始熱，食番啖冰涼嘅豆腐係正嘅。豆腐好有質感，豆味尚可；皮蛋夠甘香，有咬口，令成個前菜味道提升。冇影到大肉燥飯..可能一般會覺得唔夠汁，肉燥略少，但比較注重飯粒質感嘅我，覺得一口靚飯比一口多汁更令人滿足。呢個不得了，先嚐一口湯，湯味正如坊間所講入口唔太濃，但我欣賞湯中帶鮮帶甜；麵質有口感，硬道正好合我心意；牛肉入口識溶！呢樣真係冇expect過，超讚，有wow嘅感覺！小店式裝潢，燈光柔和，再播住姐輪的歌，一時間翻起大學時代嘅回憶。。

去過台灣的這個味道覺得不正宗了 （個人認為）門面其實好有日本餐廳feel內裡有台灣妹serving 特別覺得在台灣呢 野食種類不多我們選了滷肉飯大和清燉牛肉麵滷肉飯的汁濃，可是飯就未完全熟透而且肉不夠軟如果$28一碗，尖沙咀地方，份量就叫適中清燉牛肉麵欠佳，要食可能川味紅燒會好味道得多只是因為寫著川味，怕太辣就沒有點台灣的牛肉麵，其實是香港人的牛展。呢碗麵牛肉燉得很透 而且入味但湯的味道 （我個人口味）就接受不來了有點像洗潔精未過清的味道，所以我接受不來 除去味道，services很體貼牆上有掛勾，方便有袋人士掛在牆上另外兩人位的都會壓外多一張椅，唔知係咪比我們放東西，定其實係3人檯呢

很久沒出來吃正常飯. 是日友人嚷著一定要去吃滷肉飯. 好吧. 太久沒去台灣, 我也想找回那份回憶.不用多說, 當然要叫滷肉飯($15). 在台灣時我很少走到各大旅遊名店吃東西. 吃來吃去就滷肉飯. 所以好的不好的. 裡面有蛋的沒蛋的, 都吃過一遍. 這款滷肉飯是沒有加蛋的.  滷肉比較"大粒". 因為有些會是碎上的有點像肉醬那種.  飯有兩個size. 我要了小的. 好讓肚子有空位吃其他東西. 小份量的剛合我. 坦白吃了那麼多滷肉飯我還是第一次吃到帶辣的滷肉飯. 究竟是落了胡椒還是花椒八角的辣味? 但很不習慣. 一吃到辣味就覺得完全不是我心目中的滷肉飯.台式泡菜,  這個比較像台灣的味道. 材料除了高麗菜外. 還有紅蘿蔔跟白蘿蔔. 不錯的. 酸起來不會很強烈. 完全是開胃菜.燙青菜+滷肉 - 那個滷肉就是兩粒, 燙青菜未上前我心目中一直想著油墨菜, Ａ 菜. 怎知居然是通菜... 有點失望. 但說實在這個菜不錯的. 煮得易入口. 唔算"痴"牙. 但就無咩滷肉的醬汁味. 就只是一碟菜而己.最後是飲品. Menu上寫得太吸引. 但原來都是罐裝或樽裝... 有點失望. 價錢算貴. 又唔駛加一

因為從雜誌報導得非常好及正宗鹵肉飯而冒名而來, 結果每様食左幾啖就算加上本人剛從台灣回來, 食過台灣多間正宗鹵肉飯同牛肉面之後可以話係一試便知龍與鳯!先講滷肉飯(大$28) , 滷肉和汁完全分開, 汁好希, 完全無滷肉應有的味, 滷肉得5 粒都唔知有冇, 失敗! $28 都比多!再講牛肉麵, 湯完全冇藥材味, 偏酸, 唔香, 味淡, 牛肉冇紅燒味, 同普通牛展冇分別, 仲要得三塊, 面就更加無謂評, 係我面前拎個磅黎秤, 好似驚死畀多咗咁, 就算畀多我都唔會食曬, 因為真係唔係講到咁好食皮蛋豆腐, 皮蛋都冇事, 但豆腐係出哂事, 唔係滑豆腐, 係街市5蚊一磚果個質素嘅豆腐, 失敗總之一句講曬, 名過於實, 鍾意食台灣嘢嘅朋友, 或者對台灣嘢有要求, 都唔使試, 失敗之中嘅失敗!如果有心做台灣菜係唔會做到咁, 失望

之前睇到雜誌同一啲網媒都有講過呢間台灣菜，一直都好想試吓，放工已經好夜，經過見到唔使等位就入去試吓佢啦！門面真係好有台灣嘅感覺，可能我自己本身對木有情有獨鍾呢，所以真係加咗唔少分！入到去，店員指示我哋坐係吧枱嘅位置。我最鍾意就係坐喺吧枱，可以睇到師傅煮嘢食係點樣嘅，亦都以最短嘅時間可以將食物送到去我枱上。餐牌入邊嘅項目選擇唔係太多，其實係好事，越小選擇菜式應該越精。而且好多人都有選擇困難症，少啲嘅項目可以令到客人以後想食嗰樣嘢就會諗起度。枱上面有紙巾牙籤都好正常，但係呢度有埋橡筋我就真係覺得好貼心。女仔長頭髮食湯麵好多時候都要撳住啲頭髮，但佢提供橡筋比客人，呢一啲細心真係值得一讚！因為我係好鍾意食台灣嘅小菜，每次去台灣無論食小籠包、食牛肉麵，甚至乎食熱炒都好，我都一定會叫一啲小菜嚟食。今次都唔例外，叫咗一個涼拌小黃瓜。其實去咁多次台灣食咗咁多次涼拌小黃瓜，心入邊其實有一個既定嘅味道，知道大概會係有啲麻油香，鹹鹹地咁樣。誰不知嚟到，同我諗嘅味好唔同，佢係偏酸而且我覺得有少少太爽口嘅感覺，可能平時我係台灣食親嘅小黃瓜，都係有拍過嘅。所以食落去嘅時候有少少爽，有少少淋咁樣。之後就到我好喜歡嘅

睇完某篇“男女“報導見個老闆講左禁有熱誠去做滷肉飯，又話滷肉飯唔應該貴，又點又盛禁就一心去試下la，結果真金白銀比錢食完全兩回事;味道尚算正正常常不過不失，但無特別驚喜，碗飯夾埋得果幾粒滷肉完全唔係報導中鋪滿滷肉的滷肉飯; 其他小食麵食就相對較貴la，一心黎到都試下la，牛肉麵湯比較清淡，牛肉無咩牛味但夠淋，個人接受到ge，但食麵果陣比佢地有倒刺ge 木筷子整傷，即時同店員反映，佢只係即時掉左枝筷子，完全無慰問傷勢or道歉。Lee 間野無下次。

1️⃣) 牛肋條牛肉麵 💲7️⃣2️⃣湯底清鮮，唔會話好咸好重味精，入口好舒服。牛肋條牛肉當然嫩滑 完全唔會韌✌🏻✌🏻-2️⃣) 滷肉飯(大) 💲2️⃣8️⃣唔似其他餐廳既滷肉飯 只有一堆肉碎，除左肉碎之外 仲一粒粒既五花肥滷肉😳，入口即化🤤，味道亦甘香🤤。好過好多香港出名既台灣餐廳🧐🧐🧐-3️⃣)牛三寶拼盤(金錢腱、牛筋、牛肋條) 💲6️⃣8️⃣三寶係冷盤泥既 同樣用骨湯煮過，全部都好嫩滑，牛筋更係半透晶瑩而有彈性👍🏻-4️⃣) 燙青菜滷肉 💲2️⃣5️⃣連青菜都係用牛骨湯去燙，所以好香甜👍🏻👍🏻 仲配有啲五花肥滷肉粒👅👅