六両三 (已結業)

先後食過兩次，因為鍾情於佢地嘅麵質，排隊都值。兩次都係點紅燒牛肉麵。麵條係我最愛嘅「Q彈」款式，唔係急凍烏冬果種「膠彈」，係真正有勁度，煙煙un un 果隻👍👍👍，而且粗幼適中，份量足，配埋碗湯（店家強調無味精），一流！（第一次食湯底偏淡，但第二次明顯改良咗，飲完又真係唔口渴喎！😯）牛肉用料靚，肉質軟嫩，牛味ok，帶點膠質，但得4、5塊，確實唔夠喉😛，不過總算貴精不貴多。下次要試埋同樣受歡迎嘅牛筋先。