六両三 (已結業)

剛快閃台北又立即懷念台灣了（苦笑）我覺得台灣最令人沈迷的地方是風土人情，說到購物和食物，老實說，現在香港有什麼是買不到吃不到？就連我一直覺得香港吃不到的台灣紅燒牛肉麵，都終於、終於，終於有一家能做到台灣的味道了！這裡是尖沙咀六両三，說隱世實在不恰當，但又的確暱藏在鬧市之中。店子裝潢有點日式，一旁是店長煮麵的吧枱，像日本街頭的車仔檔，另一邊則像武俠片中的客棧木桌子。下單以手寫形式，菜單簡約，專注幾道菜式的概念。先講牛肉麵！這是牛肉三寶麵，內有牛腱，牛筋和牛肋條，索價$76，接近日式拉麵價錢，或許很多人因此卻步。不過個人覺得，真是好吃的牛肉麵，不論是湯底或是牛肉，一樣是費盡心思和用盡靚料，實在不比日本拉麵差，亦不應該比較，各有各的好（況且我本身不愛吃拉麵...）先呷一口湯底，牛肉麵的靈魂，就是這口湯讓我喝到台灣的味道！濃郁且微甜的豉油，重重的藥材味，上桌已經香濃撲鼻，讓人垂涎三尺！牛腱牛筋和牛肋肉份量不吝嗇（比起日本拉麵的幾片叉燒，豪氣得多了！）入口即溶，入味十分，簡直是牛腱的最高境界！另外點了一碗滷肉飯（小）和豆干，滷肉半肥瘦，同樣是滿滿的台灣風味。提供大小供客人選擇，適合又想吃牛肉麵但

位於尖沙咀的六兩三，是一間由台灣人開設的台灣菜小店。看店舖的裝修，還以為是售賣拉麵的。某一天，我預約了旁邊的拉麵店吃午餐，怎料到排錯舖，排了六兩三的隊，哈哈。今天看完電戲，便來吃個正宗台式晩餐吧。滷肉飯 大$28 小$15至從吃過台灣菜後，深深愛上肥膩膩的滷肉飯。這裡的滷肉飯，有大份量和小份量之分，由於覺得旁邊的客人說非常美味，所以就一碗大一碗小，飽腹滿足吧。滷肉份量充足，不會過多不會過少，先炒五花肉和炸紅葱，然後慢煮6小時，滷肉層層分明，八至九成脂肪，一成肉，肉質軟腍，入囗帶有油脂甘香，配軟熟白飯，真想多吃一碗阿。皮蛋豆腐$36皮蛋豆腐是台灣涼菜之一，凍豆腐於上皮蛋，木魚碎，淋上甜醬油即成，醬油味略不足，但也不錯。燙青菜滷肉$25

呢間鋪頭喺半年前行過經過成日見倒好多人排隊, 一直想試下睇下係咪真係咁好味, 今次終於搵倒機會食。雖然鋪頭唔大, 但裝修別具特色。叫左個三寶牛肉面, 有牛筋, 牛鍵同牛肋條。粗面好有趙頭, 軟硬道剛剛好, 係我鍾意食嘅面底。不得不讚呢到嘅濃湯, 飲得出真材實料, 牛肉味非凡, 一路食一路想飲哂啲湯。唔係味精嗰種周圍都飲倒嘅味。為呢個面加左唔少分。總括而言, 以台灣牛肉面嚟講, 呢間餐廳嘅水準都算心較好味, 如無意下嘅言下次應該都會再幫襯。

以 為正宗古早台灣牛肉麵，誰不知食物都不外如是！都不重要！店舖裝修都尚算精緻！可惜，服務員衞生意識實在太不夠專業！甚至，可以說「差」。他們以為帶上膠手套就會覺得衞生！但他們摸完垃圾筒後，又沒有換另外新手套，又用來拿食物用具招呼客人！好恐怖！食物更好食都沒用啦！加上一個3寶牛肉麵，只有每様少少牛筋，牛腩、牛𦟌，麵份量一個大男人，一定食唔飽！就盛為$76.00 一碗！就有點殺價！一句話，可惜員工與老闆倒米！

是晚同朋友來到試試有名的台灣麵店，早排有雜誌介紹過這裏的老闆是台灣人，賣的是正宗的台灣牛肉麵，六點多來到已是全店滿座，要稍等一會才有枱，這麽早已是人氣滿滿，再晏點來已經排隊了。有bar枱可選擇，bar枱上仲有豆瓣醬，白醋，酸椰菜等調味品。開放式的廚房，可以睇住師傅煮麵，好有日式拉麵舖feel。店很小，只有二十多個坐位。店內都是簡單的裝修，好有家庭小店的感覺。有紙巾同丈筋圈提供，很貼心。滷蛋（$12）淡淡的滷水香，簡單好味。半筋半肉麵（$72）朋友點了款雙併的，顧名思義就是牛筋加牛肉麵，牛筋牛肉都很軟腍入味，好食。川味紅燒牛肉麵（$68）自己點了最簡單的牛肉麵，濃濃的湯頭好吸引啊。湯底鮮甜，味道很複雜，標榜無味精應該是貨真價實，因為好好味，飲哂全碗湯都無口渴呢。牛展軟腍入味無得彈。麵條掛湯有咬口。價錢不貴，味道還不錯，但份量少了點，一碗不夠飽，有點後悔沒有加個滷肉飯試試。

兩個小女孩來到報紙介紹的台灣餐廳來吃飯。小女孩細食所以一個牛肉麵加兩個小食就足夠了，朋友說很久沒有喝冬瓜茶，所以亦決定加一個冬瓜茶。這裏的牛肉麵筋跟其他台灣食店的差不多，有牛筋牛肉及三寶選擇，特別的是他有平常台灣食店沒有的番茄牛肉麵，所以我們決定選擇番茄牛肉麵，而它是限量的。番茄牛肉麵的湯底味道不濃，帶有淡淡的蕃茄酸味，適合我們這些小女孩，牛肉是牛展來的，煮得十分之淋及入味，蘿蔔就有點太鹹，但它的麵線非常之有咬口，似手打麵，最值得一讚。小食我們選擇了一個涼拌青瓜及燙青菜， 青瓜用蒜蓉跟醋醃起來，比平常的台灣醃青瓜用麻油酸一點。滷肉燙青菜有大約一份油麥菜，但是肉燥份量就比較少，味道比較淡味，如果可以多一點肉汁跟肉碎變好了。最後我們叫了冬瓜茶，原來冬瓜茶是支裝的而不是他們煮的，如果細心留意其他的飲品也是一罐或是一支的。這一支選得不錯，冬瓜味夠又不會太甜，適合香港人口味。

尖沙咀一向都多美食，又有好多俾人shopping 既地方。我同朋友特登揀係尖沙咀見面，一黎方便，二黎有好多餐廳選擇。因為我呢排食左好多韓國菜同日本菜，所以今晚想食啲新野，朋友就話想食啲有特色既美食，於是我地就決定去試台灣菜— 「六両三」。我地7 點去到，已經見到出面有唔少人排隊，而入面亦都坐滿食客，睇黎好受歡迎！😉六両三係一間小店，目測入面只有不下十張餐桌，但整晚客源不斷，店員都忙到不可開交。雖然店員都非常忙碌，但好多時都能夠照顧到客人既需要～餐牌只有一張雙面既紙，簡潔俐落。主食、小食、飲品等等，甚至連特色食品都包括在內。呢類型既餐紙正正係台灣餐廳既特色，基本上都係一頁起兩頁止，再等食客自己寫下數量 📝飲料方面，我地點左芭樂汁。本來朋友以為會係鮮榨既果汁🍹，所以當佢見到係罐裝飲品既時候，都有少少失望。不過眼見所有飲品都係由台灣進口，全部都係當地既地道飲料，由頭到尾都係台灣既氣息。半筋半肉牛肉麵 $72半筋半肉牛肉麵好似係餐廳既招牌菜式之一，好多食客都推介呢款牛肉麵，所以我都一樣點左半筋半肉麵。半筋半肉麵顧名思義就係一半牛筋，一半牛肉啦～ 牛筋條好腍，食落又好彈牙，帶點韌度，而且充滿

其實呢間野就跟BLOGGER介紹去食嘅咁我星期6大約7:30左右到達係門口等左10分鐘左右先入得去 因為太肚餓源故我係等緊嘅時候就點定野食 三寶牛肉面好香嘅紅燒湯味好欣賞個牛筋非常林同入味面身都不錯 清燉牛肉面可能之前去台灣食過嘅蔬菜清燉牛肉面個湯係超甜超好味咁我見清燉2個字就令我聯想左咁嘅味道不過, 唔係咁嘅只係濃濃的清燉牛肉湯 皮蛋豆腐醬汁同冰冷的豆腐好夾嘅多一些肉鬆更開心 室溫冬瓜茶我幻想係自家製嘅但其實係現成味丹味道不錯 整體味道不錯濃濃牛味食完都仲成口牛味另外一提, 我地枱上有一碗頭髮橡筋我地估係俾長髮客人用嘅頗窩心呢

「六両三」一個令人費解的名字，是尖沙咀一間新開的台式小店，門面裝飾有如日式舊樓房，店主來自台灣基隆，居港廿年，廣東話相當流利。店名六両三原來是指他家的湯麵麵條每碗確保淨重六両三，當天我看見廚房果然在下麵前都用磅來量重啊！餐廳鎮店之寶是兩煲牛骨湯，湯頭用牛筒骨熬至少30小時，然後轉至第二個煲，加蔬菜、香料藥材等繼續用文火熬製，直至骨髓全溶化同呈現乳白色，不會添加任何味精。而麵條則是由本地麵廠製作。 店內地方比較擠迫，開放式廚房加上黃燈籠，極具濃濃日治時代的台灣風味！主打台式牛肉麵及滷肉飯，牛肉麵湯底有川味紅燒及清燉兩款，川味湯底要用第二煲湯，再加以四川花椒、豆辦醬、台灣豉油及藥材熬製。而清燉就以第一煲湯，再混合蔬菜湯製成。紅燒湯濃郁帶微辣，清燉湯則清甜。另一招牌菜滷肉飯，肉粒見到脂肪及瘦肉兩層，食落不覺油膩，肉香軟滑。連拌碟的黃蘿蔔，亦是自家製作，以純天然山梔子染成黃色。其他小菜選擇不多，有滷豬腳、豆乾、皮蛋豆腐水餃等 店家非常貼心，為女士送上一碟橡根圈，用來扎起頭髮方便吃麵 桌上放了一瓶免費任食自家製咸酸菜，台灣人都喜歡加進牛肉麵一起吃，可惜這裡

男友區區有食神，今次帶我黎到尖沙咁既6両3，佢話聽講唔錯既。星期五晚，去到鋪頭等5分鐘左右就有位。入到去見到一半以上都係情侶。侍應服務唔錯，唔會太熱情，剛剛好。枱面有橡筋，長髮人士可以挷好頭髮先開餐。環境唔太嘈，兩個人傾下計，食下野都唔錯。我地揀左個滷肉飯，一個牛𦟌牛腩牛筋麵！滷肉飯細細碗，味道唔錯！半肥瘦既滷肉粒粒食落都唔會濟，仲有片蘿蔔仔吊下味，唔錯唔錯。男友話我影得唔靚呢張係佢既👇而牛肉麵呢，我地都覺得三樣牛當中，牛𦟌係比較出色既，麵麵唔錯，但個湯就唔夠熱（雖然我地相機先食，但相機Hea食都唔夠1分鐘，所以我地覺得湯唔熱就唔關我地影相事架）。男友又話我影得唔靚佢再操刀👇係喇係喇，靚哂喇整體黎講，係尖沙咀食台式牛肉麵/滷肉飯都不錯既。

同男友去尖沙咀，在巷子發現了這間寶島小店，感覺好隱世，但氛圍好舒服。食咩嘅呢咁？都係最家常嘅台灣菜，嗌咗牛肉麵、皮蛋豆腐同鹵肉飯。個牛肋骨麵係我鍾意嘅給紅燒湯底，夠哂濃郁，牛輾好腍身，麵質都非常給力，有咬口，最欣賞係佢嘅伴菜竟然唔係生菜，而係油麥菜，感覺襯好多！鹵肉飯就好似欠缺了靈魂，食得鹵肉飯都係想吃肥美半溶嘅五花腩與沾滿醬汁嘅米飯，可惜，這碗飯太清淡了，鹵肉太瘦，飯又太乾，不夠到位。皮蛋豆腐似乎都有同樣的問題，豆腐不夠嫩滑，又切得太厚，令三樣食材未能融合起來。

經過老尖, 同女朋友都唔係好肚餓, 但時間唔就要食d野先, 就黎左呢間台灣野。因為時間尚早, 黎到唔駛等位, 十分好。雖然餐廳比較細, 但環境好舒服, 我地坐左係一邊自成一角。因為唔太餓就無叫兩個麵, 叫左個牛肋條牛肉麵, 滷肉飯, 同皮蛋豆腐。一般台灣野都比較濃味, 但我認為呢間餐廳味道就岩岩, 當中十分中意牛, 煮得好入味。而滷肉飯多d肉就好啦。皮蛋豆腐就係一個幾開胃既小食。下次黎都一定會叫牛! 埋單都係150蚊左右, 係尖沙咀黎講, 好抵食。

下筆之時，剛巧前幾天又有一家牛肉麵餐廳開張，似乎這個台式牛肉麵風潮暫時未有停止的跡象。其實個人不太覺得港人對牛肉麵的狂熱程度能與日式拉麵比較，因此開店風潮可能歸根於成本較低及翻桌率高的商業模式罷了。回到正題，位於尖沙咀亞士厘道的六両三，只開業了幾個月，都見有不少媒體報導過，晚市過去時小見人龍。等了十餘分鐘便被安排入座，menu不過是簡單的A5 size點餐紙。而選擇上比較局限於牛肉麵，小食數量也不多，便勉強點了些來分享。三寶牛肉麵附有牛腱、牛筋及牛肋條的三寶，可以讓我們試試各部位的質感和味道。當中以牛肋條做得較佳，帶適量油脂，煮得軟腍。相反其餘兩款十分一般。湯頭方面，有見過往食評反映湯頭味淡，所以心裏先打好個底。的確，喝下去是比較易入口的，就算是紅燒風味，比起坊間的湯底還是要淡，對於我這些口味不重的人來說便剛好，而店家強調的亦是無負擔的自然湯頭。若要追求濃厚/藥味湯頭的話，六両三的出品未必是你的選擇。麵條方面韌度適中，與湯頭及牛肉都算配合得宜。滷肉飯(大)店家另一項主打 - 滷肉飯，不過不失吧，是比較偏向台灣吃到的味道。價錢合理，要挑剔的是滷肉不夠拌飯，所以吃到一半就只剩白飯撈汁了。炸

今日去左尼間餐廳食lunch,坐位唔多，所以好快坐滿。門面既裝修同隔離間日式拉麵店差唔多，入面裝修亦很日式。每一位客人有一張點餐紙，所有可點的食物已在紙上，款式唔多，我點了半筋半牛肉麵、滷肉飯、皮蛋豆腐、滷肉青菜。皮蛋豆腐-第一次食到非百福豆腐的皮蛋豆腐，心裏已經欣賞，佢個豆腐系類似布包豆腐，蠻有豆香味。滷肉青菜-鐘意佢無落油滷肉飯-飯是珍珠米、滷肉都很香，不會過咸，好味半筋半牛肉麵-湯底略淡、牛筋不入味、麵是類似粗身的上海麵，比較硬身，個人不太喜歡這類麵的質，但牛肉就好好味。喜歡食辣的朋友，系尼度你唔會食到，佢既辣油是一點也不辣。而任加的酸菜不是一般你在台灣食到的，這裏的酸菜只有菜頭沒有菜葉，而且味道偏咸，不酸。

前幾日喺網上面見到人介紹，又咁岩經過呢頭所以就決定試試佢！淨係見到個門口已經覺得好靚喇，裝修好有台灣同日本嘅感覺😍😍好似離開咗香港咁呀！一入到去店員就即刻俾咗個餐牌我哋直接點餐，另外值得一提嘅枱面上面仲有一個細兜放着啲橡筋仔，各位女士可以用啊真係好貼心！入面環境真係好靚㗎～首先就叫咗個大嘅《滷肉飯》$28滷肉肥瘦均勻，唔會太油膩，而且滷得入味！啲醬汁就比一般食到嘅滷肉飯較淡，而且有淡淡的胡椒味，同平時食到嘅唔同~最值得一提嘅係，見到我哋食咗一半之後會主動唔使加滷肉同汁！咁樣食都底都唔驚唔夠餸撈飯🤤🤤《皮蛋豆腐》$36豆腐係用硬豆腐，不過整體就唔算好夠味，下次未必會再嗌《川味紅燒牛肉麵》$68麵質彈牙好食，牛肉入口即溶！！！！超好味！！！不過個湯底就太淡喇，得小小味，濃味啲會好啲我仲嗌左《冬瓜茶》$9（指定時間有半價）講真佢拎過嚟嘅時候有少少失望，因為冇諗過係現成支裝嘅冬瓜茶不過飲落又真係幾好飲既～