六両三 (已結業)

我同朋友都鍾意食牛肉麵，呢日晏晝時間我哋嚟到呢間喺尖沙咀宜安街嘅六両三度食嘢。餐廳門口同入面的裝修同樣用上大量木材，古式古香，典雅舒服。餐牌上註明所用嘅牛骨湯係用純天然牛大骨熬煮，不含味精及添加劑👍👍👍我哋叫左川味紅燒半筋半肉麵、川味紅燒三寶牛肉麵、涼伴小黃瓜、黑松沙士同冬瓜茶。好快就上左我叫個川味紅燒半筋半肉麵($75)，湯底夠牛味濃得嚟略帶少少辣味，同好多台灣當地的牛肉麵一樣，餐廳選用粗身、彈牙嘅麵條。廚師火喉掌握得相當好， 牛肉同牛筋有牛味，咬落夠腍身得嚟又唔會腍得滯。朋友order嘅川味紅燒三寶牛肉麵($80)，其實係牛腱、牛筋同牛肋條，三種肉都好有牛味同夠火喉。兩個麵嘅湯底同用嘅麵條係一樣嘅。呢度嘅湯底有味得嚟真係一D味精味都無，食得出係天然的食物味道。涼伴小黃瓜($22)，非常爽脆，微酸中帶少少生蒜味，清新味美。同好多台灣當地嘅牛肉麵餐廳一樣，呢度有額外提供免費嘅酸菜畀客人配牛肉麵嚟食，酸菜食落微酸爽口，用嚟配牛肉麵好夾！黑松沙士同冬瓜茶，平日喺11點半至5點半嘅時段，如果每人消費超過$40叫飲品就只需要半價，我同朋友當然唔會錯過呢個優惠啦！

今日happy Friday. 同朋友係尖咀係完街就穩野食六両三。名字好特別。同佢係台灣菜原全無聯係問問侍應先知原來佢地d面係四両面，二両三肉入面地方唔係好大，只有幾張枱開放式廚房。有仲幾個好特別既燈籠🏮木式裝修，樓底都好高。唔會好局束枱上有碟仔載住橡筋，原來店住好貼心禁提供比女士束起頭髮，以免弄髒頭髮。非常細心皮蛋豆腐$38先叫左個冷盤先！個特製醬汁超好味！好match個豆腐&皮蛋阿宏蔥油拌面$45初初上枱既時候只係白色一碗面！嚇得我立刻撈底睇下，所以無影到相佢所有汁同蔥都係底！要徹底撈混先好食啊雖然無肉，但味道都幾濃！，個面又好彈牙！酢醬麵$45酢醬面同蔥油拌面差不多，多左有小小肉同芽菜！真係好中意佢個醬汁！黑松芭樂汁 & 黑松沙士 $20台灣牌子飲品

朋友話想食台灣野 於是佢帶我黎左呢間餐廳坦白講 一開頭見到呢間餐廳既門口 我以為去錯左地方 因為佢整體裝修得比較似日式餐廳 呢間餐廳主要係以木為主 呢個earth tone既環境好舒服 我地到既時候係五點幾左右所以冇乜人 我坐既窗口位望住出面落緊雨 而自己就好悠閒咁飲住杯冬瓜茶 感覺好relax其實呢間係主要食牛肉牛筋麵為主 〰️蕃茄牛肉麵〰️$86見到佢寫住蕃茄再加上係限定 咁我梗係揀呢個啦 個蕃茄湯底唔係好濃郁 不過冇因爲咁而影響個味 蕃茄味唔算好酸 啱啱好牛肉熟得好淋好軟 而且佢一舊舊咁 勁易咬開〰️酢醬麵〰️$45一開頭我同朋友都以為係侍應搞錯咗 點解比左碗淨麵我地呢 後來撈一撈先知原來d酢醬係喺碗底 撈完個麵即係吸引左好多 雖然d酢醬肉粒唔多 不過其實都好入味 〰️檸檬冬瓜茶〰️$11〰️冬瓜茶〰️$9因為我係5:30落單 所以張單過左$40就可以半價叫野杯 呢兩杯都係冬瓜茶 只係有冇檸檬既分別 我鐘意加左檸檬多d 冇咁甜 不過兩杯都係消暑解渴之選

我好鐘意食台灣牛肉麵，無論湯、麵、配料通通都好吸引，尖沙咀又多一間台灣麵店進駐，行街前食番碗就岩晒餐廳外面裝修得古式古香，好似去台灣咁，勁有feel，內裡裝修同樣吸引，木檯加上綠葉，感覺十分輕鬆食物唔需要花巧，夠精夠專夠台灣，平日下午黎到飲品有半價的喔冬瓜檸檬茶 （$23）今個夏天的飲品店開到成行成市，但就愈賣愈貴，是但一杯就賣成$40，呢一杯冬瓜檸檬茶價錢好合理，飲落唔甜，冬瓜同檸檬味同樣突出川味紅燒三寶牛肉麵（$80）三寶分別係牛腱、牛筋、牛肋條，唔好俾川味呢個名嚇親，其實只係少少辣油增加香味，湯底係牛骨湯，完全無加味精，湯精表示大愛！三寶煮到好淋又入味，每款都大大件蕃茄牛肉麵（$86）呢碗係每日限量出售，好彩我下午2點幾黎到仲食到，湯底用牛骨湯再加埋蕃茄紅蘿蔔，比另外一碗更濃，牛肉少筋多肉，麵較粗身，口感亦不錯香港雖然多台灣麵店，但好味的真係唔多，呢間味道正宗得來環境又好不錯

尖沙咀亞士厘道一帶一向係我既開飯熱點，食肆多又就腳~今日見到呢間裝潢特別既台灣菜就黎試吓台灣式小店通常都係裝潢簡單，同埋坐得逼陝，但呢間店既設計不得不讚，有啲綠色植物，同埋空間感足夠，睇得出有花心思設計過室內環境。令食客有一個舒適同放鬆既用餐體驗川味紅燒半筋半肉麵 $75打頭陣既當然係牛肉麵啦！湯底帶牛肉味得黎好純粹，飲得多都唔會膩，雖然濃，但唔係添加左調味料既濃，飲得出係用時間熬出黎既味道。牛肉燉到好腍及鬆化；牛筋彈牙帶膠質。麵條我好愛，粗身、有咬口。係手工麵既風味酢醬麵 $45酢醬麵上菜時係白雪雪的，醬汁同配料藏喺底，要自己撈上黎麵條同牛肉麵既一樣，都係帶嚼勁既手工麵風味。醬汁偏咸左少少，不過豆干同麵醬好惹味。皮蛋豆腐 $38皮蛋豆腐做得幾出色，豆腐帶微微豆香，皮蛋；木魚同醬汁都好夾。清清涼涼夏天做前菜一流滷肉飯(小) $15滷肉飯都係我每次食台灣菜必點既，又平又好味。台灣既魯肉/肉燥汁都係偏甜甜地既，又好送飯，超開胃~ 最貼心既係可以揀大/小size，可以點多幾樣野食試多啲～啱曬咁為食既我切豆干 $18豆干本身已經好入味，所以加左滷汁後太咸，我將佢加入湯麵一齊食洗走左上面既鹽就就

<為食小肥兔>對台灣菜可以説是毫無抵抗力，只得問一句：點解樣樣野都可以咁好食的？？😅😅😅今日覓食到尖沙咀<宜昌街>的<六両三>，名字好得意，從店外看亦非常有心思，尤如鬧市中的客棧。店內亦是古色古香的風格木系的建築，古樸風味不言而喻。🍵🍵🍵從陽明山學師 🧘🏻‍♂的台灣店主在半開放式的廚房工作，感覺就是台灣傳統麵檔的風味首選當然是30公斤牛🐂大骨 + 72小時心足料心機❤熬製湯底的牛肉麵及滷肉飯<皮蛋豆腐>選用有名有姓的<發福>滑豆腐，加上皮蛋和香濃醬汁，香滑又滋味<涼伴小青瓜>爽脆的小青瓜既有蒜的香味又有清爽的醋香，炎炎夏日吃正好<燙青菜+滷肉>香濃肥美的滷肉粒為新鮮爽脆的A菜（即是油墨菜）添上滋味，健康得來不單調<滷肉飯（大）>我心目中的第一主角隆重登場香滑軟棉的滷肉厚厚的舖在白飯上香滑滷肉+濃濃醬汁+鬆軟白飯唔洗再講，立即扒入口<川味紅燒牛肉麵>老公心目中的主角緊接登場微辣的湯底用30公斤牛大骨 + 72小時心足料心機熬製，馥郁味道不言而喻

4月尾從台北回來，有點掛念台北美食，決定去六両三回味一下鋪頭裝潢以木為主，簡約風格，價錢都幾親民，沒有加一。涼拌小黃瓜 $22，加醋醃製，青瓜爽口又開胃滷蛋 $12，嫩滑都幾入味滷肉飯（大）$28上面好多滷肉，肥瘦適中，多汁，飯粒入味，好適合香港人口味。半筋半肉麵 $72麵條彈牙煙韌，牛肉好腍入味，至於牛筋不夠軟。古早味滷豬腳 $48成3大舊豬腳，用古早味製法，味道有點甜，好有骨膠原，不過豬皮脫毛未夠乾淨

六両三是古早味的台灣菜館，甫入內就有老台灣的感覺。裝修用木為主，好傳統。吊燈有復古風，桌上提供橡筋給女生紮頭髮。飲品都是台灣入口的。蘋果梳打入口冰涼，蘋果味先重後散，甜甜的又不會藥水味，不錯。黑松茶花綠茶是支裝的，味道清新帶甘甘的花香，既無糖又有健康認證，女生必飲。男友君好肚餓，我們點了兩麵一飯。鹵肉飯上有豬肉和菇，經醬汁久煮非常入味，雖有肥肉但不油膩。珍珠米吸收了醬汁精華，味道香濃。川味紅燒牛肉麵是經典菜式，讓我相當期待。深啡色的牛肉湯味道特濃又香口，鹹香帶微甜和牛肉香，也不油膩。麵條粗身，質感較硬但正合我意，又爽又有咬口。牛肉即牛腱，又厚切又大片，經湯汁久煮，入味非常，連筋都入口即溶，肉質嫩滑，正！三寳牛肉麵比這個多了牛筋香牛肋條，超多配料好豐富啊！麵是一樣的，好好咬~牛筋入囗滑溜，煮得軟身，中心部份煙靭，滿滿的骨膠原！牛肋條一大塊，又是煮得入味，但牛味也很突出。肉質比較結實，筋的部份爽口。除了傳統的紅燒牛肉麵，還有蕃茄味的和其他小食，值得再來品嚐！

最近係阿士厘道開咗間好又臺灣風味嘅小店，叫做六両三， 嗰日同朋友打完羽毛球好攰，佢鍾意去食一食馳名中外臺灣牛三寶(牛展，牛筋，牛肋條)最特別之處，是牛筋及牛展裏面滲著濃濃臺灣文化，即是滷水汁及薑汁。滷水汁香而濃郁，沒有太鹹。優良的滷水汁可以將味道提昇，以及增加食慾。牛肉好有肉味，咬落非常鬆軟。所以臺灣亦出名牛肉乾。😊我就點左阿宏葱油拌麵，一送上來是白麵一碗，我好奇的望住老闆，他說醬汁在碗底，要拌一下。一拌起來，陣陣葱味飄進我鼻裡。看著白麵掛上醬汁，口水急增，可以食了！麵質煙韌彈牙, 每一口都是充滿青蔥的味道。我們還點了臺灣獨特的冬瓜茶和黑松沙士。打完波想食啲蔬菜,點了一個小青瓜和肉燥青菜,味道不錯。這邊的裝修以木製餐桌和麵台為主，非常簡潔，而且佢好細心為女士們提供黑色橡筋,令人有賓至如歸嘅感覺。滿分為10分(1分最低，10分最高)食物：8環境：8衛生：8服務：9價錢: 8.5舒適度：8總分：8.5

有好一排無食台灣野，男朋友好好搵左間無味精、古早味的台灣美食比我試下店鋪唔算大，不過就充滿住台灣味的裝潢同店員的熱情的款待。人情味滿分牆上掛住店鋪的宗旨，堅持絕對唔落味精，對客人既健康同埋對食物本身的一種尊重menu有一定多款的牛肉麵，比起其他的台灣餐廳較多選擇，仲有得叫剩牛肉湯/剩牛筋or牛腱，岩哂細食既女孩子牛肉湯好濃郁，麵條有咬勁，而且仲掛汁添大滷肉飯（$28!!!) 充滿油香但不膩口，而且飯上滿佈滷肉再加返滷蛋簡直就無得輸最後兩個人叫左咁多野都係$215 

鬧市中一點寧靜-聚腳好地點餐廳環境寧靜舒服，設計獨特，睇落好整潔，店員態度服務超好，呢個大讚！👏半筋半肉麵啲牛肉好軟身，絕對唔係煲湯肉咁鞋口，反而好入味，入口即溶。 紅燒湯底好入味。蕃茄牛肉麵湯底好濃郁，配合埋少少蕃茄既酸味好開胃，令個湯濃郁得來一啲都唔油膩。 d麵吸曬蕃茄湯，口味更清新，呢個仲要係每日限量發售，值得一試！滷肉配青菜既滷肉好正宗，唔似其他店用免治肉，而佢係真正手切豬肉成細粒，肥瘦，大小都恰到好處。搭埋青菜健康得黎又唔會太寡！

果晚收工同友人行開尖沙嘴，發現新開左呢間台灣牛肉麵店，膽粗粗就入去試下。一入去其實都幾爆場，但好采咁岩仲有兩個座位，所以唔洗等好耐就有得入去嗌野食雖然幾個店員好忙碌，幾乎一腳踢，但佢地既臉上總係掛著親切既笑容，好有禮貌咁招呼客人們出餐既時間唔算好耐，我同友人嗌左兩個小食（都係涼盤）同埋兩碗台灣麵。牛三寶：有牛筋，牛腩同埋牛展牛筋軟身，食落去口感有少少似JELLY；牛腩少少硬身但接受到，牛味最濃郁！牛展既牛味恰到好處，唔會太咸。皮蛋豆腐醬汁有些似平時食章魚小丸子既汁，上面配料係木魚干，個味道幾夾，加埋皮蛋個口味好正台式炸醬麵（未撈前）台式炸醬麵（撈後）因為大熱天時唔係好想食有熱湯既野，加上細個好鍾意食北京炸醬麵，所以心思思叫左個台式炸醬麵試下！醬同肉碎味道好香但唔會好咸，有少少豆腐干同埋青瓜不過如果可以多返Ｄ青瓜個口感會更豐富同埋有層次（唯一既少少扣分位）呢枝咁既野飲雖然賣相非常一般，但飲落就有驚喜，平時去餐廳離唔開都係飲下可樂，凍檸茶，凍奶茶果Ｄ，但係通常都超級甜，飲完反而都冇解渴又唔健康但係呢個果松茶花綠茶就相反，有淡淡清香既茶味，少甜而不膩，非常適合炎夏用餐時飲用！

個人好鐘意食台灣牛肉麵，search完OpenRice 尖沙咀區應該選擇唔多，滿懷希望去食個lunch, 入到去環境唔錯，即時order咗個川味牛筋牛肉麵，蕃咖牛肉麵同滷豬手，食完非常失望，牛肉麵湯底冇牛骨味只有咸味，牛筋唔彈牙，牛肉又唔淋，滷水豬滷得唔夠耐唔入味，唉，最後先知道點解中午一點重會有大把位，二百三十蚊埋單⋯⋯

琴晚係尖沙咀行街, 7點幾肚餓就開始搵食...行過宜昌街附近見到有間台灣野好似幾好食, 價錢又公道, 於是就入左去食....估唔到假期7點幾人都唔算太多...可以唔洗等位就入去食!!!雖然餐廳比較細, 但環境好舒服~~~~枱上有豆瓣醬, 白醋, 酸椰菜等調味品...仲有紙巾同橡筋圈提供....好細心呢....menu係大約A5 size點餐紙, 牛肉麵較為多...都有幾款小食可以選擇~~朋友點左三寶牛肉麵伴菜係油麥菜, 有牛腱, 牛筋, 牛肋條的三寶, 牛肋條最為好食...適量油脂....牛腱都很軟腍入味....煮得岩岩好~~.湯底方面 , 鮮甜冇味精..我食既係..川味紅燒牛肉麵伴菜都係油麥菜....湯底係牛骨湯..冇味精...牛肉厚身食落好淋小食方面點左皮蛋豆腐醬汁和冰冰的豆腐好夾, 豆腐好滑身...每啖都好好食....野飲就點左APPLE CIDER同埋綠茶,都係好解渴架呢~~正丫...

去到tst，其實都好小行到黎呢邊，朋友話呢到開左間新既台灣麵食，就同佢一齊試下😍就咁睇個門面，其實都幾似拉麵店🤣👉🏿✨川味紅燒牛肉麵 Hkd 68 💸📌價錢都算非常公道，湯底非常好飲，濃得黎唔會愈飲愈口乾，有3大塊牛肉，塊塊大舊得黎仲要係厚切😈堅有誠意架！而且我開頭諗食落口係會比較硬，但點知佢呢款係超腍身，好好食！👌🏽👉🏿✨牛肋條麵 Hkd 68 💸📌平時出去食真係好小見到有牛肋條叫👀佢仲要去埋骨架！食落就非常方便～而且條條仔超大條，食落都係腍身既，唔會話好鞋，啲麵都夠陣牙煙un~不錯喔👍🏿👉🏿✨冬瓜茶，芭樂汁 各Hkd 18 💸📌冬瓜茶黎講同平時飲開既冇咩分別👀但芭樂汁就有驚喜喇！雖然係一罐罐，不過又真係幾好飲喎👌🏽意想不到的😈