六両三 (已結業)

鬧市中一點寧靜-聚腳好地點餐廳環境寧靜舒服，設計獨特，睇落好整潔，店員態度服務超好，呢個大讚！👏半筋半肉麵啲牛肉好軟身，絕對唔係煲湯肉咁鞋口，反而好入味，入口即溶。 紅燒湯底好入味。蕃茄牛肉麵湯底好濃郁，配合埋少少蕃茄既酸味好開胃，令個湯濃郁得來一啲都唔油膩。 d麵吸曬蕃茄湯，口味更清新，呢個仲要係每日限量發售，值得一試！滷肉配青菜既滷肉好正宗，唔似其他店用免治肉，而佢係真正手切豬肉成細粒，肥瘦，大小都恰到好處。搭埋青菜健康得黎又唔會太寡！