六両三 (已結業)

果晚收工同友人行開尖沙嘴，發現新開左呢間台灣牛肉麵店，膽粗粗就入去試下。一入去其實都幾爆場，但好采咁岩仲有兩個座位，所以唔洗等好耐就有得入去嗌野食雖然幾個店員好忙碌，幾乎一腳踢，但佢地既臉上總係掛著親切既笑容，好有禮貌咁招呼客人們出餐既時間唔算好耐，我同友人嗌左兩個小食（都係涼盤）同埋兩碗台灣麵。牛三寶：有牛筋，牛腩同埋牛展牛筋軟身，食落去口感有少少似JELLY；牛腩少少硬身但接受到，牛味最濃郁！牛展既牛味恰到好處，唔會太咸。皮蛋豆腐醬汁有些似平時食章魚小丸子既汁，上面配料係木魚干，個味道幾夾，加埋皮蛋個口味好正台式炸醬麵（未撈前）台式炸醬麵（撈後）因為大熱天時唔係好想食有熱湯既野，加上細個好鍾意食北京炸醬麵，所以心思思叫左個台式炸醬麵試下！醬同肉碎味道好香但唔會好咸，有少少豆腐干同埋青瓜不過如果可以多返Ｄ青瓜個口感會更豐富同埋有層次（唯一既少少扣分位）呢枝咁既野飲雖然賣相非常一般，但飲落就有驚喜，平時去餐廳離唔開都係飲下可樂，凍檸茶，凍奶茶果Ｄ，但係通常都超級甜，飲完反而都冇解渴又唔健康但係呢個果松茶花綠茶就相反，有淡淡清香既茶味，少甜而不膩，非常適合炎夏用餐時飲用！