八幡屋日本料理 (已結業)

一直很少分享放題是因為一直都很少吃放題，最近為陪喜愛放題的朋友而去了一次。就寫一下食評，希望也有公信力因為真的對放題沒有很多對比=__=” 首先朋友說要星級放題+$$50有不同的星級食物提供，但是我對此興趣不太大，而且很細食，應該普通餐牌也能滿足了。 日式味噌炒蜆有D蔥吊味，粒粒都算有肉，裡面食不到有沙，醬汁也不錯具有咸香！ 南蠻炸雞中翼好肥美，芝麻香味十足，D肉仲好嫩滑，外皮都幾香脆。刺身－三文魚厚切吃起來魚的油脂好多，口感既滑且有香味；有頭甜蝦普遍都好新鮮，吃起來肉質爽又甜。希靈魚同樣爽口 鮮味十足；虎蝦刺身有另一醬汁點，又是另一種鮮味。海膽軍艦質素不算平均，有一些好吃有一些很普通，可以話是有少少撞彩數的成分。份量十足，愛吃的我們點了很多。他也真的上足，比個讚。紫菜也很脆，明顯是立即整的。但還是不要浪費食物比較好。吉烈炸蠔普普通通沒有什麼特別，也是外皮脆脆，裡面有蠔仔和肉汁。炸雞軟骨粒少少咸，吃下去好脆主要食它個口感仔！炸餃子外皮沒有雞軟骨脆，有點像預先準備，所以不算太熱。裡面的肉和菜香氣足！ 飲品需要落單Ｃ＆Ｃ～可樂～減肥者可選青茶都要落單寫，感覺有點不環保。所以第2杯開始主動叫

雖是晚市放題，但款式選擇不多！上菜更是慢慢慢⋯⋯要是不催單的話，基本上一整晚就坐著無聊地等⋯⋯魚生選擇不多，不過上菜尚算快！熟食/天婦羅，等到睡著了，也沒有來！甜品，更是少得可憐！儘管店員十分友善，但上菜的速度實在是不敢恭維⋯⋯單單是焗蠔就已經追了兩次，炸蝦天婦羅，更是追了三次也沒有送來。。。買單的時候都已經說了有一位老人家，但結帳的時候仍然是沒有計算長者優惠！這樣質素的食市，下次請也絕不會去！

太耐無食放題，是會身痕的。於是兩人結伴，就向八幡屋前進，要大食特食!!!五行壽司~訂位就有，(各位唔好洩比餐廳呀，記得訂枱!!!賣相好靚靚，有海膽、帶子、鮮蝦同三文魚各樣都好新鮮，芒果同帶子出奇地好夾芝麻雖然只係配角，但就好香，成功搶鏡我地仲選擇左升級放題，可以食和牛壽司、生蠔、珍寶帶子、赤蝦刺身仲可以叫炭燒紐西蘭羊架50蚊就可以食到以上既野，真係好抵羊架燒得幾香，少少焦剛剛好‘SO’味唔算好濃，但有肉汁又嫩芝士焗蠔同黃金船都係必食芝士焗蠔入面既蠔脹卜卜而黃金船除左有大蝦一隻，醬汁仲好惹味ENCORE左3轉先夠喉吉烈炸蠔~粉比較薄，蠔味都濃郁而年糕芝士既芝士味道就偏甜、煙煙UNUN咁燒物就不得不提鯖魚燒得好香，又唔會乾哂臨尾醒起成餐都無食過條草，就叫左個三文魚煲睇個名同菜又真係幾無關係但入面除左有三文魚(數量唔少，有7-8件)仲有幾款菜、豆腐同粉絲湯底係濃郁既蕃茄湯，甜味較重友人仲好飲得咁自己飲左成枝熱清酒我只可以係隔離拍手助慶LAST CALL叫既甜品係櫻花水信玄餅賣相盡得少女歡心，質感好得意，好似碎左咁都好值得一試另外泡芺都好好食，外層好鬆軟，而CREAM微微雪凍左，雖然無輕盈既感

10點入座點左好多野速度都叫快不過我想點我點左好多樣野都系同我講賣哂 軟殻蟹手卷我系問左3次先同我講賣哂呢下堅嬲叫左6-7件手卷黎得兩件 開頭叫既三文魚同甜蝦都幾好味食完再叫戈d唔知似乜完全唔新鮮 唔鮮甜服務態度系幾好野食就麻麻 芝士年糕同薯波都系唔好味又話咩11點就要cut單 可以食到12點選擇食物好趕甘 叫得多又驚浪費都唔明 10點來都可以無左甘多野食無言 希望可以改善下啦

最近有點黑仔，繼之前壞掉相機電後~剛連充電座也報銷 Orz還要剛好在差不多在旅行前的這個時間，只好衝去九龍入手吧！！反正也過這邊的關係，當然要吃飽才回家去喔大概是學生們作暑假的最後衝刺?! 兆萬等升降機的人流滿多~而且也是衝著放題以來幸好有預先Book位，所以不至於要餓著肚子等很久才有得吃因為想吃生蠔和珍寶帶子刺身的關係，所以加了 $50 升級 ヾ(*´∀｀*)飲品方面，跟之前的差不多～都是罐裝！生蠔 - 很新鮮爽口～豉油的濃度好像也沒有之前那樣鹹燒味淋河豚干 - 煙煙韌韌的口感，甜我有點過份耶~配上沙律醬吃會剛剛好火灸柚子和牛壽司 - 輕輕灸燒過的和牛讓肉香更豐富炭燒紐西蘭羊架 - 肉很軟嫩~羊羶味也不算太重原本的刺身也有12款，再加上升級的3款~選擇上也是滿多的我們點了劍魚腩、希靈魚、鯛魚、鮑片、八爪魚、吞拿魚、有頭甜蝦、榮螺片、馬刀貝等還有一款是新的 - 黑鳥貝~整體亦算新鮮，也有解凍好~沒吃到雪味 (･ิω･ิ)所以刺身有翻點過喔～當然也不忘點珍寶帶子刺身吧(≧ω≦) 豐厚肥美的口感，還帶點甘甜味道 前菜點了 - 辣味螺肉和胡麻冷豆腐 (o´∀｀o)說是辣味~其實也不是很辣；豆腐則

跟朋友在附近買完衫後，便到旺角兆萬中心覓食。在地面有不少姐姐在派發傳單，這座大廈的放題選擇十分之多，經過姐姐的一番推介，言下之意我們便去了9樓的八幡屋，地方面積不算太大，等位問題的人也有不少。如此受歡迎，一定很好吃呢！我哋加咗50蚊星級放題。首先嗌咗一盤刺身，三文魚刺身非常之肥美，而且紋理十分靚，真是值得吃，我們試過好再叫多十片。有頭甜蝦刺身十分鮮甜，肉質飽滿，點上wasabi 和豉油簡直是一流。希靈魚刺身，希靈魚籽爽口且脹卜卜。珍寶帶子刺身好夠冰凍而且非常之肥美，不會是霉或零碎的，很吸引呢！生蠔OK!海膽軍艦，現在見越來越少放題店會提供海膽這東西，通常都要加錢，因為海膽成本真係唔平，就算平時出到去壽司店食壽司都未必捨得嗌，有供應的放題店實加分頂！海膽味道微甘的，海水味並不重，鮮味十足，好抵吃，我們最後encore了四件。花之戀，壽司飯比較細，刺身佔了七成，相信定必是大家喜歡的比例，不會食飯食飽人，三文魚較薄，卻是非常之肥美。蟹籽量多且爽口，壽司飯的醋味也很香，幾樣野加埋一齊真係好，咁正嘅壽司你一定會鍾意，今次真係揾岩師傳啦。日式味噌炒蜆，每碟炒蜆只有數粒，若然能夠增加其數量，顧客定必

趁閒日同朋友去睇戲+食下午放題本住周圍都少D人既情況可以輕輕鬆鬆玩一日前一日揀定左呢間,因為又近睇落又唔貴,點知就中伏去到如平常寫單叫野,首先叫左碗麵豉湯,一飲  咸到傻!諗住唔好浪費食物頂硬上飲哂佢,即時要飲番幾啖水之後上既蟹籽沙律就唔錯,咁繼續落單啦就開始漏單,或者同一張單既野食叫三樣黎兩樣其中有一款壽司係夜晚先有,但收單個個又唔講,野又無黎,要問先知最後2個鐘既時間咁就過左,但個肚就得4成飽,同食一個包無咩分別另外個水信玄餅好難食...朋友叫個杯雪糕亦都無上! 個雪糕櫃係我地後邊,我真係忍唔住話不如自己去拎都無咁煩之前都去過食一次晚市,座位又逼野食又係嘛嘛地,今次真係會記實呢間野,唔會再有下次

自從多了時間留在香港生活後，終於有機會與香港的朋友一齊到處飲飲食食! 回想中學、大學時期，總會每個月辦一次日式放題，跟同學們聯繫一下! 以往食放題，只會希望有多餓就食有幾飽! 現在食放題，就只求樣樣食少少，試盡餐廳的菜式! 今次放學後就約左個舊同學來到這間八幡屋開餐囉!仔細看過價錢表，原來每個人只要加多五十蚊就可以升級體驗一下原本貴價的菜式，有生蠔、火灸袖子和牛壽司、赤蝦刺身、炭燒紐西蘭羊架、燒味淋河豚干、日式蒸蛋等…. 朋友熱愛吃生蠔，當然也加左錢提升!升級體驗食物生蠔: 保持一個低的溫度，不會有雪藏的味道、也不會有壞掉的酸苦味，新鮮的、滑的配上清新、鮮甜的醬汁一起吞入喉嚨，這種感覺很Fresh! 很Juice! 醬汁減淡了蠔內藏的苦澀味!赤蝦刺身: 圖中也見到赤蝦的size有我朋友的手指那麼長那麼粗，相比食好幾隻小甜蝦更津津有味、更盡興! 之後都無限ENCORE!炭燒紐西蘭羊架: 一點羊膻味都沒有，相信用左好多香茅香料醃製下再加以烹調，連我這麼不愛吃羊的人也要試一口! 果然也因而受到感染般，也細嚼慢嚥的吃乾吃淨!燒味淋河豚干: 最初還以為為什麼會來了個牛肉乾? 放入口才知道原來是河

朋友請食生日飯，地點選擇旺角兆萬的日本料理，吃個飽的放題夜。日本料理店，人客非常多。刺身。三文魚、鮑片、螺片。刺身入口薄薄一片，味道鮮嫩，沒有雪藏味道尚算出色，刺身選擇很多，我倆留肚吃其他。生蠔。日本放題有生蠔，我都係第一次吃到。生蠔是我最愛，蠔味不算濃郁，被醬汁浸到入味蓋過蠔味，入口鮮味嫩口，少一份海水味道，多一份甜鮮咸香，算是新鮮。日式蒸蛋。雞蛋蒸得滑溜甜甜的，入口蛋味不重吃出甜鮮味道，滑溜雞蛋深得朋友喜愛。壽司手卷。我倆瘋狂點上壽司手卷，壽司非常吸引。三文魚花之戀、鰻魚、左口魚等等，味道鮮嫩，魚味濃郁突出，火灸壽司更是焦香豐富，魚油香，而鰻魚的味道也算是濃郁。軟殼蟹手卷更是炸得香口不油膩，蟹肉不算太多，但炸粉薄薄吃出香口來。帶子串燒。我喜歡汁燒帶子，帶子嫩甜彈牙，肉質不霉不嚡口，帶子小小一粒卻味道香口，算是不錯。

今日本來好好地同d同事reu下，諗住去試下呢間日式放題，但係呢間野既服務質素同味道破壞左我地美好既回憶！ 首先我地叫左d天婦羅，刺身同其他小食.第一轉黎左d刺身同d小食但係未有天婦羅，我地催個waiter跟下張單，佢叫我地寫過張單，咁我地再寫過la但過左勁耐先黎……刺身味道方面，我將其形容為【淘寶刺身】！吞拿魚味道極其駭人，當我放其進口時口腔感受到奇異的腥味。然後我再嚐了三文魚的味道，幸好它的腥臭比吞拿魚少，我能勉強吞下。至於天婦羅方面，炸蝦雖然剛剛炸好，但調味似乎不足，和走鹽薯條沒有分別。最後我地用雪米糍填飽肚 冇下次

尋晚即興同朋友食放題下晝打去訂位 早段時間full哂 要8:30先有位我同朋友8:00就已經去到 希望睇下可唔可以早少少入座 但一開lift門已經見到人山人海當然就要8:30先可以準時入座啦 不過冇所謂😌心諗咁多人幫襯一定冇死啦 ....侍應帶位時就問我地加唔加$50升級 會有生蠔blah blah blah ...我地見滿哂座又咁多人排隊 就諗都唔諗 即加啦...誰不知惡夢開始了1.魚生唔夠凍,墊底嘅冰好快就溶哂2.升級紙上既生蠔冇蠔殼只係用一隻大小小嘅匙羹裝住3.串燒全部都係凍嘅4.甜品諗住有啲希望,點知都係失望 炸香蕉黎到好似炸完俾水浸過5.升級紙上面既野全部都冇咩質素唯一可取嘅就係日式牛肉煱 好彩有呢樣嘢食 如果唔係返到屋企一定要煮麵食建議大家如果真係要食都唔好加錢升級啦 加完你會絕對覺得係浪費金錢

肚子餓的時候最好就是去吃一下放題，因為什麼都有得吃，又一定吃得飽。今天在旺角逛，想吃到放題當然是來到兆萬找吧。想不到星期一也非常多人，也需要等一下位。不過也好，愈等得久就可以愈吃得多吧終終有位了，當然第一時間剔食物吧。這些都是正常的餐單，款式也滿多的，可是再加50元還會多一張升級的單子。也就是更貴價更特別的食物吧。最先來的飲品，很多不同款式的汽水，連較為貴一點的CC系列也有。刺身，是今晚有點點失望的，份量較少較細塊，但是卻又是鮮甜的，不過不失吧。蒸水蛋。想不到放題也有吧。很滑嫩，入面的餸料也很豐富，有雞肉蟹柳等等的。味道較為淡，但加上豉油後引出了蛋香，很是惹味。放題也有生蠔？日式的生蠔，十分的鮮甜，配上特制日式醬汁，甜甜的，十分惹味。生蠔不帶點腥，入口滑溜溜的，帶點爽之餘又不結實。Pork Ribs，這又是一般也不會吃到的吧。肉質十分軟淋，一咬即散開，吃得又方便。豚肉生姜燒。幸好不是椒多過豚肉，豬肉的份量也頗多的。調味上也調得甜甜的，要是再加上洋蔥就更好。壽司盤盤盤盤。不同款式的壽司都叫上幾件，因為本身已經有醬汁，所以不用另外點豉油。當中最愛的是胡麻醬三文魚壽司，胡麻醬的香甜更是開胃惹

早幾個月去過食呢間放題，覺得不錯，因為我的爸爸都非常喜歡食放題刺身～而媽媽剛好去左旅行冇飯食，就帶爸爸來食下放題啦～這裡位於旺角兆萬中心9樓，佔全層，雖然座位不多，一眼可望到哂，但坐位都不算太迫，兩人的枱子都會太細！而價錢收費就係按日子及時段計算，由$158-$218不等～放題形式跟大部份的放題一樣，有一層厚厚的點單紙，款式十分多樣化，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品等！另加HK$50可以升級體驗其他升級食材，一係唔食，一食就食最好，我地都加左啦！第一時間當然就點刺身啦！分別有三文魚、吞拿魚、希靈魚、鯛魚及鮑片等，我地因為想每樣都食少少，所以就少量多次咁叫，唔想浪費食物～三文魚刺身都一樣咁新鮮厚身，啖啖肉，亦都無雪味！這是當晚送的五行手作壽司，製作特別！而當中最特別的就是黑芝麻包著的，上面有少量金箔海膽，而下面有吞拿魚腩，好香吞拿魚味！每件大小適中，可以一口一粒！又點了一堆壽司，分別是火灸胡麻三文魚壽司、黑松露油甘魚壽司及花之戀！花之戀真係大件夾抵食，上面有大量蟹籽，而三文魚都好厚身～另外火灸胡麻三文魚壽司微微燒過，幾香口～而黑松露油甘

中伏，5嗰人食🉐少少野，叫左4次單，得嚟得第一次，其餘叫既三次單，等左勁耐都未到。18：30到，18：50嚟食物，19：20分再叫，等到19：45都未嚟，再叫多輪，再等，20：00都系未嚟，再叫甜品，淨系得D雪糕，泡芙，直到走都系🈚食過野

平時放題都食開滿屋，同吉壽既 但星期六我地冇一早book位 ，冇位 所以就上左兆萬睇下啲放題 平時都有聽開人地講兆萬啲放題好差 但我諗應該吾會差得去邊 見又位決定試下呢間！一上到環境比我感覺好細間，好逼 好小人食 我心諗星期六吾會小人到咁掛 我就覺得伏伏上也拉。 先睇選擇食物種類 真系得好小。價錢每位都要240。首先黎左刺身 系吾岩數 黎得勁小份量 又成日漏單 黎完刺身坐左半個鐘多都冇其他野食黎過 之後問佢 佢話廚房得一張單😅😅咁我地咪再寫 再寫都系冇全部黎哂 份量都系得好小。完全吾岩數 刺身系勁吾身鮮 基本上我成餐放題食得幾隻甜蝦 同雪榚。飲野。同埋食左個牛柳 。甘就完左成餐放題。垃圾放題 吾明點解可以開到鋪