影片
更多
2016-09-09
752 瀏覽
跟朋友在附近買完衫後，便到旺角兆萬中心覓食。在地面有不少姐姐在派發傳單，這座大廈的放題選擇十分之多，經過姐姐的一番推介，言下之意我們便去了9樓的八幡屋，地方面積不算太大，等位問題的人也有不少。如此受歡迎，一定很好吃呢！我哋加咗50蚊星級放題。首先嗌咗一盤刺身，三文魚刺身非常之肥美，而且紋理十分靚，真是值得吃，我們試過好再叫多十片。有頭甜蝦刺身十分鮮甜，肉質飽滿，點上wasabi 和豉油簡直是一流。希靈魚刺身，希靈魚籽爽口且脹卜卜。珍寶帶子刺身好夠冰凍而且非常之肥美，不會是霉或零碎的，很吸引呢！生蠔OK!海膽軍艦，現在見越來越少放題店會提供海膽這東西，通常都要加錢，因為海膽成本真係唔平，就算平時出到去壽司店食壽司都未必捨得嗌，有供應的放題店實加分頂！海膽味道微甘的，海水味並不重，鮮味十足，好抵吃，我們最後encore了四件。花之戀，壽司飯比較細，刺身佔了七成，相信定必是大家喜歡的比例，不會食飯食飽人，三文魚較薄，卻是非常之肥美。蟹籽量多且爽口，壽司飯的醋味也很香，幾樣野加埋一齊真係好，咁正嘅壽司你一定會鍾意，今次真係揾岩師傳啦。日式味噌炒蜆，每碟炒蜆只有數粒，若然能夠增加其數量，顧客定必
我哋加咗50蚊星級放題。首先嗌咗一盤刺身，三文魚刺身非常之肥美，而且紋理十分靚，真是值得吃，我們試過好再叫多十片。有頭甜蝦刺身十分鮮甜，肉質飽滿，點上wasabi 和豉油簡直是一流。希靈魚刺身，希靈魚籽爽口且脹卜卜。珍寶帶子刺身好夠冰凍而且非常之肥美，不會是霉或零碎的，很吸引呢！
生蠔OK!
海膽軍艦，現在見越來越少放題店會提供海膽這東西，通常都要加錢，因為海膽成本真係唔平，就算平時出到去壽司店食壽司都未必捨得嗌，有供應的放題店實加分頂！海膽味道微甘的，海水味並不重，鮮味十足，好抵吃，我們最後encore了四件。
花之戀，壽司飯比較細，刺身佔了七成，相信定必是大家喜歡的比例，不會食飯食飽人，三文魚較薄，卻是非常之肥美。蟹籽量多且爽口，壽司飯的醋味也很香，幾樣野加埋一齊真係好，咁正嘅壽司你一定會鍾意，今次真係揾岩師傳啦。
日式味噌炒蜆，每碟炒蜆只有數粒，若然能夠增加其數量，顧客定必更開心。那個汁帶有少少肉燥，杰身的芡汁調味非常之好，唔會嘥咗隻蜆。大蜆味噌湯，呢個我覺得一般，之前在家中也買粉弄過這種湯，味道相似，這兒的實在較鹹和較濃了，有點接受不了，但是欣賞海帶和豆卜好大份，同一包包即食味噌湯好唔同，幾有口感和咬口。
以下這幾款是星級放題的食物，很不錯，果然是升左級！炭燒紐西蘭羊架，外表是微乾，外觀一般而已，滲出少少油分。拿著羊骨一口咬下去，帶有少少蘇味，竟然一啲都唔乾柴，肉質鮮嫩，很有驚喜！！害怕吃不消的關係，我們每人只叫了一份，份量也不少。
燒味淋河豚乾，味道非常之好食，你一條我一條，不消一分鐘便吃了成碟。但是它比較唔夠熱，燒熱一點會更好吃。
日式蒸蛋，呢個係十級推介嘅蒸蛋，佢落嘅水比例係比較多，所以蒸出嚟唔會話好硬或好實，口感似包仔豆腐，非常之水潤，蛋味香濃，一啲都唔頂肚。有冬菇，蟹柳和鳴門卷，都是充滿日式的調味食品，一流！！
入座起計兩小時最後落單時間為離坐前30分鐘，喺最後30分鐘我地嗌埋甜品，食埋就差唔多啦！！芒果布甸係非常之好食，有少少芒果粒粒，無咁dry，味道是大路味吧。。可以話係放題我必點的甜品。比較少見甜品menu有櫻花水信玄餅，外觀晶瑩剔透，十分漂亮。一大口吃下去，口感滑溜溜的，味道是微甜的，中間有一顆櫻花乾，味道較單一和清新，還不錯， 但你不要期望它有很複雜的味道唷。
飲品方面基本上都係罐裝飲品，同埋有煎茶，由於個環境都偏凍(記得帶定外套！)所以見唔少人都飲煎茶，暖一暖胃，我也有喝呢，今日亦想飲可樂，就同朋友叫咗一人一罐啦，放題記大致上係咁。
張貼
