323
40
72
港鐵旺角東站 B 出口, 港鐵油麻地站 A2 出口 繼續閱讀
所有分店 (2)
電話號碼
21511388
開飯介紹
日式放題店,加入不少原創元素,例如四人同行贈送的五行壽司,以金木水火土為題創造出五款新壽司。 繼續閱讀
營業時間
今日營業
12:00-15:00
17:00-00:00
星期一至日
12:00-15:00
17:00-00:00
公眾假期
12:00-15:00
17:00-00:00
公眾假期前夕
12:00-15:00
17:00-00:00
付款方式
Visa Master 現金 銀聯 支付寶
座位數目
150
其他資料
網上訂座
Wi-Fi
酒精飲品
自帶酒水
VIP房
電話訂座
當面支付
有關獎賞計劃
食評 (467)
等級4 2017-11-16
870 瀏覽
朋友生日佢話想食放題,旺角最多選擇,睇左一輪,八幡屋其下原來有幾間任食,以前食過打邊爐非常好,今次就去兆萬間日式放題先。上到去6點半左右,但已經坐左好多人。店員講解收費後,見升級都係加多幾十蚊,又可以多d 刺身熟食食,朋友又生日一於升。急不及待剔野食,刺身,壽司,串燒,天婦羅,鍋物好多元化,而甜品都幾多選擇。一開始先黎刺身,三文魚,帶子,象拔蚌,北寄貝,甜蝦等,雖然唔算好大片,但至少我填幾多片真係比足,讚。 三文魚魚脂豐富,食落好軟嫩。象拔蚌,北寄貝,帶子果d好鬼爽口彈牙,整體款款都好新鮮。而升級左既刺身有油甘魚同珍寶赤蝦,升級版果然唔同d, 又厚又大隻,食落好鮮甜,赤蝦好彈牙。至於熟食有燒牛仔粒,軟腍juicy,夠入味。串燒既牛舌夠惹味,腍身唔韌.鹽燒蝦好入味,鮮味濃郁,細細隻但蝦頭都好多膏。升級左仲每人送半邊龍蝦,因為即燒,所以食左一段時間先上枱,龍蝦肉爽口又夠豐厚,面層個醬唔似芝士,甜甜地好開胃。芝麻雞翼都炸得好香,唔油膩,仲夠香口。雞軟骨又係炸得好香又夠脆,食落唔會太硬。壽司款式都幾多,樣樣要d,細細件唔會食到太飽,將幾新鮮。任食兩小時都好夠,當中無漏單,侍應間中仲走埋黎問有無漏野,有就幫我地追,服務一流。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-18
231 瀏覽
同男朋友行旺角,諗住搵下有咩好食,經過兆萬落下,見到八幡屋個招牌,諗都唔使諗就決定食呢間,呢間淨係食放題,岩曬超鍾意食放題既男朋友。呢間雖然第一次黎,但地方都算大,最緊要乾淨企理,牆上塗鴉都好有日本特色,位與位之間都有相應既空隙,唔會話同隔離台太近。一坐低梗係叫刺身先啦, 刺身都有好多款揀,但我地最愛既都係三文魚, 佢啲三文魚勁厚切,仲要勁肥美, 唔知以為自己食緊三文魚腩⋯我地仲加錢升級體驗,整體出嘢食嘅速度都ok。每人加送芝士龍蝦,不算大size但味道很好有彈性,我們好快就KO左依個「前菜」。因為差不多同一時間,我嘅主菜生蠔同其他刺身都已經殺到,兩大盤放係枱度都差唔多霸哂成張枱,未食都已經好興奮。生蠔一擺落口,就係我要既味道,夠鮮味,平時食只有去酒店嘅自助餐,動不動就四五百銀,依度差不多一半價錢就攪掂,抵!珍寶赤蝦唔係間間有得食,啖啖蝦肉,正。 要推介嘅係依個茶碗蒸蛋(升級),冇睇錯,依個唔係cheap嘢黎,睇下係上面係咩就知啦:大大個海膽,好香又好滑!最鍾意番薯仔,外脆內軟,細細粒,甜甜地,好好食。 另一樣值得推介既係牛舌,上面勁多黑椒,咬落又唔韌,味道燒得好好。之後都試左其他炸物,雖然等左一陣不過都炸得好出色,全部都好熱辣辣!不過都實在戰鬥力有限,未能試哂全部。唯獨蟹粥係我一開始就想叫既野食,所以最後都耗盡我嘅胃容量一試,有蟹的鮮味,一個人食晒成兜。一間餐廳除左食物重要外,我覺得服務都好重要,好怕出面啲放題waiter大大聲聲,冇禮貌;但呢間服務態度好好,收碟又收得快,好有效率, 所以一定會再黎。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-16
327 瀏覽
平時想食放題第一時間一定諗起旺角兆萬,發現原來「八幡屋」系列在兆萬有2間,一間係3樓而另一間就係今日主角係9樓。朋友試過3樓的御·八幡屋話味道唔錯所以想試試新環境,所以今次就一齊決定食9樓的八幡屋。一入餐廳就feel到餐廳主打日式料理,壽司吧有3-4個後生師博埋頭苦幹,酒櫃上面放左幾枝Sake點綴裝飾,再行入少少有個玻璃櫃可以比客人隨意拿一些小菜,例如:螺肉、枝豆、中華沙律同八爪魚等等,整體環境比人感覺乾淨舒服。一坐低店員就建議我地每位加HKD$60做升級體驗,會免費送一隻芝士龍蝦,仲有得任點生蠔、海膽,赤蝦等海鮮,就決定試試佢。芝士龍蝦:芝士焗得岩岩好,好香芝士味。龍蝦有成隻手掌咁大,口感爽膽帶微海水香味,無腥味,感覺好新鮮彈牙!實在唔錯。遞紙後6-8分鐘便開始上菜,三文魚刺身厚切叫了十件裝成滿滿的一盤,擺盤上亦頗有心思,有幾片檸檬去腥。三文魚口感爽滑,肥而不膩,魚油香醇出乎意料地沒有半點腥味,似是價錢較高的冰鮮貨而非乾身的冷藏三文魚,實在值得一嚐。除了刺身外,二人還點了大量的壽司,鰻魚壽司、花之戀、火炙三文魚等等。當中最特別的是黑松露系列的壽司,由於先前已經過一大盤刺身的洗禮,所以只點了黑松露帶子壽司及黑松露三文魚壽司一試。黑松露系列壽司令人驚喜,光嗅就能分辨黑松露的好壞,一大陣蒜頭和蘑菇的獨特香氣,份量夠多完全滿足視覺和嗅覺。另外點了各類炸物、一品料理,當中香芋丸、蝦天婦羅,芝士大蝦金龍船最出色。最喜歡芝士大蝦金龍船這道創意小食,錫紙兜上除了大蝦外滿滿的都是焗芝士,芝士味濃郁是芝士控必吃之選。香芋丸內餡不多但勝在夠熱,令香芋的甜味更突出。日式海膽蒸蛋(升級體驗):日式海膽蒸蛋表現出色,個蒸蛋好滑好creamy,滑嘟嘟好易入口,比預期中出色。蒸蛋底部有少量蟹柳、冬菇碎等,幾有口感。海膽肉為橙黃色, 味道濃厚,入口嫩滑。澳洲和牛壽司(升級體驗):可能師傅想突出和牛的鮮味,所以和牛應該不足五成熟,背面整片呈鮮紅的。我個人比較偏好五成熟或以上的牛,所以對這款壽司的接受程度較低。心太軟伴鮮果(升級體驗):這款甜品要在升級體驗menu才有得點,伴的鮮果是少量芒果,芒果味道正常偏甜,而主角朱古力心太軟口味偏苦,朱古力醬多甜度適中。適合作飯後甜品。整體感覺加錢升級的menu會有更多的食物款式,口味多元化,甜品及飲品種類較其他同價放題多。是平價放題的不二之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-20
1521 瀏覽
雖然咁講好奇怪,但我真係為了就水信玄餅而去呢間放題.首先我晨早book了檯,當日準時到達但佢話無位要等,之後叫我去同一商場另一樓層的"分店"1.既然無位咁我book的意義在哪裡? 2.另一樓層係一模一樣點解另一樓層唔係叫呢個餐廳名? 為免中伏我堅持等!其實呢度真係逼到一個點,算,野食最重要,呢度選擇都算多,唯一問題就係上台速度...魚生佢好精美咁擺盤,如果新鮮度有待改進,而且張台好細,上到來,其他食物無位擺=-=壽司方面佢選擇都幾多元化,由於我對食真係無要求,所以我覺得D壽司係食得落,不過你話食材係咪最新鮮呢,咁又唔算,起碼最簡單,玉子都唔係好玉子顏色..不過我覺得炸物佢地做得唔錯,雖然多油左少少,不過炸得夠透,所以好脆,好入味,甘栗紫薯餅同炸蝦天婦羅係我的推薦~番薯都幾好,雞翼好香好惹味~~燒物都係有D水準之作,我覺得牛舌同翠玉瓜最好食,特別翠玉瓜好多燒汁,所以好好味,不過上台時間就.....rewind返去前菜先!其實佢前菜選擇都真係幾多,款款我都好想食,呢D涼拌基本上無得輸,難食極有個譜,只係蟹籽沙律可以多番少少會好D...終於去到甜品,我立刻畫左幾粒水!信!玄!餅! 點知佢勁耐都無黎,諗住cut單先一次過到曬,粒蘋果大福係唔錯的.正當我同朋友吹住水走,我先發現,咦,水信玄餅呢????水信玄餅?????水信玄餅?????最後佢都係無上過,我特登黎食都無食到...總括而言,無下次. 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-12
4217 瀏覽
今日同我寶寶去兆萬既八幡屋,而我對放題⋯係好鐘意!因為可以食住刺身,又可以食下小食。諗到都爽。 一早已經book定枱,怕冇位好掃興a_a 黎到送左隻芝士波士頓龍蝦,龍蝦係升級就會送,出去叫隻龍蝦都幾十蚊啦,即刻翻晒本! 龍蝦啲芝士夠晒多完全唔使驚好Dry,仲要好有彈性,估唔到送嘅龍蝦都可以做到咁新鮮,完全唔馬虎! 咁岩又有個加幾十蚊升級,多D野食,裏面有啱心水所以就加錢啦。同埋見到隔離嗰啲人都有升級,自己唔升級都對唔住自己。 升級生蠔同埋蝦都唔錯,生蠔冇沙,好乾淨,都幾清新。蝦就好新鮮,完全爽口又清甜。 咁當然叫埋刺身係例牌啦,黎到個賣相又花又草,好多心思,不過我就梗係食左先講。 講最新鮮既,亦係我最驚訝既係希靈魚 ! 無錯係佢啊。直程可以媲美日本既味道 ! 平時香港食到既偏酸,肉質實而不爽。今次食到係食到魚既鮮味 , 肉質爽口。 刺身出油唔多,冇多餘水份,絕對新鮮。 有頭蝦鮮都好正,夠甜!當然仲有好多刺身包括帶子,虎蝦以及三文魚,都係唔錯嘅選擇。 仲有好多壽司手卷依D野在乎你想用咩角度食野,師傅握力?新鮮?飯煮成點?但係用香港人既角度睇啦。飯醋適中,新鮮美味。海膽手卷啲飯有少少暖,快啲食就啱嫁啦。海膽質素唔可以話好高,不過絕對對得起放題嘅價錢。 左口魚壽司同埋火炙三文魚壽司細細件,一口一件,唔會太飽所以可以試多啲其他嘢。兩款都唔錯喎!有啲入口即溶嘅feel! 芝士年糕,牛油粟米通常留返最後先食,因為食咗會比較飽,芝士年糕叫咗幾次,裏面好有彈性而且味道夠香。牛油粟米雖然啲粟米好細粒,份量亦都細,勝在唔使食好多,唔會質飽你,唔夠先至再叫,牛油都好香。 最後甜品就食紅豆奶凍同埋櫻花水信玄餅,櫻花水信玄餅係最得意,好似一舊透明嘅啫喱,裏面有一朵花,粉紅色,只有小小嘅甜味,好健康。 咁既價位既放題我完全OK! 繼續閱讀
(以上食評乃用戶個人意見 , 並不代表OpenRice之觀點。)