八不·壽喜燒

營業中

休息中

服務超好平價壽喜燒🥰：📍八不今日同朋友一齊食一間喺旺角平價都幾高嘅壽喜燒舖頭，體驗一流！我哋嗌咗個A五和牛套餐，今次係我第一次食壽喜燒，店主都好細心咁教我哋點樣食先係最好☺️而主角和牛都好鮮味，每一片都好薄片，但牛嘅味都好突出。而套餐亦附送蔬菜籃，一路食肉同蔬菜，啱晒一眾女士☺️食壽喜燒當然唔少得烏冬，烏冬好煙韌，撈埋啲壽喜燒醬一流☺️舖頭仲設有午市set,雖然冇壽喜燒set食，但都好吸引，同埋好抵食！

今日同朋友行經太子大南街，見到八不這間店，就走入去食日本菜，我地叫左幾款菜。日本青絲海蜇$78大大碗的青絲海蜇入面有海蜇、昆布、青瓜絲和櫻花蝦，醬汁內加左D醋和麻油，好新鮮。在餐前食左這個菜，好開胃。 八不烏冬$58我地揀左傳統日式清湯，湯底好清甜惹味，碗內加左好多櫻花蝦，好有鲜味，再加埋昆布和蛋絲，烏冬好滑，有咬口，粗幼適中，真是好味。 八不刺身拼盤$208 有三文魚、魷魚、北寄貝和八爪魚，每款有4件，每件都大大件，很新鲜，很有光澤，很美味。 焗日本蠔(二本)$98我地都好鍾意食蠔，揀左焗日本蠔，有濃濃新鲜的蠔味，唔會比蒜蓉芝士遮住，好吸引。 日本Tominaga神户100％蘋果汁$16來自日本神户的果汁，果味香濃，非常好飲。

揀左個「日本A5和牛」餐包埋個日式蔬菜盤架呢款係牛雪花特別靚一入口係軟淋淋即溶係真係有日本的味道點埋日本蛋汁真係想即飛日本太好食，追加埋 「A5日本十勝和牛」呢款一樣雪花靚 但主要唔同係牛味重啲味道配左壽喜燒嘅汁 係唔會有得輸架囉食得Sukiyaki ~ 個汁真係好重要呢個剛剛好嘅 唔會太咸最後落埋烏冬 係超級無敵飽個蔬菜盤都有好多嘢金菇娃娃菜 南瓜葛粉 冬菇全部都好新鮮 正嘅罐神戶提子汁真係估你唔到好好飲不過就要$16囉

太子食好野，今次介紹返太子必食日本🇯🇵烏冬專門店——八不🍜🇯🇵首先一提呢度服務態度很不錯，餐廳侍應服務好，餐廳進食的氣氛自然也會舒適。鍾意呢度裝潢，帶有日式風格，就連一桌一椅也有其獨特風格，鍾意無處不在的貓貓🐱玩偶擺設，也令喜歡貓貓的貓奴為之興奮，打卡好看。美食方面，烏冬為主，呢度既烏冬面實屬出色，仲有小食都不錯，仲有日本刺身也可以選擇，不折不扣的日本餐廳。我們點左好多好野食🍽️：前菜： 1. 八不柚子大根（蘿蔔）$22，超級爽脆，研製入味，送烏冬的開胃小食，我很喜歡，必食之選。2. 日本🇯🇵青絲海蜇🪼$78， 海蜇爽脆，撈埋青瓜🥒絲蘿蔔絲，口味清新開胃之選。3. 挪威🇳🇴三文魚刺身8片 $78， 厚切新鮮，口感正宗三文魚，刺身也是推薦的。兩碗主食烏冬：1. 日本A5 黑毛和牛刺身烏冬 $198， 選擇左傳統日式清湯，可以好好品嚐和牛的鮮味，和牛刺身可以就咁食，也可以襯熱湯撈落烏冬度，味道👅鮮嫩，值得一試。2. 八不牛盛烏冬 $98， 呢個都係好多人選擇的牛肉烏冬，牛肉都主打點半生熟口感，份量也多。食物擺盤同賣相都不錯，岩曬喜歡打卡食美食的朋友仔，下次來太子又有多個選擇了。

這裡裝修風格超級可愛，好多宮崎駿貓貓🐈‍⬛，筷子座仲要係富士山🗻食物好味又唔貴，經過太子一定要試下！✅澳洲和牛壽喜燒套餐（必吃招牌菜）牛肉好多選擇，我地呢個已經係第二平選擇，有多啲預算可以叫日本和牛，平啲可以選擇美國牛。倒少少壽喜燒汁滾熟超美味的和牛肉片後，可以加入高湯煮野菜盛，內有粉絲，清清淡淡的，帶出食材滋味✅慢煮鮑魚陪清湯烏冬鮑魚煮得剛好又入味，烏冬彈牙滑溜👍一共三款湯底可選，我們十分滿意這個請湯底❤️✅芝士焗蠔混入了沙拉醬得芝士，配合蠔肉，很讚喔😍✅有氣葡萄汁🍇夏日炎炎，當然要叫啲解渴飲品，呢隻日本直送嘅提子汁，有啲氣泡，🫧喝得特別爽！

太子搵到間好日式既壽喜燒餐廳鋪面冇咩特別，但入到餐廳好驚喜全日式裝修，座位同餐具都非常日本風令我最驚喜連餐廳牆身都佈滿日式既佈置餐廳有好多唔同牛肉選擇可以根據唔同地方唔同級數選擇最後揀左澳洲M8+和牛（西冷）壽喜燒餐有埋野菜盤除左新鮮蔬菜仲有粉絲，份量適合兩個女仔食，所以其實都加左烏冬同加碟牛都好夠首先餐廳既侍應會幫你起爐，會用洋蔥大蔥燒香左個煲然後因自己喜好，加壽喜燒汁好鐘意佢成set，燒個陣啲汁唔會周圍彈食哂就可以加清湯，打邊爐食埋個野菜鍋野菜盤份量都多，夠哂兩個人食最後我地另外叫左個吉列千層豚我覺得好值得一試，因為佢口感好特別同一般吉列豬扒好唔同，再鬆軟啲而且夾住芝士，好香口整體氣氛好，鍋物質素都好不錯

最近好鍾意去太子搵食，除咗餐廳選擇多，價錢都比較公道，今日嚟試吓呢個壽喜燒。之前食過日山，呢間就會比較再貼近香港人嘅口味，都非常唔錯。店員服務態度殷勤，令人食得都好舒服。壽喜燒套餐 - $288壽喜燒牛，選擇好多，經店員介紹吓，試咗牛板腱，真係非常之好嘅推介。首先店員會用大蔥同洋蔥幫你開爐，之後佢會教你仙樂壽喜燒汁將牛煎熟，再點蛋黃，燒到差唔多，就落湯底，sabu sabu. 首先牛肥瘦均勻，食落口有牛味，如果唔小心整太熟，都唔會un。之後嘅配料菜、粉絲等等都好新鮮同高質。我地仲加左$28要左個稻庭烏冬，烏冬吸晒壽喜燒嘅汁，好正！吉烈千層豚烏冬 - $98烏冬湯底有三款，我哋揀咗傳統日式清湯，味道清清地，但加上櫻花蝦、昆布等配料，就變得好豐富。吉列千層豚，出面食起碼過百，呢度價錢好優惠，但品質都好高。千層豚一睇就知心機菜，一層一層嘅豚肉，外皮炸到酥脆，中間夾住芝士，口感特別，味道一流。 名古屋風味粟米（素）- $ 58呢個好似平時去大排檔食嘅粟米，喺呢度變咗日式，出面應該係一啲七味粉再加乾蒜，好香口，粟米都幾甜。日本抹茶/柚子汽泡水 - $ 15/$28食日本嘢最啱叫返日本嘅飲品，先至

今日約朋友太子食晏，試咗呢間「八不」日式餐廳。裝修採用木系日式風格，約二十多個座位，環境舒適座位寬敞，氣氛不錯的。餐廳主打壽喜燒，所以必要一試壽喜燒套餐。選咗《日本A5黑毛和牛（西冷）》（$368），套餐包括有日本A5黒毛和牛一份，牛肉上枱十分靚仔而且頗大碟。套餐包有一份野菜併盤，亦都擺設十分精味，有多款蔬菜、滑豆腐及日本葛絲。並配有一瓶壽喜燒醬汁及一瓶清湯。店員會講解最佳食用步驟，先加油脂及熱鍋，然後再加上適量壽喜燒醬汁，才放牛肉，烹煮不宜煮太久，只需輕燙兩面並吸收足夠醬汁，再沾上蛋汁，入口十分香滑，牛肉一的都唔靱，美味可口！食完牛肉，就可以加入清湯及醬汁，然後再煮其他野菜。食物質素頗高、食材亦很新鮮。壽喜燒醬汁香濃微甜，頗啱我口味。如果吾夠喉，仲有各款牛肉可供追加，價錢由$78-$248 不等。其他追加亦有野菜、日本葛絲、烏冬、日本蛋等選擇。餐廳亦有供午市特價套餐，十分抵食，一間不錯值得推薦嘅餐廳。

😎放假日，今次專程去搵呢間食，朋友話食過超高質素，真係無去錯🤩一流嘅小店壽喜燒👍🏼唔係講笑，入面嘅裝修好靚好舒服！今次首選極稀有雪室熟成和牛壽喜燒餐，有野菜拼盤及封門柳！▶️第一次試呢個雪室熟成和牛，咩係入口即溶🫣就講呢塊啦🤩個封門柳一樣咁正，好淋好有牛味，連埋佢個醬汁食超正👍🏼回頭率🈵🈵🈵🈵🈵▶️我自己比較夏天食冷麵之類，今次叫咗稻庭冷烏冬，分量都好多，煙韌嘅口感加埋冰凍醬汁又係一種享受😌回頭率🈵🈵🈵🈵▶️另外最吸引係吉列千層豚，炸嘅豬扒係可以睇到一間店煮嘢好無食，嘩。。呢個係千層，塊豬外面炸到勁脆，裡面真係一層豬一層肥肉，目測有6層，好食到痺呀🫠下次如去可以配烏冬或者橋麥麵👍🏼因為可以跟餐上！回頭率🈵🈵🈵🈵🈵

八不位於太子大南街的52號地舖，是一家融合了日本菜和日式火鍋的餐廳。作為一位單獨用餐的客人，我在午餐時段來到這裡品嚐美食。首先是壽喜燒套餐，這道套餐包括了日本A5黑毛和牛和野菜拼盤。壽喜燒的賣相令人垂涎欲滴，黑毛和牛鮮嫩多汁，野菜拼盤鮮美豐富。入口後，肉質鮮甜，搭配著特製醬汁，口感絕佳。接下來是稻庭冷烏冬，這道冷麵的賣相簡潔大方。烏冬麵條富有彈性，配上清爽的冷醬汁和新鮮的配料，帶來了清涼的口感，適合夏天的午餐。我搭配午餐的木村靜岡麝香哈密瓜汽水。這杯汽水散發著麝香哈密瓜的香甜氣息，口感清新，為整餐增添了一絲果香。除了美食，值得一提的是店長的專業服務。店長親切地教導我如何享用正宗的關西食法。他建議先品嚐肉類，讓油香留在鍋上，然後倒上醬汁和清湯，最後將蔬菜放入鍋中煮熟後食用。這種食用方式讓食物更加美味。總的來說，八不以其精緻的日本菜和獨特的日式火鍋風格給我留下了深刻的印象。店長的專業服務和關西食法的介紹使我感到受到了周到的照顧。

星期日的中午基本上各區各大商場都是人群討厭等位既我地來到好多小店的太子大南街找到一間日式料理小店呢度嘅裝修好和風好似在日本的壽喜燒店一樣枱與枱之間用木屏風分隔牆上印上不同的日系畫作看得出店主花了不少心思在設計上 餐廳主打壽喜燒湯烏冬及日式吉列系小食由於正午天氣太熱還是下次再試壽喜燒 😆今次食烏冬同小食先 //日本A5黑毛和牛刺身烏冬 $198//(配傅統日式清湯)和牛刺身我第一次試店員好細心地解說食法除左生食之外亦可以放在烏冬湯內輕灼數秒至粉紅色享用我發現原來刺身更加食到牛的鮮味仲可以點埋Wasabi及豉油一起吃烏冬爽口彈牙湯底鮮甜配有昆布及腐皮腐皮入口超級甜呢個價錢食到A5和牛，不得了 //吉列千層豚烏冬 $98//(配傅統日式清湯)呢個吉列千層豚係比較少見已經味道是驚喜的由幾塊半肥瘦嘅豚腩片疊製而成用吉列嘅炸法外皮炸得酥脆，入面有多層好軟滑多汁嘅豚肉食落口感鬆軟，層次豐富真係做得唔錯配上沙律醬汁可解肥膩感 //吉列廣島蠔 $78//炸蠔一碟有4隻外面炸至酥脆入面半生熟，入口勁多汁有蠔味而唔腥蠔肉大隻夠肥美 //京都炸雞 $68//除左吉列系列鐘意食邪惡野的我地都叫左炸雞入口口感外脆

放大假又冇得日本旅行唯有食返日本野補返數日本野除左燒肉之外我既另一favourite 就係壽喜燒今次係太子比我搵到間平民但高質壽喜燒小店我地兩個人叫左兩個唔同既壽喜燒一個係美國和牛封門柳壽喜鍋呢個牛味好重好好味 5♥️/5 🔹🔹🔹🔹🔹🔹🔹🔹🔹🔹🔹🔹🔹🔹另一個係澳洲M8 和牛 壽喜鍋呢個就油香味重好正我個人就喜好油香重既😋👍🏻5♥️/5🔹🔹🔹🔹🔹🔹🔹🔹🔹🔹🔹🔹🔹🔹每個都配有野菜拼盤有京蔥 洋蔥 紅蘿蔔 南瓜仲有娃娃菜 豆腐 冬菇 皇帝菜 同埋日本葛絲 比大家食完牛加湯 好似打邊爐咁 可以用盡哂個壽喜燒汁 正😋👍🏻4.5♥️/5 🔹🔹🔹🔹🔹🔹🔹🔹🔹🔹🔹🔹🔹🔹其實兩人份都已經差唔多飽但我地眼闊肚窄仲叫多左份烏冬但個烏冬好滑就算飽 我地都食哂🤣🤣5♥️/5🔹🔹🔹🔹🔹🔹🔹🔹🔹🔹🔹🔹🔹🔹仲追加左一份葛絲超大份👍🏻因為唔知原來拼盤到都有搞到食唔哂4.5♥️/5🔹🔹🔹🔹🔹🔹🔹🔹🔹🔹🔹🔹🔹🔹飲品我地叫左 提子汽水同抹茶 😋👍🏻總括黎講係幾抵食 野食都份量好夠兩個人食今次未食到和牛刺身唔係到到有😱😱見到隔離兩枱都有食下次要試下😆

價錢親民嘅日式小店，主打壽喜燒套餐，香港食壽喜燒通常都好貴，但呢間價錢親民得嚟質素都幾好，而且服務貼心，值得支持~🔘SRF美國和牛封門柳 壽喜燒套餐 $288店員會先以京蔥同豬油開鑊，然後示範一兩片，跟住就要自己動手，店員好好幫我調細咗個火，操作簡單唔會燒燶黐底，封門柳肉質軟腍，牛味極濃，個壽喜燒醬汁好夠味，點埋生雞蛋食仲正!!燒完牛肉可以自己加湯變做火鍋食菜，野菜拼盤種類多元化，仲有非常吸湯嘅粗粉絲~🔘追加 美國安格斯牛板腱 $88因為野菜拼盤份量都幾多，兩個人食嘅話追加多一碟肉就啱啱好，不嬲都鍾意食牛板腱呢個部位，性價比高，脂肪較少，有咬口，留咗幾片用嚟打邊爐，一樣咁好味!! 🔘吉列豬扒烏冬 $88揀咗傳統日式清湯，幾清甜嘅湯底，加咗好多櫻花蝦，鮮味出晒嚟，吉豬半肥瘦，肉質鬆軟，睇得出又食得到嘅juicy口感，幾有驚喜!! 🔘蘋果汁 $16🔘葡萄汁 $16兩款來自日本神戶嘅果汁，寫明100%果汁，果味香濃好飲~

八不🇯🇵日式小店都提供到專人烹調壽喜燒嘅服務 坐定定就可以食到煮得啱啱好嘅靚牛🐄﹎﹎﹎﹎﹎﹎﹎﹎﹎﹎﹎﹎﹎﹎/壽喜燒套餐 $288/店員推薦SRF美國🇺🇸和牛封門柳🐄部位唔太肥 但入口軟腍 牛味濃郁店員好細心烹調教食客點煮 先用牛油起鑊再倒上少少壽喜燒汁煎牛肉薄片 鹹甜味道再點埋蛋汁好滑嫩💦最後用鍋煮埋豐富嘅野菜拼盤🥬索晒湯汁精華好入味 二個人食就啱啱好🫶🏻最索汁係葛粉類似粉絲薯粉好煙韌/吉列西班牙豬扒烏冬🐖 $88/好足料大份嘅炸豬扒 配上彈牙烏冬🍜/吉列廣島蠔🦪 $78/好飽滿嘅蠔咬開爆汁 有4舊大大隻 炸得好鬆軟而入面好juicy🌊﹎﹎﹎﹎﹎﹎﹎﹎﹎﹎﹎﹎﹎﹎﹎﹎

今次去咗太子食八不呢間別緻既和風餐廳，我同友人叫咗佢哋嘅壽喜燒套餐，真係唔錯啵！尤其係呢度嘅A5黑毛和牛西冷壽喜燒鍋，加埋啲新鮮嘅野菜拼盤，好食又健康，真係一舉兩得！🐮日本A5黑毛和牛西冷壽喜燒鍋A5和牛肉質鮮嫩軟綿綿，咬落去有一種融化嘅感覺，仲有淡淡嘅油香，唔錯！唔止肉質好，壽喜燒嘅醬汁都恰到好處，唔會過咸，又有啲微微嘅甜味。食到後期可加清湯同啲新鮮蔬菜例如南瓜、娃娃菜、金菇、鮮冬菇、紅蘿蔔，娟豆腐、冬粉一齊煮，令整個鍋更加清甜，層次更豐富。🐷千層吉列豚赤麵赤麵即蕎麥麵帶有啲微微彈牙口感，師傅處理麵條時間岩岩好，傳統赤湯鏗魚湯味香甜，灑上櫻花蝦令湯頭更香。千層吉列豚係香港唔多餐廳有既一道日式餐點，所以友人專程黎呢度點呢個，吉列炸粉做得唔錯，影完相慢慢食仲保持到鬆脆，千層豚中間肥瘦均勻，有啲類似薯仔嘅質地，帶少少油脂食落更香口，配埋啲麵條嘅湯汁，岩岩好夠balance！呢間日本餐廳嘅壽喜燒套餐真係好正，特別係啲A5黑毛和牛西冷壽喜燒鍋，好嫩好juicy，加埋啲新鮮嘅野菜拼盤，感覺健康唔少。千層吉列豚赤麵都係必試嘅，食得太多普通既吉列豚，黎試下特別嘅千層豚都無妨😋