八不·壽喜燒

營業中

休息中

係壽喜燒( ´▽｀)唔駛加一 環境好乾淨有feel 而且有平肉嘅選擇 可以fulfill各種需要▫️ 日本A5黑毛和牛 [$368]壽喜燒套餐~包咗個靚同滿滿的野菜拼盤 一隻生雞蛋;3 店員會示範煮一次先 之後見你唔夠壽喜燒汁會再加俾你推介日本A5🐮肉質靚 粉嫩色 好睇又好食 份量都夠 加埋菜同粉絲好amazing🥹❤️▫️肉香の追求-SRF美國和牛封門柳 [$288]價錢低啲 顏色冇咁靚但絕對係高性價比嘅選擇✨肉質夠稔唔會韌 有肉香!!!!呢間真心高性價比( ´▽｀)葛絲好！好！食！追加咗但不後悔 吸晒壽喜燒汁同蛋汁好crazy!!!😍

約咗朋友出旺角睇戲,時間尚早,係附近見到一間叫(八不),個名都幾特別,原來係食日本美食。全店走日系風,木系裝修,環境氣氛都唔錯,感覺舒服。日本青絲海蜇(冷)青瓜絲切得幼細,海蜇爽口,大量櫻花蝦,加埋芝麻醬,擺盤吸引又好味。八不烏冬(傳統日式清湯)三款湯底任你揀,有傳統日式清湯/日式沙嗲湯/日式辛辣湯。我就揀咗傳統日式清湯,鐘意佢湯底鮮甜。烏冬爽口滑溜,有香葱、昆布和櫻花蝦,腐皮索咗D湯,好好食。八不刺身拼盤拼盤有四款刺身,每款有四件,北寄貝、三文魚、八爪魚和文甲魷魚,鍾意食文甲魷魚鮮甜又爽口。焗日本蠔(二本)焗蠔上枱熱辣辣,大大隻蠔.好飽滿的,連埋芝士一齊焗,咬開有大量汁流出,特別好味。

放假當然係同男朋友食餐好啦😋訓醒第一餐就嚟食sukiyaki 都咪話唔得戚。但係呢間小店，裝修簡單但又充滿濃濃日本氣息，最重要嘅係佢個和牛sukiyaki 一啲都唔貴。我地兩個人叫左一個和牛封門柳套餐，個set包左一份野菜盤，個野菜盤原來有薯粉跟左，我唔知道仲加多左個烏冬添。另外仲有一隻日本蛋俾你沾牛肉食。檯面放左一支壽喜燒汁，一支清湯，一切份量由你決定。呢份美國封門柳啲顏色都幾靚，有晒雪花咁。煎兩煎就食得，好香牛味同埋好林。另外我仲加左稀有雪室和牛肉眼一片，呢片就真係有雪花，好靚。薄薄咁又係煎一煎就食得，再沾埋蛋漿真係超滿足。食完晒啲肉，個汁就係精華。加左啲高湯落去煮菜之外，最重要係煮烏冬同薯粉。個薯粉嚟晒味，甜甜地又有小小牛味，好鬼正。而佢個烏冬係本身熟左，落去加熱就食得，我地仲倒埋啲沾剩嘅蛋漿落去添。另外我地仲叫左個小食，吉列千層豚，佢呢個都幾有心機，一層層豬肉中間都係怖滿沙律醬，甜甜酸酸幾好食。兩個人呢個份量其實岩岩好。最想讚嘅係呢度個職員真係超級無敵有禮貌，成餐飯好主動幫你加湯加茶，你係感受到佢帶俾你嘅服務，真係好似去左日本咁。

🔸 蒲燒海鰻 $88 / 3蒲燒鰻魚肉厚肥美，醬汁好濃郁，魚皮燒得焦脆香口，有3大件，可以食得十分飽足。味道：8/10性價比：7/10 🔸 吉列廣島蠔 $78/4本 焗日本蠔 $58/ 1本 即叫即炸香噴噴 熱辣辣，脆粉做得好鬆化，有4大隻正宗 廣島肥美多汁嘅生蠔，外脆內嫩，咬落爆汁，講真，食咗4隻已經好飽。焗生蠔估計都喺用大大隻嘅日本生蠔，由於經過焗製必定稍為縮細，做法都係傳統用芝士餔面焗，出盤在焗蠔下墊住一大堆海鹽，這堆海鹽應特別製過，沾一點已經好咸，應只是用來裝飾的。味道：7/10性價比：7/10🔸 吉列池魚片 $78/ 4本炸魚片將池魚炸得相當透，完全無池魚腥味，返倒做到有魚乾嘅美味，食落超香口。因為這間日本料理配有高質岩鹽，灑點岩鹽在炸池魚面一起食，十分惹味，根本毋須沾配上嘅沙律醬，已經好好味。味道：7/10性價比：7/10🔸 八不 牛盛烏冬 $98喺用傳統日式清湯，烏冬係用稻庭烏冬，做得好爽滑，配料有櫻花蝦、海帶、蟹柳片 同埋一啲香蔥絲，畀得好多牛肉，係薄切嘅牛展肉，有牛肉嘅鮮甜味。 整體係清淡嘅，食落幾舒服🤩味道：7/10性價比：7/10🗣毋須加一服務費-人均

一直都好鐘意食壽喜燒，今次搵到間唔貴但又好食嘅！裝修仲幾靚試左個壽喜燒二人餐($488)，有美國頂級prime牛板腱2碟共200g 、美國極黑豚100g 、吉列西班牙豬扒、名古屋粟米、野菜盤同兩罐果汁一開始店員會幫手整左個壽喜燒汁黎食哂啲肉先，之後再加湯食埋啲菜！牛板腱姐係牛肩胛骨上的肉，肉質幾細嫩而且脂肪比例分布均勻，有咬口肉味都夠濃！壽喜燒汁香甜濃郁，牛肉吸晒啲味再沾蛋汁好惹味至於個豬口感幾好，唔會太硬亦不會太軟，油花均勻適中個吉列西班牙豬扒肉質好鬆軟，炸粉唔會太厚入口酥脆另外個名古屋粟米好驚喜，粟米香甜再配炸蒜同葱，入口又香又好食，都好少機會咁食最後加湯煮啲蔬菜，有南瓜、豆腐、金菇、蘿蔔、娃娃菜、白菜等等。蔬菜類吸哂咁甜嘅湯好正飲品係日本嘅蘋果汁，清甜得黎味道唔會好假依間真係幾抵食，依個價錢食到壽喜燒，仲要有其他嘢試，好滿足！

八不是一間小小的日式餐廳，鄰近太子地鐵站，位置很方便，大約有4-5張枱。主打食壽喜燒，也有提供其他和食，清酒煮蜆，天婦羅，吉列豬扒烏冬等等。專誠去試吃他的壽喜燒，選了三款牛肉：美國SRF 封門柳 （跟餐，有蔬菜籃）$268澳州M8+和牛西冷蓋 $168美國安格斯Prime頂級牛板腱 $88三款牛肉都很新鮮，質量很好，各有唔同特色。SRF 封門柳相比另外兩種，冇咁肥，牛味較重，切得比較厚身。澳洲和牛西冷，油脂比較多，油花均勻。我自己最喜歡安格斯牛板腱，一大片，切得很薄，兩面煎幾秒鐘已經可以食，我覺得呢一種肉很適合壽喜燒。面積大可以吸收壽喜燒汁，而且入口即化。餐廳的壽喜燒汁調校得味道很適中，不會過甜，蔬菜籃的蔬菜也很新鮮。先係壽喜燒，然後加清湯放入蔬菜和剩下的牛肉，吃一個日式雜錦窩。

唔好好介紹呢間餐廳真係唔得，食物質素好之餘老闆勁好人，我哋泊左架車係出面所以坐近門口位，老闆知道仲突登將門口個廉拉高一邊方便我哋睇仲調埋冷氣，真係好細心👍🏻👍🏻👍🏻👍🏻日本A5黑毛和牛壽喜燒套餐$368呢到個壽喜燒一啲都唔hea , 店員會教你先用牛脂再放京蔥再放醬汁一齊煎香左先，跟住就可以一片片放牛落去，煎一煎，一陣就可以，唔好over cook ,再沾個蛋汁，正！食哂牛就可以加多啲湯放蔬菜配料一齊煮，個日本葛絲索哂精華湯汁，冇得輸👍🏻吉列千層豚$80咬落去外層脆，入面一層一層應該每層都夾左芝士，沾埋個sauce,邪惡到極吉列車海老赤面（轉左辛辣湯）$98黎到先知赤面=蕎麥麵，諗住試新野🤣果2隻炸蝦🍤size 都唔少，脆口唔會淋吱吱

昨天同家人去太子，沿途行經一間日式設計既餐廳，見到門面都幾吸引，咁就入去品嚐一下依家既日式火鍋啦！餐廳內全係日式設計，裝潢以木系為主，環境舒適，好似自己置身於日本一樣，感覺清幽雅致！睇睇餐牌先，主打吉列系列、和牛壽喜燒、手打稻庭烏冬，亦有好多炸物、蕎麥麵、日本飲品等，選擇款式很不錯。吉列廣島蠔烏冬    $98烏冬配炸物覺得最佳組合，確係自己既心水啦！依碟有3隻廣島蠔，薄薄嘅炸粉，唔會太厚，食起嚟外脆內軟，蠔味濃郁、好多汁，沾上蛋黃醬更惹味  ;  炸蠔與稻庭烏冬很配，口感煙煙韌韌，彈牙爽口，滑嘟嘟，帶啖啖麵粉香。湯底有3款選擇 : 日式傳統清湯、日式沙嗲湯、日式辛辣湯，我揀咗日式傳統清湯，淡淡木魚香氣散發出來，昆布味道突出，櫻花蝦鹹鮮爽口，湯底飮落清甜，兩樣都好夾。           吉列車海老烏冬    $98另一款都係炸物，薄薄粉漿，炸至金黃既吉列蝦，外脆內軟，蝦味香濃，肉質爽嫩彈牙，烏冬食起嚟都係咁煙韌，爽口滑身，呢碗既湯底係日式沙嗲湯，雖然沙嗲唔係港式茶餐廳味道，但別有一番滋味~    蒲燒海鰻    $88外層燒烤到十分焦香，口感脆脆，無魚骨啖啖肉，可放心食用，醬油味夠出

ෆ八不ෆ 今日試咗間烏冬好出色嘅餐廳💖必須同大家講下佢哋嘅烏冬真係好正✨首推嘅就係傳統日式嘅清湯蔥香安格斯牛肉烏冬🥩🍜牛肉滑嫩 湯底又濃又香 正～仲有日式沙嗲湯嘅日煮豚腩烏冬就睇落都好吸引🫶🏻味道更加一流！🥹豬腩煮得軟腍入味 配上醬汁令到個味道更加加咗分🔥佢哋嘅烏冬好彈牙 非常出色🍜✨餐廳裝修好有特色 好有日本嘅感覺全間舖頭都好多貓貓擺設 係魔女宅急便主題⚡️嘢食好味 又勁多打卡位☘️ෆ八不ෆ 太子大南街52號地舖#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先

服務超好平價壽喜燒🥰：📍八不今日同朋友一齊食一間喺旺角平價都幾高嘅壽喜燒舖頭，體驗一流！我哋嗌咗個A五和牛套餐，今次係我第一次食壽喜燒，店主都好細心咁教我哋點樣食先係最好☺️而主角和牛都好鮮味，每一片都好薄片，但牛嘅味都好突出。而套餐亦附送蔬菜籃，一路食肉同蔬菜，啱晒一眾女士☺️食壽喜燒當然唔少得烏冬，烏冬好煙韌，撈埋啲壽喜燒醬一流☺️舖頭仲設有午市set,雖然冇壽喜燒set食，但都好吸引，同埋好抵食！

今日同朋友行經太子大南街，見到八不這間店，就走入去食日本菜，我地叫左幾款菜。日本青絲海蜇$78大大碗的青絲海蜇入面有海蜇、昆布、青瓜絲和櫻花蝦，醬汁內加左D醋和麻油，好新鮮。在餐前食左這個菜，好開胃。 八不烏冬$58我地揀左傳統日式清湯，湯底好清甜惹味，碗內加左好多櫻花蝦，好有鲜味，再加埋昆布和蛋絲，烏冬好滑，有咬口，粗幼適中，真是好味。 八不刺身拼盤$208 有三文魚、魷魚、北寄貝和八爪魚，每款有4件，每件都大大件，很新鲜，很有光澤，很美味。 焗日本蠔(二本)$98我地都好鍾意食蠔，揀左焗日本蠔，有濃濃新鲜的蠔味，唔會比蒜蓉芝士遮住，好吸引。 日本Tominaga神户100％蘋果汁$16來自日本神户的果汁，果味香濃，非常好飲。

揀左個「日本A5和牛」餐包埋個日式蔬菜盤架呢款係牛雪花特別靚一入口係軟淋淋即溶係真係有日本的味道點埋日本蛋汁真係想即飛日本太好食，追加埋 「A5日本十勝和牛」呢款一樣雪花靚 但主要唔同係牛味重啲味道配左壽喜燒嘅汁 係唔會有得輸架囉食得Sukiyaki ~ 個汁真係好重要呢個剛剛好嘅 唔會太咸最後落埋烏冬 係超級無敵飽個蔬菜盤都有好多嘢金菇娃娃菜 南瓜葛粉 冬菇全部都好新鮮 正嘅罐神戶提子汁真係估你唔到好好飲不過就要$16囉

太子食好野，今次介紹返太子必食日本🇯🇵烏冬專門店——八不🍜🇯🇵首先一提呢度服務態度很不錯，餐廳侍應服務好，餐廳進食的氣氛自然也會舒適。鍾意呢度裝潢，帶有日式風格，就連一桌一椅也有其獨特風格，鍾意無處不在的貓貓🐱玩偶擺設，也令喜歡貓貓的貓奴為之興奮，打卡好看。美食方面，烏冬為主，呢度既烏冬面實屬出色，仲有小食都不錯，仲有日本刺身也可以選擇，不折不扣的日本餐廳。我們點左好多好野食🍽️：前菜： 1. 八不柚子大根（蘿蔔）$22，超級爽脆，研製入味，送烏冬的開胃小食，我很喜歡，必食之選。2. 日本🇯🇵青絲海蜇🪼$78， 海蜇爽脆，撈埋青瓜🥒絲蘿蔔絲，口味清新開胃之選。3. 挪威🇳🇴三文魚刺身8片 $78， 厚切新鮮，口感正宗三文魚，刺身也是推薦的。兩碗主食烏冬：1. 日本A5 黑毛和牛刺身烏冬 $198， 選擇左傳統日式清湯，可以好好品嚐和牛的鮮味，和牛刺身可以就咁食，也可以襯熱湯撈落烏冬度，味道👅鮮嫩，值得一試。2. 八不牛盛烏冬 $98， 呢個都係好多人選擇的牛肉烏冬，牛肉都主打點半生熟口感，份量也多。食物擺盤同賣相都不錯，岩曬喜歡打卡食美食的朋友仔，下次來太子又有多個選擇了。

這裡裝修風格超級可愛，好多宮崎駿貓貓🐈‍⬛，筷子座仲要係富士山🗻食物好味又唔貴，經過太子一定要試下！✅澳洲和牛壽喜燒套餐（必吃招牌菜）牛肉好多選擇，我地呢個已經係第二平選擇，有多啲預算可以叫日本和牛，平啲可以選擇美國牛。倒少少壽喜燒汁滾熟超美味的和牛肉片後，可以加入高湯煮野菜盛，內有粉絲，清清淡淡的，帶出食材滋味✅慢煮鮑魚陪清湯烏冬鮑魚煮得剛好又入味，烏冬彈牙滑溜👍一共三款湯底可選，我們十分滿意這個請湯底❤️✅芝士焗蠔混入了沙拉醬得芝士，配合蠔肉，很讚喔😍✅有氣葡萄汁🍇夏日炎炎，當然要叫啲解渴飲品，呢隻日本直送嘅提子汁，有啲氣泡，🫧喝得特別爽！

太子搵到間好日式既壽喜燒餐廳鋪面冇咩特別，但入到餐廳好驚喜全日式裝修，座位同餐具都非常日本風令我最驚喜連餐廳牆身都佈滿日式既佈置餐廳有好多唔同牛肉選擇可以根據唔同地方唔同級數選擇最後揀左澳洲M8+和牛（西冷）壽喜燒餐有埋野菜盤除左新鮮蔬菜仲有粉絲，份量適合兩個女仔食，所以其實都加左烏冬同加碟牛都好夠首先餐廳既侍應會幫你起爐，會用洋蔥大蔥燒香左個煲然後因自己喜好，加壽喜燒汁好鐘意佢成set，燒個陣啲汁唔會周圍彈食哂就可以加清湯，打邊爐食埋個野菜鍋野菜盤份量都多，夠哂兩個人食最後我地另外叫左個吉列千層豚我覺得好值得一試，因為佢口感好特別同一般吉列豬扒好唔同，再鬆軟啲而且夾住芝士，好香口整體氣氛好，鍋物質素都好不錯