億饍 (已結業)

呢間餐廳地方不大, 但裝修幾舒服, 有好多綠色為主的裝飾,坐位夠大, 所以整體黎講好舒服.叫左個牛扒餐, 前面有包, 係醬料比較特別小小, 包偏軟身, 算幾好食.牛扒夠香,夠大件, 有鎖肉汁, 不過無飯/意/薯去送, 只食肉有點濟的感覺,但牛拱煮得好好, 岩岩好7成左右無多無少, 肉質都唔會過硬,放置都比較精美. 旁邊有小小醬汁供客人點, 還算ok,但如果有自家制既醬會更好!甜品係最為特別的, 入面朱古力為主, 帶小小果仁的感覺,味道 偏甜, 用杯仔裝住好得意~整體服務水準算不錯, 環境都清新優雅.

今晚同2位朋友去食飯，1個話想食泰國菜，1個又話想食越南菜，咁啱又搵到億膳，呢間餐廳兩種菜式都有得食，仲要有埋中菜呀！咁我地就叫左泰式火車頭河，不錯，好足料，加6串豬牛雞串燒，我地大家都覺得牛串係最好食👍🏻，豬串同雞串都Ok的，叫左一份越式拼盤，都幾大份，最後叫左個芒果糯米飯，不過個呢個就麻麻地，芒果個味好奇怪，完全唔係平時食開既芒果，好似好生既芒果，未熟咁，有位朋友話似洗潔精味，笑左🤣，億膳既泰菜同越菜都不錯👍，係甜品差左少少

呢排天氣熱到反白眼，突然間好想飲椰青消消暑，見呢間幾新淨，都吾念咁多，坐低嘆下冷氣先~~~主菜價錢吾貴，粉面$50~$70飯都係below $100椰青算大隻，好清甜有好多椰子肉，超解渴!!!!!!蒜茸包，有5件，厚身，好多蒜茸，軟身微脆蒜茸份量適中~~~~~原隻菠蘿炒飯，多肉鬆，多菠蘿，飯粒粒分明~~~~原條明爐烏頭，好大條，魚肉質好滑，吾算多骨，配粒有豬肉鬆，蕃茄，薯仔，椰菜付有醬汁，甜甜地好好味!!!!!食物環境十分滿意，價錢超值~~~~

同男朋友行完街，樓下阿姐派傳單，俾佢拉左入去，見到食評都ok ,一試無妨地方都幾舒服天時熱，冷氣吾會好凍，岩岩好小食選擇好多，仲有好多酒精及無酒精飲品一坐低咩都吾理，叫左杯龍眼冰好正，冰份量岩岩好，飲到尾都吾會太淡但又吾會太甜，好快飲晒，叫左2杯生蝦好新鮮，好彈牙，生蝦汁好正，真係想自己一個人食晒牛油果軟殻蟹卷，好勁，一d都吾油，軟穀蟹好鬆化，好好味串燒，豬牛雞，好平，$15-$18 一串比較普通，吾會太熟，燒得吾錯馬拉盞通菜，幾新鮮，菜好爽，好夠味整體環境地點都吾錯，又多個選擇

星期日放假一早同男朋友去旺角百老匯戲院睇早場 睇完戲大約接近一點鐘左右 個肚都已經有啲餓 於是決定去附近搵間餐廳醫下肚 最後去咗譽發廣場4樓東南亞餐廳"億饍" 我叫左雞扒撈檬($45)， 我想講超大碗枱面有而家好興既 燈泡 入面裝著特製魚露 好搶眼好靚😍😍 酸酸甜甜好開胃 上面仲有好多配菜 有花生 青瓜絲 椰菜絲 等等我仲叫左個椰青 我想講 勁大粒勁甜 好消暑又解渴 仲刮哂成個椰青既椰青肉 勁飽囉🤣我男朋友就叫左個黑松露野菌伊麵 ($45)呢個黑松露炆伊麵真係世界級 冇諗過平時就食乾燒伊麵 原來配上西式黑松露咁好食😭😭我可以講全香港真好食既炆伊麵就係到😍😍😍又唔貴喎我會再黎食下晚餐架一定🤗🤗

聽落有少少似中菜名嘅餐廳，但係佢英文又叫Multi Taste， 意思即係話有多款不同的口味。難怪億=數字計算上的億。代表着有成千上萬種不同的菜式。首先點了越南風格的粉，炭燒豬頸肉撈檬＄62朋友食嘅燒豬頸肉油脂出眾，燒得香口，只是認真看色水已經高下立見，感覺不錯。生熟牛肉湯檬＄55我的粉就包括了生熟牛肉，熟牛肉是經過醃制的，所以脂肪都變成透明， 十分入味。當中生牛肉放在湯裏一會兒就熟了，口感很好有點像高級的打邊爐牛肉。檬粉普普通通，都爽口。之後到中國風的食品豬肺排骨海府竹燉湯＄55飲落已經覺得非常足料，味道香濃之餘又唔係味精嘅味道，係真係有好多豬肺補品，可以清熱又潤肺，以形補形。如果一個人飲唔到好多湯嘅話兩個人一齊飲都可以啦！椰汁紅豆冰＄30朋友杯紅豆冰用咗好似西餐飲酒嘅杯，份量比較細但係賣相唔錯。牛油芝士焗開邊龍蝦＄120雖然呢個價錢知道唔係新鮮龍蝦，但係其實就算冰鮮龍蝦來貨價一樣貴，出去食一定好過自己整，自己整反而有機會浪費左個龍蝦⋯又有味道同埋芝士嘅味道都係好濃郁，兩款味道配搭起來相得益彰，龍蝦仍能保持鮮味。桂花BB鴿＄88乳鴿又係好有中菜嘅感覺，外皮烤得非常香脆，乳鴿味道都好香

平時同爸爸媽媽出街食飯，好多時都係去食中菜，於是今晚黎咗間有中/泰/越菜嘅餐廳，諗住等兩老有多啲選擇，點知到最後其實都係食中菜不過其實食咩都唔緊要，最緊要係一家人齊齊整整坐埋一齊食飯一上到餐廳坐低，媽媽見到呢個套餐就話幾抵食於是就叫咗翡翠炒斑球配安格斯牛柳粒。跟住仲叫咗個鹹魚蒸肉餅，加＄50可以加埋龍蝦！跟住媽媽話呢度啲燉湯＄55都幾抵，於是又叫咗兩兜燉湯，等大家都滋潤下。先來椰子烏雞排骨燉湯 ，一兜份量唔少，裝出來飲都有成兩碗，而且個湯真材實料，椰子味香濃，仲有好多煲到淋哂嘅湯渣！第二個湯係豬肺排骨萬壽果燉湯，呢個湯個味道清淡小小，飲落好潤，湯料有好多豬肺，洗得夠晒乾淨，唔會有一陣豬羶味飲完湯就到食餸炒牛柳粒味道濃郁，肉質嫰滑，送飯一流！我就最欣賞呢碟炒班球大大件的班球魚味鮮，啖啖肉，而且肉質結實；西芹同西蘭花就炒得好爽脆蒸肉餅加龍蝦賣相唔錯，不過個肉餅同龍蝦好似冇乜關係咁咸魚肉餅彈牙飽滿，充滿肉汁，不過味道稍為偏咸，又係送飯一流！我哋嗰晚一人食咗一碗飯啊肉餅雖然無龍蝦嘅味道，不過啖啖肉嘅龍蝦的確係幾鮮味好食

今日收工過咗去旺角買嘢，之後就喺附近搵嘢食，見到路旁有塊黑板，寫住有東南亞嘢食。天時暑熱，一於食啲酸酸辣辣嘅嘢，會比較開胃啲。上到去發現餐廳好新淨，雖然樓下係商業大厦咁嘅門面，但上到來都幾熱閙。呢度果然係餐廳同酒吧融合於一身，開放式嘅水吧放滿酒杯同埋酒。剛剛行街行到身水身汗，即刻叫個冰涼嘅椰青解下渴！冰涷嘅椰清水好香，帶少少甜味，飲幾啖即刻舒服晒好！睇下食乜先，呢度的食物選擇超級多，有泰國嘢、有燉湯、有海鮮、有越式粉麵等等，真係花多眼亂啊（其實可以食套餐，好扺食，不過我哋硬係又覺得唔係好啱食）諗咗一輪，我哋今晚決定食泰國嘢！先黎個生蝦刺身，一份有八隻，每隻都好大隻，蝦肉新鮮，爽口彈牙，味道好鮮甜，食得辣嘅話，點埋嗰啲酸辣汁食真係冇得頂！不過嗰啲酸辣汁真係幾辣，好在有個椰青幫手解辣小食我地點左蝦餅，味道唔錯，不過如果厚身啲個口感會更加好跟住我哋仲有個香草安格斯牛柳粒：牛柳粒嘅份量好多，牛味都幾濃郁，而且味道有少少酸甜，幾開胃的。除咗牛柳粒，碟餸仲有好多青椒紅椒，顏色好豐富，仲好健康主食點左原個菠蘿炒飯：個菠蘿炒飯賣相好好，餐廳仲提供咗把刀，好似我哋咁鍾意食菠蘿嘅人，就梗係切多啲菠蘿肉撈埋

食店服務員態度非常惡劣，於指定時間到達，有多張四人枱，但他會指定你坐近門口的四人枱，不准換枱原因不知所謂我到達時間為7:30pm，我想坐某張4人枱，服務員居然話"你坐果張枱都得，你8點還返張枱比我" <-- 嘩... 我聽完簡直覺得佢趕客，他們用這態度對待客人的!!服務員帶位後，任由你坐下又不理你，不會為你開茶，環境非常嘈吵，油煙味嚴重，食完一餐飯感覺全身都很臭味道非常一般，從來未飲過咁難飲的青檸疏打，性價比亦超低, 一定不會再光顧

融合茶我聽得多，但又真的沒嘗試過 因為抱住傳統觀感，主打一式的餐廳一定比同時有幾種國家菜的餐廳較為優秀 但今天我想去嘗試一家新餐廳，主打中，泰， 越的餐廳，看看味道如何。經過打聽，老闆好像是比較年輕的一代 餐廳環境風味十足，近窗邊位更可看到風景 。因為當天有點肚餓，所以就點了很多食物 。首先有，柚子鮮蝦沙律，和其他餐廳不一樣，他是採用整大片抽子，十分揼本，滿口都是柚子香。然後雞豬牛串燒也十分岀色！很地道！加上特色馬來西亞醬汁，味道更加鮮味！個人推介雞和牛，雞香肉滑，而牛則重牛味。再叫上干扁四季豆，很野味也十分正宗，我自問吃了不少四川菜，水平都十分接近，抵讚 ！再有滷水BB鴿，和平常吃的燒乳鴿不一樣，這是滷水煮的，有著不同的風味，煮得很入味，個人十分喜歡。到招牌菜，芝士蒸肉餅！ 聽落去很荒謬，但真的10分美味，怪不得要列入必食之選！ 重點肉餅不會太鹹，味道啱啱好 。總括而言，這家新式餐廳，有膽量有實力，抵讚 10分推介芝士蒸肉餅。

難得的早放，梗係要食個tea 輕鬆下。同朋友行左一陣，決定食早式tea.上到去，餐廳好特別，有室外室內，仲有電視睇，好似話仲有波睇，簡直係中意睇波ge 人福音！我地睇左一陣menu,決定食好點。翡翠炒斑球-西芹做底，炒得好香 唔會太油，主角係斑球，每塊都好大塊而家好厚身，足足有成10件咁多，剩食魚都滿足。魚肉新鮮有咬口而且味道惹味但唔會太濃。香草安格斯牛粒-呢款每天都唔同，由於當天是星期四所以預設左牛柳粒。份量又係唔小，粒粒都咁大，勁juicy,唔會過硬，配菜有青椒紅椒，食起上尼更香口更好味。油飯-通常食白飯多，但見呢間有油飯，就試下，果然係香好多，配埋d 餸，真係想食多碗。泰國椰青-好清甜夠哂凍，飲落去好舒服，balance 番惹味ge 餸菜。呢間係out of expectation 咁好食，已經拿拿聲同屋企人book 定下星期encore.

收工之後去咗旺角行街，諗住食小小野，然後直接去睇戲，再次黎到旺角譽發廣場4樓ge‘億饍’。已經第二次黎啦，真心覺得好食同埋價錢唔貴，平時系附近行開的話ge一個好選擇！！距呢度ge食物種類都幾多，但今日就麻麻肚餓，所以我同朋友就叫咗：生蝦刺身（$98）生蝦系我食東南亞菜必點ge菜式之一!!今次當然都唔例外啦,依然系用呢個價錢就食到咁多只生蝦真系幾抵!而且蝦肉扎實彈牙之餘,重點真係在於距個醬汁,青檸同魚露味比較出,點生蝦一流!軟殼蟹牛油果卷($78)如果生蝦系東南亞菜必點的話,呢個軟殼蟹牛油果卷就係我黎‘億饍’ge必點之一!呢度個軟殼蟹米紙卷真係好出色.軟糯ge米紙包住,熱辣辣新鮮炸ge軟殼蟹,軟殼蟹ge size仲要都有咁上下,炸得金黃香脆可口,正!串燒沙爹雞肉($15/1串)+安格斯牛肉($18/1串)呢度個串燒都系唔錯ge!雞肉嫩滑,唔會燒到干真真,而且距個沙爹汁好味,有d花生味系入面,不過都係小小,唔會好濃,而距個牛肉串燒都係,牛肉都係淋,唔鞋,而且都有牛肉味,點埋距個醬食就啱啱好啦~香芒腰果泰式炒飯($88)炒得都幾香口個飯,粒粒分明ge飯粒,入面有d蛋,蔥花等,所以比較香,而且

心血來朝想飲越南咖啡所以一心諗住去食越南野，睇到餐牌先知原來仲有泰式同中式菜。竟然仲有好幾款唔同嘅燉湯。餐廳唔大，但座位好舒服，乾淨整齊服務態度好已加左分。餐牌上的食物都好吸引，我地三個人叫左五樣食物，另再加三杯飲品，食到飽一飽都唔洗六百蚊除左食物唔差，拒嘅越南咖啡都好值得推介。其實整體上都幾好，係有一樣野奇怪不過唔知點解個椰青入面啲肉無晒，朋友擔心是否循環再用無論環境，服務，食物，價錢都值得再去

第一次試依間，有book檯，19:30到即可入座。餐廳環境好好，坐入d 傾計都幾好。生蝦刺身-新鮮、大隻（19:30已剩最後一碟，手快有手慢冇）冬陰公湯（有蝦、細帶子粒、雜菇）辣度分小、中、大辣；可以分4大碗；炸蝦餅-熱辣辣 份量多，好好味😋串燒 （一牛一雞）建議食牛比較好味咖哩牛根腩- 好味！如果多d薯仔、再辣d 就好; 送飯一流！最後值得一提,happy hour7折至2100好抵飲本menu仲有好多想食架，下次會再去試埋其他！總結：店員好、落單快又準、食物又有質素！值得推介

想一次過吃畢泰、越、廣東等菜式，來到億鱔一定能滿足我們的需求。翻開琳琅滿目的餐牌，我們點了不少美味的菜式。豬肉鮮蝦米紙卷($45)平時對泰國菜的印象，無非是辛辣、濃味，這份米紙卷卻是另一番享受。先將鮮蝦，泰式豬頸肉和生菜用米紙包裹著，蘸上一點特制的醬汁一起吃，味道非常清新。蝦的鮮甜味；豬頸肉的香口和菜的清新味道，非常特別可口。龍蝦酸辣湯($82)說到東南亞的菜式，冬蔭功和菠蘿炒飯作其代表可當之無愧，這次我們也各點了一份。在泰文中，"冬"就是煲；"蔭"解作各種香料；而"功"就是蝦，這次是龍蝦！而這奉上來的冬蔭功，在"冬"底下還點著火，為其溫熱。當湯滾燙時，香濃的酸辣味撲鼻而來，即時令我垂涎三尺食指大動。酸酸辣辣的味道不會太搶，反而更令人覺得好吃。而大大塊的龍蝦吸取了湯的酸辣味，至於龍蝦本身的鮮甜味加上肉身的爽彈質感正正是這最精彩之處！海南雞半隻($120)愛雞的我不得不點海南雞，這個海南雞是半隻的份量，但雞件挺大，油份適中。肉質亦是嫩口，值得一試。原個菠蘿炒飯($98)簡簡單單反而最吸引，菠蘿味道酸酸甜甜，令人開胃，用上原隻菠蘿盛起炒飯，賣相相當吸引。在炒飯上有些海鮮，例如蝦和魷魚等一併