億饍 (已結業)

星期六竟然要開工，不過好彩係返半晝，所以一返完就要去搵好嘢食，醫下個肚同埋心情啦！呢間餐廳位於油麻地地鐵站附近，好近我，雖然係午餐時間但係都座無虛席！佢嘅午市套餐都幾抵，有兩款，分左普通嘅午市套餐同埋午市商務套餐。我估最大分別係商務套餐嘅湯係滋陰燉湯，因為呢個湯材料好多，所以就係商務嘅套餐。商務套餐個價錢會多少少，但係計返都唔係爭好多。所以個人覺得，如果揀得岩個主菜，午市商務套餐較為抵！呢度嘅燉湯好似好出名，所以朋友就叫咗一盅黎試吓啦。呢一盅湯嘅材料真係好多，就嚟多過啲湯甘濟，飲落個湯好清甜，有茶樹菇嘅香味，又有元肉既甜味！因為想食撈檬，所以就叫咗個午市套餐，有湯、撈檬同埋飲品，都係50幾蚊。個米卷入邊有菜、扎肉、花生同埋粉絲。就咁食就冇乜味道，但係點埋個醬就唔同晒，鹹鹹地但又好fresh！第一次食香茅豬扒撈檬個豬扒係有咁多！！豬排啱啱炸起，仲係好熱，豬扒葉過，好入味。同埋好香香茅、蒜蓉嘅味道。檬粉撈左酸辣醬之後，食落好開胃。串燒我哋叫咗三款，包括有沙爹豬、沙爹雞同埋安格斯牛。呢三個肉都葉過嚟，有少少味道，肉質嫩，唔鞋。點埋個好似花生醬既串燒醬之後更為吸引、好味道。原盅椰青海鮮焗飯個椰

天氣轉冷，就開始想飲碗熱辣辣的燉湯暖下身子。和朋友說了這個要求，他就帶我到這間餐廳一試，說是燉湯一流，他自己都食過好幾次。那我就抱着期待的心情前去。這間餐廳位於油麻地譽發廣場4樓。一開升降機，已看到不少人客在用餐！幸好，還有一個二人座，所以很快便被安排入座。餐廳亦很用心佈置，雖然萬聖節過了，但亦有些少裝飾給人一個愉悅的感覺。餐廳坐擁一個小bar 枱和平台，還有一個大電視，得閒時和朋友在這裏chill下，感覺不錯。這裏的燉湯是每日限量供應，所以一坐下，我們立刻點了花膠烏雞香菇燉湯。這三樣材料都是我的最愛，在這個乾燥的秋天，這個燉湯一定非常滋陰補身。餐廳主要是越式菜和泰國菜為主，為了可以品嚐兩種菜，我們分別叫了兩國各有特色的小食，一個是越式的豬肉鮮蝦紙米卷，另一個是泰式香辣肉碎生菜包。主食就當然要叫個泰式炒飯，泰式原個菠蘿炒飯，這個一定是泰國菜的必食！花膠烏雞香菇燉湯＄88燉湯用了一個燉盅呈上，一打開蓋，已經聞到濃郁的香菇味。飲落口非常潤喉，沒有味精，花膠一片片的，很滑，有膠質。另外烏雞的味道亦都滲入湯汁中。這個湯是會有油的，但也是天然的雞油，很香，加上香菇味濃郁，滋潤的花膠，感覺一流。豬

呢個星期都食西餐多，係時候食返d亞洲菜式，呢度有🇨🇳廣東、🇹🇭泰國、🇻🇳越南菜，岩哂我口味。😏話甘快就諗好食乜。🦈純正原始上湯黑排翅 $115見呢度好多湯，都想飲下滋潤一番。但黑排翅唔係周圍有得食，一於試下。原盅上，翅既份量都幾多，翅絲完整、翅身厚實。食落口感軟糯，湯汁鮮美，湯頭飲落都幾順，用料唔差。🐂雪花肥牛粉絲醋鍋 $118雪花肥牛擺盤幾靚仔，油花較均勻，口感上柔軟、肥美。醋鍋真係第一次食，湯底滿滿醋味偏酸一點。但放左肥牛、粉絲、香茅、洋蔥，食落味道剛剛好，肥牛下面係一大堆粉絲，分量都幾多。🦀🥑軟殼蟹牛油果卷 $88薄薄既米紙卷柔糯，入面有火箭菜、牛油果、軟殻蟹。軟殼蟹外皮炸得脆脆，食落好鬆脆，配上泰式酸辣醬，味道更好食。 🥄香芒腰果泰式炒飯 $98上碟見到好多我愛食既腰果，炒飯入面有翠玉瓜、菇、芒果、蔥花、無鹽腰果、雞蛋，全部都愛食。無肉既炒飯令我更愛，起碼無甘油膩先。腰果香脆，因無鹽關係，食多左都唔覺過份😙。芒果鮮甜，如果芒果份量再多d就更好了。整體食物價錢貴左少少，不過味道方面都唔錯。員工亦好禮貌，服務周到👍🏻。

無想到旺角可以找到一間，不太多人、又方便、近地鐵站的餐廳！這家餐廳主打越南/泰式菜，而招牌菜是龍蝦(但因為當天不太舒服，就沒有吃了！)1. 海鮮椰子焗飯 (必食) 用新鮮的原個椰子，再加上椰汁和椰油焗成的海鮮飯。海鮮食材包括： 蝦、 魷魚、蟹柳等， 雖然沒有新鮮的海鮮海水味，但椰汁味還好，香口又開胃呀！ 不過，如果椰汁都在焗飯內混合好才上枱，會更好！2. 手打芝士肉餅朋友非常愛吃肉餅，眼見是"手打" 又是 " 芝士", 好過癮，就試試看吧！肉餅口感分別，但生粉可能用得太多，吃起來有點生粉味。不過，有點失望的是，芝士不似Pizza般可以拉絲，而口味上，比較多奶酪味道！3. 燉燕窩有點失望是這個燉燕窩甜品，可能太過火的原因，燕窩變得很 "鞋口" ,一點都不滑。 而且，牛奶有點稀，整體來說，不太推薦。

今晚同媽咪去油麻地食好野比依間既黑排翅吸引，見依幾日開始轉涼，依家食就啱啱好餐廳佔全層，地方唔算大，不過就好乾淨寬敞，服務又好，媽咪超like一坐底就倒熱茶比我地，打開menu第一頁見到餐廳對客人既承諾，令我對依度好感再大增上湯黑排翅 $155 必食依家轉季係進補嘅好時間，而且依個翅超足料，湯底濃郁，比平時食到既更香香烤牛肉脆蝦片 $52非常有特色嘅小食，蝦片&牛肉中間有好多米粉，不過米粉係凍既，口感變到有少少硬上面嘅牛肉好香牛味，而且肉質夠嫩滑，整體上係唔錯嘅軟殻蟹牛油果卷 $88淨係買相已經冇得輸，軟殼蟹非常香脆，又唔會好油，加埋好多菜包埋一齊，中和番香辣肉碎生菜包 $78 辣味有分微、小、中、大辣，我哋叫咗微辣，有少少辣味不過係可以接受到嘅，肉嘅份量都幾多，而且炒得好香香芒蟹肉炒飯 $108大大碟飯，落咗好多大蝦、芒果、蝦肉，味道啱啱好唔會太鹹，芒果亦非常甜

係附近返工，譽發大廈開左之後食lunch多好多選擇今次同同事試下呢間億饍睇名以為中菜，原來集泰式越式於一身十二點幾黎到唔算多人，亦坐得好闊落午市套餐多選擇仲幾抵食泰式餐廳一定要叫香芒大蝦炒飯，份量十足唔怕唔夠飽，芒果好甜，大蝦好足料炒飯底夠香，推介一定要飲原個椰青多汁清甜食埋椰肉好滿足札肉檬卷有驚喜外面一層薄滑粉皮包住札肉同檬粉，表皮煙韌生菜脆口，檬粉爽滑加埋惹味札肉，啲醬都好好味，本身以為辣但原來唔係越菜必點蒜香牛油雞翼新鮮炸起好香口，雞翼多汁一定要襯熱食另外叫一個菜樹菇排骨燉湯，非常足料，好夠火喉可以encore總括呢間餐廳好多選擇，地點方便，午市套餐抵食，下次lunch可以再幫襯

今日落旺角， 陪完朋友覆診， 諗住搵好嘢食，朋友啱啱大病初癒， 梗係要食返啲補品。過咗午市，這些機會不屬於我的。先黎純正原始上湯黑排翅， 估唔到咁， 諗住一盅大大盅，哈哈，高估左。三份二都有既。 不過佢勝在真係黑排翅， 個燉湯夠曬清。再黎串燒沙嗲豬肉同雞肉， 一串四嚿，細細嚿，一口一嚿， 燒得啱啱好熟，沙嗲醬都煮得幾認真， 自家製嘅醬料係好味啲， 如果可以再大串啲，就更加吸引。最後泰式香辣肉碎生菜包， 同泰國嘅口味有啲出入不過， 佢嘅辣味好適合香港人食，完全係港人口味 ，不過師傅做得好認真，每樣配料都切到好細，好易入口。呢度係唔差， 味道都可以。

再次嚟到呢幢大廈食午餐，上次食過令一間餐廳，搭lift嘅時候經過億饎，覺得環境光猛，啲座位都幾舒服，餐廳最特別就係可以食到中式、泰式同埋越式食品，都幾多元化，同埋餐廳標榜不含味精提供健康嘅食物比顧客，又話不含防腐劑，所以試吓係唔係真係無添加先得。今日想試吓佢哋嘅午市燉湯套餐嘅商務套餐＄68一份，仲送埋熱飲，七款嘅選擇配一款燉湯，今日嘅燉湯係豬肺排骨萬壽果燉湯、茶樹菇排骨燉湯。個人比較鍾意茶樹菇排骨燉湯，因為個湯真係好清甜， Menu上面介紹呢一個湯能夠健脾益胃、滋補五臟。令一款豬肺排骨萬壽果燉湯能夠潤肺養顏，個木瓜真係超級甜。兩款湯都真係好值得試，午市嘅套餐包埋一款燉湯，其實都真係幾抵。，柚子鮮蝦沙律＄88個沙律嚟到嘅時候真係覺得好吸引，因為佢用一個大嘅透明玻璃杯盛載，柚子都幾鮮甜，有四隻蝦，作為前菜，係一個不錯嘅選擇。炸軟殼蟹米紙卷$88小食＄88得四件，個人覺得佢比較少嘅份量，但係即叫即炸軟殼蟹好好味喎，米紙卷入邊嘅包住新鮮嘅火箭菜，平時一般入邊都會包住檬粉，呢一款小食反而每一件都包火箭菜嘅係，反而覺得減少左炸物的油份，整體配合得好好。午市套餐我哋揀咗海南雞配油飯，最抵就係加＄3就

今天和朋友來到旺角用餐這家餐廳比較特別揭開餐牌了你會發現中港泰越的料理赫見有老火燉湯二話不說就點了兩客椰子烏雞排骨燉湯店家強調沒下味精的確喝得出清甜滋潤金黃色的湯頭是時間的歷練前菜我們決定要豬肉鮮蝦米紙卷餡料充滿雞絲和米線最耀眼搶目一定是那隻大蝦了吃過充滿越式風情的前菜再來就是南乳吊燒雞送上桌面時還飄著白煙雞皮微脆雞肉嫩滑沾上南乳醬汁更添惹味煎流心芝士肉餅值得推薦芝士份量不多也沒有流心效果但豬肉味超級香是不節不扣的白飯殺手這裡沒有主打某一國家的料理但廚房應該有一隊八國聯軍

約左老友見面短聚，我特意揀佢鍾意食嘅泰越餐廳，呢度仲有燉湯供應，完全適合晒我地兩個c9仔。剛坐低已經比個午餐吸引左，可惜當時燉湯賣晒，如果唔係燉湯午市商務套餐（$68）真係好抵。素食都有套餐。遲少少黎，有下午茶更抵。燉湯已賣完，我地單叫左一碗上湯黑排翅（$155），以雞湯做湯底，黑排翅標榜以人手清洗，感覺衛生安全。用湯匙一畢，真係有一梳梳翅針架！另外我地叫左兩個午餐，$50-60左右有交易，怕唔夠飽？仲可以優惠價加配小食添！午餐跟羅宋湯/忌廉湯及飲品。青檸可樂（跟餐加$8），熱杞子龍眼茶（跟餐加$10）海南雞飯（$58，雞比加$3）啖啖雞比肉，特別嫩滑，碟頭亦頗多呢！牛肉扎肉撈檬（$58）呢個夏天食一流，牛肉燒得脆脆地，扎肉穩打穩紮，同樣都幾大碗喎！蒸粉包（跟餐價$12/2件）見到咁抵冇理由唔叫，好大件，餡料十分豐富。牛油雞翼（跟餐價$20/2隻）嘩！呢個超得！雞皮脆而內裡juicy!邪惡得黎又香口，令我差啲想叫多一碟淨食呢！呢度午餐好抵食，黑排翅又夠足料，老友好滿意呢！

花了近半個月去了歐遊，難免太想念媽媽親自煮的住家飯。不過作為孝順女，為免要媽媽辛苦，反到香港之後決定帶她出外吃一餐晚餐，好好團聚。最後選擇了以燉湯出名，價錢又貼地的「億饍」，好好慰勞母親大人。餐牌一欄特別寫上食物不含防腐劑或味精，令客人食得安心又放心。豬肺排骨萬壽果燉湯 ($55)一心為了燉湯而來，當然要一人一湯。小妹點了豬肺排骨萬壽果燉湯，燉湯皆用上燉盅盛載，打開蓋已明顯看到湯料的份量高高蓋過湯面的水平線，用料絕無馬虎。湯料有好多豬肺，洗得很乾淨，沒有一般可怕的豬羶味。木瓜燉得十分軟腍香甜，連同飲汁一齊飲，滋潤又進補。最重要不含味精，飲完都沒有一口咸惹，更感覺是真材實料。椰子烏雞排骨燉湯 ($55)椰子味超級香濃，完全很像喝著熱辣辣的椰青水般清甜，再有椰肉、雞肉、豬骨等滿滿的湯渣，吃完都近乎半飽。反而後悔了每人點一碗湯，實在太眼闊肚窄了，建議兩個人共享一碗就剛剛好。串燒沙嗲雞肉 ($30/2串)串燒要每兩件起計，所以決定點兩串雞肉串，雞肉燒得嫩滑不嚡，外層且帶有輕微的焦香。表面預先倒上沙嗲醬，麻香味濃，稠度適中，更加惹味。牛油芝士焗開邊龍蝦 ($120)用叉一撈起蝦肉，芝士徐徐拉起成

我好少比負評的，整個6人餐，$1200，食完好似冇食咁，之後要另叫咖哩牛腩同2個法包，可一不可再，一定唔會有再去的機會。先叫個再差都為一餐中找個好的地方，6人餐3個湯，雖然看數字上有點奇怪，但1個湯足夠2人飲的，而且湯是夠火喉的，骨都可以吃。泰式蝦，ok的說完好的說差的地方，炒金邊粉，炒完上碟都可以有硬身的金邊粉。餐牌上6人餐的炸海斑，上碟有8片，以餐的價錢每人可有1小片吃，大家自己想清楚，另一點是你應該不會說海斑是無骨的吧，明顯是魚柳片。咖哩牛腩，本想點法包吃的，但一吃之下咖哩味精極重，再吃牛腩，吃一舊就已經足夠。黑松露肉餅拼龍蝦，黑松露味是夠的，但與龍蝦是風馬牛不相及。牛肉通菜，南乳炸雞，只能說是普通可入口

琴日突然想飲湯，search完openrice黎左呢到，都唔易搵，朋友都搵左半鐘粒先到。樓下個姐姐好好人，帶我上黎時無啦啦比左9折我。花旗參燉湯 ~ 好正，大碗，足料。我打算試晒各種燉湯。飛天通菜 ~ 好味 ~ 有咸香芝心肉餅 ~ 彈牙又香，芝士fan會like飯夠大碗 ~ 白飯fans至愛。首先個人覺得中菜有汁，無飯點得？本身個通菜無飯會扣分，加上熱飯，無得頂。肉餅汁撈飯又係另一精髓。牛油果軟殼蟹卷 ~ 因為推介，所以試試。雖然大大隻，但牛油果唔夠香，中間加沙律醬比點甜辣醬更好。所以相對黎講普通。相對上貴，但靜靜地，約三五知己傾計，有啖茶飲下好正！另外建議飯用碗上，無咁易凍，但千萬唔好唔好減少份量，呢個係賣點。（掛住傾計無影相）

今日行過油麻地見到呢間以為食中菜嘅餐廳不過睇完openrice原來係泰越菜都有一開lift就已經到 環境都唔錯 幾闊落同乾淨因為好鍾意食米紙卷一開始就叫左軟殼蟹牛油果卷（$78）軟殼蟹炸得好脆 加埋牛油果中和左油膩感整體平均做得唔錯之後就叫左兩串牛肉（$18）同雞肉串燒 （$15）牛肉串燒好濃牛味 同埋食落口都仲有肉汁搭配嘅沙嗲醬都唔錯主菜方面就叫咗越南最出名嘅生牛肉湯河（$55）同泰式入面最出名嘅炒金邊粉（$78）份量超多 牛肉好嫩口同埋個湯都唔會太鹹金邊粉炒得夠香 仲有成五六隻蝦係入面另外叫咗一個馬拉盞炒芥蘭（$58）芥蘭吸晒馬拉盞嘅味 而且食落唔算油食飯happy hour cocktail 有七五折 一杯大大杯都係50蚊有找 食完仲可以慢慢飲傾下計最後仲叫咗一個芒果糯米飯（$55）做甜品 芒果肉好甜 留左個完美嘅ending俾我哋

替澳門朋友拿了美戰的figure後，便與媽媽回合去譽發廣場億饍吃晚飯，媽媽今晚主要想吃東南亞菜，而且附近鄰近回家的巴士站，那很自然地挑了億饍作為是晚晚飯。媽媽最近很愛菠蘿炒飯，所以都不離口。億饍的菠蘿炒飯用料實在，原以為炒飯只有菠蘿，扎肉與蟹柳這些配料，當我們往裡面挖的時候，發現還有帶子粒，蝦與魷魚，非常豐富。菠蘿炒飯炒得乾爽，飯粒粒分明，海鮮用料軟嫩爽脆，鹹甜鹹甜的，挺好吃。火車頭牛肉湯河也是豐盛滿滿的一碗，牛肉使用薄牛肉片，端上桌時還可以看到牛肉未熟的粉嫩狀態。用甘甜的湯頭灑上牛肉變成剛剛熟透，牛肉新鮮超嫩的。牛筋與牛熬煮得軟腍非常，入口即化，淡淡的八角香氣，讓人回味。至於河粉則採用幼細那種，滑溜的河粉吸飽湯汁，鮮美極致。這裡的飲品也不是蓋的，Pineapple and Peach Slush一喝便知是現打的水果沙冰，新鮮度破表。雖吃不到蜜桃與菠蘿粒，但蜜桃和菠蘿甜味風味真是美味無比，清涼爽透。媽媽的Apple, Peach and Mint Whip顏色十分漂亮，蘋果，蜜桃跟薄荷搭配真是合適，果香與薄荷香層次分明，有著天然的風味，甜蜜冰涼，相當適合媽媽的口味。青木瓜鮮蝦沙律酸酸