備長

營業中

休息中

第一次我男朋友來到備長吃串燒，環境不錯燈光幽暗，適合和三五知己情侶聚會。除了最出名的串燒，還有刺身、日式熟食等選擇，另外還有多日本清酒供應。每分串燒都要兩串起，所以和細心挑選大家都喜歡吃的才叫。荔枝豬肉卷中間的荔枝又甜又熟，豬肉微燻燒焦，包着香甜荔枝，又咸又甜衝擊味蕾。鹽燒日本鯖魚冇骨的吃得很輕鬆，沾檸檬汁更加吊出魚的鮮味。自家製免治雞肉棒（附溫泉蛋），雞肉磨得很碎，本身肉汁味道很濃烈，攪勻雞蛋再黏上雞串上，滑留留。明太子雞翼中間的明太子份量很多，味道微辣，外皮燒汁雞皮很香很好吃！米茄子田樂是日本種植的小型茄子，上面鋪了一層燒過的麵豉醬，用匙羹潷下去時把麵豉和茄子撈勻了，好出色，很有心思的一道菜。炸味噌雞肉釀番茄很特別，番茄外層有一層薄薄的脆炸粉，而番茄是淋得來有咬口的，中間他是充滿肉汁入口即溶的雞肉碎，口感質地很有層次，味道更加是十分出色。串燒和小食的味道完全冇得彈，雖然價錢比較貴，但食物質素完全抵番。

已經第四次來了，今天才有空寫食評。這裏食物非常有水準，質素及份量反影出很有誠意，物超所值; 環境整潔企理，很適合朋友/家庭聚會。我第一次去時，是晚餐，當時已非常驚喜，食物高質，味道超班，價錢平民; 串燒是必試項目，尤其是"荔枝豬肉卷"及"白鱔"，簡直是鎮店之寶！一試難忘！刺身亦不要錯過，大大件，新鮮！自此之後，本人就好似中了毒一樣，成日心思思再去，今天送了狗狗去冲涼，就把握時間去吃個Lunch，Lunch 真心非常非常低吃，鰻魚飯入面的鰻魚多過飯！太過份了！又厚又嫩滑！當然，荔枝豬肉卷是不能缺少啦！

試到有質素既餐廳真係好開心💕.💡溫馨小提示: 除左牛類串燒之外，其他串燒都要兩串起🍢開胃菜，好fresh好脆，可以中和全消嘅油膩👍🏻 點麵豉醬一齊食都幾夾😋 美國安格斯牛柳 🤤 叫左7成熟好juicy 好有牛味 🥩 好好味!柚子芥末墨魚鬚🦑好鮮甜彈牙，柚子配芥末一啲都唔怪。自家製免治雞肉棒（付溫泉蛋）好味😋明太子雞翼🐔皮脆肉嫩，雞肉夠滑，明太子好香口💕見到面頭舖哂海膽已經流哂口水😋剩食或撈飯食都好正 夠鮮甜夠creamy。.見到好多食評推薦 "米茄子田樂"，可惜餐廳話當日日本茄子唔靚所以冇番貨，唯有下次先試😪.整體食物質素高，串燒唔會燒到好乾，仲好juicy👍🏻 .餐廳內環境乾淨，唯一要改善既係洗手間衛生，當晚有小強出末😅.兩位食左共HK$500

澳門逸園中心一向多餐廳, 今次同朋友就訂台食其中一間出名串燒既日式餐廳: 備長。一入去餐廳就感覺好舒服, 因為座位間隔寬闊, 即使係二人台都感覺都唔迫夾,台中間又有一個小遮檔, 非常好。因為想食既刺身都有, 所以好直接就點左刺身盛六點, 總共六款, 一上台原來每款有三件。厚切三文魚非常肥美, 海膽又係好新鮮, 呢個價錢咁既份量同質素真係好有驚喜, 帶子中間有件薄檸檬夾住, 所以入口會有少少檸檬味, 食落口感好清新。食完冷盤就開始熱食, 招牌既荔枝豬肉卷, 完全無失望!第一啖已經好食到不得了, 荔枝清甜再加薄薄又燒得剛好既豬肉包住, 豬肉卷既調味同荔枝既甜係配合得好好, 果然係必點。食串燒梗係唔可以唔點雞翼, 點左既鹽燒雞翼比想像中大隻, 外脆內嫩, 咸味適中雞肉又JUICY。 之後食多一個鹽燒油甘魚鮫, 表面燒到少少燶, 但係一切開 (無錯, 侍應係提供埋刀叉切開, 因為都好大件, 所以覺得好貼心), 裡面既魚肉係剛剛好熟, 唔會好 “鞋”口。本來好想ENCORE 荔枝豬肉卷, 但考慮到真係食得好飽, 唔好浪費所以就埋單了, 今次用餐非常滿意, 值得推介。

辛苦左一星期，周末梗係要食好D，反正黎銅羅灣行sogo，就約朋友試下附近既日式居酒屋，上網搵到依間，而且經openrice 訂枱仲有25里數送。 坐低之後侍應就放低D野菜，開下胃先。 食日本餐廳魚生梗係唔少得，之前睇人地D 食評，好多人都叫特上什錦刺身六點，咁我同朋友都決定試下佢。 整盤賣相精美，一共有六款刺身，每款有三件，而今日刺身有日本帶子、三文魚、甜蝦、海膽、赤身同埋油甘魚。 海膽係日本海膽，入口鮮甜唔腥，每件份量幾多，加埋片青瓜，味道清新。三文魚肥美，油甘魚都唔錯。 另外，依度串燒都好出名，尤其荔枝豬肉卷係必點。 荔枝豬肉卷真係好出色，一咬落去，首先試到既係甜名十足荔枝，再夾住略帶小咸既豬肉，口感一絕。 另外亦叫了鹽燒雞翼 食得出炭燒的味道，燒到唔會太燶，而且雞翼肉汁仍然鎖住係入面，鹽份量適中，唔會太咸。 本黎想試海膽炒飯或者墨汁炒烏冬，因為我見好多人都有點，但驚太熱氣同太飽食唔哂，最後點了牛肉稻庭烏冬。 但原來牛肉稻庭烏冬分量都好多，牛肉有好多片，湯底幾鮮，成個烏冬都十分足料，食埋個烏冬就真係十分滿足了。

去Sogo shopping 完要揾嘢食，我都會聯想到附近的備長，串燒和日式料理都不錯。今日亦不例外，我和女兒shopping 完就行過澳門逸園中心，到備長食晚餐！前菜特上什錦刺身六點有：肥美和魚油甘香的三文魚、油甘魚，鮮甜的甜蝦、日本帶子、海膽，爽口的北寄貝，刺身非常新鮮，尢其是海膽，份量不少，鮮味十足冇腥味！串燒：白鱔、鹽燒雞翼，師傅燒得香噴噴，金黃色的白鱔和雞翼好香口，皮脆肉嫩，灑上少許鹽巴好惹味！墨魚汁炒烏冬：炒得夠鑊氣，墨魚鮮嫩不會硬，與烏冬沾上新鮮墨魚汁炒，香味四溢又滑溜。香芋雪米糍

今日去銅鑼灣見客，做完公事已近黃昏，又熱又攰，要搵個地方休息一下，食返餐好既慰勞一下自己。剛好行到澳門逸園中心，想起備長，之前和朋友去食，味道不錯，今天就去回味一下！備長有不同酒精飲料，上次同朋友飲至盡興而歸，可惜今天只有我一人，不便飲酒！入座後奉上前菜和調味料。首先來個炸蝦天婦羅，即叫即製，熱騰騰的炸蝦，外層酥脆，蝦肉爽口彈牙，備長串燒好有名：我特別喜歡鹽燒雞翼，師傅將雞翼慢火燒至金黃色，皮香肉嫩滑，加入少許鹽巴提升味道，好惹味。海膽海鮮炒飯，飯面上橙黃色的海膽好新鮮，鮮甜冇腥味，飯炒得香，粒粒分明，加有海鮮切粒炒，有鮮味又有口感。食完埋單重有雪米糍送！

上星期放工，和同事慶祝生日。由於朋友很喜歡串燒和刺身，所以就預約了到銅鑼灣備長食反餐生日飯。環境方面座位舒適，可能是客人眾多，所以店員也忙過不停呢。特上什錦刺身六點：六點是指六種不同的刺身，當中包括日本帶子、三文魚、甜蝦、海膽、北寄貝、油甘魚。每種刺身同樣新鮮，而且有足夠既厚度，食起上黎充滿口感。最愛既海膽入口即溶，入口的回甘味令人回味無窮。三文魚帶有魚油味，又是推薦菜呢！甜蝦爽口之餘，當中還有蝦中的新甜味！明太子雞翼：上台的時候，雞翼依然保持住熱辣辣的，外面睇上去已知十分足料，脹卜卜的。咬落去雞肉嫩滑，仲滲出不少肉汁，明太子帶點點咸味，令味道昇華啊！雞翼口感同樣香脆呢。白鱔：串燒燒得剛剛好，外層的外皮脆卜卜的。而魚肉肉質滑滑的，同樣地滲出不少既肉汁，感覺juicy啊！鵝肝多士：估吾到原來餐廳以一整塊鵝肝上菜，真的非常驚喜，果然物有所值！鵝肝絕無腥臭味，可知不是放得太久的食材，入口即溶化。另外，以烤好的麵包作多士，大大增加口感又可以減輕油份。墨魚汁炒烏冬：初初好擔心會硬而吾好食，結果令我又再驚喜多次！雖然以炒既方式整烏冬，但烏冬林林的，爽口又彈牙！墨魚又吾硬身，還有少許豬肉片呢！墨魚汁

同好朋友約飯聚，係openrice搵左間居酒屋好似評價唔錯，就決定試一試，一早book好位，平日既晚飯時間都唔算太多人調味料有海鹽，檸檬同秘制麵豉醬，最適合配上燒物一坐低服務員已經擺低前菜，夠晒清新刺身選擇都算多，我地就揀左個刺身六點，可以試齊六款刺身刺身好新鮮，尤其係海膽，夠鮮甜軟殼蟹沙律，軟殼蟹炸得好香脆，沙律菜亦都好新鮮汁燒魷魚筒，熟度啱啱好，唔會太un，而且味道唔錯燒日本雞腎，雞腎好爽口而且好香最後係墨魚汁炒烏冬，呢個真係好出色，味道好，魷魚好爽口，烏冬亦好煙韌

今日破天荒返嚟到銅鑼灣搵個fd食飯，因為想食得舒服啲，所以我哋揀咗間環境清幽嘅日本餐廳🙊🙊首先，我地order左個6點刺身，有三文魚，海膽，甜蝦，北寄貝，帶子等等，擺盤好精美，令人賞心悅目👍🏻食材好新鮮，十分鮮甜可口汁燒魷魚筒肥厚多肉既魷魚配埋佢既醬汁十分惹味，魷魚雖然厚肉但唔會韌，反而係比較爽口😋軟殼蟹沙律軟殼蟹炸得鬆脆，沙律菜亦都好新鮮，可以中和返軟殼蟹既油膩感🤗🤗兩人埋簡都連加1都係$800左右，價錢中規中舉，銅鑼灣黎講算係咁啦🤭

係SOGO 行到攰, 想搵間居酒屋食下野, 傾下計哩間餐廳就係SOGO 隔離, 夠哂方便台面有檸檬, 甜味曾, 同埋鹽睇黎哩到主打都係燒物..就試試佢!燒野都要D 時間, 食住前菜等野食..腐皮雞肉卷+ 大蔥雞肉卷醬汁香濃, 送酒一流同伴叫O既鵝肝多士篤肝O岩O岩COVER哂塊多士隔住個位都聞到好香...海膽天婦羅外脆內軟, 口感特別芝麻多春魚又係脆卜卜, 芝麻烤得好香, 第一次試荔枝豬肉卷+ 煙肉生蠔卷以前係第二到都聽過荔枝豬肉卷, 今次第一次食不得了, 口感特別, 荔枝甜得黎又同個汁好夾煙肉咸香, 生蠔鮮味正墨魚汁炒烏冬烏冬仲保持彈牙, 又夠熱唔錯同場加映:朋友另加的魚鮫朋友就食得開心, 我都睇得興奮總算搵到個好地方

2個人去居酒屋 今次去備長備長炭係最高級的炭 叫得備長 等我地試試是否名副其實當然要試試試試 串燒一來就有fresh蔬菜小吃 即開“白兔”mode仲預先準備 了醬料 有鹽 檸檬 和miso荔枝豚肉卷 和 煙肉蠔卷 好juicy 要豬肉熟 都要一段時間啦荔枝 和 蠔 依然保持到入面的汁 真係好火候 見這個幾得意 就試試海膽天婦羅 有d似 炸鮮奶的質地外面有塊大葉包住 作為天婦羅 可以解油膩不過如果裡面海膽再多d 濃味d 就110分了再來鵝肝大過多士的鵝肝多士本身鵝肝煎得 滑溜 再塗上 甜甜地的燒汁 和蔥白減低油膩 但依然保持肝味 黑白芝麻多春魚  香脆芝麻皮包實條魚 芝麻炸過都無變苦叫左個 油甘魚胶 渴望食好耐 總係錯過 這次食到非常開心 沒有失望表面有油香 用鹽調味恰當肉質沒有霉 好結實是一個已經飽左一半最後食埋 墨魚汁烏冬 好鬼彈呢雖然墨魚汁 但無腥 仲好中華風味

這天跟朋友相約於銅鑼灣，大家不約而同地覺得不太餓，所以便去吃小巧精緻的日本串燒。前菜是新清、健康的蔬菜。我們點了荔枝豬肉卷、明太子雞翼及煙肉蠔卷。當中我最喜歡荔枝豬肉卷，荔枝十分多汁、甜美！咬開果肉便爆出荔枝汁，清新的果汁中和了串燒的油膩感，使豬肉卷份外的美味！出乎意料地，豬肉跟荔枝十分匹配！串燒外，我們還點了一些炸物，包括黑白胡麻炸多春魚及一口炸芝士。炸物十分香脆。芝士外脆內軟，香脆且味道濃郁；多春魚多汁，加上芝麻的香氣，十分可口。

今日同朋友行完街,買完野..6點已經好肚餓結果去左備長食好野好快店員就安排好座位個環境都幾舒服,就睇下有咩食先今日叫左露筍豬肉卷,西京銀雪魚,白鱔,鹽燒鴨舌,雞軟骨,米茄子田樂,鵝肝多士,海膽海鮮炒飯,雜錦天婦羅,大蔥雞肉串先黎個前菜D菜都好新鮮,點埋D醬汁真係好正露筍豬肉卷--好香既豬肉味再加埋新鮮既露筍真係好好食西京銀雪魚--好香既銀雪魚,咬落去魚香湧晒出黎白鱔,鹽燒鴨舌,雞軟骨--白鱔個鱔香味真係好正,肥美既鱔香味十足...雞軟骨好香好脆,鴨舌有咬口米茄子田樂--燒起來,茄子熱而個醬都好香,一起食真係好鵝肝多士--好香既鵝肝,鵝油香味十足,配合多士真係好夾海膽海鮮炒飯--D料好足,除左海膽外仲有好多蜆,帶子,蝦等等,炒得好乾身雜錦天婦羅--有3隻蝦,冬菇,青椒,蕃薯,南瓜,茄子---炸物都炸得好香口,而且夠晒熱之外,又唔會好油膩大蔥雞肉串--大蔥燒到好香,配合埋雞肉黎食真係好正,雞肉都唔會好乾身,充滿肉汁

同朋友心癮難耐，又想食烤物，去開銅鑼灣行街，於是一路行一路望吓週圍有咩啱食，見到呢間餐廳好似唔錯，決定試吓先。坐低叫完嘢食，侍應就端上前菜條，啲蔬菜好新鮮，點埋麵豉醬食，味道清新鮮美。之後就到極邪惡之選，鵝肝多士，兩面煎舷香脆，但裡面好軟好多油，入口即溶，而且一啲膻味都無，真係 yummy! 西京銀鱈魚係必食，魚肉外層輕輕煎香，魚肉又鮮又滑，點埋沙律醬更係提鮮，配埋油醋汁沙律，中和了油膩。露筍豬肉串嘅豬肉片雖然薄身，但油脂夠，燒完好香，露筍鮮嫩爽脆，呢個組合 perfect match! 鹽燒鴨舌唔會燒到好乾，食落依然爽脆，正! 雞軟骨同樣都唔會燒到乾爭爭，好脆口，大愛! 白鱔肉質爽彈，魚味香濃，好味! 大蔥雞肉卷嘅雞肉姒醬汁燒製，好莣味，大蔥清甜，簡直係糈髓。雜錦天婦羅分別有蝦﹑茄子﹑青椒仔﹑蕃薯及南瓜，炸皮好薄脆，食落唔油膩，蝦肉好彈牙，蔬菜就好新鮮，有陣清甜嘅味道。茄子米田燒係喺半隻茄子上面再鋪層麵豉醬去燒，茄子軟淋多汁，配埋濃味嘅麵豉醬，好食!海膽海鮮炒飯除咗炒飯裡面有海膽及帶子之外，面頭仲鋪咗好多新鮮海膽，撈勻食就又甘香又甜美。整餐食物質素都好高，所有食材都好新鮮，就算唔加醬