備長

營業中

休息中

酷熱天氣下, 朋友們的聚會每次也變成了日本菜，短短１個月已吃了數次的日本菜為了讓大家都有歇息的機會, 不要次次都放題, 這晚就選了可以慢慢聊天的 備長餐廳裝潢基本上以黑色為主調, 簡潔而不花巧刺身有特上冷盤刺身六點 HK$298橙黃色的海膽口感綿滑，有著入口即溶的感覺，而且味帶甘甜。若果不想被青瓜蓋過海膽的鮮甜，把兩者分開吃感覺更佳.油甘魚、帶子及甜蝦, 刺身感覺新鮮，帶子尚算肥大，而甜蝦蝦肉入口鮮甜，加上粗圓的蝦身，令人滿足鵝肝多士 HK$63/件鵝肝煎到兩邊微焦, 而且油份很充足,不會煎得過熟, 配上香脆的法包, 食落入口即溶, 油脂於口內散開,甘香無比很綿口, 相當不錯串燒之中，我就較為喜歡燒牛舌，牛舌每串有兩件，表面燒得帶焦面，然而經燒過的牛舌口感煙韌，細嚼下帶點舌香，嚼感不錯最後來個和牛炒飯, 簡單的材料, 份量也不少, 而炒得米飯粒粒分明.味道很香口,牛肉粒肉質嚡,入口仍然吃得出很香. 

炎熱嘅天氣,出面三十幾度.  最好的享受當然就係坐係冷氣底下, 涼住冷風食日本菜.備長環境舒服, 而且有串燒、刺身、小食,好適合三五知己放工小聚坐下後, 店員送上一盤前菜, 有生菜、青瓜、紅蘿蔔. 清爽脆口, 冷盤通常都是先上, 所以先來刺身降降溫~我們點的是特上冷盤刺身六點 HK$298海膽色澤也算鮮明帶橙黃色, 而且每片形狀完好, 入口比想像中甜, 濃度就不算很高, 口感整體都算不錯的, 配上底下的青瓜, 清爽新鮮,吃起來相當對味.甜蝦蝦身非常粗壯, 咬下去蝦肉有點黏稠. 肉質爽得來柔棉, 味道亦夠香甜北寄貝爽口彈牙, 口感爽脆中又柔軟幼嫩.油甘魚、三文魚、帶子都很新鮮. 整體感覺很好, 也感覺抵食.鵝肝多士 HK$63/件香煎鴨肝配多士, 每份鴨肝都甚有厚度的, 吃起來夠香口豐腴. 雖然正在修身的我不宜多吃, 但都忍唔住食左一整件 (回家要跑多2個鐘先可以消耗到卡路里)牛舌厚切 HK$52/串另加牛舌, 一串二片, 每片都算幾大塊, 而且是厚切. 燒出來的牛舌不會好韌, 表面帶點焦香, 吃起來還帶點彈性爽身. 是來到一定要吃的食物.最後就是各牛炒飯, 炒飯份量不算少,而且炒得米飯

同事食過大讚，今日就同朋友黎吃一吃！嘿嘿浦燒鰻魚，味道很濃，鰻魚十分入味！燒得剛好，魚肉軟腍！而且骨都清得乾淨！嘿嘿明丸子雞翼，滿滿明太子在雞翼！皮脆肉嫩免治雞肉棒配溫泉蛋！沾滿溫泉蛋汁，正！雞軟骨好食！嘿嘿安格斯，７成熟！入口很juicy並牛味香濃呢個很好食！再ＯＲＤＥＲ多串，嘿嘿炸蝦天婦羅！即炸，炸粉薄！好脆口，蝦肉爽，大隻，好食！嘿嘿海膽炒飯，飯粒分明，夠乾身，裡面有Ｄ八瓜魚粒，帶點鮮味！嘿嘿牛油焗雜菌，好香口份量夠哂多，嘿嘿

去完銅鑼灣某百貨公司感謝週血拚過後，就到了附近大廈飲飲啤酒、食食串燒。甫坐下店員就遞來了醬料及熱茶，醬料有海鹽、檸檬角及豆瓣醬。其後又放下了一盤免費的前菜，意想不到是生菜沾上豆瓣醬一同吃，原來特別夾。札幌啤酒 $40食串燒就是飲啤酒才過癮，札幌啤酒容易入口，沒有太多苦澀味，女生都岩飲。三文魚腩刺身 $88色澤明亮，肉質清爽，油脂分布平均，頗為新鮮的剌身。牛舌厚切 $52($104)串燒每款必需點兩串起，所以圖中的價錢為兩份的價錢哦。牛舌厚過一厘米，燒得剛好，有嚼勁，加鹽就好夠味了。荔枝豬肉卷 $33($66)這裡的荔枝非罐頭貨，粒粒都圓潤飽滿，咬落會爆汁，十分清甜，跟香烤過的豬肉片形成強烈對比，味道非常有層次。豚之大腸 $30($60)好細心地將大腸切成一口大小，每一塊大腸都浸滿燒汁，甜甜地，好惹味。柚子芥末墨魚鬚 $36($72)清新一點的選擇，炭烤墨魚鬚上面放上柚子芥末，甜甜酸酸再加少少辛辣感。海膽天婦羅 $138期待已久既炸海膽！以紫蘇葉包住海膽，再裹上超薄炸漿去炸，十分考師傅功架。第一次食到熱既海膽，口感比平時更加軟滑，味道無平時甘鮮甜，但多了一份濃香。日本芝士年糕 $25原本

有幾何食日本野仲要唔係放題！銅鑼灣嘅美食真心多放題都食唔少次 今次就同朋友試下銅鑼灣嘅日本野啦特上什錦刺身六點 ($298)呢個就有少少貴 不過係份外新鮮同肥美帶子同蝦都好鮮甜 魚類既油份比例都好好牛舌厚切 ($40)牛舌唔會燒到好乾好硬咁好軟好易咬開之餘仲要好有口感鹹味都好夠 牛味都好重清酒煮大蜆 ($78)蜆肉好肥美 見到同殼既比例唔會差好遠而且D蜆都處理得好好 唔會有好多沙 同時又有淡淡海水味仲有淡淡清酒香 唔錯墨魚汁炒烏冬 ($98)平時見到有墨汁既都會試下 今次唔例外炒烏冬感覺好日式 但係又有洋蔥大蔥咁中式食落都唔會好乾 可以食到成咀都係

約咗好耐冇見嘅朋友出嚟食晚飯，想傾耐啲，所以決定去食串燒！記得之前食過備長很不錯！我哋呢一晚就去呢一度食飯！餐廳環境好舒服，裝修有日本風！食物嘅選擇都有好多！一坐低，侍應會放低前菜，有椰菜，紅蘿蔔條及青瓜條，好爽脆！我哋點左六七款燒物！燒銀雪魚乾燒得薄脆，甜甜地，脆到好似薯片一樣，佐酒一流！燒雞泡魚干也是甜甜的，燒得好香，而且好淋，點沙律醬食一流！差唔多每一台都有點牛舌厚切，有黑椒調味好惹味，牛舌好香，裡面極嫩滑，仲有肉汁，好juicy！雞軟骨火喉剛剛好，燒到好脆，又好有咬口！蒲燒鰻魚燒到嗰邊脆脆地，香口得嚟又魚肉又嫩滑！豆腐外脆內軟！兩個男仔都要點下飽肚食物，海膽海鮮炒飯一拎出嚟香噴噴，粒粒分明的飯粒，裏面有蜆肉，上面仲有好多海膽，海膽好鮮甜！整體備長嘅食物質素都好好，肉類唔會燒得乾，食物保持到原汁原味！

一到晚飯時間，銅鑼灣澳門逸園就會排了人龍等𨋢，皆因上面多餐廳，這晚跟媽媽撐枱腳，吃日式爐端燒！備長主打燒物，也有刺身、天婦羅等。每枱都有的前菜，是新鮮蔬菜，沾味噌好吃！每位人客都有調味，麵豉醬、檸檬和海鹽。想吃點菜，點了軟殻蟹意大利油醋沙律，軟殼蟹炸得香酥鬆脆，除了有沙律醬，也有黑醋，很開胃，沙律菜也很新鮮！厚切牛舌，極推介，燒得極香，爽口彈牙，牛舌表面也很軟滑！味噌燒岩蠔的蠔好大隻，蠔肉又厚又juicy，味噌醬好惹味！煙肉蠔卷好香，煙肉包著蠔，蠔很鮮甜，煙肉帶點咸香，煙肉的味道浸了在蠔裡！蒲燒鰻魚的浦燒醬味道甜甜的，很濃，最喜歡燒得微焦，鰻魚十分入味，肥美厚肉！海膽海鮮炒飯賣相很吸引，炒飯很乾身，珍珠米有煙韌口感，不油膩！炒飯上面有大大的海膽，鮮甜的海膽回味無窮！其實備長已開了十年，可見其實力，食物質素相當好，絕對物有所值！

餐廳與樓上的SIAM28屬同一集團，可以為客人點算樓上的食物（如我喜愛的自家椰子及榴槤雪糕）。雖為處銅鑼灣中心處，但作價不算高，刺身併盤尤其化算，５點盛包括加拿大海膽只需＄３９８，每一款都肥厚新鮮已備長炭作賣點的串燒，下單後往往要待上好一陣子，因師傅是即叫即燒，亦要按每枱下單先後，若入座時已飢餓非常，建議首輪多點些食物。串燒中最受厚燒牛舌及荔枝豬肉卷，前者肉汁豐盛，後者的荔枝甜味帶走豬腩肉部份油膩感。原隻燒紅蝦亦頗肥美，內裡的紅紅蝦膏叫人不得不暫放膽固醇警告於一旁家人說燒羊扒做得非常出色，＄７８一件份量不少，肉香非常，嗜羊者不能錯過！另一驚喜是炸池魚仔，甘香非常，下酒佳品！

再一次備長今天和另外2位同事來食lunch!其中一位同事一早已指名一定要食鹅肝飯，而我就想試新野，所以揀左安格斯牛肉薄燒。安格斯牛肉薄燒$158~牛肉好腍又有牛肉味，裹面包住D葱粒和蒜粒，好配合，層次分明，好味鰻魚飯$158~wow!好有驚喜！估唔到燒得好咁味外脆內juicy, 醬汁味道剛剛好，正鵝肝飯$168~三四件大大件的鹅肝，完全唔油膩，配埋冬菇，葱粒一齊食，超正最後緊係唔少得串燒la! 總共有15款串燒可供選擇！我揀左鹽燒雞翼牛肋肉佢地揀左雞骨豬肉腸日本小甜薯汁燒白菌和冬菇，大家不約而同都揀左荔枝豬肉卷最開心係可以一齊share食，咁就可以試多D唔同款式la

今日同朋友係銅鑼灣行街, 佢介紹依間日本餐廳, 話之前食過覺得質素好好, 所以今日就去試吓啦。首先環境真係好好,座位好闊落, 而且餐單都有好多選擇, 真係花多眼亂, 樣樣都想食。食日本野當然要試刺身啦, 我地叫咗日本帶子 $ 98 同 油甘魚 $88 , 非常新鮮, 而且好厚身, 令到口感好好。帶子鮮甜, 油甘魚甘香，油分又多，非常滿意燒物方面叫咗燒牛舌$52 , 美國安格斯牛柳$75, 荔枝豬肉卷$66, 自家制免治雞肉捧(付溫泉蛋)$84, 仲有廚師推介嘅燒紅蝦 $68 .本人最欣賞就係牛舌,荔枝豬肉卷同自家制免治雞肉捧。牛舌非常爽口同埋表面燒得好香, 必叫!荔枝豬肉卷口感好豐富, 豬肉冇乜肥肉但係荔枝就充分地代替咗肥肉,令到佢有肥肉嘅軟滑口感之餘仲有甜味, 荔枝同豬肉依個配搭真係好出色!自家制免治雞肉捧(付溫泉蛋)- 比較特別嘅食法, 雞肉非常軟滑而且用帶甜嘅燒汁燒過, 就咁食已經好好味, 再點埋溫泉蛋一齊食就令到雞肉串嘅口感更加滑而且味道更豐富.美國安格斯牛柳同燒紅蝦都係材料好新鮮, 紅蝦口感仲好紮實, 值得一試最後仲叫咗個海膽海鮮炒飯, 海膽仲有燒過, 有誠意, 而且用珍珠米

之前已經聽講呢座大廈嘅餐廳都幾有水準, 今日就突登揀左呢間備長, 全因佢嘅刺身同埋燒肉睇落都好似幾吸引, 果然食完之後都真係覺得冇揀錯。首先當然要食剌身先啦, 我地點左日本帶子$98同埋油甘魚, 兩款剌身都好新鮮, 特別係油甘魚, 味道甘甘地, 而且口感唔係梅嘅淋口感, 俾滿分佢。之後黎嘅牛舌厚切 $52 真係好厚肉同埋好爽口，仲燒到好香, 食落會有好香濃嘅牛肉味。呢款荔枝豬肉卷 $33 同埋 紅蝦 $68 都令我印象幾深, 因為荔枝好鮮甜同水份十足, 夾埋豬肉卷一齊食個味道幾得意, 同埋感覺冇咁油。至於個紅蝦, 一mok殼成個蝦隻都係紅色嘅膏, 而蝦肉都好爽口, 正明佢都好新鮮。唔少得嘅當然仲有我最鍾意食嘅免治雞肉捧$84啦, 沾滿溫泉蛋汁食真係好好味。我同FD子都係澱粉質愛好者, 所以最後都點左個海膽海鮮炒飯 $128, 個炒飯炒得好有鑊氣, 而且有好多蜆肉係入面, 不過海膽就中規中矩。

今日同男朋友食飯，去左銅鑼灣一間樓上日式串燒店。早早之前聽朋友介紹依間串燒店味道非常出色，我地今晚特意訂座再回味一番。我超鐘意食燒雞翼。雞翼即叫即燒味道非常出色，咸香雞翼燒到香脆咸香，內裡有滿滿明太子，一咬口感非常滿足，雞肉肉汁豐富，而且肉質非常嫩滑！燒牛舌。牛舌厚切燒得非常爽口，外層咸香香脆，加上炭香味濃，肉質完全唔乾而且濕潤非常，肉汁仲好豐富！燒帶子，帶子厚肉肉嫩，燒至半熟夠新鮮鮮甜，加上咸香醬汁極是惹味！海膽。唔算好肚餓另外加點一客海膽。海膽金黃綿密，入口非常鮮甜！小小一口在口中徘徊鮮甜味道！

今日同女朋友再來食飯，早早之前試過一次備長，味道驚喜非常滿意。今日提早同女朋友慶祝紀念日，再來回味一晚。明太子雞翼。脹卜卜雞翼包上滿滿明太子，外層燒到香脆香口，內裡包上咸香明太子，雞肉肉質非常嫩滑，咬出肉汁超驚喜。燒牛舌。厚厚牛舌粒，嫩滑完全唔乾身，外層炭香味濃！燒帶子鮮甜爽嫩，中間半熟有驚喜！海膽！女朋友好鐘意食海膽，入口非常鮮甜鮮香，綿密海膽夠滿足！燒蠔！蠔肉新鮮鮮甜，加上咸香醬汁，蠔肉夠大隻味道出色。海膽炒飯。海膽微暖，炒飯粒粒乾身加入海鮮，即炒穫氣十足。

同中日本毒既朋友食飯，當然要食返日本野，居酒屋絕對係吹水既首選。好彩今日星期一，人唔多，walk in就有位，而且靜靜地又坐得舒服，環境好好。備長的選擇算比較多，而且部份菜式比較有特色。另外服務態度都好好，不會感到有壓力。每人的位已經備有三款醬汁: 海鹽、檸檬、麵豉醬。檸檬汁是我最愛，而且可以自私點，比較衛生，方便想點先點。首推一定係西京銀雪魚，滑而不膩，而且重有開胃既小沙律做配菜。另外鵝肝多士，香口有濃郁的鵝肝味，配以香脆多士。重有就係溫泉蛋牛油果沙津，fresh得黎有大量牛油果香，而且撈埋溫泉蛋汁，增加滑口。其他芝士年糕、白鱔、柚子芥末墨魚鬚、燒虎蝦都十分值得一試。而荔枝豬肉卷就比較特別，我朋友就好like，我就……對熱既水果覺得怪怪的，當係試新野啦!

今天請同事食birthday lunch!突然好想食串燒，即時諗起備長！備長的午市套餐包括前菜，和食，串燒和飲品。前菜個芝麻沙津醬酸酸甜甜好開胃我揀左香煎鵝肝飯，有4塊好肥大好厚的鵝肝，加埋D冬菇絲和葱絲好好味呀串燒可以自選三串: 明太子雞翼，牛肋骨肉和雞骨豬肉腸， 熱辣辣剛剛燒完送到，好正！牛肋骨肉是必選我同事揀左銀雪魚西京燒，銀雪魚好嫩滑，加埋沙津醬，一流荔枝梳打和凍檸茶呢兩個lunch set 分別係168和178，其實算抵食，份量都好夠，亦好美味！