備長

營業中

休息中

This Japanese restaurant is located in Causeway Bay and now already in its 11 year anniversary, and throughout the years remained one of the more popular yakitori place in town. With a simplistic decor, tables which are small with virtually no space in between, one would not call it comfortable but it did recreate the same atmosphere of everyone crowding together for some good food and beer like similar restaurants in Japan.We ordered a few yakitori to start, first was the signature Homemade Min

見1週年飲品買1送1，再加上食評嘅評價唔錯，所以就嚟試下。嚟到，見到餐牌註明每種串燒至少要叫2串……再問店員得知，除牛肉羊肉外，其他一慨要叫至少2串雖知道人人口味唔同，就算我倆公婆都係咁話，結果，內子唔食嘅豚之大腸我要叫2串，好滯嘅鷄肝都要叫2串……真係唔明點解有咁嘅規則😑怕浪費時間?怕唔夠錢賺? 但係又有無諗過客人要「硬食」多串，結果會弄巧反拙呢？食品質素普通，但點係要講:1)名物:豚之大腸，「拿」到無大腸味，但係仍然充滿內臟嘅氣味😦😨2)從未食過鷄棒係一粒嘅😑😡結論: 實唔會再嚟! 以同樣價錢，甚至平啲嘅，都大把更好食嘅串燒店可以選擇!

澳門逸園中心不嬲都好多日本好野食今日試一間未試過既備長啤油仲有買一送一前菜海膽天婦羅炸到剛剛好, 海膽都唔少, 仲有好清甜, 加埋紫藻葉食, 2個人好快就清左左面係荔枝豬肉串右面係牛舌牛舌好厚, 肉汁飛曬出黎一人一串先夠WOR!!荔枝豬肉串 好甜, 有一陣特別既果香味, 加埋豬肉既JUICY肉汁, 冇得頂茄子田樂燒居酒屋，茄子田樂燒通常用來佐酒甜味噌醬 好特別墨汁墨魚烏冬熱辣辣, 好彈牙入而仲有好多墨魚油甘魚餃燒到剛好, 好好味燒白膳同埋柚子芥末墨魚呢2樣都好推介!!

今晚約了一班朋友去食好野，一般食日本嘢會係食放題，但有啲放題唔新鮮，今次就轉一轉 唔好講笑，個前菜超正，好新鮮，紅蘿蔔同椰菜，再加上自家制嘅醬汁，堅正。刺身六點，每款有3件，三文魚超肥美，好鮮甜，帶子每片都有掂到檸檬，每食一啖都有檸檬味道，好醒神。甜蝦肉質好滑，爽口，海膽very yummy ，超正，油甘魚更加冇得頂！荔枝豬肉卷好特別，必叫，外層有豬肉包住荔枝，荔枝甜味加埋豬肉，燒得好正，好好味燒銀雪魚干，燒到好脆又香口，正雞翼燒得好肥美，燒得剛剛好，唔會太濃，正。

朋友帶我去一間他已幫襯了好幾次的日本串燒店, 就在銅鑼灣鬧市中的SOGO旁邊, 雖然地方不大, 但去到已經頗滿座, 看來很受歡迎朋友是熟客, 未就座已知想點什麼, 就叫我看看餐牌; 看過OR的食評, 知道最出色的是這裡主打的日式串燒, 而且不少都是自家創作, 所以今晚就集中火力在各款串燒最先來到是茘枝豬肉丸, 燒得香脆的薄豬肉片包著大顆大顆的茘枝, 甜甜的茘枝咬下去時夾著豬肉的油脂香, 非常香甜,不過咬下時要小心滿滿的茘枝汁會溢出來接著是汁燒魷魚筒及芝士燒年糕; 魷魚筒燒得很惹味, 咬下去魷魚很有彈性軟軟的, 好好味道; 芝士燒年糕就是自己最愛, 這裡的芝士味道不會太濃, 吃下去時仍有年糕燒香後的點點焦香味朋友點的舞茸豚肉卷, 多春魚, 日本小甜薯及燒白鱔, 最出色是燒白鱔, 魚肉非常非常有彈性, 吃上來仍帶著鱔的鮮, 魚皮只帶輕輕的焦, 很香很香, 燒的時間控制得非常好; 而舞茸豬肉卷裡的舞茸味道很突出, 略略高過豚肉的味, 很有特色的一款串燒

經過銅鑼灣想歇腳，正好到晚飯時間，於是同朋友去左備長，食日本菜。前菜係軟殼蟹沙律，好清新，唔會太油，而且軟殼蟹份量好多，唔怕食完剩返菜咁寡。另一個前菜係「刺身六點」熱身，有甜蝦、三文魚、海膽、吞拿魚等，種類豐富，入口鮮甜，好滋味。荔枝豬肉卷，生熟程度恰到好處，脆卜卜、熱辣辣，有兵衛柚子酒下菜，舌尖上又酸又甜，刺激味蕾，配搭天衣無縫。味噌燒岩蠔，肉質肥厚，冇燒到乾身，反而鎖住肉汁，一口咬落，既鮮又香濃。另一道鵝肝多士亦冇失色，入口即溶，口感豐富，實在唔錯！黑白胡麻炸多春魚、同鹽燒日本鯖魚。黑白胡麻惹味十足，令多春魚冇咁寡，配搭新鮮。另一方面，鯖魚不過不失，既有鹽味，又帶些許碳香，火喉足夠。做個小總結，食物水準以上，環境都算舒服，綜合落黎，評分中上，推薦！

同朋友行完sogo shopping，搵地方落腳食飯，行到逸園樓下見到備長食日本串燒，就上去試下。一坐低睇緊menu嘅時間，店員就上了冷盤，有生既紅蘿蔔，青瓜，椰菜，好新鮮，好甜，配上餐廳特制既麵豉醬，好開胃又夾。先黎食一客雜錦刺身拼盤，刺身好鮮甜，份量十足，共有六款：海膽，三文魚，油甘魚，甜蝦，北寄貝，帶子。好多人都推介食招牌串燒，荔枝豬肉卷。薄切嘅豬肉包住清甜的荔枝， 清甜荔枝抵消咗豬肉嘅肥膩感，很不錯的配搭。清酒煮蜆，啲蜆肉很肥美配上清酒，很開胃。串燒方面，點了白鱔及鰻魚，白鱔好肥美，肉質好滑，鰻魚燒得剛剛好。明太子雞翼燒得剛好肉質又唔會過了火，內裡包住明太子，好有口感。

今晚朋友帶我去食好西，話我地平時放題就食得多，呢次要轉下其他的美食，就選擇左一間食串燒的店系銅鑼灣。一坐低店員遞上一碟前菜有青瓜，紅蘿蔔和椰菜，點上自家製的麵鼓醬味道好特別唔會太咸又少少甜甜地。刺身六點每款各三件有三文魚，三文魚好肥美，日本帶子每片都夾上一片檸檬，食落口有檸檬的味道，甜蝦肉質滑溜，海膽好creamy又有鮮味，北寄貝夠爽口，油甘魚又好新鮮白鱔燒到層皮好脆，內里肉質嫩滑又有肉汁，白鱔又夠肥美。鰻魚又燒到好香加上上面的醬汁更加好味。荔枝豬肉卷好特別第一次食，外層薄薄的豬肉包住一粒荔枝，荔枝清甜加上外層的豬肉燒到好入味。燒銀雪魚干燒到好鬆脆又香口又有少少甜甜地。

差不多九點先開完會收工，老細話不如一齊去食啲野，行到逸園樓下見26樓備長食日式串燒，兩條友就上咗去放鬆下；餐廳細細地但係幾好氣氛，有唔少放工人士係度食野吹水。餐館做緊十一周年promotion ，清酒同啤酒都有買一送一，不過老細今晚唔想飲酒，唯有下次先啦兩個人都唔太肚餓，簡單叫幾款野食，先黎一個冷蕃茄同雜錦天婦羅，冷蕃茄有芝麻味又酸酸地，好開胃；天婦羅即炸熱辣辣，粉漿好薄身，咬落去蝦同冬菇都好彈牙！ 跟住幾個就好啱口味，一個係柚子芥末墨魚鬚，墨魚鬚彈牙不突止，柚子同芥末配合提升左鮮味。另一個呢度既signature 串燒荔枝豬肉卷，一甜一咸異常合拍，熱辣辣嘅薄身豬肉卷一咬落去D荔枝汁就泌晒出黎，好過癮；明太子雞翼 - 地道既明太子會用鹽同唐辛子醃製，所以預會辣辣地，下過呢度用返原味明太子釀入雞翼，明太子粒粒分明又塞爆成隻雞翼，夠惹味另外叫左溫泉蛋沙律，墨魚汁炒烏冬，燒白鱔同豚之大腸；墨魚汁炒烏冬唔會黏住一舊舊，食落條條烏冬都咁爽口，墨魚汁味好突出，有D驚喜；豚之大腸其實就係豬大腸，個陣騷味唔係人人鍾意，呢度個大腸保留到本身既獨有味道之餘，燒香左比較容易接受，平時唔多食大腸既我都覺得好O

平時係銅鑼灣返工經常留意到澳門逸園中心呢幢大廈，上面有好多形形色色嘅餐廳，同朋友揀咗呢間有質素嘅日本居酒屋，食材新鮮，服務周到。店員介紹到10月底有一個啤酒同清酒買1送1的優惠，但朋友唔飲酒所以就冇叫到。前菜：紅蘿蔔、青瓜、椰菜， 好新鮮，好鮮甜，配上店內自製面豉醬，好開胃。又肥又滑的大蜆，一點沙都冇，配上濃郁的清酒，好味道六點：三文魚、油甘魚、甜蝦、海膽、帶子、北寄貝。刺身好新鮮，爽厚鮮甜，彈牙爽甜，海膽好細綿濃郁。呢個好特別，第一次食，香甜的荔枝配上微焦的豬肉，好特別的味道，雖然係水果加肉類，但2邊味道一樣都甘出，唔會互相搶左大家。烏冬好彈牙啊，墨魚汁甜甜的，墨魚汁包裏著烏冬，配上爽口墨魚，口感一流。

同老友去完SOGO超市shopping 找地方落腳食飯, 出去又見大雨, 見鄰近的逸園人不太多, 就揀了在樓上的備長食串燒出了電梯, 初時找不到大門, 原來就在面前的大木門就是了, 打開後就是充滿日本串燒香味的備長餐廳不太大, 但氣氛一流, 侍應會主動問客人的喜好來介紹食物, 對於我們有選擇困難症的太體貼了打開餐牌看看, 很多不同選擇, 好在有專人介紹喜歡酸酸甜甜的我點了這個牛蒡漬, 開胃醒神侍應介紹的明太子燒雞翼, 外面香脆內裡的雞肉與明太子仍帶 juicy, 不會干身, 而且很香口此店出名的作品 - 荔枝豬肉卷, 應該不是本地荔枝? 非常 juicy而且甜味夠, 跟咸咸的豬肉一起吃, 兩種味道相衝卻又沒有搶去對方味道, 非常好吃叫點熱食, 清酒煮蜆一定要有, 這裡的蜆非常有肉地, 烹煮的時間很準誠, 多一分肉會鞋, 少一分又帶生, 這個蜆的肉咬下去非常新鮮, 蜆肉味連帶輕輕的海水味, 非常一流; 而且 size 不小哦!另一款要推介的, 是柚子芥末墨魚鬚, 不攻鼻但很突出的芥末,  配上少少的柚子香,  味道調配得當, 令煮得僅熟的墨魚鬚不帶半點腥味,   保留了墨魚的鮮活味會吃到

本來約咗朋友喺銅鑼灣嗰邊睇戲，睇九點幾，今日咁啱又早左收工，大家一於就去食下好嘢，先再睇戲！當然係我朋友比較熟呢頭嘅餐廳呀，佢就帶咗我哋食呢間日本菜，除咗可以叫刺身，仲有我最鍾意食嘅串燒！正呀！前菜 $28*2= $56前菜是一碗清新健康的蔬菜冷豆腐 $40說到清新健康，我哋都有用冷豆腐來接續呢個主題.. 豆腐當然滑溜溜，而且上面的魚絲亦都做到吊味的效果。刺身六點 $298食日本野，來個刺身拼盤開開胃是一個標準的做法吧！荔枝豬肉卷 $33不時不食呀嘛！想不到荔枝嘅清甜同埋豬肉配在一起係一種魔力般的美味！款款都幾新鮮！尤其係油甘魚！煙肉蠔卷 $42笑得香香脆脆的煙肉片包着口感豐盈、又夠鮮味的蠔肉，不得了！黑白胡麻炸多春魚 $52十分之欣賞！燒多春魚炸多春魚都食得多，但係外層鋪滿着黑白芝麻，唔單止為多春魚加了一層脆脆的口感！而且芝麻的香味四溢，之下係飽滿的多春魚肚，好好的配搭。一口炸芝士 $52外皮脆、芝士軟，單單這兩點已經把我殺死了美國安格斯牛柳 $75燒香了的安格斯牛柳，牛香味份外突出

今日又同人去試日本菜啦，間野位於銅鑼灣，叫備長，聽個名都知最出名碳燒物啦！食燒物前先黎個「刺身六點」熱身，非常豐富，有甜蝦、三文魚、海膽、吞拿魚等，入口即溶，而且好新鮮，非常開胃。另外叫左兵衛柚子酒送菜，酸酸甜甜，好夾。味噌燒岩蠔，一上菜已經令人食指大動，色澤明亮，份量十足，咬落飽滿多汁。鵝肝多士，鵝肝恰好覆蓋到多士，每啖都充滿口腔，香濃又滋味。軟殼蟹沙律，軟殼蟹幾乎多到認唔出係沙律，清新又卜卜脆，唔覺油膩。荔枝豬肉卷燒到恰好，熱辣辣上碟，同沙律一齊配搭更好！最後兩道菜都係魚，分別係黑白胡麻炸多春魚、鹽燒日本鯖魚。黑白胡麻帶些許咸味，好惹味，而鯖魚有濃郁碳燒味，令人停唔到口。備長係唔錯嘅日本菜，碳燒火候十足，亦坐得舒服，推介大家黎！

Sales朋友接到大生意，賺大錢請我食餐好~佢話佢同客食過D串燒好好食，所以其實佢係一早有私心想再黎我食完, 終於知道點解佢會咁, 因為我返到屋企都即刻同B仔報告, 鋪定路下個月再去1) 鵝肝多士 $63@好大舊呀!  係日式味道, 甜甜地, 而且燒到外脆內軟, 真係一吃難忘!!!2) 荔枝豬肉卷 $33@好特別! 第一次食, 口感好好~ 不過要小心, 因為超級juicy,熱燙燙~ 荔枝香甜, 配上燒到微焦的豬肉片,味道出奇地夾! 3) 西京銀鱈魚 $178燒到好靚 齋睇都食慾大增! 陣陣香氣撲鼻~ 令人無法抗拒!!魚肉大大片,油香又juicy~ 4) 鹽燒雞翼 $32@呢串最能夠睇得出餐廳的串燒技術~ 外相一流! 雞皮又脆又香, 雞肉juicy入味~ 絕對係高質 餐廳調味一流~ 無加過鹽同七味粉都Ichiban~5) 豚之大腸 $30嘩嘩嘩~ 估唔到咁正! 燒到無晒肥, 少少脆邊, 諗中帶嚼口~ 大腸的油香真係無得彈! 唔怪得係餐廳的招牌菜~6) 燒白繕 $75@白繕皮燒到勁脆 魚肉彈牙~ 雖然無我想像中咁肥美, 但點上餐廳的醬汁都唔錯~   8) 免治雞肉棒 (付溫泉蛋) $42@

總覺得一頓簡單而豐富既晚餐，可以舒緩整日上班既壓力。 女友見我近期辛苦，所以好體貼咁book 好餐廳約我去食。 餐廳位置好方便，係正sogo 隔離。 雖然今日落雨，但不沾一滴雨水就到達。 餐廳環境乾淨簡潔。 重點係食串燒但冇好大油煙味， 空氣流通做得好。 餐牌好多選擇。 前菜，刺身， 主食，同今日既主角串燒都好多選擇。 另外有一特點，就係餐廳有多款清酒選擇，有d 9 點後仲半價，可惜今日渣左車。 今晚既目的主要係想食串燒，所以我地叫左燒豚之腸，燒白鱔，燒免治雞肉棒，荔枝豚肉串，燒雞翼。 仲叫左個鵝肝多士同西京燒銀雪魚。 鵝肝多士有水準， 用日式燒汁去燒既鵝肝，味道好夾。 銀雪魚本身食材靚，所以亦係水準之作。 燒物黎講，我最鍾意燒白鱔。 我本身個人唔好食鱔。不過呢度燒到個皮好脆，但同時肉質仍保持到鮮嫩，一咬落去仲有魚油滲出。免治雞肉棒好正宗，附有温泉蛋黎沾食， 味道同口感都有提升。食完呢餐完全填補曬忙碌既心情。