備長

營業中

休息中

串燒，一向都係香港人最鍾意既美食之一，種類繁多，份量不多，最岩一班朋友一邊食一邊傾計。今日我就黎到銅鑼灣既「備長」，從裝修已經睇得出係高級既日式料理。炸海膽天婦羅，口感特別，脆卜卜，炸完亦不失海膽既鮮味。厚切牛舌+燒豬頸肉牛舌厚得來非常爽口，牛味十足！豬頸肉燒得非常香，完全唔覺得油膩。鵝肝多士，香味十足三文魚炸飯團，非常特別，外層好似飯焦一樣，外脆內軟。墨魚汁炒烏冬，誠意推介，十分有驚喜，墨魚鮮味十足，烏冬非常彈牙！

同朋友慶祝生日，兩個女仔唔想食太多，又想有多d嘅選擇，串燒真係好適合，仲可以飲返杯啤酒🍻爽一爽👍🏻我地一早book 左檯6pm,餐廳有落場時間，晚市6點開，好彩我地有book 位，因為我見7點已經開始full(星期三晚上應該唔係繁忙時間gua🙈)店員嘅態度好友誼，店面都乾淨企理，不過最重要當然係講野食我地點左好多好多！不過當中最愛嘅分別有雞皮串，其實香港唔係好多串燒/居酒屋🏮會有雞皮串，超香口，又脆卜卜，絕對唔覺得肥膩！牛舌亦係推介食品之一，佢個厚切真係厚切，冇呃人ga!!我地仲好豪甘食埋和牛串，5成熟，油脂同肉汁嘅結合，真係冇得彈！為左令自己嘅心理上好過dd,我地都有點返d清清地嘅嘢ga!凍豆腐都算幾大份，我諗佢個汁應該係自己調配，食落個醋味唔會太重，應該好清新👍🏻👍🏻雖然呢度係食串燒為主，不過成個鋪面都冇油煙味，呢一點要讚一讚，最怕食完餐飯，成條街都知你食咩ga ma🙈

掂！去到銅鑼灣就想食日式串燒！雖然有刺身有飯⋯⋯今次主要都係叫燒物，有牛舌，粟米，番薯粒，雞翼，銀雪魚西京燒，燒羊架，煙肉蠔串燒，鵝肝多士。樣樣都不錯，火喉適中，值得比讚係牛舌燒得剛剛好，不會太硬，鵝肝多士又沒有好油嘅感覺。最後因為想有野暖暖胃，叫左個牛肉烏冬，份量好多，牛肉多到食唔晒，牛肉好味嘅，但湯底有啲match

澳門逸園中心是銅鑼灣覓食的好地方，整棟樓都是食肆。很多餐廳都已吃過，目標是要全嘗一遍。備長並不是走性價比高的餐廳，但食物都會讓你覺得付出的錢是值得的。桌上已有前菜，熱茶點了好幾樣，留意番串燒每款兩串起有燒飯團（三文魚）海膽天婦羅 明太子雞翼 白桃梳打，巨峰梳打特別喜歡的有以下幾個：墨魚汁炒烏冬 很好笑，邊吃嘴唇都是烏黑的。記得要擦乾淨才離開鵝肝多士 有甜甜的醬 油香剛好牛舌厚切 特別喜歡吃牛舌，牛味很夠 肉汁也多豬頸肉 外焦內嫩 燒的程度很perfect

朋友這天帶我去吃燒物！之前未去過呢間餐廳，感覺像日本的居酒屋一樣！昏黃的燈光令人很放鬆，很適合和朋友聊天暢飲。入座後店員很快為我們送上前菜及熱茶。餐廳燒物的選擇好多！樣樣都想試下的我地咩就咩都點左少少。另外店員都好好，好nice，仲會提供意見比我地參考。看餐牌才知道原來餐廳今年已經開左11年！係燒物老字號！！   前菜有甘荀、青瓜和椰菜，沾上醬汁清甜可口餐廳而加做緊11年周年慶典，指定的清酒和啤酒買一送一，喜歡喝酒的朋友一定很開心。炸味噌雞肉醸番茄：味道好特別，外脆内軟！加上特製面豉醬和雞肉，口感好風富。燒魷魚筒：有咬口，燒得剛剛好，魷魚依然能保持嫩嫩的感！ 鹽燒雞翼：雞皮燒得超級脆！雞肉好嫩滑，咬下去的肉汁和雞油立刻溢出，令人回味無窮！ 我和朋友都即刻話要叫多幾串。美國安格斯牛柳：牛柳柔嫩而其肉汁鮮美，仲可以選擇幾成熟!!我們就選擇了五成熟，肉理細緻！！！清酒煮大蜆：清酒經過煮熱後味道更加香濃，蜆肉全部都大大粒，很新鮮，清酒底加上葱花可以當湯飲。大蜆粒粒都漲卜卜，好鮮甜！海膽炒飯：炒飯真係超到粒粒分明！採用珍珠米，加上洋蔥，甘荀，魷魚和蜆肉炒香，非常鮮味。配上清甜的海膽！口感非常豐富

今日同事帶我食好野，去左銅鑼灣出名多好野食既澳門逸園中心，而我地今晚試既係日式居酒屋。我們大概6點半左右便到達餐廳，侍應安排了4人枱給我們二人。餐廳燈光柔和，感覺很舒服，餐廳除了有4人枱，還有bar枱及房間。餐牌實在太多選擇了，經過一輪揀選後，最後點了幾款串燒及一個飯。這裡還做緊指定啤酒及清酒買一送一，可惜今天晚上未能夠享用此優惠。點菜前侍應為我們準備了前菜，有紅蘿蔔、青瓜及椰菜，配上枱上已有的味噌一起吃，帶出左幾款蔬菜的清甜。米茄子田樂，茄子切開了一半，上面塗滿了味噌醬，呢個食法我都係第一次食，食落去有味噌醬既咸味，但又食到茄子既清甜，感覺很特別，很新鮮!炸味噌雞肉釀蕃茄，第一次食炸蕃茄既我，又係覺得很特別!蕃茄外面有一層炸粉，而中間蕃茄鮮甜多汁，再配埋內裡既雞肉碎，感覺很清新，口感很豐富，而且絕對唔會覺得佢好油膩!串燒叫左幾款，包括鹽燒雞翼、荔枝豬肉卷、煙肉蠔卷同埋雞骨豬肉腸。鹽燒雞翼我地好味到encore，雞翼外面燒到脆卜卜，咬落去雞翼好juicy好有雞味!荔枝豬肉卷睇落好似好油咁，但係食落荔枝非常清甜多汁，配埋豬肉食，竟然感覺好清熱唔油膩!煙肉蠔卷呢個配搭好新穎，食落有煙肉既咸

星期一返工已經辛苦，當你嗰日返工有好多野要處理嘅時候，收工真係好想食好西！好彩有個食神同事，一講想食串燒，佢就即刻帶咗我去間高質素嘅餐廳。有啲日本餐廳，裝修會好花好亂，有時又會播埋啲日本歌，勁嘈。我鍾意呢間餐廳，簡約嘅裝修，又可以比客人靜靜地享受美食。我哋一坐低，職員就已經攞咗兩杯熱水俾我哋，仲拎咗一兜前菜，呢度每兩個人就要收$24嘅前菜費，前菜係幾條紅蘿蔔同椰菜，但唔係講笑，超鮮甜。之後叫咗好幾款串燒，好耐都冇食過好味嘅明太子雞翼，非常飽滿嘅餡料，微辣嘅明太子，加埋燒得剛剛好嘅雞翼，完全係絕配。厚切嘅牛脷又非常之有口感。

喺銅鑼灣旺區，其實野食選擇係好多，但高質野就真係好有限，之前同朋友黎食過備長，已經覺得串燒好有水準，所以今次再encore。我哋勁肚餓，所以一開波就叫咗個海鮮海膽炒飯，啲海膽好新鮮好香，而海鮮就有啲帶子仔同蜆肉，真材實料，一啲都唔似人哋出面嗰啲蟹柳扮海鮮。串燒方面，佢最少一定要嗌2串，我哋叫咗多春魚、小甜薯、羊扒、鹽燒雞翼、厚切牛舌同雞泡魚干等等。我哋最欣賞佢個羊扒，一啲都唔羶，仲好香。最開心係因為佢做緊優惠，指定嘅酒精飲品同啤酒買一送一，即刻覺得抵左。

在銅鑼灣找一間價錢合理而有水準的日本燒物也不容易。今晚來這間燒物天堂，款式多且特別。餐廳環境舒適，日式裝修簡約雅緻; 在柔和的燈光下進食倍添情趣。先來兩杯啤酒醒醒胃，現在做優惠買一送一更抵飲。溫泉蛋牛油果沙律 $68 ~ 份量十足，爽脆鮮菜配嫩滑溫泉蛋，口感豐富, 零舍開胃！這裡主打燒物，種類繁多。為了凸顯食材鮮味，調味手法保持簡單。日本番薯南瓜天婦羅 $82 ~ 每一片天婦羅都充滿脆嫩滋味，稍微沾上特製天婦羅汁，提升脆香味道，令人回味無窮！蒲燒鰻魚 $43/串 ~ 外脆肉嫩的鰻魚，外皮燒得香脆無比，肉質鮮嫩，全無腥味，無得彈！ 和牛串燒 $168/串 ~ 香氣四溢的和牛濃郁香惹，同樣令人垂涎三尺！ 鵝肝雞翼 $48/隻 ~ 鹹香惹味的雞翼皮香肉嫩，內裡塞滿至愛鵝肝，好味到連骨都涮得一乾二淨最後甜品是雪米磁， 為味蕾帶來清新感覺！能夠吃到如此美味的日本燒物，物有所值，甚至朋友也說好滿意呢！

朋友去過銅鑼灣 備長 吃串燒, 一直都話好食, 要帶我去試試, 剛好今天有假期, 我們約去吃晚餐.餐廳日式佈置, 有方枱也有寿司吧枱,  灯光和諧, 氣氛熱鬧.師傅在忙碌地工作,我們坐吧檯, 更能近距離看到師傅的廚藝, 細心地燒烤.侍應生送來綠茶及餐牌, 一齊細細看. 餐牌食物豐富, 價錢合理. 以居酒屋形式的餐廳, 都會先給點前菜, 新鮮爽脆的椰菜, 青瓜蘸上秘製麵醬, 麵醬鹹中帶甜, 健康脆口.腐皮雞肉卷 $30自家製的雞肉卷, 啖啖肉, 雞肉嫩滑香濃, 外邊包著的腐皮烤得脆香, 好滋味. 美國安格斯牛柳 $75厚切, 牛柳串表面燒得焦香, 內裡鬆軟,  濃郁牛香, 肉汁豐富,  燒得 Medium 的生熟度,  好滋味.  牛油味明太子雞翼 $32雞翼的皮烤得香噴噴,  肉質滑嫩鮮甜, 去骨雞翼內加滿滿既明太子, 很香口, 完全沒帶魚鯹味, 汁多肉厚,  不加任何調味都已很好吃.舞茸豚肉卷 $36豚肉肉質鮮嫰, 帶點脂肪, 卷內舞茸吸收了些豚肉味, 口感更豐富, 舞茸豚肉卷烤得剛剛好, 不會過火.牛肉稻庭烏冬  $88大大碗, 上枱熱騰騰, 有牛肉, 紫菜, 冬菇, 蔥烏冬麵質軟

今晚約了酒肉靚靚朋友一敘，選了這間位於銅鑼灣中心地段的日式居酒屋，貪婪有美酒兼串燒夠香口 好抵啊，適逢11周年慶典， 多款指定日本清酒及啤酒都買一送一呀，恭喜哂 甘就要飲多杯啦，日本麒麟啤 11年真不是一個短時間，尤其是開業在銅鑼灣鬧市中，沒有實力，肯定是不能支撑下去的!有酒就要有佳餚 牛魔王必選 "牛舌厚切'' 及 "牛肋骨"， 真不是講笑，味道真的一流，好 juicy , 肉質好水彈，不會燒得乾身，又香又脆口! 日本蕃薯.南瓜天婦羅 兩樣都好甜味，炸完不乾身，保持了瓜果的水份；炸粉也不會太厚，薄薄的，你看廚纸上也不會沾油，好嘢! 鵝肝雞翼 ，外皮相當香脆，鵝肝軟軟的，入口即溶，太好味了!原來有間隱敝 Party Room, 夠哂 privacy, 大约坐到 10多人， 小型宴會就啱哂 見到一對男女，有花有酒，同女朋友示愛或求婚的好地方啊，多浪漫

女朋友今晚又在銅鑼灣訂了檯吃日本菜, 在人氣大廈, 澳門逸園中心26樓,  備長.   店內是輕輕鬆鬆的居酒屋日式風格, 有方桌, 也有私隱度高的 VIP 房, 適合同好友談天說地, 飲飲食食. 大型吧檯, 可以圍座碰碰杯, 又可欣賞師傅廚藝.店員送上熱茶及餐牌,  由女友決定今個晚餐食品,  我負責找數.先來了前菜條 新鮮椰菜, 青瓜, 紅蘿蔔條配上芝麻麵鼓醬,  幾開胃惹味 ! 溫泉蛋牛油果沙律每次吃燒物前, 女友也多愛吃沙律, 這個有溫泉蛋及牛油果沙律,  伴有新鮮蔬菜, 蕃茄仔, 牛油果, 入口更健康又更爽.  拌入溫泉蛋好甜滑.  第一道串燒上檯, 腐皮雞肉卷.外層腐皮燒烤得微帶焦香, 內裡雞肉保持質感軟滑, 食味教人滿意.  慢慢食小心燙咀.鹽燒油甘魚餃 油甘魚魚頭大大個, 燒到金黃色, 外皮脆口, 魚肉多而香口.   沾些檸檬加醬汁, 好滋味.望見師傅在爐上即燒, 好細心.我倆最愛的 美國安格斯牛柳 兩串到了, 每人一串. 燒出來有陣 BBQ香味,  牛肉表面燒得焦香, 牛味十足, 內質鬆軟, 肉汁豐富, 咬多兩口就完全溶化在口中, 味美.  推介之選.海膽海鮮炒飯海膽份

黎到銅鑼灣唯一抗拒唔到既就係食日本野黎過咁多次呢棟大廈，今次終於要踩踩點一整牌同一橏既清酒係做裝飾好治癒比較多裝飾係少有期待左好耐既海膽天婦羅，出面用紫蘇葉包住新鮮既海膽外脆內香，濃濃嘅海膽鮮味我哋仲叫咗三串串燒牛舌同埋荔枝豬肉估唔到新鮮既荔枝比豬肉包住成塊豬肉都好香荔枝味荔枝嘅果汁包住豬肉一食難忘田園茄子燒，醬汁令到茄子更加好食唔會太乾身！正墨魚汁麵，端出黎果陣重出緊煙香濃嘅墨汁味一食傾心預交一定係最滑既一部份就算煎香左，令魚油更加香燒白鱔，表皮都見到啲魚油，一睇就知道好肥美

見到同事lunch去這間食日式串燒，夜晚興起book臺去試下。去到其實無人，夜晚食到好似包場咁。兩人叫了三款野食加一杯柚子清酒🍶。串燒須每款最少order兩串起。嘗了牛舌厚切、荔枝豬肉卷、海膽海鮮炒飯和兵衛柚子酒。牛舌我非常少吃，其中一串稍微生一點（類似medium），另一串熟一點（類似medium well）。朋友覺得烤得很好吃，加點小鹽味道更好。個人很少吃牛舌，所以吃得不太習慣，而且容易飽肚因為有點膩。荔枝豬肉卷是這家店的招牌，我烤很多汁的荔枝，外包被一片薄豬肉包裹，香甜可口，感覺很新鮮。海膽海鮮炒飯只有三小片新鮮海膽，炒飯味道偏淡，沒什麼油，挺清淡。吃串燒少不了地道的清酒，搭配起來很寫意。這家店總體來說印象挺好的，會再來。

上openrice 找串燒，找了好幾間，最终被燒飯團而選了備長。因11週年，有幾款清酒買一送一，對我俩好酒的人，串燒加清酒，正！我們encore 左燒芝士年榚和大腸，因為好味囉 雖然雞肝也好正，但一人一串太多，希望店主可考慮如牛舌咁可order一串。店員也好nice, 我們清酒分一凍一熱上，她們也分别比我們各選冷、熱酒杯 可維持11年，果然有D料到👍 食物質量和好的待客之道👏