九重鮮 (已結業)

約了朋友特登走去黃埔花園試下呢間九重鮮，主打其實都是食海鮮，特別之處是放在你面前的多層蒸氣鍋，將所有的食材置於不同的層格，稍等片刻，美味的海鮮大餐就可啟動啦。人多就九層鍋，我們2人都有5層，上面的溫度計達到85度就表示熟。象拔蚌: 可能還不習慣，好像有點蒸過籠，有點韌，還好咬得動，味道卻相當鮮甜。蟶子：頗大只，肉質肥厚，爽口卻一點也不幹身，毫無腥味，跟象拔蚌一樣的鮮甜。大蚌：頗大的肉身，相當爽口彈牙。海蝦：相當嫰滑，蝦肉鮮味十足，少少的膏香令口感更上一層樓。元貝：雖然算不上大只飽滿，但爽爽的口感，鮮鮮甜甜，味道濃郁。北寄貝：都好大只，紅紅的肉身肥厚飽滿，相當吸引，肉質爽口，鮮味濃郁，真是越嚼越有味，相當有口感。沙巴肉蟹：雖然不像街市看到的那麼大，但肉質卻相當鮮甜嫰口，味道來說似乎更勝一籌，真的是海鮮的那種原本的味道。花尾龍躉：非常的嫰滑，入口即溶，皮處的膠質鮮香味濃烈。就是好像少了點，有點貪心吧。鮑魚：剛好熟的口感就是爽口又嫰口，充足的水分，鮮香的味道，好食。海螺：螺肉相當有嚼口，越嚼越香，絲絲的鮮味慢慢的滲出，令人回味。番薯，南瓜相當濕潤，甜度非常高。冬瓜，蘿蔔清清爽爽，韓式豬手湯：

猴年初三！恭祝大家身體健康，食得健康，食得是福！要食得健康，當然少食煎炸食物和少食味精食物！今次推介就係只係靠蒸熟和零味精既九重鮮今次店員推介了這款首爾塔！12款海鮮！非常吸引 而塔下面既粥底我們選了韓式豬手！之後放上高塔就開始加熱塔頂上放了温度計！店員會細心講解要等到85度海鮮才熟透！所以要静静等待大約10分鐘:夠鐘後，店員會為我們開蓋！第一層就有聖子！非常爽甜！象拔蚌已細心地切成細份，方便客人食用！！客第二層有海蝦！蝦頭有膏流出，蝦味濃郁！齒頰留香！蝦肉彈牙！元貝大大隻，蒸出黎既汁已鋪滿殼上，非常鮮甜MMG:6]第三層有龍躉！非常鮮味like北寄貝鮮味不'痴'牙！雲耳爽MG:7勁多海like沙巴蟹殼亦都為客人剪碎！蟹亦都膏，肉質鮮甜！花蛤，大蚌亦都鮮味無比，不需加任何調味，已食MG:8]第5層有海螺，無沙！清爽鮮味like唔好睇少d蔬果類，亦都非常好味，like:lMG:9]食到最底層為豬手粥底！所有海鮮精華已滲透在粥入面！豬手勁多軟骨和骨膠原！加埋少量like:lG:10]九重鮮是新店，所以裝修還境光猛整齊！這like:l

年廿七食團年, 今年不打算辛苦媽子, 決定一家出去食海鮮九層塔 有這個想法的應該不只我一個孝女吧, 去到餐廳已經高朋滿座了, 真想不到新開的餐廳如此好生意! 我們都等了大概10 分鐘才有位呢, 不過餐廳門口有很美的九層塔裝飾可以selfie 下, 老人家又可以坐下等位, 時間都過得快一點 佢地有三個 package, 我們揀了每位$398的首爾塔有鮑魚, 海蝦, 大蚌, 元貝, 海螺, 象拔蚌, 大花蛤, 北寄貝, 沙巴蟹肉, 蝴蝶蚌, 花尾龍躉, 日本南瓜, 日本蕃薯 , 真的幾豐富! 餐廳用的是蒸氣鍋, 一開始在鍋底加了大花蛤, 豬手, 白蘿蔔及米, 過了一陣子, 廚房送來九層的塔放在上面, 每層海鮮的精華就一層又一層的向下滴! 這個粥最後吸收了精華而成, 真的不得了! 好東西是值得等待, menu 亦有介紹到要等15 分鐘, 第一層上的溫度計到了 85 度就可以食啦!!  第一層是象拔蚌跟蟶子: 基本上海鮮很"鮮" , 所以真的爽口, 原本餐廳準備了3 堤醬汁給我們, 但我覺得沒什麼需要 驚喜的是大花蚌, 真的跟我拳頭一般大, 很跨張呢 海蝦一整層, 而且每個頭都有蝦膏的! 而媽

之前想訂大坑的九重鮮, 但實在太FULL, 就提議我訂黃埔有無問題, 我OK啦, 都就腳呀!木制MENU幾精美有3個款色選, 由328至5百幾, 就選398個SET啦, 有埋沙巴蟹同北寄貝好爆場, 好旺場, 都坐得好舒服我地點左人參雞做粥底, 店員首先將材料放在鑊再放上我地既塔!!到溫度計升到85度就食得啦蟶子鲜美煙韌既口感，配上韭菜既清香, 同車厘茄既酸甜口感, 吾使咁SAUCE都已經妙絕, 值得一讚係蟶子無沙!! 而象拔蚌口感爽脆，且肉質甘甜鮮美! 飲埋殼裝住啲精華, 實在好鮮甜!元貝肉厚鮮甜,口感嫩滑彈牙, 點一點鼓油, 更增加口感層次!龍躉口感好軟滑, 入口即溶, 而且有一股甘香!!蝦好新鮮夠大隻, 肉質又結實, 配鼓油食, 無得彈!沙巴肉蟹雖然細細隻, 但 味道鲜美，香味四溢除左海鮮正之外, 蔬菜類都係一股清泉, 日本蕃薯同南瓜, 2樣都好甜, 薸到糊糊地, 入口即溶, 再點甜酸醬, 口腔肉甜與酸之間徘徊, 回味無窮最後到鑊既人蔘雞粥, 無人蔘既苦味, 而雞都嫰滑, 所有同海水味溶入粥底當中，真係鮮甜無比 !!原來有做午餐, 有次經開黃埔都黎食先!! 

兩條友落街食,新年好多地方都未開連鎖店又大排長龍,於是黎呢度試新野碰下運氣今日好彩,walk in都係等一陣,見入面都有其他係兩個人食o既其實選擇就冇乜,除左唔食蠔之外覺得個menu點睇都差唔多為左唔食蠔於是叫左個貴$70 o既首爾塔得兩個人所以佢俾五層放o個5層上去之前,店員會先將粥料放o係最底,o係你食緊上面d海鮮o既時候下面就一路煲緊粥要等15分鐘左右夠85度先可以食,店員會一路留意住進度,見你夾完一層就會拎起俾你食下一層醬料方面有3款,分別係豉油,酸梅醬(平時食燒鵝o個d),韓國辣醬前菜每人一碟仔,泡菜同酸蘿白第一層...呢層係味道最好最鮮o既,其次係估唔到粒車厘茄煎過會咁甜第二層...d蝦好大隻,點唔點野都好味(個辣醬會完全蓋過哂所有其他味道,唔建議)第三層...忍唔住要講句乜得咁少野o既兩件仔魚肉真係食左都唔覺,不過好在唔鞋第四層...成件事最麻煩就係食蟹,咬又驚整到d牙,唔咬又好難撩出黎,因為完全冇工具同埋咁細隻其實食唔到d咩味另外就係旁邊d木瓜好甜,正最後一層喇,終於輪到鮑魚出場,都幾彈牙蔬菜類入面最唔ok係個冬瓜,完全一d味都冇一路都冇乜點提到d蜆呀蚌呀係因為全部都覺

人人要健康，天天要快樂，歲歲有今宵，每每事順利，國國永太平。健康是多方面結合的成果，例如：心理丶思想丶生理丶飲食及活動。一個人的快樂，始於思想丶終於心理。當上述兩者共同存在時，自然萬無一失，國太民安！近年，政界政黨講政治，鬥氣鬥嘴不鬥力，事事層層叠。但我就鬥蒸氣強，嘴巴食過不停，將簡單的每碟上，改為向上叠起多多層。這是愛上蒸氣鍋食店<九重鮮>的原因。一行四人在星期五晚上到訪黃埔花園<九重鮮>新店，測試與老店的分別，所以於晚飯時間前到達。店內佈置帶點韓潮，像小木屋中放着木桌椅。我留心店員講解餐牌內食物分類。最後我們選擇“首爾塔”套餐。蒸氣鍋底用上人篸雞湯，材料有米丶韓國年糕丶連殼花蜆及最重要的是人蔘雞全隻。在韓國多是採用生長期一年的人蔘，有保養腸胃功能，老少皆宜。糯米有暖胃作用。兩者加入春雞肚內，是韓國人的智慧。在蒸氣鍋頂蓋上，放罝着温度計，是負責人的智慧。當達到80度時，就可由頂開始每層品嚐。再使用店方提供的沙漏計時器，五分鐘後才打開下層，時間剛剛好。放置食材也要智慧。相信用心就成功。一打開鍋蓋，六丶七吋長的聖子及象拔蚌伸手向我打招呼，不等到五分鐘，立刻

紅磡新開的九層海鮮塔食店「九重鮮」，採用蒸氣方式蒸煮海鮮九層塔，聽說這個煮熟方法讓海鮮留住鮮味又不會出現過熟。蒸海鮮已經吃過幾次,今次就來試試九重塔。當天是除夕夜, 人也特別多, 幸好一早book 了位, 於是不用等候已經可以入內。店內環境光鮮, 每一張桌子試也有層層海鮮塔, 很想立刻試試海鮮塔! 我們一行四人選了 398的首爾塔。等候的時間不算長，店員說溫度達至85度便可食用第一層。第一層: 蟶子 象拔蚌象拔蚌味道鮮甜，肉質脆嫩。蟶子鮮美，口感嫩滑爽口。第二層: 元貝元貝大大隻而且鮮味~第三層: 海蝦味道鮮美，肉質Q彈第四層: 蝴蝶蚌, 大花蛤, 木瓜花蛤甜, 而蝴蝶蚌海水味濃。木木瓜是估不到的果甜~第五層: 北寄貝 新鮮花尾龍躉北寄貝鮮味, 而龍躉火喉剛剛好,魚肉很滑和鮮甜。 第六層: 沙巴肉蟹不得不讚廚師的細心, 肉蟹在蒸塔試是完整的。一打開才知道肉蟹已經解體了, 蟹殼已經壓了裂痕, 方便了客人食用, 細心無比。肉蟹身和蟹鉗肉多味鮮, 非常滿足!第七層: 鮑魚鮑魚大大隻 , 原來清蒸味道會挺鮮。第八層: 海螺 粟米 南瓜海螺比較細, 粟米 南瓜甜第九層 : 豬手海鮮粥非常喜歡豬手

年廿七，與好朋友一行三人食海鮮，好好獎勵下過往一年的辛勞。其實我一直都好想試下九重塔的，所以決定就嚟試下。我們今次叫咗首爾塔，而個湯底是韓式豬手湯登登登，九層塔，嚟到了，坐我對面的朋友都比個塔遮住咗喇!職員好細心地講解食法，當個溫度針去到85°C就可以叫職員幫手，拎起個蓋就食得了。見住個溫度針好快升到85°C喇，終於食得!第一層 : 蟶子、象拔蚌蟶子通常都係用蒜茸粉絲蒸的，第一次試唔用蒜茸，上面粒蕃茄仔酸酸地，意外地與蟶子好夾。而個象拔蚌好鮮甜美味，連埋d汁嚟飲，正!第二層 : 元貝大大隻既元貝，肉厚多膏。初初好白痴咁以為，紅色嗰舊係紅蘿蔔，望真d原來係膏嚟架!第三層 : 海蝦蝦頭多膏，一d都唔係雪藏蝦嚟，蝦肉清甜爽口，職員講蝦可以點淡豉油嚟食，但個人覺得唔點先食到蝦既鮮味。第四層 : 北寄貝、新鮮花尾龍躉爽口彈牙，北寄貝通常都係食刺身時先食，小女子孤陋，第一次見連殼的北寄貝。龍躉肉厚無骨，正!第五層 : 蝴蝶蚌、大花蛤大花蛤都係嗰句好鮮甜。職員好細心咁見到d蝴蝶蚌唔開，放是好細心拎咗去廚房到，同我們蒸返熟佢。過咗一陣佢就拎返d蝴蝶蚌比我們食了。不得不讚個配角木瓜，吸咗上面幾層既海鮮，

好耐無見姑姐啦!今日收工的起心肝過黃埔探下姑姐! 姑姐話唔煮飯，一齊落佢樓下新開既「九重鮮」食海鮮!一向都聽大坑個間好出名，又多人，都唔知黃埔開左間新既!梗係一齊試下啦!睇睇見到有3款MENU，釜山塔﹑首爾塔同濟洲塔。我地覺得首爾塔中等價錢最好($398)，於是就ORDER左首爾塔。好記得初初擺塔時，個塔得16度，侍應過黎同我地解釋左，原來要85度先可以食架!最易熟既放係面~等左15分鐘左右，迅速升到85度啦!時時岩岩好，侍應過黎同我地開蓋~我唔客氣啦~開頭有蟶子﹑象拔蚌，兩樣都切得好好，蟶子肉質又肥又滿，夠爽口! 象拔蚌口感爽，而且洗得好乾淨﹑無沙!再黎就係我既最愛元貝!呢個真係要重點握介!隻隻都好大隻!殼入面仲有D元貝汁(應該係水但係混入左元貝味，超級鮮甜)一打開蓋見到好大隻肉!真係啖啖肉正到啤!另外橙色我懷疑係膏OR內贜既東西都好鮮味!唔好以為海鮮清蒸無味道呀!樣樣海鮮都可以食得出個別獨特既味道!D元貝有我隻手掌咁大架!之後有海蝦出場~D蝦雖然唔算好大隻，但係非常好味!侍應同我地講海蝦可以配以預先準備好既淡豉油一齊食，會更好味~我就試左一隻完全唔落野，一隻點淡豉油。完全無落個隻，

絕對不起眼的位置, 住係附近都無留意, 今日約了同事吹水才知道, 原來之前個間"日式咩咩咩..."關門後, 便開了這間....一睇個名, 你大概估到了吧... 韓潮又殺埋身了....韓潮停不了.... 以為炸雞熱潮已過, 誰知又來一樣新花款: 層層疊疊蒸煮式火鍋, 檯上裝置了火鍋爐, 大約十多二十分鐘, 便可以把層層海鮮塔內的食物蒸熟, 蒸海鮮滲出來的湯汁, 會流入底層, 所以底層都會預先放入生米和些少配料, 食到最後, 便可以嘗到十分美味的海鮮湯粥睇店舖自己介紹..., 咁樣樣講喎....即使韓國的店, 賣這種菜式, 都是在廚房把海鮮略為煮一煮, 待半熟後才取出, 放客人面前再蒸熟..., 但此處自稱其將會全用生的新鮮食材, 放客人面前蒸..... 是實上... 如果兩者都是新鮮的食材, 我真的不知道分別有多大.... 可能我的功力太輕, 太小分別實在吃不出來....哈哈... 不過, 我甚喜歡這種不加調味料的蒸煮方法, 實在是對店鋪的大考驗, 食材水準, 一試便知好壞....檯上即蒸海鮮, 蒸爐火力特別猛烈, 普通貨式.... 唔得囉, 一定要"桑拿火鍋", 再加上一枝溫度計, 睇

同朋友傾開計 講開有間食蒸氣海鮮鍋好正嘅叫九重鮮 得知佢係黃埔開左分店 天氣凍凍地 一於去試啦 今日我地試嘅係店長推介嘅首爾塔 由於我地兩個人食 九層係比四至五人食嘅 無可能食得哂啦 所以兩個人五層就岩哂啦 二人份量  首先係第一層 主打嘅有象拔蚌同埋蟶子 蟶子爽口彈牙 蒸出尼唔會太韌 剛剛好 象拔蚌細心在已切條 好容易入口 而且最精華嘅汁係哂個殼入面 食完舊肥美象拔蚌 當然唔可以放過埋啲汁啦yummy! 第二層係我最愛的貝類海產 當中包括大蚌 北寄貝同埋元貝 最令我眼前一亮嘅係大蚌 入面啲肉同個殼都一樣咁大隻 唔會因為蒸嘅時間長而令到啲肉縮細 真係啖啖肉呢  元貝方面 食落去就知道佢係新鮮料 鮮甜味十足 北寄貝就較為遜色 因蒸出尼有啲乾身第三層有搶眼既肉蟹 配搭住新鮮龍躉 仲有花蛤同蝴蝶蚌 我本身對蟹興趣不大 但見到佢好多膏係入面 而肉都好容易拆出尼食 方便我尼d死爛鬼 龍躉肉好厚好嫩滑 肉連皮上 唯一不足之處係食到最後有塊魚鱗係到 至於花甲同埋蝴蝶蚌有對比之下就唔算太突出 第四層就有海螺同鮑魚做主角 海螺比平時食嘅較為細隻 但口感不錯  店員亦都好細心為我地安排好竹籤方

朋友生日想食九層塔，我就話之前食九重鮮好食，就帶左佢同朋友們去食了。當book位時，店員問我地有無興趣在新分店黃埔試。我地都住在沙田同九龍的，所以好快說“好啊”.從紅磡下車，行兩條街，望見聚寶坊過馬路轉左就是了。 入到去非常新同光猛，令人感精神！有八款唔同既前菜, 食完才再添.我地選佢推介的釜山塔，而粥底就選了泡菜粥底。等了十分鐘左右，待應拿粥底的材料放在窩上，然後隨隨拿出九層塔出來，塔內每層都放有唔同既海鮮同蔬果。到85度就可以開始食啦！！其後每五分鐘開一層來食。如大坑店的釜山塔一樣，打頭陣有爽口的大蟶子同象拔蚌，象拔蚌仲洗得很乾淨之餘仲切埋一條條，方便進食。連埋啲露芝菇，食别具風味。特別在放了幼嫩菜心一起蒸，熟度剛剛好，不會過熟而太淋同黄，又唔硬。第二層係新鮮大元貝，鮮甜多汁像湯一般。之後有大海蝦，金茹，蒸得剛熟的大龍躉，魚旁起膠，大魚都唔鞋唔韌，食完無渣，旁邊有蚌。 再加埋鮑魚， 大花蛤， 廣島蠔，海螺等等海鮮，簡直一條龍。 别以為只得海鮮咁dry,日本甜蕃薯，南瓜同粟米，超級甜，仲重本身既原味，令人眼前一亮！(我無食的蟹, 多蟹膏同鮮甜, 朋友很滿意)最後！幾飽都要埋粥底,正如