564
45
21
等級4
149
0
2016-01-25 475 瀏覽
同朋友傾開計 講開有間食蒸氣海鮮鍋好正嘅叫九重鮮 得知佢係黃埔開左分店 天氣凍凍地 一於去試啦 今日我地試嘅係店長推介嘅首爾塔 由於我地兩個人食 九層係比四至五人食嘅 無可能食得哂啦 所以兩個人五層就岩哂啦 二人份量  首先係第一層 主打嘅有象拔蚌同埋蟶子 蟶子爽口彈牙 蒸出尼唔會太韌 剛剛好 象拔蚌細心在已切條 好容易入口 而且最精華嘅汁係哂個殼入面 食完舊肥美象拔蚌 當然唔可以放過埋啲汁啦yummy! 第二層係我最愛的貝類海產 當中包括大蚌 北寄貝同埋元貝 最令我眼前一亮嘅係大蚌 入面啲肉同個殼都一樣咁大隻 唔會因為蒸嘅時間長而令到啲肉縮細 真係啖啖肉呢  元貝方面 食落去就知道佢係新鮮料 鮮甜味十足 北寄貝就較為遜色 因蒸出尼有啲乾身第三層有搶眼既肉蟹 配搭住新鮮龍躉 仲有花蛤同蝴蝶蚌 我本身對蟹興趣不大 但見到佢好多膏係入面 而肉都好容易拆出尼食 方便我尼d死爛鬼 龍躉肉好厚好嫩滑 肉連皮上 唯一不足之處係食到最後有塊魚鱗係到 至於花甲同埋蝴蝶蚌有對比之下就唔算太突出 第四層就有海螺同鮑魚做主角 海螺比平時食嘅較為細隻 但口感不錯  店員亦都好細心為我地安排好竹籤方
更多
同朋友傾開計 講開有間食蒸氣海鮮鍋好正嘅叫九重鮮 得知佢係黃埔開左分店 天氣凍凍地 一於去試啦
327 瀏覽
2 讚好
0 留言
今日我地試嘅係店長推介嘅首爾塔 由於我地兩個人食 九層係比四至五人食嘅 無可能食得哂啦 所以兩個人五層就岩哂啦 二人份量 
43 瀏覽
0 讚好
0 留言
首先係第一層 主打嘅有象拔蚌同埋蟶子 蟶子爽口彈牙 蒸出尼唔會太韌 剛剛好 象拔蚌細心在已切條 好容易入口 而且最精華嘅汁係哂個殼入面 食完舊肥美象拔蚌 當然唔可以放過埋啲汁啦yummy!
77 瀏覽
1 讚好
0 留言
第二層係我最愛的貝類海產 當中包括大蚌 北寄貝同埋元貝 最令我眼前一亮嘅係大蚌 入面啲肉同個殼都一樣咁大隻 唔會因為蒸嘅時間長而令到啲肉縮細 真係啖啖肉呢
 元貝方面 食落去就知道佢係新鮮料 鮮甜味十足 北寄貝就較為遜色 因蒸出尼有啲乾身
75 瀏覽
1 讚好
0 留言
第三層有搶眼既肉蟹 配搭住新鮮龍躉 仲有花蛤同蝴蝶蚌 我本身對蟹興趣不大 但見到佢好多膏係入面 而肉都好容易拆出尼食 方便我尼d死爛鬼
龍躉肉好厚好嫩滑 肉連皮上 唯一不足之處係食到最後有塊魚鱗係到 至於花甲同埋蝴蝶蚌有對比之下就唔算太突出
21 瀏覽
0 讚好
0 留言
第四層就有海螺同鮑魚做主角 海螺比平時食嘅較為細隻 但口感不錯  店員亦都好細心為我地安排好竹籤方便我地撩出尼食 鮑魚大大隻連殼上 肉地亦都夠晒厚 就算佢地係最底層蒸左較長時間 都唔會有韌感覺
 不得不提 每一層除左海鮮之外亦都有蔬菜或菇類做配搭 雖然作為配角既佢地絕對無主角咁搶眼 但蔬菜清新嘅味道 亦叫人一再回味
20 瀏覽
0 讚好
0 留言
話咁快就已經到最底一層嘅粥底鍋 去到尼分鐘其實已經有八成飽啦 再食埋個粥就真係岩岩好啦 粥底吸收哂所有海鮮嘅精華 粥底煲到好綿滑 本身魚湯已經有濃濃嘅鮮魚味 但一啲都唔腥喎 加埋娃娃菜 雲耳 蜆嘅襯托 甜味非常 即使已經食到咁上下飽 都忍唔住一添再添碗粥 正!


食海鮮 一向都屬於高消費享受 但以九重鮮所提供嘅質素 絕對係物超所值
 下次再約埋三五知己一齊尼 真正感受下九重鮮嘅九層滋味先!


(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2016-01-21
用餐途徑
堂食
人均消費
$450 (晚餐)