Tartes & Pop

营业中

休息中

After doing some research on Internet, I decided to order mini tarts from them, partly because of the petite tart size (calorie intake is always a concern for office ladies) and partly because of the comments posted. I am not a fan of tart, so I didn’t expect to have any of those I ordered. However, one tart was damaged when I was trying to serve it to a colleague, so I took that damaged one. I forgot which one I ate but I recall it’s delicious, fresh and with the ‘just-right’ sweetness. I woul

I bought the mini-sized tart for the farewell meeting. Very delicious and the taste is not so sweet but quite fresh indeed. The appearance of the tart is beautiful and it is prepared with full of heart!! It is good for the meeting, party or farewell activity as well as house warming.

今日有同事升職請食上環尼間超有水準，有心思的甜品店。聽聞係法式甜品。一打開個大盒，入面再有每個的獨立精美包裝。打開每一個都令人寄待。《3號 法式咖啡忌廉布丁撻》$45唔甜，未放入口，已經有陣陣咖啡的香味，食一啖已經食出上層咖啡的香口，中層布丁軟滑，低層曲奇的香脆。 好正 怕甜人仕可選這個，因為唔會太甜。《8號 鮮薑啤梨撻》$45一打開，凸出的啤梨圓型，賣相已經好可愛。中間白色凸出的啤梨圓形個人認為有少少甜，但配搭下層曲奇餅底又中和返。薑味唔算太重。 都係廚房心意之作。 下次會再試其他。

I ordered the min box sets from Tartes & Pop for the Grand Opening Ceremory of the tailor shop.  First of all, the box design is so considerate and beautiful, ppl can get the tarte directly out from the box with just 2 fingers and no mess at all.  Second, the tartes look so good and tastes so yummy, everybody loves it. Finally, the tarts delived on time and very good service.  I am very happy with it and definitely gonna order again for any parties.

上環西港城喺香港出名嘅歷史建築物之一，紅磚牆喺佢嘅特色，今次買甜品呢間甜品店喺由外國人開設，唔知係咪佢地喜歡呢間紅磚建築物，所以店鋪就開正喺西港城隔離，對我嚟講就係好容易就搵到呢間小店。嚟之前已經落左order，到左之後見到已經包裝好，每件tart有獨立包裝，之後再全部放入一個大紙盒，check左冇問題就可以直接攞走，非常簡單。要左四款唔同味道嘅tarts：青檸丶咖啡丶綠茶丶同埋百爵茶味。青檸味道清新，大熱天時食左佢感覺都變得清新左。咖啡味呢款我最喜歡，因為好香咖啡嘅味道。綠茶喺採用日本頂級綠茶材料製作，剩係睇到佢嘅顏色就知道喺用料講究。百爵味呢款喺我另一至愛嘅味道，因為佢味道清淡，入口之後可以慢慢等啲清淡百爵香味留喺口腔𥚃。

上環西港城對面有間小小法國餅店，每次坐叮叮都會經過，今日就買四個蛋糕去探朋友，入到餅店有兩位外國人，但蛋糕竟然唔多，了解後原來好多客都會網上訂購，之後自取或送上門，佢哋個廚房就响鋪頭，每隔大約兩、三個鐘就做一轉，視乎訂單而定，確保新鮮，而walk in 客要睇彩數，就如我喇😅檸檬榛子朱古力撻Lemon Gianduja $45撻面三小卷榛子朱古力，帶有拖肥甜，中和帶酸嘅檸檬蓉，酸酸甜甜好醒胃法式咖啡忌廉布丁撻Coffee Creme Brûlée $45本身已經好鐘意食Brûlée ，呢隻Brûlée 滑中帶香濃咖啡味，雙重享受鮮薑啤梨撻Pear & Ginger $45有啤梨味亦食到微薑味，如果薑味可加強就更合我意黑芝麻抹茶撻Sesame Matcha $45必食推介，黑芝麻及抹茶都係日本人常用作甜品嘅材料，估唔到法國人都可以做得咁好食，食到黑芝麻味又食到抹茶香

屋企人喺上環返工，今日竟然帶咗啲驚喜返嚟，係四個超級可愛精緻嘅tart!家人真係好有愛。打開大盒，見裏面原來仲有四個細盒裝住每一件tart，係幾整齊嘅，但會唔會係過分包裝呢⋯⋯每個細盒上都有一個數字，來表示裏邊裝住邊一款tart。典雅嘅外表已經吸引着我全家人嘅視線，這個覆盆子巧克力撻上有少許新鮮的覆盆子果醬，酸酸甜甜，味道清新，食得出真係粒粒覆盆子打出嚟。切開建裏邊有好幼滑嘅朱古力慕絲，下面有鬆脆的朱古力曲奇餅底！朱古力慕絲的可可成分高，但完全食得出有可可粉粒，真係打得好滑好滑，係心機啊！食到去脆卜卜嘅餅邊，以為都係朱古力慕絲同埋曲奇餅，點知原來個邊全部都係新鮮嘅覆盆子醬，每啖都好fresh，啱啱食完甜絲絲的朱古力慕絲，突然食返一啲酸酸甜甜嘅味道，有強烈對比，真係估佢唔到。鮮薑啤梨撻這個tart根本是全場焦點，原來薑味同啤梨可以咁合襯！清新淡淡的薑味來自頂層的啫喱，啫喱甜度適中，滲透出真正的薑味，下一層的慕絲是由啤梨果肉打成的，入口食到果肉嘅纖維，真材實料，真係冇喺外面食嘅西餅咁甜，明顯冇乜落砂糖👍🏽👍🏽這個曼越莓朱古力撻的一大特色在於上面的小蛋糕，因為浸滿果汁而濕潤，隱約透出陣陣酒香

今次去這間甜品店真係有好大的驚喜！店鋪裝修很活潑很特別。橙色與點點風格清新。店內的裝潢設計極有style，牆上均是橙色為背景的小插畫。簡潔而有趣。店家就連包裝亦盡顯心思，一個大大個得盒子中再裝有4個小蛋糕。每個蛋糕亦有獨立小包裝。小盒子避免了甜品與甜品間的互相碰撞，能保持甜品的完美度。大盒裝小盒十分可愛。---香橙伯爵茶撻 $45 - 上層是甜橙與啫喱混合的甜橙啫喱，配以香濃的伯爵茶，當中更有甜橙夾心，配以曲奇餅底，味道清甜又有茶味。---士多啤梨忌廉撻 $45 - 士多啤梨撻味道酸酸甜甜，不是只有甜味，上層的士多啤梨啫喱甜甜酸酸很好初戀味道。當中雲呢拿籽增添香濃味道。內層更有士多啤梨夾心，一層夾一層，極富心思，買相吸引。---蔓越莓朱古力撻 $48 - 淡淡嘅拖肥忌廉唧花，配以少少酸嘅內層有蔓越莓汁造成的啫喱朱古力蛋糕，朱古力撻底將香濃的朱古力帶埋出黎，好正。---Tartes & Pop 的甜品盡顯巧思，每份甜品亦有其特色。食料的組合亦精妙地設計過少配搭。難怪可以做到0負評。誠意十足！值得推薦俾朋友！

傳說中，部分人類已進化到有多於一個胃而呢一個胃，就係用黎消化甜品如果你同我一樣，已經進化到多左一個甜品胃咁就一定唔可以錯過呢一間甜品店==============================位於上環既Tartes & Pop，雖然要過海，但還好既係佢都幾近上環站，Ｃ出口出閘只需數分鐘路程便可到達呢一間小店係由兩位法國人親自主理，將法式甜品既精緻同美味帶黎香港雖然鋪仔細細，但裝飾都唔馬虎，而且店面簡潔優雅，令人有一種舒適既感覺各式各樣既撻都放晒係到，一見到顏色咁豐富既撻都已經令人食指大動唔好見到呢到得咁少撻，就以為呢Ｄ係賣淨貨，會唔新鮮但其實店主係堅持維持高品質，所有撻絕不過夜，所以每日做既數量唔多我揀左四款撻，分別係新鮮青檸撻（$45）、覆盆子朱古力撻（$45）、黑芝麻抹茶撻（$45）、檸檬榛子朱古力撻（$45）曾經食過中大既名物檸檬批，有食過既都知有幾正，我天真地以為係香港係唔會食到可以超越到佢既檸檬甜品，但我發現我錯了新鮮青檸撻（$45）新鮮青檸撻竟然仲特別標明「新鮮」二字，係咪真係咁新鮮先？係呀！將新鮮既青檸配以白朱古力，酸同甜合而為一，兩者不亢不卑，合而為一，完美既配搭！另

Lunch行經西港城，發現這間Tartes&Pop法式糕餅店身為甜品控的我當然要「視察」一下環境。店柔都由法國師傅親自主理，他們擺放了數十款特別和精美的餅撻，去貨很快，有的只剩餘一件，心想質素一定不錯，於是就買一盒買件回家跟家人分享。不得不讚其包裝精緻，打開大盒可見每款餅撻都獨立包裝，外觀大方之餘伸手入內拿取餅撻時更方便和衛生，送禮一流。《新鮮青檸撻 $45》- 我比較喜歡食帶酸的，怎能不選青檸味。入口酸度調教剛好，酸中帶檸香，很醒胃，而且餅底做得很好，薄脆又不油膩，整體很不錯。《香橙伯爵茶撻 $45》- 在店內聞到陣陣橙香，原來有這款香橙伯爵茶撻。伯爵茶做的部分很香滑，茶味和橙味很平均，甜度適中。《士多啤梨忌廉撻 $45》-忌廉中加入了雲尼拿籽和搞檸汁，令忌廉既香清而不膩，而且青檸皮絲更能提升香味。士多啤梨不是直接放在忌廉上，而是加做了一塊士多啤梨味的啫喱作承托。所以名字普通但實際卻有驚喜。《蔓越莓朱古力撻 $48》- 蔓越莓控必點。球形的蔓越莓做成海綿質感，微酸搭配的，同樣賣相味道同樣做得出色。下午茶來一個Tartes&Pop的餅撻，款式選擇夠多樣，配杯咖啡，十分滿足。

Orange Earl Grey Tarte平日不喝Earl Grey 但覺得這件茶味好清香☕️配上香橙更清新 是不愛吃甜的選擇 🍰Lemon Gianduja tarteSo refreshing yet.. sour.但其實餅底真的很好吃Sesame Matcha tarte很豐富的綠茶味💚💚💚Coffee Crème Brûlée tarte喜歡Crème Brûlée的人不能錯過！Super tasty 😍很喜歡他們橙配白的設計簡約清新 用來做散水餅都很不錯！

近排係呢區番新工，LUNCH行開經過幾次呢間餅店比D撻吸睛去。是日放工特登黎買幾件歸家，皆因夜晚電視免費播世界盃，打算買番幾件番去飯後睇波一家人食。店外吸裝修簡約時尚，主要以白+橙色為主，簡潔中又帶點突出，幾SHARP醒下，一目了然。最特別既係開頭以為牆身係歌手簽左名既CD盒做裝飾，但原來係間店既蛋糕盒仔貼上明星相+簽名映襯的，好有心思。揀左幾款撻，都係平時食開CAKE喜愛既大眾口味， 一定唔會中伏:黑之麻抹茶撻上面舊抹茶打得好CREAMY，抹茶味幾濃，最估佢唔到既係之麻放左係批既中間位置，有點像之麻蓉，好重好香黑之麻味，口感札實，意想不到既係黑之麻同抹茶既味道係可以咁夾士多啤梨忌廉撻 上面既士多啤梨酸酸甜甜，配埋吉士、忌廉、蛋糕同消化餅底，老納我愛好食忌廉，中間主部分既忌廉打得幾細滑，輕身既感覺，撻底完整不易碎吃下有質感，不太甜且不膩口，整體感覺好融合芒果茉莉撻 一樣都有吉士、忌廉、蛋糕同消化餅底好正，配上既材料唔同，芒果好清甜，有少少花香味，底部批既CREAM有淡淡焦香味呢個crossover 既結合令人有驚喜 法式咖啡忌廉布丁撻 有忌廉、咖啡、濃濃既布丁同消化餅底。雖然味道比較甜

今天經過上環西港城，行經摩利臣街，見到這間專門賣撻的法式糕餅店。入左去睇睇，原來係法國糕點師主理，即刻感覺高級左，心諗老婆一定like。買幾件返去比老婆試下先，櫥窗當中見有十款不同口味嘅撻，我揀左四款，很喜歡它的包裝，每個獨立細版包裝盒，四個一起大版包裝盒，設計簡潔又漂亮。《鮮薑啤梨撻 $45》賣相漂亮，上面一個晶瑩的半球體像水晶球般，口感味道配搭特別，是鮮薑配啤梨，甜度適中，最喜歡個餅底，質感厚實。《黑芝麻抹茶撻 $45》喜歡抹茶的我揀左哩款，上層一個工整的四方型mousse還有一小朱古力塊，下層滿滿抹茶粉，食落口感同樣豐富，味道有層次。《檸檬榛子朱古力撻 $45》打開已經聞到陣陣檸檬香，入口帶酸，上面的榛子甜味剛好中和酸度，檸檬撻口感滑溜。《法式咖啡忌廉布丁撻 $45》賣相像蕉糖布丁，上層脆脆的，入口有濃郁的咖啡味，好香滑，個人比較喜歡這個口味。

貪心生日蛋糕1開4@Tartes & Pop 上環摩利臣街2號地舖 隨住香港人均收入增加同對食物有要求，蛋糕麵包都走精緻高級路線，對麵包蛋糕心癮很大，飯都可不吃，但小麥做的麵包蛋糕多多也吃得下7月生日不想訂大蛋糕，心思思改成買4件漂亮蛋糕，一次過嚐4個口味。看玻璃櫃中己深深吸引，猶豫要那件，最後挑了以下4款講外表一定比10分滿分了，無死角手工精巧。一個個用小盒子包好唔怕弄污散開，再放到大盒子方便拿走，服務細心。每個都是消化餅碎加牛油壓成做低層，Sesame Matcha tarte ，抹茶控先選，面灑上抹茶粉甘味迴旋，黑芝麻芳香又可以補鐵質，有點日系感覺。Lemon Gianduja tarte 夏天來點檸檬清新酸香帶動胃口，甜中帶酸有芳香的檸檬肉果蓉點綴在蛋糕面，愛吃果仁的我被那榛子朱古力感動了，入口細膩而榛子味出眾。Orange Earl Grey tarte 有火花，茶香醇有甘，加上橙香的中間層細滑入口即化，上面更有橙肉蓉同放了鮮橙肉呢！Raspberry Chocolate tarte，酸酸raspberry 同朱古力好夾，一酸一甜正好平均了，而濃郁的朱古力入口即浴化開，朱古力

今日下午同朋友去開上環，途經依間名叫Tartes&Pop的店鋪，店鋪十分清潔齊整，裝修得很有風格和特式。係窗前望住這些自家製蛋糕，十分吸引。買相好靚。入到店內，店員很有禮貌和友善。並介绍了很多款式和味道的蛋糕或撻给我們，最後我買咗4款，分別有黑芝麻抹茶撻，新鮮青檸撻，士多啤梨忌廉撻及法式咖啡忌廉布丁撻，外賣包装好靚，好特別。店員介绍包装是由他設計，外賣拿去家時，特別會保護到裏面的撻。包裝夠特別和美觀。拿到回家，急不及待試，黑芝麻抹茶味的撻，印象尤其深刻，口感一流，好味道。另外咖啡忌廉味道也很濃咖啡味，感覺特別，好味道。士多啤梨味也很好食。至於青檸味的撻感覺特別新鮮。好好食。價錢每件约45元。物有所值。绝對值得介绍比喜歡食撻的朋友。