影片
更多
2018-07-16
117 浏览
傳說中，部分人類已進化到有多於一個胃而呢一個胃，就係用黎消化甜品如果你同我一樣，已經進化到多左一個甜品胃咁就一定唔可以錯過呢一間甜品店==============================位於上環既Tartes & Pop，雖然要過海，但還好既係佢都幾近上環站，Ｃ出口出閘只需數分鐘路程便可到達呢一間小店係由兩位法國人親自主理，將法式甜品既精緻同美味帶黎香港雖然鋪仔細細，但裝飾都唔馬虎，而且店面簡潔優雅，令人有一種舒適既感覺各式各樣既撻都放晒係到，一見到顏色咁豐富既撻都已經令人食指大動唔好見到呢到得咁少撻，就以為呢Ｄ係賣淨貨，會唔新鮮但其實店主係堅持維持高品質，所有撻絕不過夜，所以每日做既數量唔多我揀左四款撻，分別係新鮮青檸撻（$45）、覆盆子朱古力撻（$45）、黑芝麻抹茶撻（$45）、檸檬榛子朱古力撻（$45）曾經食過中大既名物檸檬批，有食過既都知有幾正，我天真地以為係香港係唔會食到可以超越到佢既檸檬甜品，但我發現我錯了新鮮青檸撻（$45）新鮮青檸撻竟然仲特別標明「新鮮」二字，係咪真係咁新鮮先？係呀！將新鮮既青檸配以白朱古力，酸同甜合而為一，兩者不亢不卑，合而為一，完美既配搭！另
如果你同我一樣，已經進化到多左一個甜品胃
咁就一定唔可以錯過呢一間甜品店
==============================
位於上環既Tartes & Pop，雖然要過海，但還好既係佢都幾近上環站，Ｃ出口出閘只需數分鐘路程便可到達
呢一間小店係由兩位法國人親自主理，將法式甜品既精緻同美味帶黎香港
雖然鋪仔細細，但裝飾都唔馬虎，而且店面簡潔優雅，令人有一種舒適既感覺
各式各樣既撻都放晒係到，一見到顏色咁豐富既撻都已經令人食指大動唔好見到呢到得咁少撻，就以為呢Ｄ係賣淨貨，會唔新鮮
但其實店主係堅持維持高品質，所有撻絕不過夜，所以每日做既數量唔多
我揀左四款撻，分別係新鮮青檸撻（$45）、覆盆子朱古力撻（$45）、黑芝麻抹茶撻（$45）、檸檬榛子朱古力撻（$45）曾經食過中大既名物檸檬批，有食過既都知有幾正，我天真地以為係香港係唔會食到可以超越到佢既檸檬甜品，但我發現我錯了
新鮮青檸撻（$45）新鮮青檸撻竟然仲特別標明「新鮮」二字，係咪真係咁新鮮先？
係呀！
將新鮮既青檸配以白朱古力，酸同甜合而為一，兩者不亢不卑，合而為一，完美既配搭！
另外我仲留意到佢為左防止會因其他濕既餡而令撻底變濕，影響口感，所以會係撻到放Ｄ朱古力隔一隔，令到個撻就算放幾耐都唔會影響口感，呢一少少既巧思就可見呢間小店幾有心。
覆盆子朱古力撻（$45）莓類同朱古力既甜品其實係好難拿捏個甜度同酸度，但呢間店做得非常好，仲將兩者相輔相乘，而且佢唔同原粒覆盆子而選用果醬，令到成個口感更加合而為一，撻底亦都係我鍾意既硬撻底，令同鋪係上面既覆盆子同朱古力產生唔同既口感，唔會食到太寡，配合得好好。
黑芝麻抹茶撻（$45）抹茶一直都係港人至愛，而且佢既甘香用黎做甜品就可以將甘同甜互相帶出味道，所以我都好鍾意食抹茶甜品，見到呢到有抹茶之鄉－京都宇治既「Q 嘜認證」，就當然要一試。雖然呢個撻既抹茶味好香濃，但係都唔夠黑芝麻味重，兩個關係唔係咁好，如果單純兩個分開黎食，係兩個都好好食既，但始終抹茶既好朋友都係紅豆同朱古力
檸檬榛子朱古力撻（$45）檸檬醬所用既檸檬好新鮮，檸檬味口感清新，食幾多都唔會膩，只因為味道偏酸，如果你唔係同我一樣鍾意食酸話可能會爭Ｄ。不過都唔洗太擔心，因為撻上面有Ｄ榛子朱古力，可以平衡返酸味，更重要係可以令味道更豐富。撻底亦同其他一樣香脆又鬆化。
==============================
上環雖遠，而且一個撻都夠食兩個Ｍ記，對我呢Ｄ窮Ｌ黎講算貴，但係佢既美味足以令我再黎，冇錯，就係咁好味
张贴
