Shine (已結業)

今日嚟咗尖沙咀一間上樓嘅西餐廳食晚飯，坦白講我係為咗個T骨扒而來嘅，因為發覺呢度有一個幾抵食嘅T骨扒，四百零蚊就有交易。Kronenbourg 1664 Blanc ($85)牛肝菌蘑菇湯（ $78 ）蘑菇湯都算好多地方有得飲，但係做得出色嘅地方就唔多，而呢個蘑菇湯就係一個值得令我再嚟呢間餐廳嘅地方。呢度嘅蘑菇湯蘑菇味濃之餘，而且口感順滑，質素唔錯。燒美國安格斯T骨牛扒，三成熟， （ $488 ）T骨牛扒嘅份量問咗店員有成25安士，都足夠兩個人share嚟食，我地點左三成熟，廚師都做到呢個要求，非常難得。牛扒口感唔錯，而且表面都燒得好香。以呢個價錢黎講，非常抵食。鮮果青檸雪芭（$68)雪芭唔係個個地方有得食，而且呢度嘅雪芭仲要係青檸味，啱晒喺炎熱嘅夏天食，感覺夠晒refresh.

當生日就想搵間環境唔太嘈又有點浪漫氣氛既地方食下飯同男朋友慶祝，今次就選擇了 SHINE ，位於尖沙咀太子大廈既西式餐廳芝士焗加拿大龍蝦意大利飯賣相好吸引，大大隻龍蝦原隻上碟，未黎到已經聞到意式香料既味道。龍蝦熟成度岩岩好，大大舊肉一拆就甩，同時肉質好彈牙爽口。意大利飯每粒都有汁，食落好夠味，龍蝦味入左落d飯度鮮味好出，十分開胃。不得不贊師傅火候掌握得岩岩好，湯既稠度岩好，令每粒飯清晰可見，唔會黏作一團。北海道帶子明太子意粉配三文魚籽足足有6粒大大粒既帶子，表面微微煎香至金黃色，望落好吸引。意粉汁份量啱啱好，令到意大利粉條條都有汁。新鮮既三文魚子令意大利粉既口感更加豐富。必點脆炸薯條新鮮炸既薯條永遠都加分，夠脆夠熱辣辣！芝士醬同薯條亦都係絕配，今次更加係三重芝士醬！心滿意足係SHINE 既蛋糕甜品，款式亦係廚師當日製造既，所以唔會知道係咩甜品，有驚喜，如果會填上生日快樂等慶祝字句亦都無問題！整體黎講，SHINE 既環境比較浪漫💕食物質素亦都好高，有機會會再黎食呀！今年生日選擇左呢間餐廳確令人滿意

#shine餐廳裝飾燈光比較暗帶黃光，所以影啲相啲色都怪怪地😂。入到門口左面有張比較長吧台，右面就係餐枱， 枱與枱之間都有一些距離，坐落唔會感覺太迫。前菜方面我地選擇左 #牛油果大蝦沙律，味道適中，最得意係大蝦連同牛油果一起食會食到三文魚刺生味🤣。沙律🥗比想像大兜。小食叫左#西西里番茄煙肉焗薯皮，薯皮裹面放左番茄醬煙肉同加左層芝士焗，口感同味道同平時食肉醬味道差唔多，薯皮好香薯仔味同個醬好夾。主菜就要左#北海道帶子明太子意粉配三文魚籽&#燒西班牙黑毛豬扒配蘋果蓉意粉方面好creamy帶子鮮嫩但略嫌明太子唔夠多。西班牙黑毛豬扒可以揀全熟或者七成熟，建議揀七成熟，肉會帶點粉嫩而且比較滑嫩。蘋果蓉同埋蘿蔔蓉都可以減低肉嘅油膩感。冇諗過豬可以煮到好似牛肉咁好食，肉味重同口感似牛肉尤其是帶點肥膏嘅肉最好食。推介！

同朋友相約食飯 佢話想揾間好食又坐得舒適既西餐廳 我諗左一陣 決定帶佢黎shine 坐位舒適夠寬敞 好多都係梳化位口喝飲杯水先 Sparkling water 每杯配有冰粒同一塊青檸 貼心服務 燒安格斯肉眼配野菌紅酒燒汁上枱時 陣陣肉香 皮脆香 肉嫩滑 牛味濃 有質素的肉眼扒北海道帶子明太子配三文魚子帶子大粒 厚肉 熟度岩好 唔會韌加上脹卜卜三文魚子 意粉煙韌彈牙 白汁滿滿的充斥住口腔每條意粉都痴滿粒粒明太子多重口感 非常豐富係一碟非常出色 我好欣賞嘅意粉

今日同男友慶祝一齊左8個月紀念，行開尖沙咀isquare，諗起之前食過一間好味既西餐廳就係isquare附近，有啲掛住佢塊安格斯肉眼扒，所以我地最後揀左再食呢間去慶祝。我地七點就去到間餐廳，可能都仲早，一去到已經有位，但窗邊三張卡位已經有人坐，睇黎我下次如果要坐窗邊睇街境就要預早打電話卜定枱喇。餐廳環境都算靜，枱枱客人都細細聲傾計，連客人都好有質素，餐廳亦會播好柔和既音樂，有烏絲燈胆做燈飾，燈光柔和，加埋每張枱上面都有盞燭光燈，感覺都唔錯，最岩情侶黎拍下拖撐枱腳慢慢食。我地今次係為塊安格斯肉眼扒先再黎幫襯，當然第一樣叫既就係燒安格斯肉眼扒配野菌紅酒燒汁啦，仲叫左北海道帶子配三文魚子沙律做前菜，同叫左個芝士菠菜意大利雲吞配煙肉南瓜汁。先黎個北海道帶子配三文魚子沙律，佢個玻璃容器好特別，上層玻璃兜裝住一片片帶子刺身同一粒粒脹卜卜既三文魚子，下面個玻璃兜裝住沙律菜同去皮橙肉粒。食落去，帶子夠鮮甜，份量都唔少，加埋三文魚子一齊食咸咸地好夾。沙律菜好青綠好新鮮，食落又清新爽口，分別加埋橙肉同三文魚子一齊食，咸中帶甜感覺好特別。之後黎個芝士菠菜意大利雲吞，黃色既南瓜汁同煙肉舖滿雲吞上面，睇見都覺得

上次見客呢間餐廳幾好，坐得舒服，食物又唔錯，今晚又同男友黎撐枱腳。我地點左一個主菜，一個意粉，一個小食同湯，一齊share食。龍蝦湯-感覺比較稀，如果再濃郁啲就好啲，不過有龍蝦肉，仲要係鉗，唔錯。脆炸魚柳條配他他醬賣相好靚，魚肉有鮮味，粉醬夠脆，熱辣辣食就岩晒北海道帶子明太子意粉配三文魚籽，呢個出乎意料咁好味，大大粒鮮甜帶子，三文魚籽夠新鮮，明太子汁都好多，好濃郁，正！最後主菜是法式煎鴨胸配香橙汁，份量好多，擺碟非常吸引，鴨胸係高檔貨式，食到鴨肉鮮味，而且仲有法式油鴨既香味，不過皮比較多油，可能女仔會怕肥，而且店員有提醒鴨肉會有啲鞋，等客人有心理準備，但食落又唔覺，反而覺得鴨肉應該係咁，平時食開雪貨先淋。

和舊同事談心的好地方，環境氣氛令人舒適環境寬敞，坐得好開心🥳最健康食牛油果，降膽固醇又消脂，好大隻新鮮甜蝦，醬汁配搭一流，食一口新鮮蔬菜，好醒胃，酸甜帶香濃郁龍蝦湯，不會太稀釋，好香龍蝦味，加入面包脆片，好棒未想到份量十足，每隻青口都好肉，肉質鮮美滋味紅酒味突出，和蕃茄醬配合一流，酸味適中嘩，超豪帶子，好大粒，塞滿口腔，鮮甜美味可口，太好食啦三文魚籽鮮美有脆口，意粉好香好滑，吸收晒醬汁，好棒荔枝味突出，香味四溢，甜度適中，清新可口混合不同紅莓，藍莓，或其他，甜度偏淡，但香味俱全這餐廳環境同食物都令我們好滿意，食得好開心

6月份是我的生日月，朋友們都分分與我慶祝，大家東找西找好地方和我慶祝生日，必定會選擇一間優質好餐廳，今次再度幫襯尖沙咀中性價比高的西餐廳慶祝就係「Shine」。餐廳的名字真是沒有改錯，真是一間好合適慶祝及令人快樂微笑的餐廳，服務員態度友善，效果又高，當晚我去餐廳都見到每一枱都是來與閨蜜及情侶來慶祝生日的，而且服務員都會願意幫客人拍合照，相當好服務。食物方面都有好多選擇，「牛油果大蝦沙律」份量十足，牛油果剛剛熟，大蝦爽甜，沙律菜夠新鮮，水準很不錯，而且$118價錢十分合理。「牛油香煎虎蝦意瓜意大利飯」都超yummy, 意大利飯軟硬度剛好，意瓜十分爽口甜美，蝦肉十足而且仲好彈牙鮮甜，蝦味重的醬汁令你食到滿口濃郁蝦的精華，牛油香煎虎蝦都十分惹味，簡直滋味無窮，值得一食再食。「特級安格斯漢堡配脆炸薯條」也是必點之選，麵包脆口，配上忌廉磨菇汁超正，安格斯漢堡多汁牛肉味濃厚，炸薯條是粗身的，香口啖啖薯肉，美味之極。生日又點少得叫甜品呢~點了一個「心滿意足」原來是伯爵茶慕絲蛋糕、朱古力撻、 馬克龍及朱古力班尼蛋糕，加上Happy Birthday 字樣，真係未食都已經甜入心，而且賣相都十分靚，怪不得

話説我早幾日同男朋友去食晚飯 我地就揀左間係尖沙咀嘅西餐廳- Shine. 雖然佢係北京道 但係係isquare 個地鐵站上返地面轉個灣就到 位置相當方便間餐廳一半係廚房同bar 枱 一半係比客人坐嘅地方 都幾寬敞 而且佢啲裝飾都幾特別 幾有情調食物方面我地叫左薯條配黑松露醬 牛肝菌磨菇湯 明太子帶子意粉同埋牛扒 因為我地冇叫野飲 侍應就比左兩杯熱水我地 凍水就要加錢薯條配黑松露醬 $78黑松露醬相信好多香港人都好鐘意 其實所有野點呢個醬都應該係好食 今次我主要想講下佢個薯條 岩岩炸完攞出黎佢薯條嘅表面好脆 條薯條好挺身唔會好似平時係麥記食開咁嘅軟lai lai 而裏面薯蓉都好飽滿 雖然熱氣但點埋落個醬到一熱一凍 好味道!牛肝菌磨菇湯 $78依個湯外觀精美 份量雖然唔算大份 但勝在足料 每一啖都食到好多磨菇碎 好湯好rich但唔creamy 唔錯! 隨湯附上一塊脆脆嘅麵包~北海道帶子明太子意粉 $208依個我個人誠意推薦 真係好好食 首先佢有四粒帶子都好大粒 而且佢一啲唔老唔會變左一條條好似瑤柱咁 好彈牙! 至於佢個意粉係creamy 甜甜地加埋明太子嘅咸味恰到好處 下次再黎我會再食!

「北海道帶子配三文魚子沙律」帶子三文魚子都非常新鮮，美味得一口接著一口食，等你回過神來這個沙律已經沒了一大半，真的是可以充分打開你的味蕾「香煎半熟帶子配黑魚子醬」，帶子肉厚，剛好半熟不會太乾，夾著香草檸檬片，份外清新美味「秘制醬烤雞」，外面的雞皮烤得金黃香脆，而裡面的雞肉肉質嫩滑同時帶著惹味香草味道，重點是大大塊雞肉，絕不是弱雞「燒安格斯肉眼扒」，steak黎講佢算性價比高，首先塊扒有大，而且生熟程度都ok，肉質都不錯，配菜一點也不馬虎，有脆薄薯片、cherry tomatos、烤大蒜、蘆筍、野菌，咁有心機都只不過三百幾蚊餐廳內有open bar檯，所以我都決定試一試佢既酒類飲品。「Why not gin? 」好明顯係有gin既一杯cocktail，passion fruit juice本來就好易入口，加上有菠蘿味，增強了甜度，感覺溫和多了，女生會喜歡吧

今日同男朋友慶祝生日，所以就想搵一間好d既餐廳食嘢。餐廳環境幾靚，睇得出有花心思。職員嘅態度好好，我遲到遲咗15分鐘，職員都仲好友善咁安排座位，反而我自己有少少唔好意思。呢間餐廳好多嘢食，每樣都幾有特色幾特別唔係間間餐廳都有，令人好花多眼亂！始終兩個人嘅胃容量有限，食唔到咁多野，左諗右諗決定之下，最後決定⋯⋯1) 黃金手工蟹波配菠蘿酸忌廉 HKD128蟹肉球好大粒，大概係女仔拳頭👊🏻既size。拳頭咁大既沙煲，問你怕未！蟹肉好好食，超足料！2) 🇮🇹墨汁海鮮意大利飯 HKD208入面有好多唔同海鮮，例如墨魚🦑、帶子、虎蝦、魷魚、青口，每樣都好有鮮味又大隻，唔係HEA貨，飯入面仲靜悄悄地加左粟米仔增加口感。食完記得要抺下嘴仔，唔係就會成隻烏嘴狗咁。3) 秘制醬烤春雞 HKD278我覺得雞肉有少少乾，男朋友就話已經算係好嫩，我覺得嗰個秘制醬唔係好出，雞嘅份量比想像中大好多！我同男朋友各食一隻雞！另外啲配菜都唔求其，例如薯仔啦車厘茄啦都係有煎過同埋撒上芝士粉、孜然粉。最後叫左兩杯野飲，賣相同味道都100分！

今日係尖沙咀食飯，之前聽朋友介紹話isquare附近有間餐廳唔錯，所以今日就去左試試。入面環境唔錯，位置都算闊落。煙鴨胸無花果沙律($78) + 黃金手工蟹波配菠蘿酸忌廉 ($128)我可以講呢兩道係最好味嗰兩道菜。本身係朋友想食無花果所以我地揀左呢款沙律。無花果好甜同埋啲煙鴨胸好香，份量亦唔算太大份，非常開胃。而個蟹球非常驚喜，好重蟹味好足料，同埋佢唔會整到好實的的咁，而係一咬開脆口既外層就係食到好鬆化既內層，完全係意料之外咁好味。反而個sauce我就覺得中規中舉喇，似係一般既忌廉醬。燒安格斯肉眼扒配野菌紅酒燒汁10oz ($368)呢款燒安格斯牛扒就應該係水準之上既作品，佢配既係炸薯片，並唔係平時食到果種超脆既薯片，而係有番少少厚度有多啲薯仔肉既薯片。另外佢有配埋蒜頭一齊上，一粒蒜頭加一塊牛扒係絕配。呢到我要幫蒜頭平反下LOL，完全熟透既蒜頭係唔會導致口臭問題架，大家可以放心食😊。心太軟 ($80)我地嗌左個心太軟，我覺我佢係一款好稱職既心太軟，朱古力味好濃唔算太甜，流心都多，再加埋凍冰冰既雪糕，以佢黎完結呢餐飯真係好美滿。Shine ($108)我嗌既係左邊嗰杯cocktail,

呢日放假同個friend去海港城行下，兩個女仔行街梗係行到天昏地暗啦，唔經唔覺就到咗夜晚，諗住喺附近搵間餐廳舒舒服服坐下食dinner，原來呢間高質餐廳距離海港城唔夠10分鐘路程，真係好方便，我哋梗係嗱嗱臨拎住啲戰利品跟住上去食嘢啦！入到去餐廳發現佢哋嘅裝修都幾有特色，有一幅用木條砌成嘅分隔牆，都幾啱打卡用啊！好啦入到去侍應俾咗兩張Menu我哋睇，我哋睇咗陣啦就決定咗今晚要食咩啦，我哋今次分別叫咗「牛油果大蝦沙律」，「牛肝菌蘑菇湯」，「甜蜜蜜雞翼」，「墨汁海鮮意大利飯」，同埋「辣蟹肉彩椒闊條麵」。1.牛油果大蝦沙律 Avocado & Prawns Salad （$118）呢個沙律有驚喜呀，冇諗過會咁大盤，平時食開嘅沙律，通常都係沙律菜比較多，入邊嘅配料會比較少，但係呢個完全冇欺場，入邊嘅大蝦係大大粒，食落仲好爽脆，同埋數量都唔少添，仲有食得口口嘅牛油果片，加埋啲大蝦一齊食，非常清新！2.牛肝菌蘑菇湯 Porcini & Mushroom Soup（$78）之後仲叫咗個牛肝菌嘅湯，個湯係非常之濃，應該係用咗牛肝菌同埋蘑菇打碎左，令到入口嘅時候更有質感，而且牛肝菌嘅香味十分之濃郁，完全係

✨性價比高的樓上西餐廳🥩—I-Square 附近有間樓上西餐廳，非常近地鐵站，裝修雅致，非常適合同朋友Chill 下🍹—脆炸粗直薯條·三重芝士🍟（💲78）薯條外脆內軟，炸得剛好，唔會太油，三重芝士醬調配得唔錯。🥩燒安格斯肉眼扒配野菌紅酒燒汁（10 oz)(💲368)選了七成熟，肉眼扒本身肉味濃郁，肉質又軟腍。🥟芝士菠菜意大利雲吞配煙肉南瓜汁(💲158)本身擔心會唔會伏，意外地好好味，甜甜的南瓜汁，雲吞皮薄，餡料質地有D似薯蓉。Fruit Tea (💲64)水果種類豐富，唔會太甜，清清地，refresh 一下。Bailey Coffee (💲68)Bailey 愛好者必試，Bailey 味濃醇，容易入口。—

朋友約我食生日飯, 選擇了這個地方餐廳內地方唔係好大, 但環境不錯， 好多人都在這個地方慶祝生日 北海道帶子沙律 - 細細兜，好新鮮，好味 炸蟹肉波- 新鮮炸起 ,大大个，全個都係蟹肉,皮唔係好厚 ,配埋個菠蘿酸cream醬，好好味😋 香草燒春雞 - 都幾大隻,肉好滑好,好有香草味不錯， 連雞胸圍都唔會鞋 總括嚟講：食物質素幾好 ,價錢可接受, 不限時間，可以與朋友慢慢傾，但是餐廳九點半就會last order服務員都好有禮貌，上菜速度都可以