Mokumoku Yakiton (永光商業大廈)

营业中

休息中

下午食串燒又另一種風味，約了友人在銅鑼灣一商厦內嘅日式料理店享用午餐。餐廳主打串燒，雞，牛，豬……..內臟，各式各樣都有。前菜蕃茄沙律清清地，好開胃。豬脷，豬頭肉，豬大腸好香！焦香！豬大腸好正，完全沒有臊味。豬頭肉第一次食，看似肥膏，食落非常有嚼勁，有點似筋位。日本青椒仔燒起來還保特蔬菜汁。雞翼串香噴噴，啖啖肉，正。月見免治豚肉蘸上蛋漿變得好滑。原條燒鷹鎗魚淋上青檸汁增添味美。每啖充滿魚香，推介。

星期六有節目，約會好友 一齊去午餐，銅鑼灣永光商業中心「Mokumoku Yakiton」噢！餐廳🍴裝潢 不錯，微微燈光，坐得舒服先上前菜蒜子番茄🍅沙律好似冇乜蒜味，有葱粒去皮番茄，清甜開胃豬脷串試下豬脷，香呀！味道一般般啦豬大肠不油膩，皮薄脆脆、甘香，內層軟糯，少許煙韌豬頭肉第一次食，看似肥肥但原來口感不錯喎爽脆 有咬口青椒仔細細 好得意，灑上木魚碎，色澤嫩綠雞翼，我勁鍾意❤️ 片開 容易食，肉嫰免治豚肉生雞蛋，肉質濕潤，再點蛋黃汁液，滑嘟嘟，增添滋味原條鷹倉魚肉鮮嫩 、煎香、啖啖肉

和朋友相約在銅鑼灣中午吃個飯，我和他都想起了這一間之前來過的傳銷居酒屋，非常想念他們的高質素串燒這是一家以豬各個部位作主打的串燒居酒屋，之前每一次過來都相當滿意他們的出品第一串串燒已經相當驚艷，燒雞翼，普通的串燒但是非常高質素，肉質濕潤飽滿，外皮燒得香脆，只是配上簡單的鹽和胡椒調味已經非常滿意豚肉紫蘇卷，豚肉蘆薈卷和豬肩肉，先說豚肉紫蘇卷和豚肉蘆薈卷，簡單博博的五花腩捲起紫蘇和蘆薈，將油脂迫入蔬菜，吃起來入口清新卻有油脂香氣，另外豬肩肉肉質較結實彈牙，非常爽口，和朋友一人一串非常滿足

📍Mokumoku Yakiton #MokimokuYakiton #MFJ銅鑼灣 #MFJ日本菜人均消費: HKD970又去試新野😍 Bookmark咗好耐嘅 @mokumokuyakitoncwb ！ 餐廳係永光商業中心，係Sogo果邊，唔係大利行果邊，唔好行錯呀！ 😂 餐廳裡面裝潢好舒服，燈光柔和，似足日本居酒屋！ 餐牌好多選擇，主打係串燒燒烤類，亦都有少少主食！ ⭐️蒜子蕃茄沙律🍅$32一嚟到未叫嘢做上咗個蕃茄沙律，嗱！唔係免費㗎， $32 㗎😂 都幾Fresh幾好味嘅，有啲開胃👌🏻🆗時令生蠔🦪$88/隻是日時令有生蠔，我哋就一人一隻！ 一隻手掌咗大隻，一隻就普通，睇落兩隻都有點瘦削，都算爽口但冇咩味，$88/隻無乜特別🥲⭐️七味燒魚翅🐟$68唔好睇個樣好似好寡，食落都幾有口感！ 魚翅味本身味唔濃，但蘸個蛋黃醬就好好味，飲住酒好快就清晒！ 💯雞皮餃子🥟$78金黃色嘅雞皮餃子！ 雞皮唔會壓到好薄，食起來有口感得嚟又足滿香味！ 餃子個餡唔算好突出，但我醉翁之意不在酒！ 加試我十分喜歡的蛋黃醬，正！😍⭐️刺身盛合5款🍣$298五色刺身都係$298，係好抵食！ 刺身有三文魚，油甘魚，帶子

之前來試過，欣賞佢啲食物質素同埋氣氛。所以今日嚟下午茶～試吓半價串燒。食物質素仍然是OK的！不過星期六下晝都係得兩枱客，生意難做呢。半價串燒都有唔少選擇，同朋友飲杯梅酒、食串燒傾吓計都係開心。都冇諗過再寫食評～ 返到屋企望吓張單，咦，點解有兩項係各4串既？明明只係食咗各2串！只怪自己冇check單！跟住就諗起上次嚟吃張單都係有錯，有啲嘢叫咗係沒有來，但係有收錢。不過上次有check，今次沒有！唯有當係今餐原價囉… 溫馨提示，記得check單！其他嘢半價都補唔番… 傷心

三個人，6:30pm坐低，朋友A話好肚餓，想點左個飯團先，於是叫左服務員過黎落單，要一個飯團，朋友B都有食物可以即時落單，想要某樣食物一串，然後服務員話要兩串起，唔知朋友B係聽唔清楚定係有其他打算，朋友B再次講話要某食物一串，服務員即時加大聲量並有小許唔耐煩話，串燒要兩串起，然後朋友A就話咁要左個飯團先，我地再望清楚要啲咩，個服務員就行番去靜待區，並一野將落單文件膠板掉上枱面，膠板同枱面發出一大聲音，而該位服務員都表現出一臉唔耐煩，我同朋友A即時嬲左，宜家發生咩事先？！最後我地因為嬲左既原因，討論仲想唔想食，但考慮到落左個飯團，所以諗住打包走人，而由於餐廳都唔大，服務員們聽到，另一服務員就行埋黎話其實你地個飯團就未落去廚房既，如果你地想走都ok，繼續進食就可以落單，最後我地選擇左走，真係未食先嬲，唔想對唔住啲食物，亦唔想係一個嬲既環境下進食！服務員態度真係要改善！由於冇用餐，所以味道&抵食俾3星（中間位），服務&環境俾一星（差），衛生俾4星（第一感覺，枱面乾淨，擺放整齊等）。

日本現時只接受旅行團，日望夜望通關，就快要變石像。幸好香港有不少高質素的日式餐廳，才能一解思鄉之苦是日為週末，幸好天雨關係，先可以順利walk in🤭蒜子蕃茄沙律十分適合作為前菜，雖然以蒜命名，但其實蒜味不是太濃，反而冰凍去皮蕃茄配上特調醬汁，整道菜既酸甜，又爽脆，夠晒開胃😆接住主菜串燒們陸續登場🙆🏻‍♂️牛脷串厚實有肉，而且燒烤的火候控制得宜，咬下去仍然軟嫩，配上黑椒，十分惹味大腸串作為推薦之列，的確不得不試。整體外層薄脆，內層軟糯感十足，絕對唔柴口。而且在面層芥末搭配之下，平衡了大腸本來的油膩感，即使高膽固醇，亦都願意一串接一串。雞皮串是日式串燒名物，Mokumoku的烤雞皮做得頗有心思。表皮脆口，油分都被高温逼光，偏偏咬進皺摺位置又感覺嫩口，少點功夫都做不了。雞翼不用多講，「脆、香、熱」三字已足夠概括，雞翼控絕對不可錯過。燒三文鮮頭一上台就油香四溢，三文魚最易過度烹煮，但這道魚頭不止嫩，部份面頰仲保持滑溜，絕對是大師之作。

這幾天瘋狂下雨，夏天未能帶來好心情的話...靠吃一頓好的來挽救一下心情吧！✅西班牙黑豚肩肉串 $38 (正)✅西班牙產夾心肉串 $38 (正)兩款串燒肉味香，油脂充足而且柔嫩多汁，好吃！🤤✅刺身盛盒 (三款) $168厚切刺身：三文魚、帶子、赤蝦肥美鮮味，滿足！✅MokuMoku沙律 $98✅蒜子蕃茄沙律 $28這兩個作頭盤開胃菜很清新。蒜子番茄沙律出奇的解渴MokuMoku招牌沙律很健康！沙律菜底有蒟蒻粒，Dressing亦酸甜開胃。面頭鋪滿Iberico Parma Ham，份量慷慨。✅蒜芯豬肉卷 $32 (大愛😆)蒜芯爽脆加埋豬肉捲，剛好中和一下油膩感！個人喜歡這些蔬菜配肉的串燒。✅雞翼串燒 $32最喜歡燒到脆皮乾身，好吃！✅豬大腸 $34個人還是喜歡港式炸大腸這個不太喜歡的原因是裡面的油脂還沒render夠口感有點軟軟膩膩的😶✅冬菇 $28 ✅日本番薯仔 $28兩款蔬菜正路，吃蕃薯仔天然的甜味是個健康的甜點😚居酒屋就在銅鑼灣SOGO旁邊，地理位置很好👌逛完街可以坐下來休息吃點東西！

本身同朋友都鐘意食開日本串燒 好耐之前食過尖沙咀分店覺得幾好食 於是今次就帶朋友黎銅鑼灣分店食啦~ 兩間分店既食物水準都差唔多 除左串燒之外 刺身同熟食都相當不俗 鐘意食居酒屋既朋友真係唔可以錯過!刺身盛刺身盛合有五款刺身 分別係三文魚、帶子、海膽、油甘魚同赤蝦 全部都係厚切刺身 鮮甜肥美 無諗過居酒屋都有咁高質既刺身豬肉串燒什錦平時都係食開牛同雞既部位串燒 今次決定同朋友試下食豬既部位 我地叫左黑豚肩肉、豬脷、豬顎骨同豬頭肉串燒 整體黎講都十分惹味 尤其係黑豚肩肉 肉厚多汁 超級美味 另外豬脷口感牛脷差唔多 爽口彈牙 值得一試!雞軟骨每次黎居酒屋都會必叫雞軟骨串燒 香脆可口 佐酒一流😋😋鹽燒三文魚魚頭三文魚魚頭燒得非常入味 而且魚肉鮮嫩 油香十足😍😍😍食串燒緊係唔少得梅酒 我地分別揀左柚子梅酒同淺間蘋果酒 個人鐘意柚子梅酒多d 味道相對無咁甜 飲落較fresh😌

呢間日式居酒屋其實幾年前同朋友食過，當時印象都唔錯，於事就再翻兜❤️今次周末嘅晏就時間去，人流唔算好多，但餐廳播住日文歌氣氛都幾好。✨凍蕃茄（$32）平時食居酒屋一般都會點凍蕃茄呢款前菜❤️炎炎夏日食夠晒開胃。✨刺身盛五款（$298）五款刺身分別係海膽、三文魚、帶子、赤蝦同油甘魚。整體黎講都非常厚身同夠晒新鮮。海膽尤其比到驚喜我——平時食海膽好怕食到好苦嘅味道，但佢地嘅海膽都幾鮮甜😋抵叫！✨燒三文魚頭（$108）燒魚係我同朋友嘅至愛❤️呢度嘅鹽燒三文魚頭都幾出色，外皮燒至焦香，但魚肉又唔會太熟保持到嫩滑口感，食落油香十足。✨串燒（ard $28 - $38 each)我地分別揀左黑豚肩肉、豬脷、 豬顎骨、豬頭肉同雞軟骨串。餐廳串燒都係以鹽燒為主，每款都色香味俱全。平時牛舌就食得多，今次貪得意就試下豬脷，口感都幾彈牙，但比起牛舌都係硬左少少。佢地嘅黑豚肩肉就幾有驚喜，肥瘦適中，味道唔錯。

永光商業大廈內有好幾間日式串燒舖頭， 朋友介紹嚟到呢間主打食豚肉串燒。 首先點了豬顎骨和豬大腸串, 豬顎骨的肉質非常鮮嫩，加上椒鹽係面非常惹味。串燒豬大腸簡直係色香味俱全， 外面燒到金黃色，非常香脆， 沒有過熟之餘， 釋出的豬油香和鬆軟口感簡直絕配。 食炸嘢串燒，當然唔少得嗌酒飲， 佢哋嗰杯 ginger highball味道濃絕對沒有 hea場 。跟住點了厚切白金豚肉，豬肉係嚟自日本岩手縣，肉質入口肥美鮮嫩，五花腩位置嘅脂肪分佈非常均勻， 不會過份油膩.除了串燒豬肉之外，串燒白鱔又係做得非常出色，火候非常均勻，白鱔皮非常香脆， 沒有丁點兒的魚腥味, 肉質非常爽脆彈牙.見佢哋海鮮做得都唔錯，於是我哋點了燒鹰鲳魚， 燒到外皮香脆， 肉質亦非常鮮嫩，份量十足可以話係啖啖肉，鍾意食煎魚嘅朋友真係不容錯過。

唔係冇食過貴野，兩個人五千蚊omakase, 過萬蚊酒店中菜。但真心覺得呢個，貴得來唔值。先講環境，在商業大廈內，係有日本大板既風味，但唔係乜嘢豪華裝修，枱與枱之間既距離有少少窄。刺身，好普通既刺身組合，睇得出新鮮、挺身，但唔個組合賣既價錢貴左少少。特大日本生蠔，$88隻，唔算貴，我其他地方食類似既野都係$78-$98隻。但其中一隻唔係好夠肉，奶似細左少少，少少縮水。 汁煮蚌，$168一隻，係比一般蚌大，味道亦唔錯，但價錢真係貴左d.冇烏東、拉麵。咁早就賣晒，唯有食飯團，個飯團🍙少少硬，味道亦好一般，價錢貴過一個外賣飯盒。而燒肉，在台灣我都成日食，不過不失，只係價錢貴。埋單$12xx食上面呢d, 食完兩個都覺得唔飽。同樣既價錢可以食lunch omakase, 而且可以豐富好多。

開放晚巿堂食後急急book 返啲之前食過念念不忘的餐廳，Moku 呢間串燒店係top of the list. 上次幫襯後最深刻印象的係師傅燒功超好，今次再訪水準完全保持到。豬顎骨-豬的肉味好香好足，燒到微焦但不over豬大腸串-可以話姐食過最好味的燒豬大腸top 3! 仲好味過之前係日本食嗰啲-皮脆內軟，完全冇怪味厚切白金豚肉-首先來貨好新鮮，口感爽彈得黎豚味爆分-微焦的表面再加上燒後充份釋放的豬油，係全日最深刻的一串燒白鱔-冇諗過咁厚切，魚皮燒後少少脆又有啲爽口-魚肉並冇over 燒，仲好juicy好肥美炸一口芝士-大小剛好真係一口，炸粉一啲都唔厚，欣賞！-芝士唔係好重奶味個隻(姐對芝士好picky奶味重的不了), 係偏橙色真係香芝士味個隻👍🏻秋葵豬肉卷-豬肉非常非常非常薄切，機乎透明咁！所以燒起來唔需要燒好耐秋葵保留到入面的精華

從來都冇劣評過餐廳，今日終於忍唔住出手。見OpenRice 好評如潮，就試吓呢一間日本串燒店。8:00 到店，因為餐牌基本上係串燒為主，所以5分鐘已經點咗單。除咗嘢飲喺5分鐘內到，等左接近1個鐘15分鐘，一碟串燒都未得食。中間黎過一碟唯一既燒牛肉，盛為$188，分量細，一碟大約8件呢個份量，師傅刀工利害呀，薄切到呢……而且食嘅時候完全係訓練你口部運動，筋多到一個點。牛味係冇咩…. 仲差過茶記既級數。8件都係同一樣（如圖），薄切多筋問個侍應係咪漏咗單，我哋已經等咗超過一個小時，佢居然回覆話今日好多單師傅做唔切，餐廳其實並唔係好大，open kitchen仲有幾位師傅喺度，但係就一串串燒都出唔到俾我地，好好笑。最後嬲嬲地埋單走人，明顯地係我哋買單嗰一刻個師傅都仲未開始做已點單嘅串燒，亦唔見到呢間餐廳有任何歉意。其實目測師傅並唔係按照落單時間來做串燒，係跟自己喜好或者group 埋一堆先做，所以如果你想試一d 特別款（並唔係主流果1-2款），基本上應該等到2046都未到你有得食。就算去食法國餐雖然用餐時間好耐，但都會有個節奏，每隔一陣都會有餸出。適逢而家10點前要離開,淨係等佢出餐都等一個超

今晚同朋友嚟呢度試新野！因為比較匆忙搵地方，見到仲有得訂位，所以就揀咗嚟呢度。地點真係好方便，對住大馬路同埋巴士站！雖然店舖唔係好大，但係都算坐得舒服。串燒質素都好唔錯！呢個蕃茄前菜都幾醒胃覺得最好食都係燒牛舌！厚身，鹽燒味道啱啱好。牛蒡啱晒送酒雞泡魚干如果多少少會好啲呢個芝士青椒豚肉好出色，味道好驚喜，呢個配搭好好以前好鍾意食和民嘅燒飯團，呢度比我搵返嗰種味道！蘆筍豬肉卷飲品叫咗梅酒，不過蘋果梅酒淡咗啲（有啲似飲水….） 另外一杯正常梅酒，味道就正常！總括嚟講都好滿意！店員服務都好好啊，係開頭突然間人多，哥哥仔比較急咗少少。但係整體服務都唔錯，如果免收切餅費就更開心不過都明白和理解的。恢復晚市堂食，希望佢哋繼續有生意做，真心覺得佢哋嘅食物質素好味道！呀～ 令一點覺得佢哋抽風都ok, 唔會食到成身油煙味！繼續努力