LAB EAT Restaurant & Bar (金巴利道)

营业中

休息中

是日同阿姨補祝生日，見到用open rice 訂餐有88折 於是就試下。餐廳環境幾有格調，黃燈+餐桌上蠟燭一坐底餐廳會先放下餐包要飲凍水係要$40/1支水，熱水就不用加錢。先黎頭盤、沙律：芝士焗墨魚大啡菇 $138比較少墨魚，食落都ok既，起初以為會好古怪。帶子菠菜合桃沙律 $148健康之選合桃好香口，份量少左d啦。主菜：海膽黑松露意大利粉海膽好正好食。炭燒西班牙黑毛豬 配 蜜糖芥末汁乾身左dd ，味道無期望中甘香，好彩有芥末汁配救。油封法國鴨肶 配 紅梅汁紅梅汁甜甜的，同油封鴨非常襯總結 可以再黎食的下次想試餐廳的甜品。

Lab Eat Tsim Sha Tsui 周年紀念又是藉口吃好東西的時候。侍應先介紹了兩種酒給我們。 我喜歡甜的，便叫了杯White wine - Riesling ， 微甜很易入口，男友叫了個 Villa Maria SB.，說酒味濃點， 香醇。先上來是一碟生蠔，分別有兩款，speacial de claire 及女皇。 本人不太識分，但兩個都好味，前者鮮味強，另一個creamy 重身。 再來必食的48 months IbericonBellota ham with melon 乾橡果級黑毛豬火腿。好多Parma ham, 必平時餐廳的份量多好多。切得薄身加蜜瓜，好滿足。終於到主食，墨魚汁rissoto.加鹹芝士。飯好有嚼口，墨魚汁味都好重。仲有墨魚塊，廚師煮得好味，鱸魚Seabases 加竹荀加香葇忌廉汁。鱸魚質地厚，少硬身，證明係新鮮，加了忌廉汁，好易入口。竹荀新鮮爽口。最後食飽飽，再叫埋個心太軟加香草雪糕。流心朱古力仲係熱辣辣， 加埋香草雪糕， 好滿足。廚師仲好有心機用朱古力漿寫咗個enjoy, 好有心思。總括而言，情調有。野食味道及賣相有，好值得黎嘅餐廳。

食過旺角分店覺得唔錯，上openrice睇下原來尖咀好評更多，梗係要嚟試下~黑松露野菌忌廉湯 - 濃郁菇菌味道龍蝦湯 - 亦十分濃郁，有粒粒蝦肉，飲完食欲大振瑞士傳統熱溶芝士配新薯及火腿 - 一大舊芝士熱溶之後喺面前撥上去啲沙律菜呀薯仔呀火腿呀咁夠晒live，芝士唔咸入口味道啱啱好，薯仔夠鮮嫩海膽蒜容多士 - 好大粒嘅海膽，小葱粒更帶出海膽嘅鮮味。雖然蒜蓉多士嘅蒜蓉味唔算太濃，但都稍稍搶咗啲海膽味......香煎鱸魚配香茅忌廉汁 - 超厚身嘅魚扒，皮脆肉結實，難道係野生鱸魚？忌廉淡淡嘅味道唔會搶走魚味，討好炭燒西班牙黑毛豬配蜜糖芥末汁 - 猪肉唔熟透帶紅係令人有啲卻步，但上次喺旺角店抱住祟洋心態照食之後冇肚痛，今次再encore, 依然猪味濃而不羶，nice~自家制比利時73%黑朱古力心太軟配意大利雪糕 - 幾好味，朱古力味濃，但唔算特別格雷伯爵茶意大利雪糕伴天然蜂巢 - 好有茶味嘅雪糕，天然蜂巢好清甜，好食到唔停得口~後記 - 感覺尖咀店食材食味些微優於旺角店，惟環境唔夠旺角店開揚地點亦唔太就腳。

今天與朋友慶祝生日，所以特地book了這間餐廳。這裡的燈光暗暗的，加上台面的燭光，十分浪漫。我們先點了生蠔，點了2隻speciales de claire,和2隻ostre or no.1。speciales de claire肉質清爽，肥度適中。而ostre or no.1蠔味十分濃郁，海水味適中，肉身肥厚。我們又點了一份48個月風乾橡果級黑毛豬火腿，當中有哈密瓜、火箭菜、西班牙火腿等等。黑毛豬火腿鹹度適中，而且份量十分多，鋪滿整隻碟。加上火箭菜和哈蜜瓜，十分滋味。主菜方面，我們點了一份法國墨魚墨汁意大利飯。意大利飯上面加了芝士。意大利飯十分彈牙，墨汁味很香濃。我和朋友也搶著吃。我們又點了一份香煎鱸魚配香茅忌廉汁。鱸魚十分厚身，表皮煎得很香脆。加上香茅忌廉汁，十分份味。飲品方面，我們點了Gls Kessler Riesling和Gls Villa Maria SB。甜品方面，我們點了一份自家制比利時73%黑朱古力心太軟配意大利雪糕。心太軟十分流心，朱古力味濃郁，加上雪糕一同吃，十分幸福！今天真的很滿足，下次一定會再來試試其他。

結婚週年同老公係呢度慶祝，見佢有75折 而個氣體甜品併盤又幾特別所以黎試下黎到水都冇杯... ...我兩公婆又唔會飲酒冇set餐...只有一款二人餐...但唔岩食所以就全散叫...點左海膽多士...M5和牛同羊脾五成熟個M5和牛好生而且好油膩下...食得太油膩想飲水叫服務員比杯水...佢話只有熱滾水提供😓水熱到都飲唔到...已經想快d走出去買野飲等埋甜品黎......黎到又唔點爉燭😓甜品併盤份量好少...只係純水為拍照就ok 食就麻麻...好唔值咁貴D服務員企係度又冇主動話幫我們拍照留念到埋單... 原來說好的75折是沒有的，服務員話我預約的只有88折... ...我就不太理解 我星期三食 又不是繁忙時段....感覺好似被騙，總之價錢貴食物沒有質素而且沒有服務以後都唔會再中伏

朋友講左好耐話想食呢間餐廳，見佢今個月生日所以就同佢黎慶祝一下!餐廳環境都頗大，有卡位亦有普通的2人、4人枱。燈光昏暗，但每枱都會有一個小蠟燭於枱上，非常浪漫!牆上亦掛滿油畫，給人一種很高貴的感覺。跟朋友來到這麼浪漫的環境，一於點杯白酒飲下!侍應為我們介紹了一款較易入口的白酒。飲落去有果香，不會太苦澀，很適合女仔飲用!不錯!點餐後侍應為我們送上墨汁法包，還給了我們帶有黑松露味的牛油!法包外脆內軟，如果配埋湯一齊食一定會更好味!不過我們今晚沒有點選!海膽蒜蓉多士，海膽新鮮甜美，很creamy，蒜蓉多士味道也很出，兩者一起食口感非常豐富。瑞士傳統熱溶芝士配新薯及火腿，這款也是第一次食!侍應會拿起一舊大芝士在你面前把熱溶的芝士加到餸菜上，淨係這點已經令我很滿足!因為我是芝士怪，見到這舊芝士已經有很興奮的感覺!薯角炸得外脆內軟，碟中還有很多火箭菜，將火腿、火箭菜同埋芝士一齊食，帶有少少咸、少少苦澀味，口感濃郁!卡邦尼意粉，跟出面吃到的不同，現在好少餐廳還會有生蛋在意粉中，通常上碟的時候已經撈好了，但這裡可以給你自行攪拌，真的又睇得又食得!意粉不算很creamy，所以食落不會有很滯的感覺，咸度亦

呢間餐廳已經比我收藏左差不多一年，今日終於可以一嘗滋味。餐廳氣氛很浪漫，每張枱上都有一個小蠟燭。好適合情侶前往，同時都係慶生日的好地方！餐具擺放整齊！感覺好高級入座後，職員很快就為我們送上餐包，餐包是用墨汁整成十分特別。法包軟硬適而且還是溫溫的，不錯。這個法包令我很驚喜，因爲他們用的不是一般的牛油，而是（黑松露味的）牛油，吃下去有膿濃的黑松露味。 Kessler Riesling：呢隻Riesling好易入口！比較Fruity，感覺清爽，味道芬芳有層次，很適合女孩子喝。海膽多士：海膽鮮甜， 鋪滿表層的海膽配上火箭菜、番茄粒及蒜蓉多士一起吃味道濃郁清新，口感豐富。熱溶芝士：店員會將原個芝士表面溶化，然後再拎出去係我們的面前刮下。芝士分量超級多！只看刮下的一幕已經很興奮。芝士有淡淡的乳香，乳味適中，表面烤得有少少脆。我喜歡將火箭菜用肉包起，然後再加大量的芝士一齊放入口，感覺不會油膩，口感清新有層次。黑毛豬： 來至西班牙的黑毛豬十分矜貴，只看買相已經相當吸引，擺得好高級。切開呈粉色，肉質有彈性之餘帶點爽，豬肉清晰呈現大理石紋般的油花，肉香油香兼備。最後係甜品時間！我叫左法式焦糖布甸，香脆的焦

跟住地圖過來還是挺容易找到這裡的，選址很害羞😊，還配帶卷卷書香味，就在嘉諾撒聖瑪利學校旁邊，卻是低調有內涵。無花果配鵝肝麵包：論色相也是杠杠的，無花果本身也很清甜，再加上糖漿，讓它錦上添花。鵝肝更是軟綿綿的，入口即溶。龍蝦湯：雖然已經被煮得紅紅火火的顏色，嫩肉也被挖空了，但依然龍精虎猛地駕在濃湯上，氣勢無敵。主菜羊架：每一塊都如baby fat，胖嘟嘟的非常可愛*^o^*，討人喜歡，但一點也沒有羊騷味，煎得外乾內充滿水分，再配上靚靚紅酒，簡直就是浪漫的享受。甜品是焦糖布丁，伴碟猶如櫻花🌸樹下散步，充滿著美景詩意。布丁表面是脆脆的焦糖，布丁滑而幼細，美景美食，明明就是詩情畫意的場景。

好友們各自有各自嘅生活，好難先約到時間可以一齊食飯。難得今次有機會，早早就搵定咗係學校附近嘅Lab eat！我地係中午時間去嘅，仲等咗一陣先等到營業時間添！我地嗌咗4到餸。牛扒好好味，好多汁，而港女最鍾意嘅芝士菇都好正哈哈！欣賞嘅係啲食物煮得啱啱好，例如菇咁，除咗有濃郁嘅芝士味之餘，菇本身亦不會太乾爭爭，切嘅時候仲feel到入面嘅濕潤。不過海鮮方面就不過不失～不是烹調手法有問題，可能是海鮮本身麻麻，不過呢個價格而言，都還算可以啦。

早前聽咗收音機飲食節目特別介紹呢一間位於尖沙咀嘅法國餐廳，話佢嘅食物配搭特別，有特色。而且質素非常好，於是訂咗枱同家人食飯慶祝生日 。呢度嘅生蠔真係非常新鮮，法國餐廳當然主攻法國生蠔，今日都試咗，非常大隻爽甜，一食就知好新鮮。另外試咗法國煎鵝肝，香脆美味。主菜叫咗一客紅酒梨配煎油鴨髀同一個芝士卡幫尼意粉。鴨髀煎到皮脆肉嫰，襯托兩款唔同味嘅醬汁非常可口！意粉中間放了隻雞蛋王，係食嘅時候先自己撈勻！鋪滿芝士，非常好味。另外由於太太及囝仔非常喜歡吃芝士，我哋叫咗一個烤焗瑞士芝士配火腿新薯，配合略帶甘味嘅火箭菜，非常配合！今晚冇飲酒，但就飲咗士多啤梨特飲及芒果梳打。

見佢做緊 discount, 一於就來試下。一入餐廳，環境算係吾錯，都幾有氣氛，不過座位就有d窄。第一次來食，主要都係叫左menu 入面推介既菜式，order左熱溶芝士配新薯火腿，海膽黑松露意粉 & 炭燒西班牙黑毛豬。個熱溶芝士初時係俾佢個名吸引左，覺得幾有新意就order來試下。碟野一上台，真係好熱，出曬煙，好多芝士溶係d沙律菜同火腿上面，都幾吸引。個人認為個名同煮法係吸引，但吾算真係話好好食，試過就算。建議一上台就盡快食，因為凍左d芝士會變硬無咁好食。如果你係黑松露 & 海膽既愛好者，一定要叫海膽黑松露意粉 香噴噴既黑松露味，大大件海膽 overall, 呢到d野食既份量同價錢都算成正比，而且味道都吾錯 。想簡單得來又大體咁同朋友食飯，呢到都可以係不二之選

生日正日要食餐好，老公預早做足資料搜集，知道我一向好芝士，搵到一間有特色芝士菜食的法國餐廳，就係位於尖沙咀的Lab eat restaurant。呢間法國餐廳都幾出名，上星期聽收音機介紹佢哋旺角嗰間分店，食評好好！今日試咗法國生蠔，呢隻法國皇后生蠔非常大隻，而且鮮甜爽口，海水味濃郁！仲食咗法國煎鵝肝，煎得好香脆，一啲都唔騷！呢度嘅龍蝦湯都好值得試吓，而且龍蝦肉都幾多。叫咗一下瑞士傳統芝士配parma ham、新薯及沙律，嗰嚿大芝士預先烤熱，當沙律上碟嘅時候，即時批芝士落個碟度！香氣四溢！主菜係煎油鴨髀及卡邦妮意粉，同樣出色！最後食咗一個冇得彈嘅甜品，朱古力心太軟用咗72度香濃朱古力製成，一切開啲朱古力醬流晒出嚟！

食物味道同賣相唔錯，服務都幾好，但價錢唔平，性價比偏低，餐廳內裝修都幾好，但位置隔涉，喺條巷仔嘅dead end. openrice勁多好評所以去試下, 但weekend dinner成晚系一半人都無, 加上食物無咩特別又唔抵食，第一次令我懷疑好評系造出黎75折後人頭約$320.

本人帶同2位中國供應商吃晚餐，那位黑衣男仕侍應生態度似不喜歡中國人光顧，感覺非常沒人禮貌，請不要忘記他們也是客人，如果我是這位侍應生的上司或老闆，必將他辭退希望貴店好好檢討。

一行六人食飯一個朋友遲到，兩個唔食生蠔要我地食完生蠔先叫沙律等頭盤，即係有兩個朋友要坐住等？嗰位侍應話食完沙律再食生蠔會肚痛喎。因為朋友遲黎，所以諗住食住頭盤，之後先order主菜，嗰位侍應又話要一次過叫埋等佢地可以安排上菜時間，後來我地堅持只叫頭盤，等人齊先叫主菜，馬上黑面。 期間想換碟，舉手冇人理，眼見有一大棟碟放左喺隔離柜面，有朋友自己攞左兩隻，嗰位侍應好大聲叫停，仲大力放低啲碟，好似我地破壞左佢個秩序一樣。因為等呢隻乾淨嘅碟，塊五成熟嘅牛扒攤到凍晒！我相信呢位侍應對食物係有好高要求，但工作完一星期諗住星期五放工輕鬆一下，結果都係一餐諸多規限、要睇人面色嘅晚餐。食物質素冇問題嘅，蠔係新鮮嘅，食完沙律再食蠔都冇肚痛嘅，牛扒凍晒都食得出個味係唔差嘅⋯