LAB EAT Restaurant & Bar (金巴利道)

营业中

休息中

還記得Lab Eat開店時，常常爆滿，當時見到餐廳超多好評，所以一直都在我的口袋名單中。今日終於有機會去到，估唔到星期一晚上來到都座無虛席，令人好期待。經過店員推介後，我地點左以下食物。Divine Oyster No.1 $180好大隻飽滿既生蠔，口感較清爽，海水味咸度適中。香煎鵝肝多士配紅梅汁 $118好肥美既鵝肝，入口重量級的油香和甘甜，紅梅汁減掉油膩，配合得好完美。黑松露熱熔芝士配新薯及火腿 $288店員在我們面前將熱熔芝士掃落火腿，滿滿的芝士一看就令人充滿食慾。芝士下有火腿、新薯、火箭菜及橄欖，口感味道非常豐富。炭燒西班牙黑毛豬配蜜糖芥末汁 $398(兩件）十分推薦這個西班牙黑毛豬，除了分量十足，厚度令人驚艷外，生熟程度是剛剛好，切開後入面是嬌嫩的粉紅色，廚師拿捏得很好，再一次證明，如果豬肉煎得好，絕對可以媲美牛排甘好食。自家製比利時73%黑朱古力心太軟配意大利雪糕 $88晚餐由這個黑朱古力心太軟完美作結，外脆內軟的朱古力蛋糕，配冰涼軟滑的雪糕，這個經典完美的配搭，就像這頓晚飯一樣，所有事情都十分圓滿。另外想講講這裏的服務是fine dining級，不單止餐具同碟子不斷替換，

今日同朋友去左試LAB EAT, 環境都算不錯，靜靜的，很適合傾計。先黎頭盤生牛肉薄切，生牛肉色澤鮮紅，食落超新鮮，配上火箭菜同大大片芝士，加上少許橄欖油，好有口感。之後係黑松露野菌忌廉湯，好香濃，好滑。而且有大量黑松露，令忌廉湯更香濃。再黎傳統熱溶芝士配新薯及火腿，店員即場加上大量熱溶芝士，令本身平平無奇的火腿及薯角變得超美味。最重要的是Lab Eat 液態氮甜品拼盤，店員即場加上液態氮，令甜品變得超夢幻。大大個比利時朱古力球，超香濃朱古力味道，簡直食唔停口。敲碎朱古力球，入面有大量椰子味分子雪糕，入口即溶，十分有趣。

有時見到寫bar既餐廳都唔太敢去,今次係朋友食過好ok,所以suggest係度開飯餐廳係金巴利道行到盡頭就會見到,招牌都好sharp好易搵book左7點,餐廳大概大概5成人,到730已經坐滿首先上左餐包,微暖不錯!今日叫左2道菜,瑞士傳統熱溶芝士配新薯及火腿,侍應先上菜然後將熱溶左既芝士係我地面前刮落去,毫不吝嗇份量好多!芝士味道唔太咸而且好香,新薯好有薯仔味道,配埋火腿&火箭菜,味道好balance, 芝士做到拉絲~另外叫左一個意粉,海膽黑松露意大利粉,海膽同意粉既份量都唔少,超creamy! 淡淡既黑松露味道,每條意粉都掛到汁,唔會太稀/太傑,海膽好大塊鮮甜,入口即溶!有5大塊!值得再次去既餐廳,無論食物服務都一流!洗手間比得上屋企咁乾淨🤣!

炭燒西班牙黑毛豬配蜜糖芥末汁🐷 ($298) (3/5)尖沙咀一間隱世餐廳😅 食物款式算多仲有生蠔食👏🏻 黑毛豬唔算大份🐽 肉質唔韌但可以更鬆軟🤣 配埋蜜糖芥末汁一定唔會差得去邊🍯-香煎西班牙紅蝦配龍蝦忌廉汁手打意大利粉🍝 ($278) (3.5/5)最有驚喜係隻紅蝦🍤 雖然得一隻但好鮮甜😋 龍蝦忌廉汁都好足料🍤 夠哂creamy👍🏻

Friday night跟好友聚會，Lab Eat之前係老銅食過覺得唔錯，今次來試試尖沙咀分店，店內幽暗的燈光份外浪漫點了一杯Riesling配法國的Divine生蠔，肉質爽口鮮甜，唔需要加醬汁都已經好好味侍應上菜時即製熱溶芝士，與火腿和火箭菜非常匹配炭燒美國頂級肉眼點了七成熟，熟度剛好，表面微帶焦香，肉味香濃富肉汁，脂香四溢。配菜方面都好唔錯，脆卜卜的番薯加上清新爽口的沙律菜。另一款必點的西班牙黑毛豬，估唔到肉質可以咁嫩滑，非常易切，沾上芥末醬更滋味最後的甜品有我最喜歡的朱古力心太軟，外層焗得脆口，上面好想脆脆，切開有濃濃的綠茶醬湧出。另外，榴槤雪糕亦同樣出色，榴槤味非常動郁方向，真係好似食緊一個榴槤肉，非常滿足

朋友說LabEat 很不錯，朋友新年第一次聚會就選了它「開年」。先要了個生蠔拼盤──法國神之吻口感爽口，蠔身豐厚，海水味適中，蠔味突出。熱熔芝士配新薯及火腿侍應提著大芝士在食客前為沙津添上大量芝士，影相打卡一流，要趁熱食，作為前菜份量很多，適合多人。法國墨魚墨汁意大利飯墨魚鮮嫩可口，墨汁包裹著每粒米，充滿墨魚香。炭燒美國頂級肉眼牛扒配菜是炸蕃薯條，甜甜香香的，不用沾醬。肉眼牛扒肉味香濃，炭香味豐富，可沾上黑松露鹽同吃。

環境格調唔錯，食物good同FD 慶祝生日& gatherings ，亦不錯地方，服務水平👍👍，價錢略位貴，但他們有set dinner&散叫有discount promotion for 大家選擇

朋友約我尖沙咀食飯, 係WHATSAPP send 左OPENRICE link比我, 跟據地址, 我用Google Map尋找, 總是找不到, 於是向朋友求救, 原來就係嘉諾撒聖瑪利學校集口旁邊環境昏暗, 形做浪漫格調未出聲, 已遞上預設食物---法飽其後,  侍應主動地問要唔要....... 結果, 口喝的我, 就這樣來了2杯白酒，味帶果香，容易入口精緻的器皿, 橄欖油加醋, 便KO鬆軟的法飽鵝肝厚度適中, 表 層 金 黃 香 脆, 外 脆 內 軟 的 雙 重 口 感, 好 像 牛 油 一 樣 在 口 腔 溶 化菠菜帶子合桃沙律，深綠色的菠菜跟平時的沙律菜顯然不一樣，給人更FRESH的感覺, 配上微酸的醬汁，相當開胃西班牙紅蝦配龍蝦忌廉汁手打意大利粉：好肯定, 呢隻係西班牙紅蝦, 因全身都是火紅色, 體型跟大虎蝦可作比較, 蝦頭的膏尤其香濃, 肉質爽甜鮮美此外, 手打意大利粉軟硬適中且彈牙，手打的, 果然跟平時食開的不同主菜油封法國鴨肶配紅梅汁, 那種油香有點似臘鴨, 但又沒有臘鴨那種油漬味, 反而食落外脆內軟, 鴨肉很嫩滑, 好容易就撕開咀嚼,不錯黑朱古力心太軟配意大利雪糕不愛甜

上次食完旺角LAB EAT，今晚黎到尖沙咀。依間位置不是來車水馬龍的大街，是在金巴利道最督督，格外寧靜。好在一早訂左位，7:30pm 左右餐廳已經座無虛席。餐廳選用暗黃色的燈光，比較柔和。牆身有一塊簽哂名的白板，看來都是名人聚腳點。今晚唔食海鮮，決定食牛扒，店員推介食依個36 onz 的T骨牛扒。T 骨扒最吸引的地方就係一邊係肉眼扒，一邊係西冷扒，可以一次過食哂兩個最值錢的部分。依個36 onz的牛扒真係令我們嘆為觀止，份量驚人， 5成熟，外面煮得有少少焦，特別可口，而內邊牛的肉質非常鮮嫩多汁，夠淋易咬，牛味極濃，配上唔同的醬汁，口感豐富，而配菜唔係一般的薯條，而係炸到金黃色，非常香脆的蕃薯條，好可口，食到停唔到。而店員都推介我地喝一點白酒配牛扒，果香味濃，易入口!

朋友介紹尖沙咀有一間不論氣氛和食物都一流的高質素西餐， 今日便相約友人一試。餐廳燈光柔和，座位舒適。侍應在入座後不久送上餐包，餐包帶微溫，充滿麥香。侍應推薦的白酒不太苦澀，有清新果香，很適合女生飲用。熱熔芝士配新薯及火腿，侍應會在食客面前撥出大份量芝士，很有視效果，整道菜鹹香惹味。生蠔拼盤是法國的Divine 生蠔，生蠔口感爽甜，帶淡淡的海水鹹香。主菜是炭燒西班牙黑毛豬，豬肉非常厚身，卻燒得外脆內軟， 入口鬆化， 肉汁豐富， 配搭蜜糖芥末汁，味道一流。炭燒美國頂級肉眼牛扒，肉味香濃，肉汁豐富，值得一試。法國墨魚墨汁意大利飯，意大利飯軟硬適中，墨魚的份量頗多，飯粒充滿海鮮甜味。最後的甜品拼盤讓人心花怒放，心太軟夠溜心，朱古力味香濃，榴槤雪糕也是真材實料。LAB Eat 果然是一間性價比甚高的西餐廳，難怪口碑不俗。

朋友生日想同佢食好少少嘅扒， 就book咗呢間餐廳。 唔係十分貴都唔係太平。 餐牌其實唔係咁多選擇，叫咗一個牛扒一個羊扒，med rare。 黎到個賣相係好靚，但係 味道好一般。 唔係 med rare 不特止, 根本就係全熟！ 如果佢賣到啲扒咁貴，連個生熟度都控制得咁差嘅話，根本就唔可以收呢個價錢囉！另外叫左個帶子沙律， 啲菜都算新鮮，味道ok，但係啲汁就甜咗啲囉，同埋帶子只係得兩粒。 雖然148蚊不算好貴，但可能冇乜驚喜，都係覺得不值伴碟嗰個炸番薯 跟黑松露粉，就係全晚最好食果part。 咁我使鬼畀呢個價錢係咪度食咩！只能夠讚佢服務算幾好， 但係食物未夠水，平有待改善！

昨晚跟友人慶祝新居入伙，選了這家西餐廳。餐廳環境有情調，菜單款式多。我哋花多眼亂，就選了二人套餐。套餐非常豐富，有生蠔、兩個頭盤、一個湯、兩個主菜、兩個甜品和6杯餐酒。點菜後不久，店員就送上麵包，麵包熱辣辣，外層有少許脆而不硬，內層鬆軟，沾黑醋很快已食完一個。然後生蠔就上枱，店員亦送上有汽葡萄酒。店員介紹生蠔來自法國，名為神之吻。生蠔厚身，入口海水味重，新鮮鮮味，肉質較為爽身。頭盤是生牛肉薄切和芝士焗墨魚大啡菇。生牛肉薄切鮮味，配上橄欖油，令牛肉更加滑身。加上大量濃郁芝士和火箭菜，是不錯的沙律前菜。芝士焗墨魚大啡菇，芝士鋪在最外層，焗完之後有少並許脆硬身，包住墨魚滑，有粒粒墨魚肉，口感十足，再切到底的大啡菇非常juicy,配上醬汁和紫洋蔥、菘子，惹味甘香。食完頭盤，店員就為我地送上白酒和黑松松露野菌忌廉湯。湯是用菇類打蓉而成的，菇味濃郁，湯面上有一小匙黑松露醬，松露的獨特香味實在令整個湯加分不少。主菜首先有香煎鱸魚配帶子，賣相吸引。鱸魚件非常厚身，魚皮煎得金黃香脆,仲有豐富骨膠原,食落煙煙銀銀。雪白色的魚肉很吸引，食落啖啖肉，魚肉非常嫩滑，一啲都唔腥，配上檸檬香茅忌廉汁，檸檬嘅清新更帶

昨天與友人慶祝入新屋入伙，於這間很多好評的餐廳試試。我們點了一個二人套餐。套餐有Starter，兩個appetizers ，soup，然後兩個主菜,及甜品，然後還有汽酒，白酒及紅酒各兩杯。Starter法國生蠔四隻，侍應介紹這個生蠔品種叫做法國神之吻。生蠔新鮮大隻而且肉飽滿，入口有海水味及微微鐵銹味。生蠔配以汽酒，感覺不錯。Appetizer 首先，是生牛肉薄切，生牛肉嫩滑，切得非常薄的一片片配以火箭菜，少少橄欖油及薄片芝士，清新而不膩。然後，是芝士墨魚焗大啡菇，大啡菇上鋪左一些大啡菇粒，然後一層墨魚膠，然後最上層還有一層焗芝士。大啡菇爽口而且多汁，上面的墨魚膠及芝士質感軟棉棉，雖然好似好heavy,但有食落一點都不滯。Soup黑松露野菌忌廉湯，黑松露好香，菌味濃，忌廉令整個湯更感香滑。之後等主菜，喝口白酒，欣賞一下餐廳的裝飾。Main course香煎鱸魚帶子配香茅忌廉汁，賣相一流。帶子厚身，外面煎得很香口，內裏軟滑，煎得沒有過熟。鱸魚很厚身，肉質爽滑，近魚皮的肉帶點魚油脂，魚皮煎得香脆且富膠質。香茅忌廉汁帶丁點檸檬味，令整個菜式更加清新。然後是炭燒西班牙黑毛豬配法式煎鴨肝，鴨肝表面

同知己聚舊，都要摸吓酒杯低嚟到覺得環境頗為浪漫多款美酒以供選擇最後我哋叫咗2杯白酒，帶點果香，容易入口頭盤：菠菜帶子合桃沙律-整個沙律有一種清新的感覺，菠菜跟合桃的味道出奇地夾，醬汁微酸，非常醒胃帶子非常厚肉，兩面都煎得微焦，內裏鮮甜，肉質軟滑香煎鵝肝：鵝肝外皮煎得香脆金黃，入口溶化，外脆內軟，保留着鵝肝香滑的口感。甘腴香氣在口腔內不停擴散 西班牙紅蝦配龍蝦忌廉汁手打意大利粉：紅蝦大大隻，蝦膏香濃甘甜, 蝦肉爽甜鮮美，手打意大利粉夠彈牙，有咬口，又有質感，配以龍蝦忌廉汁一齊食，簡直滿分黑朱古力心太軟配意大利雪糕賣相相當吸引，香濃的黑朱古力蛋糕外層香脆，藏着軟軟的流心朱古力，一切落去如岩漿流瀉熱辣辣的口感再伴以冰凍的雪糕齊食，實在令人愛不釋手。

今次我係用openrice既apps訂檯，簡單方便，揀好進餐日期時間之後按確定就會喺訂座頁面收到有關訂座資料。訂檯果陣我喺聚餐主題果欄填上生日。到食晚飯當日下午就收到餐廳既電話確認訂檯時間，而且餐廳亦有問我係咪生日聚餐，亦主動提醒只要點任何一款甜品就可以幫我寫上生日快樂字眼，呢點要讃一讚，店員好細心問要寫咩名，態度亦非常有禮。今晚我哋訂左6:30 4人檯，但我地遲到15分鐘，到場時餐廳只有一檯客人。環境很滿意，是一般西餐廳既裝修。檯與檯之間既距離稍為近了㸃。人齊就點左幾道菜式，先黎左每人一個西式湯作前菜，味道唔錯，濃度適中。之後就上法式黑松露牛油香草焗田螺，黑松露香草配這個田螺味道好夾，牛油份量又岩岩好，大家都讚呢道菜好好味。主菜點了炭燒西班牙30天熟成厚切T骨牛扒，5成熟剛剛好，肉質鮮嫩，雖然係炭燒，肉面微焦但完全唔影響裡面既肉汁滲出黎，份量十足，值得推介，原則上食完呢道菜已經好飽。法國墨魚墨汁意大利飯，個飯煮得唔夠淋，但墨魚汁夠香濃救返唔少分數。香煎西班牙紅蝦配龍蝦忌廉汁手打意大利粉，個粉唔夠彈牙，Lobster cream sauce味道亦太淡。因為今晚慶祝朋友生日，所以都點左一