LAB EAT Restaurant & Bar (金巴利道)

营业中

休息中

出色的西餐廳包含了多個元素：浪漫的氣氛，專業的招待，對食品高質素的追求，細心聆聽客人的意見，有取長補短的精神，正正就是今次我到Lab Eat Restaurant晚餐的經驗。話說有個朋友惠顧過此店後，向我和太太極力推介，但因我們看了網上的一些意見後，都半信半疑，為了看看我朋有沒有推介錯誤，我們就即管試下佢，試過後，非常驚喜，覺得之前網上的意見不中肯，此餐廳非常出色，為了向好餐廳至敬，決定為Lab Eat寫一篇食評，給大家參考參考。店舖位於尖沙咀漆咸圍附近，因為小弟當晚會喝酒，所以沒有揸車，選擇搭的士出入，但門口有待客泊車，而又近柯士甸道，行去佐敦地站或理工大學紅磡火車站都非常方便。店內播着柔和輕鬆的音樂，加上燭光晚餐，令我們吃得相當愉快。青蘋果碎鴨肝配芒果醬鴨肝跟鵝肝不同的地方是有彈性而不太油膩，Lab Eat 廚師煮得剛剛好，有鵝肝的軟滑細膩感覺，而又不會油膩，加上少少酸的青蘋果碎作引，和甜甜的芒果漿作結，喝一啖白酒，餘韻十足非常。黑松露什菌忌廉湯松露清香不會過濃，碎什菇菌好香，少少忌廉使湯更滑，出色。芝士碎配墨魚墨魚汁意大利飯意大利飯煮得非常出色，飯粒煙韌，帶有甜味，墨魚汁鮮味難以

今晚老公帶我去Fine Dinner浪漫一下，我地去左朋友介紹既呢一間西餐廳環境氣氛好好，除左坐位隔離比較近之外我地叫野食之後，侍應問我地配咩餐酒，因為對呢方面無咩認識，就叫左佢地幫我地揸主意餐前首先2杯白酒 Cheers鴨肝配藍莓、芒果醬($118)鴨肝比鵝肝油份少一點，感覺無咁膩，不過口質都好幼滑入口即溶的感覺配合埋芒果醬同埋藍莓醬，甜甜酸酸，剛好中和左鴨肝的油膩感黑松露忌廉湯($136)黑松露味道十分濃郁質感creamy墨魚汁意大利飯($258)呢個飯令我好有驚喜飯的質感剛剛好，唔會太淋或太硬呢個係比較少有地方可以食到的口感慢煮黑毛豬($298)肉質都好林，有炭燒味包住入面的肉汁，入口一咬就必出黎主菜又有另一款白酒配合朱古力心太軟($88)由於我自己都有焗蛋糕的關係，對心太軟都有少少堅持我好欣賞呢個心太軟，食落口會知道，佢係真正用朱古力蛋糕醬，調教好合適時間同溫度焗出黎而唔係一般有些甜品店咁用軟心朱古力造我覺得呢個心太軟真係好好味呀！味道令我好難忘全晚成餐飯都令我好滿意由餐酒，前盤，主菜，去到甜品都一樣好出色令我好有驚喜下次都會再黎幫襯

一直想試好耐，生日就揀左呢度食。預先卜左位，當晚星期六好full。大蜆大大隻啖啖肉，而且好鮮甜！海膽多士新鮮，又勁creamy！超正！田螺個賣相好得意，原隻一個個放係薯容同多士上面，好香好好食！食完之後個個都話要encore多一碟！於是真係叫多一碟😂😂😂主菜最出色就係個豬扒，超好食，全部人係咁不停食個豬扒😂😂😂甜品賣相吸引，但酒太多了搞到蛋糕吸哂酒味，勁濃，唔太好食。Overall好味，會再來！

入到店內見到林林總總嘅酒瓶都陳列係Bar枱位置附近喜歡飲酒嘅朋友一定搵到自己心頭好，店內仲有生蠔供客人享用，每天都會有不同款式的新鮮生蠔，所以店內的生蠔餐牌每日都會轉。而且侍應佢都慢慢介紹邊隻淡水，口感。。十分之nice未上頭盤前就有少少麵包作為開胃菜。餐湯係每日都會有不同款式的餐湯，我今次飲嘅係南瓜湯，味道非常香濃入口又Creamy。主菜就係黑椒汁炭燒美國西冷牛扒，牛扒絕對係我嘅最愛呀仲有個生日甜品影相又點少得

估不到一間不顯眼的餐廳會有酒店級的水準，很喜歡在 open rice 訂枱食飯，除了有方便及優惠外，經常搜尋到一些有水準的餐廳，如這間 Lab Eat 服務很好，食物水準很好，我已經是第2次來這餐廳，2次都是朋友生日食飯，正因生日所以想給朋友有愉快的晚餐，菜式雖不是很多選擇，但每款食物廚師都用心烹調出來，無論是小食、湯、主菜及甜品都大飽口福，色香味俱全，環境寧靜，可給朋友們相聚談天說地，把酒暢飲。其實這間餐廳有分店在旺角，但還是喜歡這間的環境服務及食品

上星期三同朋友去咗尖沙咀試一間朋友開既西餐廳，位置比較隱蔽，係天文台道廁所再入，都用咗少少時間先去到。好講下d野食先！首先前菜有個芝士煙肉沙律，有層軟林林既芝士做面，疊住煙肉，中間下面有火箭菜，講真第一次咁樣食，感覺得幾得意。朋友真係好好招呼，幫我地開左支白酒，店員介紹配前菜飲，配生蠔同海膽黑松露意粉一流。d蠔嘅鮮味一上就已經聞到，唔算肥但好新鮮。海膽亦好足料，配上黑松露醬，冇得彈，食到停唔到。仲黎多碟steak，老實講份steak唔錯但再生小小就perfrct! 最後叫咗朱古力撻，已經好飽，但撐大個胃都忍唔住甜品嘅引誘。朱古力好滑，唔似出面硬崩崩嘅朱古力。見到隔離食朱古力波，食完試OpenRice先知原來係signature，呢個變成我下次再幫襯嘅理由！知道旺角有分店，甘唯有下次去mk食過！

嗰日同朋友去咗尖沙咀一間西餐廳食飯，位置比較隱蔽，都用咗少少時間先去到。前菜有個芝士煙肉沙律，有厚厚嘅芝士做面，煙肉係中間下面有火箭菜，煎過嘅煙肉絶唔馬虎，第一次咁樣食，好有新鮮感。朋友仲叫咗白酒，店員介紹配前菜飲，已經係一個好好嘅開頭。之後有生蠔同海膽黑松露意粉，蠔嘅鮮味一上就已經聞到，唔算肥但好新鮮。海膽亦好足料，配上黑松露醬，冇得彈，食到停唔到👅最後叫咗朱古力撻，已經好飽，但撐大個胃都忍唔住甜品嘅引誘。朱古力好滑，唔似出面硬崩崩嘅朱古力。見到隔離食朱古力波，食完上OpenRice先知原來係signature，呢個變成我下次再幫襯嘅理由！知道旺角有分店，好似裝修比較新淨，我諗下次會試下旺角！期待！

本來見到網上食評不俗就去一試，結果大失所望。門前一位男侍應向我確認訂座時已經感到態度一般，入座後向他請問清楚Open Rice折扣的內容，他用看不起的眼光和囂張的笑容解釋「即係A la carte囉，你明唔明啊」。上甜品到的時候著他拍照，機一上手還說在找角度和找光，以為他技術還可以，怎料拍出來角度極之奇怪，還tune光了幾級。原本昏暗的燭光晚餐氛圍變成薩利亞般光猛。除了服務態度外，食物質素其實也過得去而且價錢相宜，餐廳室內氣氛及裝修都不錯，若然不是那位侍應接待的話應該會多光顧幾回。

同老友一齊食晚飯梗係要揀間有氣氛嘅餐廳啦！這間幾年前同另一半嚟食過好有情調嘢食又好味，所以今次同兩位好朋友嚟食...晚上7點左右入到餐廳可能尚早剛得兩枱客人，但不到半個鐘已經差不多坐滿喇我哋叫杯飲品先“mango magic”幾清新幾香，“apple tree”甜甜地，另外朋友叫咗杯紅酒。Mango Magic傾陣計慢慢先叫嘢食，前菜揀咗“瑞士傳統熱溶芝士配新薯及火腿” 一上菜熱辣辣嘅芝士溶落薯仔同火腿中好澎湃好正啊！“Raclette Cheese with Roast Potatoes and Ham”跟住到“龍蝦湯”有龍蝦肉同幾濃郁“Charcoal Grilled U.S. Prime Rib Eye (10oz) with Red Wine Squce”這個炭燒味好香肉質好出而配菜薯仔唔似平時薯仔我覺得似甜蕃薯好特別最後再叫“法國墨魚汁意大利飯”做終結。。。原本想叫埋甜品的但我哋太飽了只好留待下次再品嚐啦！

尋晚同男朋友慶祝生日係open rice 睇左好多食評感覺係一間氣氛好好嘅餐廳所以最後就決定食LabEat但係食物嘅味道並沒想像的好只是普普通通但係服務質素就一流💁🏻‍♀️💁🏻‍♀️服務員一直都保持笑臉😊心太軟係最難忘🤤真係好好食，仲會幫忙畫碟🤤

二人套餐 $1288 餐前酒 有一點點汽  微微的果香 開胃生蠔十分大隻 非常鮮甜金屬味較輕  可加檸檬去除海水味 再加少少醬調味 生牛肉薄切賣相十分吸引  生牛肉加上芝士及芝麻葉 吃的時候沾一點旁邊的汁一起吃更佳牛肉非常嫩口  牛味重  和芝士十分配芝士焗墨魚大啡菇大啡菇上加上芝士 內裡包着墨魚肉  芝士表面金黃  少許焦芝士配上大啡菇一起吃  濃濃的芝士味可以去除菇的生味雜菌湯十分濃的菇味  很香  菇菌打非常幼細 及滑身主菜 炭燒西班牙黑毛豬配法式煎鴨肝黑毛豬煎得表面少許焦 可以鎖住肉汁  肉質軟腍  配上特別的紫薯薯蓉一起吃  非常特別鴨肝沒有很濃烈的肉臟醒味  而且不會肥  和黑毛豬一起吃  十分配  主菜 香煎鱸魚配帶子香芧忌廉汁鱸魚是整晚最欣賞的一道菜 火喉控制得非常好肉質非常嫩 一點也不乾 魚皮煎得少脆 口感很好跟住甜品 BROWNIE 及士多啤梨奶凍想不到隨餐甜品質素也十分高 完全自家製  

今日慶祝呢個特別嘅日子，老公帶我食西餐。內裏感覺浪漫，而且好有情調。 地方舒適優雅， 有種好放鬆嘅感覺。頭盤叫咗生蠔， 生蠔大過我手掌，夠晒冰凍，肥美之餘仲好creamy， 唔會太重海水味 ，一點都唔咸，岩晒我口味。😀海膽蒜蓉多士滿滿既海膽鋪滿了整塊蒜蓉多士， 海膽比較大片，顏色鮮豔，非常鮮甜。黑松露牛油香草焗田螺輕輕嘅黑松露， 再配上香噴噴嘅田螺， 中間夾咗少許薯蓉， 再配埋香脆嘅蒜蓉包， 非常惹味， 賣相仲好靚添卡邦尼意粉意粉送到嚟還是熱辣辣的， 芝士味好香好濃 ，意粉軟硬適中， 再配上一隻生蛋去撈勻整個意粉， 從而令到意粉更加香滑，簡直係另一番風味香煎鱸魚配香茅忌廉汁魚皮煎得香脆， 魚肉嫩滑仲好juicy， 再配上爽口嘅蘆筍和少許忌廉汁， 味道又幾夾呀最後點少得叫個panna cotton食呀! 香甜既藍莓， 再配hazelnut既脆餅和香滑既奶凍， 食完非常滿足如果唔想諗，其實食呢個二人餐都係一個唔錯嘅選擇呀飲品系列嘅選擇又幾多喎

難得今日可以同老婆撐下枱腳，當然要搵一間又有好氣氛，又浪漫，價錢又合理嘅西餐啦。多得朋友介紹下，系阿士甸道附近一間叫做lab eat嘅法式餐廳。別緻的裝修，配合返西色嘅環境，好似置身於外國一樣。頭盤法國生蠔，海水味夠重，好creamy，好大隻，非常新鮮。焗蝸牛配薯蓉多士：新鮮焗出嚟非常惹味，配上自家製薯蓉，同埋多士一齊食，口感非常一流。海膽配蒜蓉包：海膽唔會好腥，份量相當都好大，入口即溶，仲感覺到海水味。卡邦尼意粉：正宗食法一定係用蛋黃同埋好多嘅parmesan cheese，煙肉蘑菇當然唔少得，非常入味。日本鱸魚：一大塊好厚切嘅魚，味道鮮美，無需再點任何醬汁，都依然出色，外面層皮燒得好香脆。特色飲 apple Tree， Mango Magic:

上網見經Openrice 訂枱有折 食評又唔差 決定一試叫了個二人套餐 $1288新鮮生蠔4隻生牛肉薄切芝士焗墨魚大啡菇黑松露野菌忌廉湯炭燒西班牙黑毛豬配法式煎鴨肝香煎鱸魚配帶子香茅忌廉汁是日甜品氣泡酒，白酒及紅酒四隻生蠔 超鮮甜 加埋檸檬同佢個醬一齊食 個甜味帶晒出黎 個蠔即開即食 非常新鮮 就係食蠔抵前菜 生牛肉薄切牛肉上加上少許芝士 少少汁 同埋菜 一食入口 個牛係個口到溶化左 好嫩好滑個汁同芝士同個生牛肉味道好夾黑松露野菌湯每一啖都有好濃的黑松露同菇味After taste 好強 黑松露的香慢慢帶出黎芝士大啡菇上面黃黃地色係芝士加墨魚 個菇非常大 芝士可能加左野係入面 食落唔會覺得溜主菜黑毛豬黑毛豬係可以唔洗全熟 個豬整得岩岩好肉質好淋 好嫩 同埋鴨肝一齊食 肥美的鴨肝同黑毛豬一齊放入口 超級夾 有兩種口感另外好欣賞佢下面的紫薯薯蓉 好特別 好少餐廳用紫薯煎鱸魚個魚煎得岩岩好 仲整到嫩過魚柳 基本上唔洗咬就吞到 帶子唔會話過韌 個汁突出到個魚味是日甜品有個朱古力Brownie 同士多啤梨忌廉奶凍甜品賣相好吸引 裝飾用心估唔到跟餐送的甜品都唔差 平時咁出去食個甜品都6

到底識唔識咩系禮貌食完睇facebook先知facebook一大堆劣評全部系服務態度差未試過去一間餐廳我會嬲到咁打足二百字我都要比呢個劣評同你講原本都系想開開心心咁慶祝一下生日結果食到成肚氣 要嬲住走激到人地生日個個未等到埋曬單已經嬲到黑面走真系想知個男侍應點解一d唔好意思都冇其實都系好少事 佢都可以搞到咁冇睇到你個甜品要預訂姐即刻話 寫到明要預訂嫁wo 你冇睇嫁咩我朋友聽唔清楚佢仲要話 你訂位個陣有冇講丫 系咪唔比睇少左呀加下 呢度只系其中一部分成程又極唔耐煩咁 我真系嬲到呢 嬲到要打二百隻字比個好評 咁可能會冇咁快比人刪左佢咁既態度邊有可能咁少劣評