影片
更多
2018-10-28
162 浏览
一行六人食飯一個朋友遲到，兩個唔食生蠔要我地食完生蠔先叫沙律等頭盤，即係有兩個朋友要坐住等？嗰位侍應話食完沙律再食生蠔會肚痛喎。因為朋友遲黎，所以諗住食住頭盤，之後先order主菜，嗰位侍應又話要一次過叫埋等佢地可以安排上菜時間，後來我地堅持只叫頭盤，等人齊先叫主菜，馬上黑面。 期間想換碟，舉手冇人理，眼見有一大棟碟放左喺隔離柜面，有朋友自己攞左兩隻，嗰位侍應好大聲叫停，仲大力放低啲碟，好似我地破壞左佢個秩序一樣。因為等呢隻乾淨嘅碟，塊五成熟嘅牛扒攤到凍晒！我相信呢位侍應對食物係有好高要求，但工作完一星期諗住星期五放工輕鬆一下，結果都係一餐諸多規限、要睇人面色嘅晚餐。食物質素冇問題嘅，蠔係新鮮嘅，食完沙律再食蠔都冇肚痛嘅，牛扒凍晒都食得出個味係唔差嘅⋯
一個朋友遲到，兩個唔食生蠔
要我地食完生蠔先叫沙律等頭盤，即係有兩個朋友要坐住等？嗰位侍應話食完沙律再食生蠔會肚痛喎。
因為朋友遲黎，所以諗住食住頭盤，之後先order主菜，嗰位侍應又話要一次過叫埋等佢地可以安排上菜時間，後來我地堅持只叫頭盤，等人齊先叫主菜，馬上黑面。
期間想換碟，舉手冇人理，眼見有一大棟碟放左喺隔離柜面，有朋友自己攞左兩隻，嗰位侍應好大聲叫停，仲大力放低啲碟，好似我地破壞左佢個秩序一樣。因為等呢隻乾淨嘅碟，塊五成熟嘅牛扒攤到凍晒！
我相信呢位侍應對食物係有好高要求，但工作完一星期諗住星期五放工輕鬆一下，結果都係一餐諸多規限、要睇人面色嘅晚餐。
食物質素冇問題嘅，蠔係新鮮嘅，食完沙律再食蠔都冇肚痛嘅，牛扒凍晒都食得出個味係唔差嘅⋯
张贴