LAB EAT Restaurant & Bar (金巴利道)

营业中

休息中

呢間餐廳一路都好多好評, 咁我都唔重覆講喇, 講D SIDECUT少少既野叫左個二人餐, 5度菜, 1個湯, 樣樣都好食, 重點講下以下兩樣:1. 法式洋荵湯, 好清甜, 而湯上面舖左塊厚厚既CHEESE......本人孤陋寡聞, 但估計係正宗法式楊荵湯做法, 起碼o係普通餐廳係唔會食到2. 澳洲m5和牛medium, 香, 嫩, 火路好, 唔識點再形容, 簡單講就係可能係本人食過最好食的牛扒..(o係香港)另外想講下佢個伴碟配菜, 應該係叫櫻桃辣椒, 外表似小車妮茄, 但一咬微辣, 微甘, 好特別既配菜, 又係o個句, o係香港冇食過, 冇見過...從湯同配菜, 都顯得呢間餐聽係好有誠意, 唔係求其做...價錢當然相對貴少少, 但物有所值, 比咁多錢, 食返有價值既野

沙律：很有驚喜，口感清新，藜麥健康又有𡁻勁，絕對值得推介青口：口感軟滑，酒香濃，吃過不停口，是一道很好的下酒菜甜品：冰涼暢快的感覺，有效地減去油膩感，味道微酸亦都非常清新，配合脆脆，新鮮感十足，另外糕點亦不會沒有偏甜，味道剛剛好龍蝦：賣相非常好，Risotto煮得非常出色，水準一流羊架：非常新鮮，整得入味之餘，還完全沒有羊羶味，外脆內嫩，非常Juicy這個叫 hopeful 的飲品， 檸檬味重，酸酸甜甜， 又靚又清新。

今次喺尖沙咀金巴利道食晚餐，以往一般人覺得較多韓國餐廳，今次就去咗呢一間西餐廳，都好有驚喜😆今次叫咗二人晚餐，頭盤就安排法國新鮮生蠔，非常新鮮，味道清甜亦都有濃郁嘅海水味，勁讚👏🏻前菜係煙燻意大利沙甸魚及香醋魚籽。本身比較怕魚腥味，所以好少食魚，但煙熏味道滲透落嘅沙甸魚裏面，食落去完全唔覺有醒味，亦都有一種醒胃的感覺。湯係法式洋蔥湯，好多洋蔥，已經煮到好甜，加上整片芝士，真係好香，好特別嘅配搭！真正嘅主角係澳洲M5和牛牛柳及法國鴨肝，鵝肝煎到外皮鬆脆裏面入口即溶；至於和牛牛柳，五成熟做出嚟嘅效果剛剛好，入口軟滑，脂肪同肉嘅比例剛剛好，亦都唔會太過油膩。一路用餐嘅過程亦都有支香檳Moët伴餐，始終覺得食西餐配合餐酒先至令到整件事覺得圓滿，再加上地方裝修十分舒適，亦都適合三五知己一齊來用餐，整體來說非常滿意！

今日同男朋友去咗間勁有格調嘅餐廳，侍應為我哋推薦咗幾道菜，其中有個八爪魚意大利飯，個飯好軟熟好入味，一入口就已經感受到八爪魚嘅鮮味從舌尖傳到喉嚨，值得一提嘅係餐廳用料上乘，八爪魚觸手至少都有成人手掌嘅大細，好適合與朋友share。 仲有個檸檬雪糕都好吸引，檸檬味好濃厚而且甜甜地，好啱情侶分享飲品都好吸引，我地叫咗個expresso 做底再配上威士忌同百利甜酒嘅酒精飲品，調酒師仲用咗以冰熊做模型嘅咖啡冰，令杯酒就算時間耐咗都唔會變淡，好值得一試。

同大家分享先*\(^o^)/*我同朋友都拎到job offer la~~(*≧ω≦)所以我哋前一晚即興約食飯，食餐勁嘅黎賀一賀佢wohoo~~開心🥳今次就黎尖沙咀嘅LABEAT Restaurant上OpenRice睇價錢幾貴，算啦慶祝係要食貴啲嘅🔸Hopeful 叫左杯水果味mocktail黎飲 較重菠蘿味🍍 甜甜地唔會一次過一啖飲晒🔸日本拖羅蓉海膽杯🍣 $158想講呢個係超級好食😋omg!!魚生好鮮甜，海膽一啲都唔腥，係好好食啊！拖羅都好正，而海膽個層次感會重過拖羅，但以價錢來講咁細杯好貴，如果大份啲會好啲，但真係超級好食🔸熱熔法國芝士配香草薯及意大利煙肉火腿 $188上菜嗰下震驚了😱冇諗過店員直接喺隔離上演批熱溶芝士，平時係fb睇外國街頭芝士美食就睇得多，估唔到香港都有得食請原諒窮人見識少🤣🤣 (我有拍片但沒得upload,得張相睇下先)。講返嘢食先，呢份就大份過海膽好多，兩個人食呢啲芝士都真係幾濟下，有兩款辣肉腸，火腿，薯仔，蕃茄仔，火箭菜，建議多人share🔸Mussels Pasta $288🍝呢個就正路意粉咁青口新鮮，意粉都好吸味，唔錯🔸北海道粟米雪糕及海棉蛋糕 $128

休靜既位置, 有靚靚既餐廳, 有舒適既坐位, 最後有不錯的美食, 啱哂兩個人橕枱腳!Orchin ToastCarabinero Uni PastaCappuccino Gelato花盆點品上面既dishes見字都覺有特式, 由於同平既西餐有別, 所以特別欣賞。成大片海膽係法包上, 海膽味超濃, 法包新鮮脆邊, 我仲加咗olive oil 同vinegar點下個包, 真係一大享受!  跟住黎個豐富味蕾既Pasta, 是咁的: 個汁有順滑既龍蝦湯味, Pasta面加咗海膽同魚子醬, 再夾個煎香咗而內裏質感似牡丹蝦既大蝦, 堅係優質!點品好可愛, 個花盆仔原來食得既......葉係MINT做, 泥係香濃既芝麻, 花盆係朱古力, 一口size好味又方便!  至於個Cappuccino Gelato, 泡泡打到咖啡咁香, 加添咗獨特既口感!

餐廳嘅飲品好靚，首先嚟杯冇酒精菠蘿汁，有yogurt 同薄荷喺入面，甜得來清新。再加杯有酒精咖啡 ， 可加Bailey 同volka ,。咖啡酒造型可愛，有熊仔型嘅咖啡冰，酒味同咖啡味同樣突出，唔會互搶。餐包亦值得一讚，外脆内軟，海綿般容易吸收黑醋白醋。法國生蠔每隻都肥嘟嘟，鮮甜美味。鵪鶉腿非常入味，大大件蕃茄加香草亦都可以平衡一下肉類嘅菜色。黑毛豬扒啖啖肉，份量十足，烤得入味，已經不需要額外醬汁。然後到我最中意嘅海膽黑松露意粉，黑松露味瞬間成為全枱主角，海膽新鮮入口即溶，意粉完全吸收忌廉白汁，再加上蒜片吊味，非常高質。甜品嘅雪糕再加士多啤梨乾絕對係一個完美句號。

是晚慶祝結婚半週年，和友人到這間網上大受好評的西餐廳紀念慶祝。頭盤點了四隻生蠔淺嚐一下，生蠔鮮甜新鮮，味道不錯。另外點了這個芝士火腿沙律。他的芝士很特別，火腿和沙律先上桌，然後侍應拿著一大塊芝士即場在客人面前把芝士溶掉，然後灑在上面。吃落去滿滿的芝士香味，配搭沙律菜，實在味道一流。火腿的份量似乎有些多，所以吃下感覺比較鹹。海膽扁意粉，海膽的份量十分大份，扁意粉煮得剛剛好熟，配上忌廉和海膽混合在一起吃，十分滋味。不過由於吃了一個充滿芝士的沙律後，覺得忌廉意粉似乎比較膩。點了一個清淡一點的鮮魚配上魚子。不要看這小小的一塊煎魚，價錢不菲呢。魚可以連皮吃，十分香口。魚肉鮮甜，沒有特別的調味，就只是點著鹽吃，畢竟這樣才能吃出魚的鮮味。魚子放在薄薄的薯片上，一口一塊鹹香味十足。最後甜品是檸檬意大利雪糕。檸檬的清甜味十分解膩，伴碟還有一塊不知什麼的糕點。這間餐廳的飲品挺有特色，我們點了一個凍咖啡雞尾酒，上面有一隻可愛的咖啡做的小熊，伴有牛奶灑在上面就像熊在浸牛奶浴呢。另外還點了一個菠蘿特飲，沒有酒精的，味道也清甜不錯。

朋友介紹搵咗間坐得好舒服，地方幽靜嘅餐廳可以傾好耐計嘅餐廳由夜晚七點食到九點半真係好享受可以慢慢食、慢慢飲、慢慢傾偈😊叫咗二人餐，有六道菜😆二人餐包原支香檳🍸🍸🍸一坐低已經開香檳心情勁靚😆餐牌都有其他嘢食飲品賣相都好靚極cute 😆前菜輕煎半熟北海道帶子配菠菜蓉擺盤非常靚😆帶子大隻好鮮甜個人口味如果煎得香啲更加正👍🏻菠菜蓉有驚喜，甜甜的豐富左帶子嘅味道😌湯牛肝菌湯濃郁嘅味道，但唔鹹，ok ! 主菜西班牙紅蝦及海膽意粉配魚子醬一上碟已經聞到紅蝦嘅煎香味估唔到咁大隻😆肉質爽口，感覺似龍蝦味道海膽勁多😆魚子醬亦鮮甜意粉量可以少些因為真係食到好飽☺️甜品Opera 蛋糕配雲呢拿雪糕雲呢拿雪糕外層再加凍，不會溶化作為最後一道菜感覺refresh好多！😆減少了飽滯嘅感覺今晚真係好滿足🍸✨

事先網上book 好位 （尤其而家10點要走；book定位係正確做法）坐廁所位附近，對住個出菜位；都算了 。。。可能真係無其他位呢看看menu, 第一次黎；叫個set dinner for 2 la 其實個menu d嘢食幾吸引；包括有生蠔（4隻）: 其實都好新鮮，雖然蠔味唔算濃；但我覺得大部分人都覺得可以接受嘅煙熏意大利沙甸魚及香醋魚籽：唔知係咪放耐咗；所以到食嘅時候個皮已經林左；但配上番茄，其實都酸酸甜甜幾開胃輕煎半熟北海道帶子配菠菜蓉：呢個就真係nothing to speak off; 無特別之處；可能因為半熟啦；真係room temperature 咁上囉牛肝菌湯：呢個唔錯，夠熱得黎仲要濃味澳洲M5和牛牛柳及法國鵝肝：朋友prefer medium, 咁就medium la ; 個鵝肝夠油潤，配埋個牛，味道真係喺口腔裡爆發~ （哈哈 有d誇張）但牛味就相對弱d西班牙紅蝦及海膽意粉配魚子醬： 呢個我同朋友都覺得煮得好好；因為個意粉唔會太林，蝦就剛好，唔係太熟；成個意粉醬都好夾~唔理3 7 21；減starch ? 聽日先算啦Dessert of the day : opera

行到金巴利道街尾原來有間西餐，餐廳昏暗，幾有情調，好啱情侶黎慶祝。Sea urchin & toro海膽好大塊，拖羅蓉好creamy，魚子鹹鹹地好fresh，一大啖咁食好滿足。White wine blue mussels眼見以為好大隻啲肉質一定好老，但竟然好嫩滑，白酒汁好香。Sea urchin black truffle spaghetti 好creamy既意粉，黑松露好香，海膽令到成個意粉更creamy。Fried tilefish with caviar好少食tilefish，肉質實淨。魚子醬好香好好食。Cappuccino gelato甜品好靚，除咗Gelato，碟上其他野都用朱古力整，擺得又食得！

📍尖沙咀隱閉西餐廳‼️· 精緻二人晚餐🥂😋·=======================尖沙咀金巴利道盡頭位置有一間好有格調、私隱度高嘅西餐廳😍餐廳裝修有格調，環境舒適～除咗單點食物之外，仲有二人晚餐set㗎🤤------------------------------Set Dinner Menu for 2 ($1000)𝓦𝓮𝓵𝓬𝓸𝓶𝓲𝓷𝓰 𝓓𝓻𝓲𝓷𝓴一坐低店員就奉上welcoming drink~係用咗菠蘿汁、雪碧同白酒調製，飲落甜甜哋，酒味唔會太勁，頗易入口，小編唔係好飲到酒都接受到😛=======================𝓢𝓽𝓪𝓻𝓽𝓮𝓻⭐️新鮮生蠔 (7.8/10)生蠔大隻又新鮮，肥美鮮甜！😍•⭐️煙燻意大利沙甸魚及香醋魚子 (7.6/10)沙甸魚混合番茄粒同香醋魚子，酸酸甜甜好開胃😋配上底層嘅薄脆口感特別！😍•⭐️輕煎半熟北海道帶子配菠菜蓉 (8/10)擺碟精緻，帶子鮮甜加埋魚子好有鹹香，但略為熟咗少少～菠菜蓉blend得好smooth，味道天然清新😋=======================𝓢𝓸𝓾𝓹 & 𝓑𝓻𝓮𝓪𝓭⭐️餐包 (7.5/10)麵包烘至外脆內軟，就咁食又得，

之前在旺角食過呢間, 見啲食物幾好味, 今晚又再同好姊妹嚟尖沙咀食餐廳環境舒適, 每台都有蠟燭, 微微既燭光更增添氣氛好適合情侶或朋友聚會點餐後先送上麵包,麵包食落軟綿, 外層又鬆脆,配上黑醋和橄欖油好醒胃點完菜跟住再點咗兩杯飲品🍹 Hopeful $108 呢杯以乳酸、薄荷葉、菠蘿和雪碧製成, 菠蘿乳酸入口濃甜,非常解渴Present $118 呢杯以咖啡、甜酒、杏仁糖水和Vodka 製成, 賣相超可愛特別係隻熊仔, 係冰咖啡嚟, 咖啡好香濃, 加上甜酒嘅醇厚, 味道回甘黑木煙燻法國鵪鶉髀 $168鵪啲肉質有啲似鴿肉, 食落啖啖肉, 而且味道沒有鴿肉咁騷, 鵪鶉經過煙燻後味道香濃白酒煮澳洲藍青口 $228白酒味道清甜香醇, 青口食落鮮甜, 每隻都好大隻肥美, 份量又頗多, 帶有少許洋蔥味, 令味道提升黑松露海膽扁意粉 $288扁意粉上舖滿好多新鮮海膽, 輕輕拿起食, 已經感覺好新鮮, 甘甜味十足, 再加上香濃黑松露, 令整碟意粉配合得好好食鯛魚$468店員向我哋推介呢道菜, 話攞過米芝蓮獎🏆平時鯛魚多用在刺身上, 今次竟用在西餐上, 魚皮連魚鱗炸得香脆, 魚嘅肉質極嫩滑, 加上魚子醬

每日可以食到一餐半餐豐富既，就可以令工作壓力得以釋放☺️今晚同好姊妹落尖咀食Lab Eat，就好似入左食野既實驗室一樣，好好等我地個胃去發洩下😆又可以放鬆下心情😌兩姊妹左揀右揀，因為好多野都好想食，最後終於點好餐，而且侍應好好呀，每道菜都講解得好清楚👍🏻先點兩杯野飲CHILL下☺️但未有頭緒，就由bartender幫我地調配兩杯飲品☺️PRESENT🎁呢杯叫做禮物🎁很岩我心意😍expresso+甜酒+vodka🍸有一隻冰左既小熊坐在杯入面，而呢隻小熊全隻都係咖啡😍仲有一杯仔Bailey 比食客淋落小熊身上，非常之有心思，就好似要將一份禮物送比自己一樣😆HOPEFUL🎊朋友因為唔太好酒，所以點左呢杯希望比佢，bartender拎來果陣，成隻金菠蘿🍍當打開原來係菠蘿汁+乳酸+雪碧+薄荷葉，開胃飲品，佢話開動希望之門刷大餐🤣果木煙燻法國鵪鶉脾:😋以櫸木煙燻，配上獨特的配方而成的煙鵪鶉腿，所以鵪鶉脾d肉好嫩滑食落好有肉汁好juicy ，而且皮脆又唔會覺得好油膩👍🏻白酒煮青口 : 白酒經過受熱揮發左，雖然無左酒味，但係可以除去青口既腥味而且每隻青口都大大隻😌肉質好鮮甜😋黑松露海膽扁意粉:當侍應姐姐遞過

幾年前朋友喺「LAB EAT Restaurant & Bar」同我食過生日飯，今年就到我同佢嚟呢度食🎂。年頭因為疫情，晚市禁堂食，搞到我哋遲咗幾個月先見。我印象中餐廳環境無乜點變，不過餐牌好似就唔同咗。網上訂枱有75折優惠🈹，但只限單點菜式。我哋睇來睇去，最終都係揀咗二人晚市套餐($1,288)，計返好似抵食過散叫，而且入面啲菜式都啱食。未正式上菜前，店員先為我哋送上香檳同餐包。扁身嘅麵包暖暖哋，幾軟熟🥖；而枝Moet & Chandon香檳就係跟餐配埋嘅🍾️，放工小酎一杯實屬開心事。新鮮生蠔，我本身唔特別好食蠔，但個餐包咗就試試啦。🦪呢度嘅生蠔OK啵，對我嚟講最緊要係唔腥，第二就係佢都算幾肥美。我本身諗住食唔到就比朋友，但結果我係食咗兩隻㗎😛。煙燻意大利沙甸魚及香醋魚籽，呢個前菜幾有西班牙風味🇪🇸，又好似莎莎。脆皮入面放有沙甸魚粒、蕃茄粒、洋蔥粒同香醋魚籽，夾埋食個汁又酸酸哋，幾開胃🐟。輕煎半熟北海道帶子配菠菜蓉，我估計餐廳係選用刺身級嘅帶子，輕煎令佢保持喺半熟狀態，味道非常鮮甜🤤。底部鋪上菠菜蓉，好睇又好食🌿。牛肝菌湯，湯品夠熱無得輸🔥，牛肝菌味道超濃郁，口感亦好稠厚，似係用咗大量